أبوذیّات و آهات
تعبنی إلوکت حس گلبی بیادای
أرفعت جور إلیجی مغرض بیادای
إصاله او عندی من جدّی بیادای
إلفتک بإلسبع حسّان إبردیّه
...
إعمال إلصالحه إلتبغی ولحسان
یبن أأدم ختم ذکرک ولحسان
تحاسب دوم وی روحک ولحسان
تمرها کل صباح إو کل مسیّه
...
إلدنّیا إویای ما تصلح بعدها
إشمجرّبهه إو یجی إلشامت بعدها
إلتهت بحزانها روحی بعدها
إو بگه ثوب إلفرح حسره علیّه
...
إلدنّیا إشما غزت صاخن بردهه
إبعزم و إبصبر دلالی بردهه
روح إلما تطخ للذل بردهه
عزیزه إو تسوا نتعاشر سویّه
...
إبو طبع إلنحس مفترس یرده
إبعداله إلکاذب إلنمّام یرده
لما مال إو حلال إلنّاس یرده
إو یظل عبره لبو أطباع إلردیّه
...
إنت إلگلب و إلریّه ولی عن
إو شخصک دایم إگبالی ولی عن
غیرک من یبارینی ولی عن
إمن أگولن آه تنهت عشره الیّه
...
إعیونی إعلی إلاودّه عمن وجرن
إو سچاچین إلدهر بحشای وجرن
إبتوالی إللیل أون بسکوت وجرن
علی إلطیّب إو بیه غیره أو حمیّه
...
إلمحب مختاض مدری إشلون یرضه
إبهجر وإبنار بالدلال یرضه
یروح إو یرد گلبی إبعتب یرضه
وألف دکتور ما گدروا علیّه
...
حی أللّه إبحرب قادم علی هاد
إلیطفّی إلنار جیدومه هلی هاد
إشمالک یا وکت مجرم علی هاد
إبّناک إوحید و إتعربد علیّه
...
عجزت إمن المنایط وأعت یربای
إلألم تابعنی عین إبعین یربای
إنشلع ناب إلتگلگل علی یربای
لبو نیبان یصعب شتله إلیّه
...
إلدهر مدمن علی بالقدر شلعه
أحس یوم إعلی یوم أنحدر شلعه
إنشلع ناب التکلّف علی شلعه
إنهطر و إلثای یتگلگل علیّه
...
جیل إبجیل جاد إلمجد منجل
یجلّونه إبحیاه و إبموت منجل
إبحصاد إلخایبین أصبحت منجل
أکر بیهم إبنظمی إبکل نویّه
...
إلیستعجل یخل بإلعمل بالفور
إلمخلبص غزله ما ینفرد بالفور
إلعنده إعناد ما یسترد بالفور
إشما تضغط علیه لاذ ابزویّه
...
کلام إلبیه أثر بإلگلب طبعه
و إخره او زیل منّه الخصف طبعه
یبارونه إلخلگ من نشر طبعه
خصوصاً لو شرس صاحب ثنیّه
...
إلدنّیا إدروس تعطی الکشف ضرّه
الیضرّک طوفه خله إبألم ضرّه
إلیضر إلنّاس یلبس ثوب ضرّه
إلرب یبلیه بالاف إلأذیّه
...
الیخضّر بیه ثمر بإلأرض ذرّه
یضوگ إلخیر حتّی العمل ذرّه
إبشماله إلبیه دغش بإلهمم ذرّه
إلیصفالک إخو بإلموزمیّه
...
إلحمد للّه العمر مزدهر مندم
لفتنی اجروح سالت عسر مندم
إبفعل إلخیر إذا ضر حصل مندم
أتحصّر للیضر و إلبیه أذیّه
...
إنبنا بیتک إو ناسک شفت من فیک
یگلبی إنت ألسبب ما خفت من فیک
أحلفک غیر ربّک هلک من فیک
أحس لوعة حبیب إترن علیّه
...
إهموم إهوای دلالی کمانک
وعرفک حید طل صبرک کمانک
إبتوالی إللیل أحس یندگ کمانک
إو یفلش إلصخر نوحه إبکل نویّه
...
یگلبی لا تلوم إلّبد شملک
إلیضدّک خسر شافک حید شملک
أنا غیر إلصبر و إلفکر شملک
أعبّی إطنون و ألهمهن سویّه
...
یگلبی إلستر زاده إلنثر ملچاک
إخلاف إعضاک گلّی وین ملچاک
إلیضدّک لحظه متحمّلک ملچاک
إندعی أللّه إحفادک إتبض بإلوطیّه
...
إلدرب معسر علی مظلم شفت به
إو ترانی أحلام بیه مغرم شفت به
إلغزل متخربص إبفتله شفت به
إمن أجرّه ینگطع وإیعم علیّه
...
إلهم و إلعسر بیّه إسنین یرعن
عفیه إعضای وکت إلضیج یرعن
إشترید إیصیر کل شی إلصار یرعن
إتحمّل قهر و إهموم و أذیّه
...
إلدنّیا جنّه للماعان ملهه
و إبو أعمال إلطریّه إبساع ملهه
طلب ما عدهه للحزنان ملهه
إحزنت ویاها بالام إلخفیّه
...
إبتسمت روحی إلک وأنشدت خیی
أفکّر بألکلافه إتکون خیی
تحلّفنی و أحسبک عاد خیی
إبّناک إمعسّل إتمصمص بدیّه
...
عجید إتسمّی نفسک علی بلسم
إو کاسک مملی یمّی إلدنی بلسم
إذا صادق تحبنی إجروح بلسم
ممر لسهامک إنهارت علیّه
...
سره بالقافله إلسایج جملهه
إو شبه نور إلشمس وإیشع جملهه
إلعطش تسگیه هوا إتشربه جملهه
إبنظر مشفاها إیضوگ إلهنیّه
...
إبحبر دمِّی أکتبت لک عتب وکتاب
گلبی إلّی یخونک ذاب وکتاب
عندی إویاک حسرة شاب وکتاب
خذونی العارف إو ما حلهه إلیّه
...
إلیغث بإلحب إترکه إلیذم ونّاس
چنت تزهی إبلیالی إلسهر ونّاس
علیک اتخبّلت من هجت ونّاس
إعلی گصبه أرکبت تتکنّه علیّه
...
أخیط إفتوگ و إنت إلسبب ولفن
إلیعربد تظن صاحب طور ولفن
شفت عیلات منّک إجن ولفن
مثل دلّه إعلی نار إتفور بیّه
...
جاسم ثعلبی الحسّانی 01/07/1400
:: برچسب‌ها:
أبوذیّات و آهات ,
:: بازدید از این مطلب : 1113
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
