سفیر الحب

شعوب الثائره

احسین مو بطران و ایدوّر ریاسه ، او سلطنات

احسین اجه ایحرر شعب ، خص العرب من الطغات

احسین شایل رایه بیده ، رایته اللّه و اکبر

رایة النص و العقیده ، من ثغور المحسنات

آیة التوحید کررها ابلسانه ، ابکل زمانه

او ثار ثوره عالمیّه ، او تشهد الهه الکائنات

احسین باب الجنّه مفتاحه الامامه و السلامه

والعباده اتلوگ اله ذوقه ابأمان  الخاشعات

احسین نور ایشع ضمیره ، ابکل سلف و ابکل عشیره

احسین حط تاج اعلی راسه ، بالشهاده ارقی الثَبات

احسین طوفان الکرامه ، نتّحد بسمه او غرامه

احسین صوت الحگ ینادی ، الکل شعوب الثایرات

احسین مرقد للسجود ، احسین ثورة عزم ما تقبل حدود

احسین لمعه او داویه او یثمر قصنهه ، مای وجه الطاهرات

احسین مکتوب ابجبینه ، خاتم الغیره ابیمینه

لا هو حاکم ، لا امیر ، لا هو رئیس ، لا هو قاید منشأت

احسین درّه امن الرسول ، او امّه الزهراء ، الریحانه البتول

او والده حیدر علی ، هز باب خیبر ، والمعاجز حایرات

لا ظلم ، لا عنده تیجان ابخزینه ، لا سجون او لا رهینه

احسین ورده او کاتب النصر ابجماله ، جر خیول الراغبات

احسین دیوان المضایف ، بیهه یسهر بالّطایف ، ما هو خایف ، قادمون

احسین حبّته البشر ما خان وعده ، او لا عطش همّه ابحیات

احسین زایر ، احسین وسط السماء طایر ، احسین ابن کل العشایر

احسین عربی ، و ابن عربی ، و ابن هاشم ، و القریشی للممات

احسین ما مسدود  دربه ، گمر تلگاه راضی ربّه ، غنی مستغنی ابحبّه

احسین عطشان اعلی حگنه ، من سببنه استشهد اگبال الفرات

لعنة اللّه اعلی الغزاة

الثوره ما یلهب غضبهه ، اترید دم او تضحیات

یا رعید الصائقات ، یا غیوم الماطرات

(بابا یا هو احسین گلّی ، والبس اثیاب الحزن لجله ابصلاة)

بابا لیش الناس تلطم نوبه تنعی نوبه تبچی  بالدموع السایلات)

لشاعر اهل البیت:

جاسم ثعلبی (الحسّانی) 11/06/1399