سفیر الحب

سکنت ابدار طیبه ابدیره الخوان

او کملت ثمرتی بل تسعه جرونی

گبل لا صیر طیر او منوتی الغزلان

ابحجرها نایم ابکاروک حطونی

سهرت کل لیالیهه تعب بلوان

سبع اسنین بل مدرسه دزونی

عفیه اعلیک یا یابه شتلت ایشان

ورده حبک الخضرت ضرعانی

بعد شحچی علی الی دارس القران

لا قاری درس خاتمه عنوانی

بعد شحچی شکر و اتشکر ابدیوان

تابعنی ابشهامه اول او ثانی

بعد ما کملت السبحه شمرنی ابعید

بل سابع درست اوکل شهر جانی

کمل هل مسیره او زاد مهما اتگول

علی روج البحر بطران مشانی

سارت هل سفینه بل بحار اهوای

اشما ملیت ابوی ابصبره جرانی

دخلت احدود ثایات الزمان ابساع

هل ناطور چم اوصیه وصانی

ابصبره و ابکلامه المایعرفه استاد

علی درب الحکم مرات دلانی

اذکر یوم شالانی اعلی چتفه او گال

یبنی لا تضل تحصد ابگوسانی

العگل یخلق انسان ایطیر بل افلاک

الدرس کل شمس سیر بیه التتانی

تعال او شوف یبنی التارک التعلیم

یسرح بل غنم فلاح موغانی

خذیت اعلوم منه ما خذت من غیر

ابوی استاد واعلی الفخر دلانی

اذکر کلمه هامه منه عندما اذهب الی المدرسه فی الخفاجیه

قال اذا قلت نقودی سااقص جلدی و لحمی وابیعه حتی

و ادبر مخارجک الدراسیه.

ممنون علی هذا الحنان و الانسانیه منک یا ابی.

17/10/1390 طهران

حط عینک علی  حبی ترانی جای من ابعید

کض ایدی ا وساورنی الزمن دهورنی یوم العید

وحید اصبحت بل حومه

حبیبی انسلبن اهدومه

عجید ابسادته او گومه

اخذنی اویاک وین اترید

ارید اویاک اخذنی یا بعد روحی

مضل بل دار وحدی او تلچم اجروحی

تعال او شوف دمعی من کثر نوحی

نزف دمه الگلب تچیلی یا صندید

نزف دمه الگلب ما تدری شنهی الصار

ربیتک حبیبی ابگلبی شبت نار

تالیتک تعوف او تنکر الاذکار

 دخلنی ابجنتک  غیرها ما ارید

اخذنی اویاک ورده او بل صدر ذبنی

اذا ملیت منی  لا تعاتبنی

وحگ عیناک مسلوب الفکر منی

اسیر اویاک  مفروک الگلب یسعید

بعد ما ارید اضل بل دار

الوحشه دوختنی او تاهت الافکار

ما تدری اشکثر ابحث و اضم  اسرار

انتبهی یا عز یزه  والعذر میفید.

من اشعار جاسم امحمد الجبیره الحسانی السلیماوی الساری

17/10/1390

کشفنی ابنظر عینه او مر علیه

حلو طوله ولاکن مر علیه

ابطن بیتی دخل وامر علیه

کصرت ایده او شرد لهله اباذیه

ارد اذکرک

ارد اذکرک یا من اهدیت المحبه

ارد اذرک یا من ابدیت ابمچبه

ارد اذکرک یوم سرت ابهل طریقه

ما چنت تدری العاشگ

یشتل اورود الصدیقه

ارد اذکرک یوم گتلک  کف بعد لتعود بیه

ارد اذکرک من زرتنی عفتک او ضگت المنیه

روح دربک عسم یا اخی

صحبتک کلهه اذیه

لاکن امجرب یجرب

کلمن اگلیبی یکرهه

الف طرده ایعود بیه

ما ژزت من درب حبک

جیت متحمل علیه

احساب عطشان او تلاهث

اتخایر اگلیبی ابشچیه

لو اموت ابجال حبک

لو تدخلنی المنیه

اشما اکلمک هیه هیه

ما تطیع اشما اعلمک

تشتل اورود الزهیه

انکصر گلبی من عذابک

جیت و اتحملت همک

گلت میخالف یولفی

انه اریدن حفظ دمک

صرت طراده اببحرک

اتحملت ما گلت ازمک

ثلث میه او فوگ شده

شددت ضرعانی امک

گلت میخالف اتحمل

العشره لو تعدل اویاها

لو تخالفهه تطمک

او بقینه اسنین نتهاوش ابروج الجای

اببحرک غرگینه او ما بلعنا المای

الف وجعه لفتنه او ما بدلنه الرای

او بل گوه ما ظن تقبل المطلوبه

ثلث اسنین سهرت الگلب ویاک

رایح جای تالیته هفت ممشاک

امن بعد ما اذکر رسم طرواک

نسیتک لل ابد یا گلبی اتهنه

اتهنه یا گلب یوم الگلت ما ارید

او علی اهومی ابد کل هم انه ما ازید

الیسامح حلو کل دوم اظن میفید

اطرده خل زمانه انوب یتچنه

طردته فرد طرده او ضل یدیر العین

الما عنده بخت ما یوفی کل الدین

گطعت ادروبه  کلهه من بعد سنتین

بس وردت حیاتی اویاه متعوبه

بس وردت حیاتی اویاه تعبانه

لیل انهار ما نامت او سهرانه

تفکر لیش ابونه راح ما جانه

ما تدری الگلب من امهه امکصر

خل تدری حفرنه ابربک المیسور

شتلینه صبر بدروبک المنفور

خضر ورد احمر ثمرت المعمور

لاکن مر کلیته او گلت اتوبه

گلت اتوبه او بعد ما اعود بیک

انته استاد او عزیز لازم اوفیک

کض اذانه او گال ما اجیبن طریک

لاکن المنعول شد احروبه

حاربیته بل لسان او بل عمل

نوبه اغطه نوبه ایغطنی ابزعل

راح شارد لاکن امهلته ابامل

انروح لل حاکم او یقضی اعلومه

رحنه لل حاکم حضرنه هل سنه

مدت السان الطویل امگلسنه

ادری بیهه بنت الگرع طلسمه

اشما تگول احچی واسد السانهه

اخر احچایه حچیت اویه المره

هل وکیله اشلون حلوه امگمره

گالت انه اویاک شوف امحمره

خذت عنوانی او سکنت ابجالهه

خذت عنوانی او گالت یا حبیب

ذیچ راحت انه اویاک ابنصیب

انت ورده او بسمتک کلهه عجیب

لفت طرگاعه علی بحزانهه

ما اعول افتک و اسلک طریق

اجتنی های اتگلی اریدک یا رفیق

انمزگ قلبی ابحر حبهه انه غریق

اشلون افرن و اطلع من احتامهه

امحتمه اعلیه او تطلب سلوتی

اترید عنوان او رقم من دیرتی

گلت ربی امنین افر ابغربتی

گلت چش خانم اجر دارد ثواب

گلت چش گامت خبر دار ابفرح

او گلب مرتی طار او بل عالم سرح

زرزرت و اتگول هذا هم شرح

گلت اسئلی های هی ادروبهه

سئلت امعزایه ای خانم چه شد

این عزیزم این طلاقم تو چه شد

تو وکیلی یا که شیدایی چه شد

گالت الهه اسکتی هذا انه ارید

اتحاربن بل صاله بل هذا او هذا

هایه اتگلهه حبیبی انه رضا

ذیچ تطرد من رجلها المرتضی

التمت الوادم صرت فیلم او نشید

بویه اسکتی خانمی بسچ بعد

هایه استاده وکیله لل ابد

خل تخلص شغلتی حرفی نزد

اتگول باشه لاکن احذالی محال

ما تعوف اشما ازیدن بل شرد

گمت ارجف وفر طهران او برد

بل شوارع ارکض او طاردهه طرد

توه کمّل هل علم واذنوبه

احمد الله من رجعت الدیرتی

روح واسئل من هو انه ابغیرتی

اموت لل یسوا و اقدم دنیتی

خاطر اتصم الحلگ من قالها

اشکثر عدهه قیل هل ناس ابکثیر

ابن زارع هل نخل یغتب امیر

اشما انعلمه ما یسیر ابهل مسیر

ایروح وایصطر ذهب طلیانهه

هوه بع بع وینه او وین الکرم

امی کاشخ عالگ ابجیبه القلم

اتگله اکتب روح زید ابهل فهم

امکشخل ابوجهی و صم اچفوفه

گلت یا هی مالتی و انه وحید

لو ضربنی ابغمه و الدمی یزید

منهو یطلع لی او یحمی هل فرید

لو یفردش حثتی ابهل حومه

یا جماعه جاسم امحمد یگول

ایرید طلبه من صدیقه اهوه ینول

باشر الاداب و الحب کل ذلول

والیغیض الغیر یطرد گومه

من کلمات الشاعر جاسم امحمد الجبیره الحسانی الساری

04/10/1390  طهران

ترمینی گلی لیش ابنضرت اعیونک

ما تستحی امنل ناس لو یشوفونک

ابوا مهیدی یحچی اهوای یا الیسمعه

بس الیعرفه زین لاز م یبلعه

کل عمری شت اببید واسکنت الاهوار

ما ضل صبر بل روح و احترگت الدار

ذبنی زمانی اسنین و ابّطن الاظلم

کرهانی حبی او گال انته المطلم

ماظن خطیت ابیوم من چردسونی

بس بل حسد مظلوم راحن اعیونی

بسک بعد یفلان کف من اذیتی

خلینی مده ارتاح کف من ثنیتی

ما اکره اهل الخیر او لا اطرد الزین

ما اخون انه الویای باقی انه بل عین

زندانی صار اویاک من فارگیتک

کثرت علیه اعدای من صادقیتک

سجن انسجن سجان ابلیه ذنب لیش

اطلعوه الیه ابساع او گلّی الثمن بیش

شوف المذله اهناک او شفت الکرامه

بل سجن لو حطوک تلگه الندامه

خالی الزمان ایدور خللک گرایب

لو فک سنونه اعلیک عضک یسایب

مدری الهوا قدار مدری حبیبی

امن ابیاهو الچان یاخذ نصیبی

دردشت لیل انهار کله اعلی مودک

نایم وافکر بیک سیلت اخدودک

شایل حمایل جوز او شایل تراچی

تتمایل ابممشاک یل چنت باچی

حطمت گلبی اعلیک ما تسوا العتاب

لا انته سمچه ابمای ولا انته مرزاب

صون الکلام او روح ما ارید اشوفک

هدمت قصری ابلیل چلمت اعوفک

اطرد احباب اهوای لایعرفونک

لو سمعوا ابطاریک ابسرعه یجونک

ابو اعلیوی کف اللوم گرب علینه

ابو امهیدی هل ناداک سیر واجینه

عوده ابالف عواد جار الله ابیه

یسوا عشیره او ناس یسعد باخیه

بسک یبن خلاف من السفر جوز

عبالک الدهروب کله شکل ابلوز

جاسم امحمد گال اسمع کلامه

غیر الله و القران الباقی ندامه

عزب او عزب زین و انسه المذمه

ما تسوا کل اکلات  مابیهه یمه

عزب او عزب زین تلگه المعاده

ما تسوا کل اکلات ما بیهه ساده

من الشاعر جاسم امحمد الجبیره الحسانی الساری

26/09/1390

تمنیت اگعد ابدارک

و اشمن ورد گنطارک

لمن تشتل اورودالحب

عزیزی ابنبت نظارک

اجی الدارک

واسهّل محنتی ابنارک

علیک اسهر لیالی اهوای

بس فکری ابگعداتک

یمن خلیت گلبی احتار

ما اتحمل افراگک

لیالی اهوای عدینه

او علی چم دیره مرینه

او رکبنه بل محبه او فوگ حطینه

علی وصلک تمنینه

او ذهبنه الجنة المحبوب

فوگ الراس گعدینه

ساوینه او  تماسینه

ابحبکم والله سهرینه

ملینه او سکتینه

علیکم ضیم حملینه

للشاعر جاسم امحمد الجبیره الحسانی الساری

24/09/1390

دارمیات الحروف والمنتدیات

آ)اذهب و اخذ لک شان ابدرب العداله

خلک    خلگ   ترتاح    کلمن   مجاله

ب)بارک ابدرب الخیر واشتل اورودک

یکمل لک البستان عوده اعلی عودک

پ)پاشا حکم چم عام او رصرص صفوفه

دار الگمر عل  گاع    بل   ضم  یدوفه

ت) تایه ابدرب الخیر او حاضر جوابه

واگف عمد بل  دار   او ینکث   ترابه

ث)ثایه الک بل باب طبیتک النه

ما اندل اهلک وین بس انته دلنه

ج) جالس ابطن العین او تامر علیهه

ما ترمد امن الدوس   اسمع   بچیهه

چ)چا وینه حچیک ذاک وازماطک النه

لمن حضرنه احذاک  سمک    کتلنه

ح)حایر وادیر العین وانظر للاحباب

هزنی  الهوامرات  صدقانی   اجناب

خ)خطه ارد اخط اعلیک و انظر مجالک

محد   یدگ   الباب   لو فرج     حالک

د) دارک بگت بل عین وانظر علیهه

خافن یجی ابن الناس یسمع بچیهه

ذ)ذایب دلیلی اعلیک من کثر الوعود

خافن توج  بیه نا      لو مانی    موجود

ر)ریتک حبیبی ابخیر بل دنیا عایش

تدعیلک الاشجار او  حتی الهوایش

ز)زرت المزار اسنین او شدیت حبلی

حتی   تحبنی   زین   یا  بعد  اهلی

ژ)ژرژر هوای البین او حطانی یمه

باس ایدی چم مرات حسباله  امه

س) سرت ابدرب مخطور ربی انته حافظ

احفظنی من کل   عین  او   من   المحافظ

ش)شایل علیه غیض چا شنهی ذنبی

اسئل علی     جسام  منصح     ابحبی

ص) صابر علی الی صار للحگ جریبین

لو ما یحلهه     البین    نسکن   غریبین

ض) ضیم الحملته اعلیک محد یشیله

جر الگلب   و انحاز   من  ثگل  عیله

ط) طب الگلب واتشوف کلفه الطلابه

خاطر تحن و اتعوف  کلمن   خرابه

ظ) ظرنی کلامک حیل او شگگ احلامی

بل   للیل   افز   مرات   واذکر    کلامی

ع) عینک صفر یهوای ما تستحی اشلون

کل شی ردت ودیت حتی  امن  الضنون

غ) غایب ثلث مرات مریت اشوفک

لا تظن انسه الصار حتی ارد اعوفک

ف) فایت صدرکم حیل لاکن ردتکم

عدینه کل لوعات بس من شفتکم

فاتک حچی یا زین کمل کلامک

لا تهمل الفاتاک  ارمی اسهامک

ق)قالب دصب الروح او حلی شکلهه

انظر   علی  هل نور  ما  ظن    املهه

ک)کامل درستک زین عینک علیه

خاف الزمان ایخون   ایذبنی   ابلیه

گ)گتلک اون مرات بس اعلی مودک

کاتلنی شعر   الراس او  تلت   وجودک

ل) لیلی سهرته اعلیک او ورمن اعیونی

من الصبح   گعدیت   ذابن     اجفونی

م) ملینه من الغیض و امن الشماته

بسک بعد  یهوای  کلمن   او  ذاته

ن) ناری بگت بل روح تشعل فرد نوب

ما ادری وین انشیل و   انوی   یا صوب

و) واوی صطه امن الباب وادخل حجرتی

ابسکته اندحس بل عین   یاخذ   نظرتی

ه) هاون وادگ اعلیک حتی تفارگ

انسحب من المای یل  منته   غارگ

ی)یا ریت احط اببید وحدی استچنهه

و احسن ابهای الناس بس من لسنهه

یا ریت احط ابکوخ و اسکن لیالی

و اترک هوا المحبوب منک یغالی

اعتذر من الخطاء

اخیکم الشاعر جاسم امحمد الجبیره الحسانی الساری

23/09/1390

الولف مرزاب یمطر من سمانه

بگه دایخ ابدربه من سمانه

فتح گلبی علی حبه من سمانه

بگیت اویاه واگف بل ثنیه

ا لزمن ویای قصر ما فهمنی

سطرنی ابغیض لوعه ما فهمنی

اگله اسلک طریقک ما فهمنی

بگه یفتر ویحثر طوط حیه

شلت اسنین من دارک ولا  جیت

او عینی ابفرگ دلالک ولا جیت

حبیبی اشعیر بایعنی و لا جیت

تمرمرنی ابعذابک مو خطیه

حرت لا وین انوی یا خلگنه

ربی انته او ملاذی یا خلگنه

فرحکم کصر دوره یا خلگنه

اظن اثنیننه طرحه المنیه

اشکثر احمل عذاب او ضیم یا ناس

گلبی انلچم و ابملگاک یاناس

وحگ سید نبی المختار یا ناس

افکر بیک کل صبح او مسیه

تولع جرح گلبی اوزاد همه

او صرت ما بین کل الخلگ همه

اجرحوا گلبی ابندمهم علی همه

او خلونی نحیل اصفگ بدیه

الف مشعل حرگ گلبی  او دوابی

ابحبه مرض اعیونی او دوابی

یگلی شیل زرعک عن دوابی

شلت زرعی او ما کف هل بلیه

هزیز او نار احس گلبی دوابی

زرعت الصبر حسبالی دوا بی

شتمنی شیل زرعک عن دوابی

شلت زرعی و اهوه ایعیل بیه

سده او من ضجیج المای طارت

لمع عیناک وسط الگلب طارت

هم تدری علیش الروح طارت

نظرتک زعلت روحی البریه

مرمرنی دلیلک الف مره

ضگت حلوه گبل لا ضوگ مره

مر مره علینه فرد مره

او خل اورودنه تزهر سویه

حملت اهموم دهری من لفانی

او کصر جنحان طیری من لفانی

اکلنی ابریشی لگمه من لفانی

او بس روحی بگت حی بل دنیه

للشاعر جاسم امحمد الجبیره الحسانی الساری

21/09/1390

الحب نکهه الجمیله البل سلام

و بل الام و المحنه یذکرها الکلام

الحب هو شمعه و الیذکره نشف دمعه

هوه قطر روج بل بر لل یجرعه

الحب هو کل ورده المزهره

والمکدره

الحب هوه زاهد یزهد الاداب و امضیع السهره

الحب ما کمل لما الحبیب ایجیب گدره

الحب هوه یوسف من سقط اببیر المغبره

الحب هوه من یزرع دموعه ابطن صحرا

الحب هو مفتاح السعاده لو تنطره

هو عالم لل عباده

والطیر الیطیر ابطن قصره

الحب هو من صلی و صام ابطن گبره

الحب هو من علگ کلامه فوگ صدره

هو من کثرت الحصره انفجر صدره

هو من کثرت العبره انمحه ذکره

الحب هو الماینام الیل سهره

الحب هو سجود ابطن ضخره

العشگ هو سکاره امسودنین ابغیر دیره

الحب هو دم حمر من فرد نظره

العشگ من اشعل النار ابطن گلبه

الحب للی تکلم مع ربه

العشگ باغه ابطن بستان

الشگ لل یذکر الوگفات و البهتان

العشگ نار او شعل کل من شرد خسران

العشگ یعشگ صدیقه ابموقف المیدان

العشگ یذهب الی الشجعان

و یکرس خواطر راحت الشبان

العشگ مفتاح لل حیران

او مفتاح العشگ با صدگ یا انسان

اخیکم جاسم امحمد الجبیره الحسانی الساری

02/09/1390

حبک یبعد الروح ینبت بلگلوب

لو گطعونی اوصال منک فلا اتوب

داوی الگلب بیه نار لجلک حبیبی

افرض ولو شگ بیه  انته طبیبی

مشتاق اشوف اهوای راید سلامه

کل دربه موگف بیه واگف علامه

ما تنوصف بلوای لو ودعتنی

امشی وراک ازحوف محد یردنی

اگعد ابطن اچلای و اشرب حبیبی

هیچ الگلب مرتاح منک نصیبی

شال الحبیب الیوم و دگ دگه بل باب

چویته بل منگاش گلبی فلا تاب

یا ساعه یا غیاب یلتم شملکم

عفتونی وحدی لیش مو انه ابنکم

وحدی اون بل دار و ابچی ابونینی

حطمت گلبی اعلیه لو ما یجینی

مرتاحه روحی اویاک واتهوس ابخیر

لو تارکتنی ابلیل اوگف ولا اسیر

یا ما سئلنه اعلیک یا ما بچینه

من البچی یهوای اتحطمینه

تندبنی واهلک لیش ما یریدونی

لا تنتقد یهوای ما یحبونی

محتار ادگ الباب واسئل علیکم

خاف الزمان ایخون مجروح ا جیکم

تایه ابحبک دوم انشد  علیه

ابگلبی سهم منبوت واصفگ  بدیه

دارک یبعد اچلای تضوی دلیلی

لو ما اشوفک یوم ینهدم حیلی

یا خیرت الاحباب یا نور العیون

ابچبدی انرسم طاریک یا سور الضعون

ابگلبی حسبت احساب اوصل دیارک

لو شیبانی الضیم اخدم مزارک

مختاظه منی لیش سلمی علیه

ادرکی ضمیری اهوای حبچ بلیه

حبیته و هوه اصغیر و انکر ربانه

ابکاروکه اهزن بیه راح او نسانه

محترگه روحک لیش اسمع کلامی

من بُعد ترمی اسهام و انه المحامی

لابس لباس اجدید نور الشمس بیه

لیل و نهار اویای لا مانی ناسیه

اخیک اذکره اهوای و اسمع کلامه

لو فارگیته اتشوف بس الندامه

رتب اولادک زین او لا تخل بیهم

لو شاوروک ابخیر اسمع حچیهم

شاطی او نزف بیه مای گلبک علینه

تتهمنه بل کذبات و احنه ابترینه

ابحضنی ربیت اسنین او تزعل علیه

ما حصلت محصول بس الاذیه

دارک مظلمه لیش دوی شموعک

لا تعثر و تنداس ابکصرت اضلوعک

وین التزامط بیه شال او نساکم

غیر الاذیه اهناک راح او بلاکم

لا تظلم العشاگ تاسف علیهم

من بعد چم اسنین طارش تجیهم

لیش الزمان اویای خاین بل اوعود

ما اطلب من الناس لو الله موجود

اشتل اهمومک زین ابگلبی اذیه

خیرک وصل للغیر وانه ابزویه

یا مهجتی یا روح یا نور العیون

شیبت لجلک دوم مو گلت ما خون

لا هودت بجفاک او لا غمضت عین

لا بسمه افترهیت لا عاشرت زین

 اتحملت فرگاک یل مرمرتنی

جاعد و افکر بیک  یل عذبتنی

اشبیدی الدرب مگطوع راید اجیکم

گلبی انغمد بفراگ باید  حچیکم

تایه دلیلی اببید مگرود اسمیه

ذایب من الحسرات مطرود اجر بیه

عینی جمالک نور و جسمک دلیلی

ما نمت نص اللیل هدمت حیلی

مشتاق الک یا زین بس طر علینه

یدوی الگلب بیه نار لو ما تجینه

غیرک فلا حبیت ولا جبت طرواه

شمعک یضوی البیت ابجیتک تلگاه

دمی نشف من غیر هجرک یمحبوب

ظل ابچانه مای یجری ولا اتوب

حیرانه روحی اعلیک او تسئل علیکم

ناسیلی گوم احباب لو ما اجیکم

متریسه اعلی الناس یا شهلا العیون

والنظرته عیناچ سایب او مجنون

تحکم علیه لیش بسک یقاوی

اعدل مع الخوان وابجرحه داوی

طیع الفلاح ابغیر دوره او اذیه

لا تشبش اهل الطیب و اهل البلیه

مشکلتی انه او یاک گوم انته حلهه

تارکنی حدر الگاع طلع زملهه

تایه شبابی اویاک خلیته مندوم

لل شیب اضل ابنوح و اگلیبی ملچوم

محد دره ابدنیای او حملتها و یای

ابیات دارمی جدیده ,
:: بازدید از این مطلب : 2470

علی گبری اکتبوا شفت، چم قصه و الف لوعه

علی صخره السوده اکتب، ابوی انداسن اضلوعه

علی الدنیا ابد ما ناح، ولا حب غیبه مجموعه

ابوک اسمه انکتب بل لوح، خل تفرح الگنبوعه

اکتب فوگ صخره گلبی حط نیشان

اسم  مذکو تاریخ الوفا او عنوان

ابوک الفرح بیته او ما یرید احزان

یبنی خل ضمیرک یفرح اشویه

افرح یا ولد های الکم ابشاره

الشکر موجود ابوکم کتبه ابداره

خل تتشمت اهل الحسد بفکاره

لاکن چن بحر و اشعاره شاطیه

اکتب فوگ صخره گلبی هذا البیت

شنهی الحصلیته  ابدنیتک کدیت

غیر العمل و الخیرات ما خزنیت

هذا البل گبر تحضر صوانیه

الله یِرحمک یا ضیف هذا البیت

اهدیلک الایه و الحمد و الصیت

عزیز او ورد حبک بل گلب شتلیت

ما ینّسا طیبک میه بل میه

استاد او درسیت اطفال و الطلاب

بل جامع تعلم سید المحراب

متستاهل ابو امهیدی تصیر اتراب

شاعر عرب فارس ینطق ابفیه

یمهدی های تربیتی افتخر بیهه

ضم هذا الکلام ابلحگ باجیهه

صیر افراش لل خوه او معانیهه

اریدنک تضل بل حره شمسیه

بعد لتنوح یا احمد او شد حیلک

عینک عند اخیک مهدی ایعینک

لا تختلف امره زینک او شینک

المشوره لل رجل حلوه او مرویه

یا علاو حس دمعک او حاچینی

اسمع هل وصیه او لا تبچینی

اریدک دوم وابدربی تدلینی

اذا عمیت العین ابدیره منسیه

یمحمد یروح الگلب یا فطره

یولیدی العزیز الیسوا النظره

لتعوف الدراسه او دنیتک خطره

تتاسف علی الی فات تالیه

یا موسی اخذ های الوصیه اویاک

علی اختک عسل حط عینک اترجاک

لتعوف الفخر بس تابع البچاک

اتعلم منه حتی ایشد معانیه

ماحب العفرته و الگوه و الطگات

مرید الملحمه و الندوه و الفلگات

نرید انعیش منوه بل  فخر والذات

الیگص شجرته ما یثخن ابفیه

ارید احچایه یولادی اوصیکم

ابطن الگبر لازم کون احاچیکم

لا تنسون ماسونی و اماسیکم

فرد رای انتظر منکم یداوینی

حط عینک یبو صالح او شد البیت

ضد الحرمنه و الحسد ما وصیت

اخوتک ظهر حملک وین ما نویت

حطهم بل گلب و اشتاگله اشویه

خل بل گلب رحمه لا تدوس الخیر

خل عندک محنه لا تسوس اببیر

یبنی انته الرایه لا توس ازغیر

ثگّل گلبک او اعلن مواسیه

الخدامه النه  لازم کون نرعیهه

العمام امجرحه لازم نداویهه

لا تتثگل الینخا اببلاویهه

لتبیع البخت و ابحکمک اتستر

البخت یحمی عمام او خوه لل تالی

البخت شمس او مضیه او نبع دلالی

البخت مفتاح یفتح باب امالی

رجا اترجاک زید اببختک اشویه

بعد عندی وصیه اوصیک بخوانک

لا تلهیک دنیاک انتبه شانک

صیر ازغیرهم و اجلس ابمیدانک

لا تضوی او شمعت بیته مطفیه

اخیکم جاسم امحمد الجبیره الحسانی الساری

24/10/1390

هله    یهلال   عیدنه   و سرنه

ابقدومک کملت الفرحه و سرنه

الیوم   النصر   ایدنه   و   سرنه

احسان احمد یضل حامی الحمیه

هله یهلال من هلیت و اضویت

علی درب المحنه جیت واضویت

افرحنه ابجیتک لل بیت واضویت

الک   ننظر   یبن   طیب  البریه

اجتنی اخبار من احمد یرن نقاله اعلیه

گلت شترید یا محمود بس لا عند ک ابنیه

گال اسمع یبوی النوب چن سابح ابشرجیه

اجیتک استمع لی زین احسان الفخر شعت سوانیه

ابعید اول سنه میلاد سنه الفین واثنی عشر هجریه

هله بولیدنه ایحفظه ربنه او علی داحی الباب یومیه

الهی شکرا ابمیلاد احسان الولد جانه ابظهریه

هله بیک و هله ابهل عام طرگنه او طردنه السنه المنسیه

یمشعل یضوی هذا البیت انته اهلال جدک ضوه لیلیه

اشحلاتک یا بعد هل روح یا جدی ابتسم سنک او جر فیه

تعال احذای یا منوای و اطرد لی الحرامیه

او زیل العار من اسلیم او ساعد جدک اشویه

 من الحان جاسم امحمد الحسانی الساری  13/10/1390

چنه اطفال ابصغرنه

نرکب الگصبه او ندوس

مادرینه اشلون گذرت

لحظه و اهدولی عروس

البیت موهیچی نهر و الطبخ مو کله زفر

والمحب گاعد ینتظر یحچی  او یاکل ما یبوس

اضکر الفاله والهوره واضکر الشط والسباحه

اضکر البردی والگصبه واضکر اشبوله او رماحه

البیت واسع یاسع اجمال او حلال

الدیره کلهه امگمره ابضی او دلال

عسی لا یبچی عذبنه الگصب یوگف والرمال

بل فواتح و العرایس تاکل او تشرب دلال

علی الجیران الحمل لابد تواسی هل اعمال

مادرا بو نایبه من هو الاجا و من هو الذهب

بعد شحچی علی العرایس صار یوم الفرح کلهه

تسبح او تلبس ملابس بل فرح یلتم شملهه

الطبخ والسفره عسلهه الچان حاضر من عربها

اریدن اذکر من خطبها ابلحظه وحده ایشد نسبها

واحد ایباری الثانی مثل هل خوه او گربها

مو مثل های البلیه الاخوا مابیه یطر فیه

اگول واحچی اعلی الثنیه

السبح بل شط مو اذیه

مای بارد صافی جاری معدنی میه بل میه

الشط اخونه الشرب منه یحمل ابلام السریه

انصید کل السمچ منه بل حرور انبوس ضیه

نغسل اهموم العلینه یا مصایب شواطیه

حافی نمشی ابلیل باردنسبح ابلحظه شرجیه

ماکو ذاک افلان زحمه هو اخیک وانته اخیه

لا قبض لل مای اجانه او لا سکر جانه ابمنیه

نمشی لل صوباط نگعد نجتمع کلنه سویه

نفرش السفره اببردی او نشوی سمچ الناصریه

انکضه من المای یلبط ریحته اتعط بل ثنیه

ارید احچی واگول الصید والصیاد

ماکو اسم دشمن لا اکو معتاد

ما معتازله لو راتبک ما فاد

دهن او سمچ واطیور او شلب جیه

خل تتعارک الناس او کلهه مطروده

او خل اتحارب امریکه المنشوده

او خل الضیم السود ینگلب توده

ابقریتنه امن من اول او تالی

نحچی بل زرع و السرح لعب الخیل

کل لیله الشباب اتصیح لعب اسهیل

اعظیم الضاح شایع وین راح الحیل

خطت حجله تنگز طاح تالیه

اذا عندک زرع توگفلک الوادم

العوان الیجی ابمنجله قادم

لحظه اتشوف صف العونه مترادم

طارت هل شکاره ابیت ابو ذیه

صید السمچ رچب البلم و اشباچه

رکب صیادهه او دفرت الملاچه

رایح لل برگ الاف دباچه

ینصب والسمچ متعلگ ابفیه

اجانا الحرب شد احروبه ویانه

او طردنا من دیار الخیر و القانه

علی چفت الچوادر غفل ذبانه

ساعه اننام واتفز الحرامیه

ضلینه ابمذله ناکل البلاب

بل خیمه سهرنه او ترکت الطلاب

شتی خرت علینه و الجرح ماطاب

صار اگناط مطبخنه او قبالیه

وی اننوی یا هل ناس وین انبوس

من الجوع تاهت جنت الفردوس

صنعتنه انضربت طاح شیخ الخوص

ملحه الدار صارت مو شجر بیهه

راح المای راحت دارنه الخضره

راح الحیل راحت زهرت البدره

العمه البرگه المچریه اصبحت سمره

لا یاجد المای او شلوا رملیه

ملینه الدیره شلت احوالی

اعاین لل جنس کله اصبح ابغالی

الراتب طار وانه انهدم دلالی

الزمان ابعید ما اتطلب اجیوبه

شهر یلفی قبض لل مای نص الگوم

قبض الگاز تابع یلچم المالوم

بعده الکعربا تاتی ابالم محتوم

والنقال یسلس دوم باجیه

بس اضغط الرز یخرج عشر تالاف

کل یومین اصومن و اکرف المکراف

من هل ضیم ملیت او ابد ما خاف

لاکن وین تالیت القدر بیه

هدیه الی  اخوانی جعفر و عبود امحمد الجبیره

و هدیه الی اصدقایی عوده جار الله الساعدی و حسین خلاف الساری و حسن فیاض المدلول السیاحی

18/10/1390

قم

ارید اعتب علی الخوان ما جونی

عذب مایی او شربونی او مج جونی

ابطن بحر العشگ مدفون موجونی

ضلیت ابفکر متنشدون بیه

ابو احکیم عزیز او بیته وسط العین

طیب بل محبه او یوفی کل الدین

ما شفناه صارن له سنه او سنتین

عوفو کل عمل اسعو او زورونه

ابو رضا حطاله رسم بل دار

واگف خبر دار او یکرم الخطار

ما یعرف ابجیبه المیه والدینار

او من یغضب یفردش کل زوالیه

ابو مهدی اخیکم لا تعلمونی

امعدل بل حچی بس لا تنسونی

وین اتصیر گعده بس تحضرونی

لشد احبالها واربط الچفیه

اجیت الکم یخوانی او زرت هل بیت

ابجال اولادی و اخوانی اجانی الصیت

من ابعید لل یسوا السهر طریت

لاکن ما رحمنی ابساع ذم بیه

اولادی اسباع ابعینی احطنهم

اعزاز اعلیه ما اگد اعوفنهم

ابطن الحلگ دایم کون ابوسنهم

یحفضهم لی علی حامی الحمیه

ابو صالح کبیر البیت حطیته

علی دار الفخر مرات دلیته

نخله امعدله او بل گلب شتلیته

اذا ما شوفه لحظه ایعن علیه

ابو احسان الحلو نایب کبیر البیت

امعدل بل کلام ابجاله انسریت

یبو اعیون الخضر بل ورده اشسویت

عفیه ابهل نجابه فدوه الک میه

ابو احسین او نعم نعمین جیدومه

شایل بیرقه الخوانه ملزومه

مایعتذر لو اریدن یجی الگومه

عفیه بیه بدر و اینور بل جیه

ابو جاسم امحمد طایع الصدقان

مرشد بل کلام ایطالع القران

استاد و جوشکار او دایر الدکان

اشما انخاه یجی وایسدد الفیه

ابو جاسم الثانی موسی واعلومه

رجل دین او دیانه او عابد ابگومه

من زغره یصلی او ما ترک صومه

عنید اخوانه بل ضیجات اشوفنه

اذا تعرف انه من هو یعدنانی

اسمع جاسم امحمد الحسانی

ترید اشعار گول او طول بلسانی

بل نت دخلت اشعار شعبیه

بل دراسه رتبتی بکلاریوس

عربی دینی درسیته بلا افلوس

امنل حساده بعد کفه یا سبوس

الما یوصّل فکرته اینقدونه

ابشعر الفارسی قدم اهوای اشعار

علی الیمه نظم چم قصه شد او دار

بل حب والمحبه یشفی المحتار

روح او شوف شعر النو و مر بیه

بل تحقیق سیف او یضرب او بتار

کشف قصه الجن بل قلم و الافکار

روی صورات منهم بل کتب مقوار

احمده سید الکتاب شخصیه

قصاید بل عرب کمل نشر بل سوگ

امعزب لل یکرهه روح سوم او ضوگ

حساده او کریهه الحطماه الشوگ

العالم کله ایعرفه ابرجولیه

ابو قاسم شماله نوبه شرجیه

نوبه بل شکاره اتدگ صوانیه

اذا حب کیفه یذهب لل خفاجیه

یگضی شغلته بل سکته والاسرار

بعد عنده طبیعه کون اگولنهه

یحب الکهکهه بل صدق اعلنهه

خذه گاع الزراعه اشلون اسومنهه

یا ربی احضرنی اشلون افهمنه

قاسم ابو بهمن صار شاشه ابزود

امعدل بل صداقه بس لکن مفرود

اگله جوز من طبعک تعال ابزود
یگول اشویه تانی خل اکملنهه

عبود الرویضی شایعه اعلومه

ابو اسعید بطل صندید جیدومه

تابع کل اخوته واهله او گومه

ولاکن بیه طبع یختاض من فیه

امر لحسین ساکت ما یدیر البال

امکرص بل شغل وایجالس الاطفال

ما امن کلامه لو حچه لو گال

یحچی چلمته او یترکهه منسیه

ابو امیر البطل صاحب ثنیه او ناس

واگف یم عمامه امکیف او فلاس

ما یزلف الواجب هذا عنده ساس

لاکن داگ راسه من ثخن فیه

امیر اشریف الینخا ایتعناله

ابشرجیه او یذهب یکمل اعماله

الله یحفض افروخه اتمناله

یضل حامی الخواله امنل حرامیه

علی عفیه علیه بل درس جیدومه

بعد خاله اببیتی او هل تجی اعلومه

اذا انخاه یتقدم الملزومه

مثل الاسد واگف یم سوانیه

شحچی عل قدرنه او شتت الخوان

عبد الله احمود الچان بل میدان

قاولنی اخیی بیده حط نیشان

لاکن من بعد مده نکر بیه

20/10/1390  بروجرد.

تعنینه لبو حیدر واجینه

علی الغزلی خمس تشهر وجینه

ابو مهدی وابو اعلیوی و اجهنه

الدرب ابعید والحرثه اذیه

لبست اهدومی واگف بل درب نیشان

علی جیت المعزومین هل خوان

سکرنه او درسنه ابساحت الصدقان

عجزت روحی من الوگفه ملینه

ملینه انتظر عوده یجینه ابساع

بل سیاره یلفی یرکبون اسباع

الی سید خلف معزوم یم الگاع

محمد پور ضاع اشماله وایمینه

ضیعنه الصدیق او ما بعد نلگاه

مایمشی عدل تایه ترا ابممشاه

یرن صوت المبایل کلنه نترجاه

ولک وین اوگفت یا عوج چلینه

بالف لوعه وصلنه او رکب ویانه

عوده السایق السیاره مشانه

شد احزام لا تلفی الدفانه

توصل لل جرایم وین تالینه

حرکنه او مشینه والدرب مخطور

ما تمشی السیاره عوج واتدور

ترید الزبده لو تطلب کتل ناطور

وصلنه لبو حیدر ساعه گعدینه