سفیر الحب

ابوذیات للخاینات

اشکثر فرحان الک من طبت و ارویت

عفت کلشی  الیضرک علن و ارویت

تشوف ابعینک الخل فلت و ارویت

عساه لا رد دماره احلام الیه

***

سئوال الیوم ادبرلک ورسلاک

ادعینی ابیوم اجی العرسک و ارسلاک

هذاک الچان یعنیلک ورسلاک

طلع خاین نذل کلب البریه

***

الیخونک لا تضن فد یوم یملاک

لان گلبه ابفساده ذهب یملاک

عوفه او لا تجیبه ابدرب یملاک

البسه او عوفه مطرود الثنیه

***

الاب صوباط بیت الاهل بیفای

الشجاع او عالم ابکل عسر بیفای

العاقل بلم للی غرگ بیفای

الیغیب الناس ماکل لحم اخیه

***

جاسم ثعلبی (الحسانی) 29/03/1394

19/06/2015

غزل جر سیفک

احس تکمل کشختی لو طلعت اویای

و احس اتشیل راسی من تماشینی

او ما اود الجبر و الجبر کله اذنوب

اذا خاین شفتنی لا تحاچینی

ما احمد نفس ما اذم نفس و امتاز

اود اللی یحبنی  و الیعادینی

الیغر نفسه سفیه او تارک الخوان

اضمد اجروحی بیدی و الیخاوینی

ما عندی دغش عندی امل مسلوب

اطالب و انتظر بایامی و اسنینی

لا تزعل علی ما کو زعل بالعین

ما اعوفک ولو تکره تراضینی

اصیرن شط الک و اسگیلک العطشان

لا تگطع وصالک لا تجافینی

گمر تضوی ابسمانه او فاگد العبرات

درب الی عسر ما ممشی دلینی

ما افارج صدیق البیه رفعت الراس

ادور عالصدگ محد یدلینی

عندی الحیل قاهر ما اهمن بیک

او گلبی لو زعل یرجف رمش عینی

تتحیل علی واتگول فارس عود

جر سیفک طبگ بالحومه تانینی

انتظرت المای منک و الچبد عطشان

صرت دمعه اعلی خدک لا تبدینی

العگل مشتاگ الک و ایدور الچلمات

غیرک بالخلگ محد یسلینی

اعتقد لو ما اشوفک انطر التابوت

عوف اهل الوفه و ابگبری خلینی

جاسم ثعلبی (الحسانی) 29/03/1394

19/06/2015

قصیده دمنه حدنه

کل شی عدنه

اتجردینه ، اتعذبینه ، اتهشمینه

العدو ما یقبل ودینه

الف طرگاعه اعلی جدنه

احنه مکروهین و الوادم بلتنه

صرنه کلنه اشیوخ و انحارب بعضنه

اتشمتت بینه التضدنه

جتنه طرگاعه او علی العیشه لفتنه

واحد ایشیخ ابضلاله ایصیر مخبر

او واحد امطبر حلاله و المصایب دمرتنه

او واحد ایسد باب بیته او ما یخالط

او واحد ابدخانه یشعل او نار دخانه عمتنه

او واحد ایعوف العشیره او صار بری

او واحد ایزف الکریمه الغیر حگهه او فشّلتنه

اتفرقینه

و الغرب تحکم علینه

او فوگ حگنه اتفلگینه

و المشایخ عود مرکز للدعایه

الاسف مبیوعین والقصه حزینه

نفرح ابطالب یدش مرکز قیاده

لاکن امسیس کلامه او شاهدینه

ایخاف من طرت الفجر و اشموع الابرش

خاف تحرگ قصره قوله اتوحشینه

بس بگه الفلاح و ابن الماله والی

ابمنجله ایکر الصریم او ما شچینه

او من علامات النصر طیف المضایف

و البحر مرهم جرحنه

و النخل مرود شرفنا

اتمحنینه او ما عمینه

صحنا متعنین اهلنه او من یردنا

او من یذلنه

کلشی النه لازم انقسم حملنه

اظهورنه الترسم املنه

دمنه حدنه دمنه حدنه

جاسم ثعلبی (الحسانی) 28/03/1394

18/06/2015

ابوذیات حب و انتقادات

دبسّک لا تجر بطوار و انحاب

کل احنه درسنه العشگ و انحاب

اشّر لی ابصراحه صدگ ونحاب

بس امر واجیبه اببین ادیه

***

ونینک هدم اگلیبی وثر بیه

عرفت العاثر ابجاهک وثر بیه

الیضر الناس اله دیه وثر بیه

یحطمه البخت بافعال الردیه

***

زمانک و الدهر و الضیم هدماک

او تبعاک الولف من سلب هدماک

بگیت انت او گلب مجروح هدماک

ادرکک لو تون سادی علیه

***

ربّیت الاسد بیدی و کلبای

شجاع او ما هرس چبدی و کلبای

الخاین ما رحم عضنی و کلبای

صحت احاه ما عاف الضحیه

***

اللیامه و الخیانه انتهت و انهت

او علی الطیبین اجر و انفلت و انهت

قصیده او غزل مامن صفت و نهت

ابطور اعبادی خل تزهی الخویه

***

عوف الحب طریجه خطر مهلاک

متعافی او تحوف النطر مهلاک

تهدی او تانی رش المطر مهلاک

تالیت العشگ لوم او اذیه

***

احس بالگلب رهمالک و حس بیک

عنید او تیهت دربک و احس بیک

ترید ابچی ابدمع من دم واحس بیک

ایست من ضاع عنوانک علیه

***

ابعینی السهم طگنی المحب و ادت

تجاوزت الحقوق او غرب ودت

چثیره ناس ما گصّرت و ادت

الذنب للگلب ذبانی ابهبیه

***

جاسم ثعلبی (الحسانی) 27/03/1394

17/06/2015 

ابیات حب و غرام

جرحیت الگلب مرات و انا امدثر احذالک

تنکرنی او تفر و اتطیر لیش اتغثی بامثالک

تابعنی ابلذیذ النوم و اتفززنی بامالک

ضمیتک نذر بالروح ما احبن اشل حالک

***

او لا تنسی الیود خسران او گلبی ابضیمه حیالک

صرت حیه او علی هجمیت لو  کاتلنی اشوالک

بس هذا الدرب مفتوح و اتشردنی باعمالک

علی  تختل ختل و اتصید ابسهم ضربیته من شالک

***

حبیت اگلک اجل ما اود اگلک روح

درب السعاده انفتح او عطرک نبع و ایفوح

ودعته ثوب العزا ترکیته الک مجروح

و اتمنه نورک یشع او یطرد حزن ممدوح

***

خطار اجانه الولف عید او فرح جانه

ظلمه او مطر و ابخطر عطر ثنایانه

رشینه مای البحر طفینه نیرانه

جف البحر وانقهر ظل داوی السانه

***

جاسم ثعلبی (الحسانی) 26/03/1394

16/06/2015

غزل دمعة حب

هدّینی ابکلامک گلبی شب ابنار

رش لی ابدمعتک بلکت تطفینی

ناطر جیتک تتسلی بیک الروح

غیرک ما اود واحد یحاچینی

ما ماشیت ناس البیهه شر و اشرار

ولا اقبل حچی الماشایفه ابعینی

شدیت اللسان او خیطیته ابخیط

اشلعه امن العرج ها لو یعادینی

من طبعی الوفه او گاعدله بالدلال

او کل دم الوفه یجری ابشرایینی

ارحب بالیجینی او فاتح البیبان

القوری ایقرقر او تضحک فناجینی

او زرعت الطیب بالعاشرنی و الشمات

او علی زرع الوفه معتاده چفینی

سکّنت الیتامه بالگلب و الروح

او بگلوب العده نبتت سچاچینی

ولا علّیت نفسی اعلی الرفعنی استاد

اتراب اقدامه اصیرن  للیبارینی

علمنی الزمان ادروسه بالصعبات

ما اود  الخیانه او لا تدلینی

اریدن ثوب الابیض و اسمر الخدین

بلکت بالگبر باچر یعازینی

اود اسمع احبک من فرگ شطین

او شریک اطلب وصاله من یراضینی

و اعلمه اعلی الوفا و العشگ و الترحیب

احطه ابطن عینی و اسهر اسنینی

جاسم ثعلبی (الحسانی) 26/03/1394

16/06/2015

موال و ابوذیات محاورات

یا صاح بالک تغث فاگد حیاته او یلف

یطوی بالهموم عازاته ابشماته او یلف

لو ما تعازیه داویله الجروح او یلف

و ابگلبه حسرات یتمنه البشر یرحمه

او تکتب قصاید ختم و ابدار العزه ترحمه

تنور الابیات فی موته انفجر ترحمه

و الدهر قدار یلهم بالقوافی او یلف

***

ابزمانی ما شریت الحلو و اطباع

ولا اود الیساوم بشر و اطباع

احب اهل النظر و الفکر و اطباع

لان معتاز شارتهم الیه

***

ارحب بالقصد گلبی و مر بیه

او لحم حبل الوصل جانی و مربیه

انصحه امن العسل ذوقه و مربیه

ایتحمل لو تضل ذاته الضحیه

***

الرجال الوان معدنهم و حیهم

النجابه و الفخر حگهم و حیهم

المضایف بیت اهالیهم و حیهم

یرحبون العدو لو جیشه میه

***

اطوال العنق ویه الخلگ فلچن

ثمار انواع مزدهرات فلچن

طلبت اخذ سهم جوعان فلچن

و اطیب الگلب متسودن علیه

***

جاسم ثعلبی (الحسانی) 25/03/1394

15/06/2015

غزل کذاب اطلت کذاب

کتبت اسمک علی الجدران ، رسمیته ابرمش عینی

انتظرتک و الگلب شب نار، ما تقبل تطفینی

جبل حبک حملته اسنین ، ساهی او ما تحس بالظیم

اصیحن لک و احشم حیل ، دایخ ما تحاچینی

حمیتک و الضباع اتروش ، تلهث مثل ملک الموت

وینک گلبی ما ناسیک ، خایف ما تدلینی

علمتک دروس اهوای ، بالصف و الفکر سکران

نکرت ادروسی و التعلیم ، باحلامک تلاگینی

صرت عله ابگلب حزنان ، ما یمطر غضب تعبان

طلقه و ابجمر و ابنار ، یا ساعه او تدمینی

بسّک لا تغث الناس ، خل حبک گمر مضموم

بین السماء او بین الگاع ، ابدمی لا تحنینی

شمس تضوی او جمالک نور ، و اعیونک سهم مسموم

ترمی ابلا رحم و اتصیب ، جارحنی او تتچیلی

بینی او بینک العباس ، لا تخبط تدوخ الراس

ضم اسرارک الکلفات ، لا تحچی او تاذینی

ردت دمیه مثلک عود ، وینک و الدرب مسدود

وین الوعد وین القول ، واعیونک ترامینی

اضل ویاک اون چندوب ، ساکت لک و اگول ابخیر

و انت امعرس او فرحان ، متشمت تعازینی

عود ابسفر واعدناک ، گلت او گلبی یزهی اویاک

کذاب اطلعت کذاب ، نذرک ما یداوینی

شسوی و للگلب و اشویه ، خاطر لا یضل یهواک

حطیته ابجمر و ابطین ، ما مات او کسر عینی

جاسم ثعلبی (الحسانی) 25/03/1394

15/06/2015

ابوذیات مخربطات

الاکل حق الفقیر او هرب یحمار

ابصده المظلوم حتی السماء یحمار

استعدل لا تضر الخلگ یحمار

لا تنهگ تذل یبن المطیه

***

حبیبی صعبه الیه انساک بغلای

شریت او ما اسومک  ابد بغلای

اعتمدت اعلیک وکت الضیج بغلای

طلعت اغراب بس تنغگ علیه

***

الوم الگلب من اهوای ظلعای

من ضرب الخیانه انکسر ظلعای

اعتمادی استازهیته اعتقد ظلعای

مثل سیف الگصب باید بدیه

***

جار الما یود الجار موجار

او حچی الشمات جرح ابحرگ موجار

انصحک من تلم بالزلم مو جار

ابسیاسه او لا تهوس بالثنیه

***

النصر مضمون الک و الهلک من شار

اخذ و انطی الدلایل مثل من شار

ابحلم و ابصبر زیل الفتن من شار

ثواب اکسبت دنیه او اخریه

***

شدگ شانثر شحش من زرع من مات

و احس حبل الوصل منگطع من مات

اشتضن تحلی السوالف محب من مات

امن ادینه الصوچ وینچ یا مریه

***

الگلب ذاکر احبابه الیوم ونهم

او منهم ما گطعنه الیاس ونهم

ابصلاة الفجر و  اسمع نغم و نهم

یفلش الصخر کل ضیمی امن ادیه

***

حلاة الرجل دیوانه و عونه

مدارس ظهرت ابجاله و عونه

ابشرار الشر یلم ربعه و عونه

او یحصد کل بلا ابحب او حمیه

***

ابجگاره لفلفت همی و الف بیه

بلم و ابشط حمل عشره و الف بیه

شبه غرگان مترادی و الف بیه

نعیش انموت لو نغرگ سویه

***

تشر شر شرشرت شرک و شربیک

شرارک شاطر او شاهر و شربیک

شوف اشما شهت و اشهد وشربیک

الشماته اشهود تشهد بالشچیه

***

تظم سرک علی و اتنول شهداک

تناولنی المرار او گلت شهداک

عساک اتعاشر البد ذات شهداک

او تضوگ المر ولا ترجع علیه

***

سن سیفک یسافل سم سمالک

الستر سر مس مسالک سم سمالک

تسیر ابسیر سالک سم سمالک

تسب الناس بسلوب السخیه

***

جاسم ثعلبی (الحسانی)

ابیات غرامیه

لیش الزعل یا ولف لا تحترگ بالنار

هم تدری لو تنفجرما یبغی شی بالدار

ادری ابمحبتک صدگ ما تنوصف بالعار

دگیت وسط الگلب بیدک ضرب مسمار

***

لتماشی اهل الغدر لتماشی الشمات

حسیت باخر نبض گلبک عدل ما مات

گالولی ولفک خطه عاف الوعد بالذات

گلتلهم انا اعتقد ما ینصرف هیهات

***

حبیتک او ما شفت غیرک یواسینی

شوفی انغمد بالگلب عطرک یدلینی

للموت اشمک و ارد ما ضنتی ناسینی

او لو اشوف ضرک اذه دم صب دمع عینی

***

بالک تغث الگلب بالک تسد بابه

بالک توز بالفتن و اتجمد احبابه

گلبی مقر للخلگ  للیوفی و انسابه

اخبرتک او ما اظم لتگلی یایابه

***

ما اعترف بالعلگ ما اعترف بالنار

بس اعترف بالولف لوراد یطلب ثار

و القسمه نص العشگ موگد جمر بالدار

و الفکر نص البغی لو ینهلس ما طار

***

شدیت طرف الزلف او شمریته عالخدین

طول الگصیبه اعتقد یتجاوز المترین

و العین ساعه او تشع شمس الضحی یا عین

من شفته تاه الدرب لاوین انوی امنین

***

جاسم ثعلبی (الحسانی) 22/03/1394/12/06/2015

غزل ثوب العرس

شعتب و العتب ضیعته بالسکتات

افکر بیک و انت اتحشد ابگومک

جمعت افکاری الطیبه او دخت ویاک

الگلب ویاک لیش اتچردس ابلومک

انفجر طاری اللیامه و الغدر مطرود

مثل ثوب العرس متهنی بهدومک

لو طیر او تطیر او تسکن الودیان

اعوف الجنه لجلک و اتبع اعلومک

درست اویاک عمری او ما شفت تنبیه

استاد الحب رسم باوعلی برسومک

اخذ روحی ابلطافه او طم جسد متروک

تظل شمعه ابحیاتی او غالی ما اسومک

جاسم ثعلبی (الحسانی) 22/03/1394

12/06/2015

ابوذیات نابعه من الذات

ونینی فزز اهلی العدل و المات

او صحت شدوا الرچاب الکحل ولمات

الگطع حبل الندامه او گصد والمات

اسباع او ما تهاب امن المنیه

***

نبض عندی الشعر من ظلم و لهام

مثل شط الکریته او دفع و الهام

سگیت الکل تبعنی الشرس و الهام

او بگت رجلین ما تسوا اخرطیه

***

الفرح ما ناسی عشرتنه و جلنه

لان ضایگ ملح جدنه و جلنه

الزمان الغذر دمرنه و جلنه

یرید ایشوف هم تبغی الحمیه

***

الدهر طشرنه باحلامه و لمنه

او علی العالم نشر سرنه و لمنه

بعد متفید سکتتنه و لمنه

تفید المرجله او نخوه اعربیه

***

حچی الشجعان وسط الگلب ینسام

او حسافه البیه وفا للناس ینسام

من گلگ ثجیل البخت ینسام

الیسومونه رفاة الکل خطیه

***

من مثلی اعلی ماله املکت وبراک

او علی شرک حضرلک وفد وبراک

اعتقد کلمن حفرلک نغب وبراک

اخذ حگه من الناس البریه

***

جاسم ثعلبی (الحسانی) 221/03/1394

11/06/2015

عطرِ یاسمین

مونده ام اسیر درد ، ای خدا اشکم ببین

تو فضای خندهام ، عطر برگِ یاسمین

***

زیر پای روزگار، این دلُ هر گز نکوب

رنگِ زیبای بهار ، رنگِ دلشاد غروب

***

در کنارِ بندگی ، محنت و درد و غمِ

این دلُ بیخود نرنج ، شکل سنگ و ماتمِ

***

رو تنم بر چسب هنگ ، مست بوی خستگی

حسِ آتشگاه گرم ، حسِ دل گرفتگی

***

نکنه قلبم شنید ، یاسمن رفته سفر

سفری دور و دراز ، تو خیالش در به در

***

موج تنگِ خاطره ، گشت شب های خزان

غربت و آه و نفیر ، مشعلِ آتش فشان

***

جاسم ثعلبی (حسانی) 20/03/1394

10/06/2015

قصیده حب و وداع و صراع

کض روحک یبردی لا یجیک السیل

لا تفتگ جرح و اتقوی چلماتک

اعرفک خوش اعرفک لا تهز بالراس

ما اخافن تری لو ترمی چیلاتک

***

ولک انت الهنتنی او حملتنی افصول

ولک گلبی سرقته او دهورت حالی

ولک بیتی شعلته او بیدک الشخاط

ولک بنزین رشیته او حرگ مالی

***

ولک خطفانی گلبک و انه اصغیرون

ولک تفتر ورای او شایل اثیابک

ولک ما چنت اعرف الحب سهم چتال

ولک فاهمنی لیش امکشخل انیابک

***

چنت فکری او حبیبی او کعبتی او دنیای

چنت بس انت اعرفک ما اعرف غیرک

چنت صومی او صلاتی او مهجتی او ممشای

تعطّشنی او تغثنی او ما نشف بیرک

***

تجی ساعات احسّب ما انام اللیل

بس صورة خیالک جاعده اگبالی

اضلّن للصبح جاعد و افکر بیک

و افتتح بالرسایل بیهن اسراری

***

امر بالباب ادگّن و العذر موجود

احس تطلع علیه او اشفی بعیونک

اکمل بالفلم و ارسم خریطه الوان

الهدف اشتم هواک او گلبی مجنونک

***

ولک جبت القفص جهزته من ابعید

ردتک تسکن ابگلبی او تبارینی

رسلت اطروش یمک ما فهمت اشصار

ما کضّو نتیجه او جر دمع عینی

***

لمّن نزف گلبی او شد خیاله الغیض

ترکیت المحل غاضتنی الدیره

سکنت ابعید منک و الجبال اشهود

تابعنی اعلی حلمی او هذا تفسیره

***

شفت ورده ابحیاتی تشبه الحزنان

شمیت العطر یفرق عطر حالک

لکن مختاض منّک صوبت للموت

اجتنی اطروش منک تطلب امالک

***

و اجیت او طخ خیالک و الندم میفید

ترید اردود تحرگنی او تهنینی

عرفت الخطه خطره او سافرت مجنون

ابجمالک للابد ما ضن تمنینی

***

رفضتک و اندعیت الخوه و المعروف

او رحت للغیر جربت العمر مره

تمر عالدار شایل خشمک الکبکاب

مبروک الزواج او طایر ابامره

***

سکرت ابروج هجرک و اسکنیت البید

طردت الچان حبیته او تبارینی

ترید اموال امدک و انه اخاف اعلیک

سکنت ابدار صبرک یا بعد عینی

***

صلّیت او دعیت ایبارک الرحمن

یبذل لک حلال او ثروه معدوده

او دفنت اسرار منّک و انت بیرق نار

او صرت ابغیر حاله او هیه مشهوده

***

نسیت اهل المحنه و الوفاء و الدار

هوی نفسک تبعته او دمرت روحک

اتصلت اعلیک اشوفک من بعد چم عام

تسد رز المبایل بلسم اجروحک

***

روح او داعت الله او ما اود انساک

لان نارک ابگلبی تبگه مشعوله

الحد آخر نفس حبک یضل تاریخ

ابرایه او من ذهب باعیونی محموله

***

هدیه لاول و آخر حب

جاسم ثعلبی (الحسانی) 19/03/1394

09/06/2015

ابوذیات نار و ثبات

اشعلامک ما تطخ یسمر و نحباک

تضم غصبا علی سرک و نحباک

کشفتک باول احلامک و نحباک

ترکت الحب علیک او رد علیه

***

تهز رمشک علی واتگول مویاک

تفزز بالگلب و اتصیح مویاک

تغطس بالجفن و اتجول مویاک

کل موجه جبل نزلت علیه

***

حرام الحب کشفته اویاک و انهاک

تکتر تحترگ بسلاک و انهاک

اذا گلبی طلبته او جاک و انهاک

اجعله اولید بس ربیه الیه

***

احس جنه الوکت ویاک و املاک

اشلون اتگول ارید انساک و املاک

اذا غطسنی حبک بحر و املاک

تعال او شیل بس ضیم العلیه

***

تعبنی الوکت من طرواک و اهلاک

اود اسکن جهر ویاک و هلاک

یریت انظر جمالک گمر واهلاک

و اشوف ابغیبتی شتسوی الیه

***

یریت اشبگ حبیبی ابللیل واشفه

و ابوسه ابخده بالف احاه و اشفه

و اگعده من لذیذ النوم و اشفه

و اسلی الروح لا تحمگ علیه

***

جاسم ثعلبی (الحسانی) 17/03/1394

07/06/2015

ابوذیات دروب الحیاة

الله ایساعد الحزنـــــــــان لا ون

فتح باب الهجر و اندحــــــر لاون

ابظلام او لیل شرجی او مطر لاون

المصایب و الفراگ او خلفه دیه

***

طویت الگلب سبع ابتوت و انحل

او حبسته وی عگارب صفر و انحل

طلبت ایعوف حبه ابستر و انحل

یگول اتمرمرت سوده علیه

***

هواک العم علی واندست و ارمیت

و الف حسره ابدلیلی انزفت و ارمیت

حسافه اعلی الحبیب او فلت وارمیت

یضل حلمه ابحیاتی ایغث علیه

***

تغر گلبک سبانی وانت عینه

دریتک درسیته و انت عینه

ادمرک و الله ادمره و انت عینه

و اخلیکم شتات ابکل ثنیه

***

جوز او لا تمر گلبی و مر بیه

جعلت العشره حسراته و مر بیه

اذا طاوعته ملکیته و مر بیه

حلاوه ایصیر الک تاکل هنیه

***

جاسم ثعلبی (الحسانی) 17/03/1394

06/06/2015

لطمیة حزن الصدیق

یا خویه وینک خلص دمع العین

نهرانه تجری ضل علی الخدین

***

یا خویه و الفرگه علی طالت

یا خویه و احباب الگلب شالت

یا خویه ابچی او دمعتی سالت

و ابیا فریج او غادروا لا وین

یا خویه وینک خلص دمع العین

نهرانه تجری ضل علی الخدین

***

یا خویه گلی اشلون اشوفنّک

حدر التراب او جیت ازورنک

تحت الصخر یا ر یت ابوسنک

جربهه بینه او حطمانه البین

یا خویه وینک خلص دمع العین

نهرانه تجری ضل علی الخدین

***

یا خویه و اصحابک یعازونک

یا خویه بالگعده یذکرونک

یا خویه ما ضنتی یملّونک

تبچی او تدگ متجمعه الصوبین

یا خویه وینک خلص دمع العین

نهرانه تجری ضل علی الخدین

***

من طاح ابو فاضل او ذب جوده

دگ العلم و اتقدم ابزوده

ینظر لخوه ایجمع ازنوده

یا خویه ذکرنی الوکت بحسین

یا خویه وینک خلص دمع العین

نهرانه تجری ضل علی الخدین

***

یوسف لفانی الحزن من هجریت

یا خویه و ابفگدک یخی اتاذیت

و اخلاف عینک من یضوی البیت

لتگول خوانی او هلی ناسین

یا خویه وینک خلص دمع العین

نهرانه تجری ضل علی الخدین

***

یا خویه حیل اتمنه روحی اتموت

من شالوا الجثه علی التابوت

تدری ابکلامی بالصدگ مثبوت

سارت الوادم للگبر ماشین

یا خویه وینک خلص دمع العین

نهرانه تجری ضل علی الخدین

***

یا خویه مر مره علی اعیالک

بالحلم شوف اشتلبس اطفالک

یا خوی لا تبعد علی بالک

چن ودعتنه او شلت من اسنین

یا خویه وینک خلص دمع العین

نهرانه تجری ضل علی الخدین

***

جاسم ثعلبی (الحسانی) 16/03/1394

06/06/2015

 کرهتک حیل

عساک ابلحد الاظلم بالگبر موت

کرهتک حیل مو کافی الخطیه

شجاک اشمرضاک او تنطی الوعود

تواعدنی ابوعد و اتخون بیه

***

حسبتک مو غریب او سر للگلوب

او حبیتک محبه ما مثلهه

تعدی ایام تنحب تسچب ادموع

او تدگ و اتگول متاذی ابحملهه

***

طلع حچیک کلام او ماله تاثیر

اشعلامک دهورت بیدک حلالک

الصدگ عندک غمام او تایه ابروج

عساک اتگول متهنی ابجمالک

***

الزمان ایدور یابه او ماله رداد

یجی یوم او ترد مکسور العیون

العذر منک طردته او شد الارحاب

او تضل مثل السفیه ابعقله مجنون

***

نسیت العشره و انت ابحضنی کبریت

او نسیت المحنه و الحاضر محنتک

او نسیت الجرح ینزف دمک ایسیل

او نسیت الغسلاک او شد گدلتک

***

بعد ما ارید اشوفک و احسب اذنوب

السعاده اویای ربک نزلاهه

ابتعد منی یشامت خلنی مرتاح

او تنوح الروح گلبک عذباهه

***

چویت الگلب خافن یرجع اعلیک

او سجنته ابدار و اتحمل اذیه

تروح او داعت الله او بالک اتعود

اوفخت من ضیم یدلل علیه

***

جاسم ثعلبی (الحسانی) 14/03/1394

04/06/2015

غزل ریش روزگار

من که خندیدم به ریشِ روزگار

درس آموزد به هر آموزگار

می ستاید هر ستمکار لجوج

انقلابی کرده در دل ماندگار

تاج شاهی کرده بر سر این رقیب

رنگ و رویش بر خلاف کردگار

جوی خونی کرده درهای بهشت

دین و سنت مختفی شد در بهار

ظاهرش دریای عشقی بیکران

باطنش زندان و بند و پای دار

تک کلامی دارد و تک داوری

نقض می کرده حقایق آشکار

عبرت از طوفان نوح اصلا ندید

حق و باطل می کشد در کارزار

جاسم ثعلبی (حسانی) 12/03/1394

02/06/2015

قصیده حره باسم من دویت

من دویت

ابحبک ابناری اشتویت

تیهت دربی ابعذابک

زاد همی من جفیت

الدنیا و احلامک علیه

سافرت وافرک بدیه

وحدی و اتخیل وجودک

الغیر شخصک ما شچیت

گلبی نار

او جفنی نار

اعیونی اترش دمع حار

احساب خاتلنی الدمار

لفلفت روحی ابمحنتی

او ما طفیت

ما نمت لیلی اعلی شانک

ایعذب ابگلبی حنانک

ایزلزل افکاری لسانک

اتخردلت و اتگرمیت

شو عفتنی

ابلیله گمرا

و المطر بلل گذلتی

اتسودنت محتاره بامری

اتمرضت و اشفی ابعزلتی

الناس نامت

و انا ناطوره ابسهرتی

کرمشت لیلی ابغیابک و انحنیت

مو عجیبه

های مو آخر مصیبه

بهذلت گلبی ابنحیبه و انکریت

عاده صارالک عذابی

قصه مرسومه ابکتابی

اسمع اباخر خطابی

اتدهورت و اتعلمیت

جاسم ثعلبی (الحسانی) 11/03/1394

01/06/2015

ابوذیات احباب الگلب

احباب الغادرونه من عداهم

او بگینه اجناب کلنه من عداهم

یا هو الحش زرعهم من عداهم

ارحلوا باللیل و اتعدوا علیه

***

احباب التارکونه من عدلهم

نسینه المات منهم من عدلهم

بعد هیهات ادشهم من عدلم

اللیال اجناب و ایامی خفیه

***

احباب العزبوا غیری مردهم

ولو جفن ضعاینهم مردهم

اطار الدهر سهچاهم مردهم

اظن ما ضل حنان او لا خویه

***

احباب الگلب لا سئلوا و لا جو

مثل دمعه ابکحل ماعو و لاجو

اظن ویه الغدر هاموا و لا جو

احس باحلامهم تحکم علیه

***

احباب الحطموا هانوا وراهم

احس ابضیج من شالوا وراهم

شفت لوعه او علی عالوا وراهم

اعد  باحجار غیرتهم الیه

***

احباب الی هواهم غلب و انهار

او لجل غرگی دلولی ابحار و انهار

لا ذکروا لیالی او جار وانهار

یعازون الگلب وکت المنیه

***

جاسم ثعلبی (الحسانی) 10/03/1394

31/05/2015

فرحة میلاد المنتظر(عج)

المهدی حاظر لا تشک گلبک دلیل

جرب ابشده تجد فکرک  یمیل

بالعجل یظهر او منعه مستحیل

و المظالم بسمه و ابسیفه تزیل

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

خاتم الامامیه ، قصه ابصحه مرویه

بشری فصحی شعبیه ، ضد کل العبودیه

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

یا ابا صالح یضل اسمک شفای

گلبی مجروح او طلب منک دوای

الثوره موجوده او معلوم ابلوای

منتظر جودک یقاید یا منای

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

یا گمر ضوی سمانا و استعید

عاود النه و ابدی ابیوم الجدید

کسر اویانه المظالم و الحدید

وعد من ربنه او نطالب بالوعید

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

دگت الساعه ابخطر ، یا امام المنتظر

و السبب طال السفر ، کله مکتوب ابغدر

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

یا سفیر الامه یا سیف النجاح

رایه من جدک نصر تمحی السلاح

و ابوجودک تشفی و اتلوح الرماح

و العقیده ثابته ابدرب الفلاح

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

اتقدم او احنه الجنود ، انبارز او نحمی الحدود

ابجالک انکسر القیود ، لا تاخر والنه عود

ابمیلاد المنتظهر ، میلاد المنتظر ، میلاد المنتظر

ها ها ها ، ها ها ها ، ها ها ها

***

شاعر اهل البیت: جاسم ثعلبی (الحسانی) 09/03/1394

30/05/2015

لطمیه لبیک یا حسین (ع)

روحی و او مالی ، فدوه للغالی ، ابصوتی العالی ، لبیک یا حسین(2)

یا سلاله او نورت آل الرسول

یا امیری او قایدی یبن البتول

حبک ابگلبی ثبت مالک یجول

الثوره بدعت باسمک الظالم یزول

الشاهد احوالی ، ذچرک اببالی ، ابصوتی العالی ، لبیک یا حسین(2)

انت بیرق رفرف ابکل البلاد

ابکل یقینی تظهر ابیوم المعاد

النور نورک سیدی و ابگلبی زاد

ما یهمنی اشما درس کفر العناد

یا دمع لالی ، ابعینی و اعمالی ، ابصوتی العالی ، لبیک یا حسین (2)

یا سفینة نوح یا درع الحصین

یا حماسه او حرب یا بدر الامین

کاتب ابعرش السماء ربی المعین

العاف دربک تاه بالدنیا سجین

ابولدی و ارجالی ، شاهدی اهلالی ، ابصوتی العالی ، لبیک یا حسین (2)

ذاکرک بایات قرآن المجید

طاعتک یا حید تثبت عدنه عید

خبر مکتوب ابسند دم الشهید

بل حقایق هدمت جبل الجلید

و النصر جالی ، ابنصرة الوالی ، ابصوته العالی ، لبیک یا حسین (2)

یا کرامه السیرت دون الرجال

او یا قیامه الخالفت مال الحلال

او یا دیانه الدمرت فی الدلال

او یا اماره الحاکمت نبض السئوال

جمره للتالی ، تچوی دلالی ، حبک العالی ، لبیک یا حسین (2)

شاعر اهل البیت :

جاسم ثعلبی (الحسانی) 09/03/1394

30/05/2015

دارمیات حب و شباب

لا سمکه لا عصفور عقرب لگیتک

تالی فهمت ابهای من صاحبیتک

***

العگرب لدقنی او مات او طابت لدقته

لدقک مرض ویای و ابگلبی شفته

***

شایل عزیز الروح یا دمعه سیلی

مثل السمچ بالمای زوهر دلیلی

***

حبنه انکتب بالعین میت و اتانیک

بالسماء اطیر اویاک او بالگاع ادفیک

***

تمشی او تهز االراس عندک وصیه؟

مثل الحمامه ابللیل و اتگر علیه

***

ما ضنتی اعیش اویاک ما ضنتی اشوفک

سدوا علیک الباب و اشلون اعوفک

***

خطار اضیف اهوای لو یرضی لو زور

دگمه ابسدر مسدود خلانی ناطور

***

گلبی یرف وایگول داغونم امروز

دگ دگتین ارداف و ایگلی ما اجوز

***

شمسوی یا هل ناس بیه الالم عاد

یا دین افکر بیه لو مالی مافاد

***

یتدلل المحبوب یزعل علیه

شافانی اموت اعلیه حد المنیه

***

مرود کحل بالعین حبک لگیته

باس الجفن ملهوگ من هددیته

***

شر حبک او طاعون هددنی للموت

یونس صفیت ابمای تاکلنی الحوت

***

حبک دوه الدلال یا اغلی ناسی

نسّم علی باللیل و اوجعنی راسی

***

محتار افکّر بیک و اشلون اشوفک

انت الاکل و المای مگدر اعوفک

***

وجهک شمس واینور فززنی بهدای

ینده ندیه الموت و ایغرج ابمای

***

حبک حرمنی اللنوم خلانی ناطور

ساجنی بالحسرات و ایگلی ممذور

***

داوی الگلب بیه نار و امفحّم احشای

شط المحبه جاف طیر لی بالمای

***

شاورته گلبی او گال من حبی ما اجوز

حدر الجفن بالعین یشر لی برموز

***

موگد صفه الدلال داوی ابعذابک

حارمنی من النوم من هو الی جابک

***

مددت جسمی امدود طمیته بالگاع

اخّرنی ملک الموت ما جانی ابساع

***

شایف عذاب او ضیم ما شایف اوداع

تتغشمر او جفیت حتی الفکر ضاع

***

شفت ابحلم و ابشوگ تفتر علیه

لازم شبچ و احبال و اتشد بدیه

***

شگیته گلبی اعلیک شگ المناشیر

حبک نبت بالروح ما یگدر ایطیر

***

هم لیلی هم مجنون درد آفریده

کل الخلگ و الناس این غم ندیده

***

بالجنه لو بالنار قصرک بنیته

نومسنی البد ذات من هدمیته

***

حبک عسل یا ضیف حبک عجایب

مثل العطر و ایفوح بگلیبی ذایب

***

اتمنیت ادگ الروح و افرشهه بالباب

ابطن الجفن والعین و اتلگه الاحباب

***

جاسم ثعلبی (الحسانی) 08/03/1394

29/05 /2015

اغنیه و فسته باسم ملینه ملینه

اغزت ذیاب الدوح قلبی و عسکرت

بوجه الضان جائت فی الکهوف والوادی

سحقت قرار السار فینا و اشعلت

طمّت حنان المستعان و الهادی

ثبت کلام السوء حاشا و ارهبت

کل سلیم القلب بالحرمان و البادی

***

تبلسم بالحلول اشبیک مالک

هنت و اتملکیت او صرت مالک

من طبعک فطیر اصبحت مالک

لان ما بیک رجّه او لا حمیه

***

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

چا وین الوعد چا وین الکرام

تحشّد بالچذب و اشگد علی ضام

و اعتبرک خنتنی ، چم مره او خنتنی

بعد ما اگول من حچیک هدینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

تفر بعیونک او تفتر علیه

صهیلک حیل راوانی المنیه

ما ترحم و اشوفک ، ولا تبعد و اعوفک

ابتلیت اویاک و ابروحی الحزینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

ولک کافی بعد جبرتنی ذاتی ، ترید النار تشعلهه ابحیاتی

لامتنی الخلگ عوف ، تابع حبهه و اتشوف

تجاهل بالخلگ و اتحنی ادینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

ترید الحب قصب و اتراوی صیتک

او ترید ابزور یتدنه الثنیتک

اشتگول الناس لو جاک ، ابیا حق یبگه ویاک

اچم مره اخطبت و احنه النهینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

امحیل تفتخر و امعلی صوتک

تخوف الناس باخوانک و اخوتک

ضربت الطاس بالراس ، ابد ما عندک احساس

اتحملنه اشکثر و اتعذبینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

الفرح بگلوبنه لو دگوا الباب

کل ساعه او نضن ضافونه الحباب

بس ضیمک لفانه ، اجانه او عذبانه

علیک الله اندحر و اتمحنینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

هواک ایهم علینه او دهورانه

و العریضی اشتضن راح او نسانه

ناطر یکتب اخبار ، او یزید العار و النار

خلینه ابمرضنه اتهشمینه

ملینه ملینه ، بالحب ما صفــــــــــینه

تطلع حقدک اویای ، و اتگول ابتلینه

***

شاعر الشعبی الاهوازی:

جاسم ثعلبی (الحسانی) 06/03/1394

26/05/2015

طناب دار

نرو نرو همسفر رویام ، گوش بده درد دلی دارم

با خاطراتم تو شدی معجون ، صحنه ی ناز و خوشگلی دارم

***

شکستی پل های وصالِ تو ، پس عشقمون کجای قلبت شد

خون چشام می ریزه بد جوری ، پس عاقبت قرین دردت شد

***

لحظه به لحظه دل شده بیدار ، به انتظار و فکرِ دیدارت

دیر نکن اشک تبم بالاست ، بیا ببین نمرده بیمارت

***

نگو دلم مجنون وسر در گم ، مست عزای روزگارم بود

آخه چرا با این طناب دار ، اعدامم و روز بهارم بود

***

نمی دونم چرا شدم تنها ، خدا چرا با خودم می خونم

تقصیر من بوده ولی انگار ، تو بی گناهی این و می دونم

***

داد نزن بالم شکستی تو ، پرنده ام مسافرم مسکین

پلک زدن در این فضای تنگ ، رو حس زیبایی من سنگین

***

روز و شبم به یاد تو هستم ، نگفته بودی راه وصلت چیست

هر چه می گشتم رنگِ خوشبختی ، تو ساحلِ قلبت پناهی نیست

***

جاسم ثعلبی (الحسانی) 05/03/1394

26/05/2015

ابوذیات مسک و نبات

(کرامه او طیب یا جاسم (حسانی) صفن بیک

عجز گلبی تری ابوصفک صفن بیک

اللیالی وین عن عینی صفن بیک

او حرمن شوفت الغالی علیه

من کلمات الشاعر: سعید جبار لازم بیت سیاح)

***

سعید الوکت مرمرنی تمر بی

او سلب ثمرات بستانی تمر بی

ابخدمتک لو دنه القاصب تمر بی

اصیرن لک جسر تعبر علیه

***

عطر خدک لهانی وردمنه

فرد بوسه ابشفافه ورد منه

خذانی اببحر و اببر ورده منه

ابسماء و ابمای ضل ایطوف بیه

***

الولف دمر حلم گلبی و حط بیه

سهم من نار دبر له و حط بیه

بعد جرحه جمع فحمه و حط بیه

او شعل بیه نار یتحمه علیه

***

الحرب طال اباسف دمر و مر مر

ختل بیه الکدر سیطر و مر مر

سحگ کل یابس او اخضر و مرمر

الفقیر ایموت بید البربریه

***

حماة الدار ما نامت و جاشت

الغزاهه ما اله لاعت و جاشت

شباب او شیب هل داعت و جاشت

تهز الکون و اتطهر الثنیه

***

جاسم ثعلبی (الحسانی) 04/03/1394

25/05/2015

غزل گلبی حاب

گلبی حاب لیلی او صار لی مجنون

لان ورده او جمیله او ساکنه احذالی

شمس تضوی ابهوانه او شیّبیت الراس

کل لحظه التمر و امدهوره احوالی

غزاله او عین وسعه و الزلف میّال

گصایبهه شمر و امگمطه امالی

مثل موگد صفه گلبی ابحضن تنور

حرگتنی ابحسنهه او ما الی والی

تلملم بالشفایف و السدر مکشوف

شبابی تاه منّی امن اول او تالی

عساهه ابلیله ظلمه او حیل ادگ ارچاب

و انسمّع قدرنه البالسماء العالی

اطوف الروج ازوهر و اسگی الغرگان

احس روحی غنیه او دیه الک مالی

یا بدر الیشع یا بیرق الیمشون

ما اسومک ابد دومک تضل غالی

جاسم ثعلبی (الحسانی) 03/03/1394

24/05/2015

غزل رجال الحریه

دور لک ولف صارت حرج شبان

مثل مطر الربیع امبین اجنونه

متخبله الشمس تفتی ابلیالی الشوگ

النجوم اتخاطفت و احچایه ملسونه

الدروب اتناثرت بالرصد و النقال

الزلم صارت نساء و اطلابه مامونه

تگط الحاجب او تتحمر الوجنات

تتکحل طبگ بالرگصه مزیونه

تشد اگلاده و المعضد یشع بالاید

من یضفر گصایب ینگص النونه

متحنی او یرف من طگت الکبکاب

یحب جنس النساء و امشلهج اعیونه

او من دگت الطبله ایفزز الطرشان

یفر مثل الگطایه امفتح اسنونه

یضحوچ ملهب و امکیف او سکران

طایر بالسماء و امعلی امتونه

جاسم ثعلبی (الحسانی) 01/03/1394

22/05/2015

ابوذیات حب و حیاة

انعصر عصر الحجامه او یدث قلبای

او جری دمی اعلی خدی او حدث قلبای

شفتنی اتحطمت من گلت قلبای

لان ما ضل عرج ینبض بدیه

***

شرتنی او ما خذیت الرای و اردیت

ابدم غیضک شربت القهر و اردیت

رحت زاید طلبت السفر و اردیت

ابحلم تلگه النصر لتعم علیه

***

نشف دمی اعلی مودک عطش هدمای

او جفاک الورطانی او کمش هدمای

بعد شمعطل آفه او توش هدمای

تدمر اشمات ردت عینک جویه

***

جاسم ثعلبی (الحسانی) 01/03/1394

22/05/2015