سفیر الحب

احاه جرنی هواک ، متحمّل اذاک

گلبی ضل یفور ، ما ضنتی نساک

...

تقبل نبتعد ، نروح او ما نرد

شنهی الغیّراک ، احچیلی الصدگ

...

غیرک من هو الی ، متغییر علی

لیغشّک هواک ، ابغیری او مبتلی

...

عاتبنی ابعتب ، یالطبعک ذهب

حبی ما کفاک ، بیه نار او لهب

...

مشتاگه اعتنیک ، ضمنی بین ادیک

ما اگدر انام ، عطشانه علیک

...

تواعدنی ابوعد ، مثل طیر السعد

ارتاح امن اشوف ، علی راسی او گعد

...

سولفلی واحس ، علی ثوب العرس

والخاتم بدیک ، یذوب اویه النفس

جاسم ثعلبی (الحسّانی) 05/08/1399

خلهه یم اللّه یغالی، والعشگ قسمه او نصیب

احس وجع دمّر حیاتی ، تونی سمّیتک حبیب

...

من تمر عطرک لهانی ، دوختنی انت ابهواک

حلم عندی اتکون الیّه ، گلبی حبّاک او اجاک

...

گمر من تزهی اعلی بالی ، گمت افکّر بالخیال

اتمنّه ازورنّک حبیبی ، اعیشن اویاک ابدلال

...

انت عایش وسط گلبی ، ما اعوفک مستحیل

انت عمری انت ابخیالی ، گلبی من دونک ذلیل

...

ابسفر خل ایدک بدیّه ، شمنی هیل احذاک افوح

لفنی شاطی البحر صوبه ، وانت یمّی اویاک اروح

...

مثل طیر الحب تغرّد ، خذنی یمّک مستعد

اشلون اعبّر عن سروری ، اویاک اریدن ما ارد

جاسم ثعلبی (الحسّانی) 04/08/1399

تعبان والدنیا علی والولف شاده بالی

وین التجی نار ابغضب و الدهر ماخذ حالی

ما حسّبیت الحب صعب ، ایواعدنی بس طال الدرب

اتعذّبت بفراگ او الم ، احس انشلع دلالی

...

عینی رخت من شافتک ، لا تجفی روحی رادتک

گلبی انکسر من القهر ، تبخل علیهه الحبّتک

...

لا تبعد او عوف السفر ، ارجع حبیبک ینتظر

ما اقبل اتزید ابعذر ،  اغفی اعلی طیفک من یمر

...

لا وین ، خلینی ابتسم ، فرّحنی ساعه ابجیّتک

بالعین ، دمعات السعاده ورده ترگص بیدک

...

لا تختجل لو اگرب اگبالک و اشم تربیتک

اسنین العمر کلهه ابسهر وابلا فکر تانیتک

...

ضمنی اعلی سدرک خلنی ارتاح

دفینی بردانه التعب راح

مشتاگه الک نوّمنی بعیونک

جنننی حبّک بالگلب فاح

جاسم ثعلبی (الحسّانی) 01/08/1399

یا حبیبی ما تحبنی وانا یمّک

لا تخلّینی افکّر ما اهمّک

شنهی ذنبی او عذّبتنی ، اشگال گلبک من عفتنی

لا تشبّگنی ابغرامک ما اذمّک

فدوه لمّک ، خلنی اشمّک

...

انت خسران ابعمر یهتف دلاله

یا گمر بیت المهر یضوی ابخیاله

ما ردت غیرک یدگ بابی او یمرنی

او ما ردت عین او تصد تاخذ مکانه

طشرتنی اشلون المّک فدوه لمّک

...

وانتهینه نحسب ایّام او لیالی

الصبر حملیته اعلی شانک و انت غالی

کافی بس طوف العذر ما بیه مسرّه

اتعذّبیت او ضیعّت حبّی او دلالی

عوفنی اللّه ایسلمک فدوه لمّک

جاسم ثعلبی (الحسّانی) 02/08/1399

کل ما ادعیک تهرب و الزمن صایر بخیل

ضل حنانی الجرنی صوبه کل ما اقرب یمیل

گلبی بیدی او حزّنیته او قدّمیته ابّین ادیّه

من رأنی اتشمّت ابعینه او نکرنی ابلا وصیّه

هذا وعدک لو بعد تنسانی و اتقدّم ضروفک

صح عذر و اتناسی منّه اترید اعوفک

روح ، روح ، اوداعت اللّه او تابع البیهم عذاب

شفته غادر بیته گلبک هذا مو حب لا سراب

اتعلّمیت اویاک اجر ونّت حیاتی ابلا سئوال

اتعلّمیت اویاک ادفن ذکریاتی ابلا دلال

تبغی اشاره الشارع ایقدم اعتذاره ابگلبی ناره

عمر مسجون ابسحین الغدر و ایدث ابشراره

یا حسافه العشره ما تشتم سوالف و النهر یابس خیاله

کفّنیت اهموم گلبی او عینی تربی مات محبوبی ابدلاله

من بکاله

جاسم ثعلبی (الحسّانی) 04/08/1399

حلو سمّیتک حبیب ، او بیدک الورده تضل شمعة ابحیاتی

مستحیل انساک ، و انت التوّجت کل ذکریاتی

انت بستان المودّه او بیهه طیر  ایغرّد ابلون الزهور

ضمّدت جرحی اعلی مودک ردت اشوفک بیدک اتبلسم شفاتی

آه یحبنه ما تجرعه النّاس بیه نار او سعاده

آه یحبنه ابکورنیش البحر یختص ابوداده

انا اجیتک والرمل ینثر سوالف شعر راسی

حافی عطشان او شربتک من لزمتک و انت ناسی

لا تغادر ما تحمّل فرگتک و الفرگه صعبه

لا تغادر و الدموع السایله و ابعینی تربه

احب اقبلک و انت بعیونک هوی ینضخ غرام

ما اعوفک و العیون الساهرات ابذل عشگنه اشلون انام

خلنی روجة مای تگلب لک محنّه والنجوم امطشّرات

انت روحی او لو رحت تاهت معاک او خلهه الک اخر صده او آخر کلام

جاسم ثعلبی (الحسّانی) 04/08/1399

وین اشوفک ، یا حبیبی ، گلبی مشحون ابقهر

ابعید عنّی ، و اشکی حالی ، لا تجاوبنی ابعذر

لا خبر ، لا من وصیّه ، او دمعتی العمّت علیّه

عذبتنی او مرمرتنی وانا کاتلنی السهر

...

اشعجب بالغربه او عفتنی ، والبی حبسیته ابسجن

و اشتهیت اویاک اسافر ، و انت نایم ما تحن

مو صحیح اتعوفنی ، ابدیرة غرب و اتعلّی صوتک

ابللیل و اذکر ذکریاتک ، والبی عندک مرتهن

...

بس بعد ، خلینی وحدی ، کافی هم یا روحی ردّی

حلم کان الحب نسیته ، ودّعانی او ودّعیته

شنهی عذرک من جفیت او تارکتنی

ما اریدک روح محتار ابحیاتی او دمّرتنی

...

غادرتنی ابلیله ظلمه ، و المطر ینزل علینه بالمطار

واعدتنی اتکون یمّی بس طلع حبک غدر بیه او دمار

لیش ما عندک ضمیر او بالسفر وحدک تطیر

خلهه سکته عذّبتنی او مرضّتنی روحی شبّت بیهه نار

ما اریدک.

جاسم ثعلبی (الحسّانی) 04/08/1399

عیش عیشة حر او تابع من هواک

اصبر اعلی اهمومک المابیهه رد

التستغیبه النّاس و اتزوّد علیّه

هالصحیفه اللّه ما یگراها ابد

...

النّاس بیهه اجناس معدنهه الحدید

الذهب والفضّه او زبرجد و الرصاص

اطباع متغیره او مطامعهه الجدید

اتراوی الالماس و اتبایع نحاس

...

العیشه بالمصلحه و الساکت حنین

للتحبّه امریته صار الهم عبد

ماهی دنیه کلهه تنکیل او عذاب

الاخوا شارد من اخیّه او مبتعد

...

امکیّف الشبعان جالس بالقصور

والفقیر ابلا سکن یبکی او ینوح

اعیاله جوعانه او جدره ما یفور

تلعی الاطفال بس مای او یفوح

...

جاسم ثعلبی (الحسّانی) 03/08/1399

شفت من الحیاة ادروس ذهب ضلن علی بالی

ما انساهن امخیمات ذکرهن طیب احوالی

من طارد له عصفورین یفگدهم معاً بالصید

والتارک عمل مرزوق هرب من راحته الغالی

یخطی السارع ابدیوان الجاوب بالکلام ایخیب

فکّر زین شوف العین قولک یبغی الک والی

کنزک علمک او منواک سرّک لا تفتحه اصماط

قولک کون الک مفهوم تعرف طبعک الحالی

اعمل زین بالمعروف و احسن واکرم المخلوق

السیره الطیبه کالزیتون تطعم کل بشر خالی

شجره اتعیش عمر اویاک بس ما تنمو ابتسریع

تضل صیت المضیف ابدار شیخ امعدّل او عالی

المتکبّر یهین الناس علی قمة جبل مهواه

تشوف الناس عینه اصغار و الناس التشوف الی

عرّب بالکلام اشکال یفتح لک قلوب الناس

من حبّک ابعز واکرام ما تحترمه بالحالی

المحبّه اخلاق للطیبین تهیّج کل بشر مسکین

احترم تحترمک الخلّان المشاعر تجذب الوالی

العواطف لا تمدهه احبال لو زادت تشنقک یوم

او ما احزن علی الماساد دربی او یحرگ امالی

الحکم مریود تفرض بیه بس لا تقضی بالافراح

جرّب کل صدیق ابضیج و ادلل علیه تالی

الضربه الما تاثّر بیک ترجع تضرب ابتنکیل

خطیّه الطیبه بعض احیان حالک ارخه من حالی

الگلوب البیض تشفی الناس جداً نادره ابمقیاس

صافین النوایا اویاک ماشیهم ولا اتبالی

شاعر الشعبی:

جاسم ثعلبی (الحسّانی) 03/08/1399

امتانیک واگف عالعهد تنسانی واعیونی اعلی دربک لافیه

چا ما تجی یالکاسر ابصدری نفس وابروحی عینک غافیه

اتجافینی گلّی ابیا سبب العبره ابطن دمعی تراوینی الزعل

مشتاگ ازورک یا گمر نجماتک ابعمری تحن شمسک ابگلبی طافیه

لا وین و الغربه تعر والفرگه مشتعله ابغدر حبّک سهر

یم الشجر و الشط یغنّی ابطور ابوذیّه انحدر والدنیا گمرا او صافیّه

انظر او شوف الجوله من رش المطر طارت اطیور الحب علی روج البحر

سمّیته حبّک شمعه الی یشرب عسل شرگت فرح متعافیه

ما حسّبت تچمد علیّه اهموم من لوع الدهر و انت ابسفر

اچم آه ،  آه یا حسرتی و البیهه نار او تشتعل تمشی اعلی شوک او حافیه

شَنتظر منّک یالچنت تاج اعلی راسک منتصر لون البدر

مدیت ایدی او غارگ او تضحک صدگ سرّک علیّه خافیه

لفونی ابگطعة چفن شالونی بالتابوت بس امی تحن

محتاجک ابّطن الگبر تگدر تمر وین العهود الوافیه

هذا الهوی الّی مر علی هم مر علیک او عانقاک هم مبتلیک

متغیره اطباعک علی کل یوم طالعلی ابشکل چا یمته تلفی العافیه

شاعر الشعبی:

جاسم ثعلبی (الحسّانی) 01/08/1399

شایل تفگ تطلق فشگ تختلنی و انا امشاطرک

تنتقم منّی ابیا سبب یالما کسرت ابخاطرک

مطلوب و اتحشّم علی واللّه ابمحبتک مبتلی

تتحمّل ازعل و انتحر واعلن واگول امباطلک

تتعیّل اتضل من تمر حرگیتنی ابنار او جمر

مانی فریسه او لا عبد اشسویت لو چن صاطرک

خلیهه سکته ارحم هلک والتابع الشکّه هلک

حر او طلیق او مانی الک تقبل بعد ما اخابرک

ملیّت منّک لا تحن واعلی اتصالک لا تمن

طبعک لبن ما بیه دهن عندک غدر ما ناطرک

لتگول عافانی او شرد رایح اسافر ما ارد

اعاشر الغربه وابتعد لتلوم یاهو الجابرک

شاعر الشعبی:

جاسم ثعلبی (الحسّانی) 02/08/1399

الدنیا ترمی اسهام من وزّاهه

و انا غصبن محترگ ویاها

...

عتب عندی اویاک اذا کاسر گلب

جیت احاچیک ابضمیری الملتهب

تعال و احضر لی انتباحث من گرب

الروح لو مجروحه عندی ادواهه

...

الجرح جرح السیف ولا جرح الرهان

اسهل اعلی الگلب من جرح اللسان

لان جرح السیف یبریه الزمان

الچلمه مد العمر ما تنساهه

...

اتهده خلینی اجر ونتی ابدلیل

اترید ابیعن حوشی من عندک واشیل

اتحب اعوفک و التجی الغیرک دخیل

الشکه ذمّه او ذنب . من حباهه

...

تشک بیه وانا الک بیت او مضیف

اشگال رایک وانا ابو طبع الظریف

اترید تاخد هدنه حد فصل الخریف

او نفصل المعیول و السوّاهه

...

خلنی افهمنّک او اقبل هالکلام

ما یموت ابطبره ابد حی الغرام

مانی مذنب وارد اثبّت باحترام

العیشه حلوه اویای ما تلگاهه

...

هم شفت مثلی محب یهدی الجمیل

ابگلبی بیتک ما اعوفک مستحیل

لانی ظالم لا نی طاغی او لا عمیل

ابجنّه انت اتعیل ما تهواهه؟

...

اشویه ریض گلبی ما یحمل اذاک

انت و الدنیا علی خابص هواک

عیب تزعل یا  عزیزی او بیه شاک

انت نجمه او گمر وانا احذاهه

...

شاعر الشعبی:

جاسم ثعلبی (الحسّانی) 28/07/1399

کشخ ثوب العرس بارباک واحلاک

ملک صایر وراک احماک واحلاک

امشبّگ بالمشاکل شاک واحلاک

خیالی اویاک صوت البندقیّه

...

استمع صک فمّک امن الحاس بالساس

دفنت السر معاک ابطاس بالساس

اشترید اصرخ واحشم النّاس بالساس

ادرکنی او لا تشمت اعدای بیّه

...

ولک بسّک غرامک عال من شال

ابجفاک الگلب خایب حال. من شال

سکنت اویاک دایم ذال من شال

اطوف الضیم و اترجعه علیّه

...

اشترید اتسوّی شتم راض بالفاظ

مطر ینزل کلامی او حاض بالفاظ

تمسنی او تجرح المنعاض بالفاظ

الحساب اهناک عد ربنه الشچیّه

...

کثر همی علیک او زاد ونّای

عجز منّی الکلام او باد ونّای

اشمالک مرتعب بالدرب ونای

افرح گوم ذب ضیمک علیّه

...

تصطر اهموم تشعل نار بالدار

الحض  ویانه ضل محتار بالدار

شریتک لو یسومک غار بالدار

بعد لتهاب مرسومک بدیّه

...

الوگف ضدنه عنید ایزید وایرد

یخوّفنه ابصهیل البید وایرد

اجاک الما یهاب الموت و ایرد

اعتجب من شاف دمعاتک سریّه

...

نهیت الولف من الاخ ما راد

عطش من شافنی او خر صاح ما راد

طلبت الشوفه منه او گال ما اراد

اخاف اهلی او هلک یحضون بیّه

...

جاسم ثعلبی (الحسّانی) 28/07/1399

ابو ذیّات الف لوعه

الدهر بارماح بضلوعی شچلهن

ارکاک او ما اباریهن شچلهن

انکسرن من ضغط زلهن شچلهن

احتارن بالوکت محرب علیّه

...

الدهر ضم لی ابالف لوعه و اعت بیه

ردت یعفینی بسمومه و اعت بیه

الیهد لعداه احجزنّه و اعت بیه

ارماحهه التایهه ردت علیّه

...

نبینه الوصّی الیحبهم و ذمهم

ذنب لو منع فرحتهم و ذمهم

الیربّی اعیال و ایذبهم وذمهم

بشر لو حشر ساکن بالبریّه

...

الیود اذلال کون ایصیر یوفای

ایتعنّه او یحضر الصعبات یوفای

الیحب للمحب یوم ابیوم یوفای

الیخون اهواه یگرص راس حیّه

...

هوی حبنه بهد هو شاب ما هاب

یجی یوم او یهب دولاب ما هاب

اشتگول النّاس خلهه اتگول ما اهاب

اریدک لو تشب نیران بیّه

...

تصک ترتصف صب ترگع وهیلک

ضگت مرّک ضگت شفتک و هیلک

تذم بالروح تضربها وهیلک

اذا ماتت تطیح انت ابردیّه

...

جاسم ثعلبی (الحسّانی)31/07/1399

طبینه الشط یابس گاعه

وین المای او وین اسباعه

نتحاشم والکل فزّاعه

والظالمنه ایدگ احدود

...

اتاذینه او محد نشدانه

والیحچی ینگص السانه

والخایف مگلوبه اردانه

چا وین الکل شی موجود

...

تردون انگول ابلارحمه

نحچیهه او لا ما کو زحمه

روح التنزف ما ملتحمه

یا بومه اعوینت مسعود

...

الجو مترب وایضخ بهمومه

والما عنده ایبیع اهدومه

والعیشه ابذلهم مسمومه

وین المطره او وین الزود

...

اللّه و اکبر صرخینه

یم قصر الحاکم هتفینه

موجودین او ما تعبینه

حرب الکوفه ایرد اردود

...

والمایقبل قابل یهوی

صیوان او گعدیّه او گهوه

طلقات البرنو تتشوّا

وین الملجاء یا مگرود

...

دفنیت او ما تقبل صیتی

نزعیت ابحقدک چفیتی

ما اموت او مالک تالیتی

مو درب الغاصب مسدود

یا بومه ارویحت مسعود

...

شاعر الشعبی:

جاسم ثعلبی(الحسّانی) 30/07/1399

احباب الگوطروا حایر شملهم

الغضب والهجر بالیهم شملهم

نخیتک یا علی واجمع شملهم

ابمحنّه او طیب و افراح الزهیّه

...

شعاتب شانتظر شحمل شجرهم

احباب او زاد بالفرگه شجرهم

شرید احجز شرید اعتب شجرهم

احباب اجناب و اتکشخل اذیّه

غرب وابلا سبب عالو علیّه

...

الیعاند و الیعصّب لاع مهواه

الیرد العیله صاع ابصاع مهواه

النزل من السماء بالگاع مهواه

المصایب تلفی ابو اطباع الردیّه

...

الطلب عد زین محتل ابشکلهم

ابعالی او ناص لا تبغی ابشکلهم

النّاس اطباع و الوان ابشکلهم

ذهب والماس فضه او سرسریّه

حشاء السامع

...

البشر رایح یرد بالحذر من شار

او علی ازلوف المظالم شجر من شار

ربح ما خاب صاحب نظر من شار

التشوره ایکون صادق عالی فیّه

...

الشهم مهما تطلبه ابسخی یملاک

ولا مرّه تضیفه ابجهل یملاک

اخی ایصیر الک لو برک یملاک

الوفه لهل الوفه الساحه الدنیّه

...

جاسم ثعلبی (الحسّانی) 30/07/1399

اذا شفت ابخطر روحک ولمهه

احتفظ بالضمّد اجروحک ولمهه

النّاس اتلوم میفیدک ولمهه

تحزّم للفتن والبیه ردیّه

مدام ابخیر طوف البیه اذیّه

الدهر مذموم ما یرحم خویّه

تذکّر یوم حرب الغاضریّه

الظلم ما دام لحّد بیه خطیّه

الیحچی ابزور ما شاف الهنیّه

الناس اشکال ما تگعد سویّه

ذهب والماس و الفضّه اعربیّه

نحاس او بالحدید او معدنیّه

تراب او خشب حامل بندقیّه

المسامح ربّه صایر له تچیّه

الیذم النّاس مذموم الهویّه

...

جاسم ثعلبی (الحسّانی) 29/07/1399

ویلاه یا جور الفراق و سقمهِ

ینهار فی دار الکرام غرامُ

نارٌ یذوب به القلب صبرهِ

والحزن یلبس العیون وسامُ

یا لیت تنملی الاحباب مسرةً

و  هطول الدموع للغائبین حرامُ

...

استویت ابضل قهر هجرک وناراک

او خذوک الما رحهم عدهم وناراک

عفتنی و ابعدت عنّی واناراک

ابجفاک اهمومی تتعیّل علیّه

...

عذبانی  او  شال   ولفی   المندلی

بعت بیتی الخاطره او عایف هلی

...

عذبانی او شال خلانی ابهواه

تاه عنوانه علی گلبی خذاه

امخزّن الدلال ما یاجد شفاه

مرمرانی ابعد علیّه او مبتلی

عذبانی  او  شال   ولفی   المندلی

بعت بیتی الخاطره او عایف هلی

...

عذبانی او ما اعوفه مستحیل

اختاظ من عندی ولا یاجد دلیل

ریت اجاور بیته و اتحزّم و اشیل

اشلون اشوفه الشوفته ناذر طلی

عذبانی  او  شال   ولفی   المندلی

بعت بیتی الخاطره او عایف هلی

...

حیل اصیح ابصوت ولفی من لگاه

گلبی داوی ابنار وایدوّر وراه

هم سمعتوا خطبه لو واحد خذاه

اسئل او خجلان روحی ماهی الی

عذبانی  او  شال   ولفی   المندلی

بعت بیتی الخاطره او عایف هلی

...

ما انام اللیل گلبی ما نساه

اللّه لا یرضا علی الّی خرباه

دمّرانی ابهل مصیبه او دمّراه

ما اشک بالنّاس اظن زایر علی

عذبانی  او  شال   ولفی   المندلی

بعت بیتی الخاطره او عایف هلی

...

ما دریته او لیش تایه بالمصیر

نکر حبنه اظن ما عنده ضمیر

تاه منّی او شت مثل طیر الیطیر

حافی امشی وافلی بالدیره فلی

عذبانی  او  شال   ولفی   المندلی

بعت بیتی الخاطره او عایف هلی

...

یضحک او فرحان یفتر ماله حای

ابشارع اکروشات خمسه او شفته جای

وانا ادوّر محتر او ناری  ابگفای

اعیونه تلهب یشلی بالوادم شلی

عذبانی  او  شال   ولفی   المندلی

بعت بیتی الخاطره او عایف هلی

...

کاض دربس رایح امسافر بعید

بالقطار او یرگص او چن عنده عید

کاشخ المشهد امعاندنی الوحید

الکوپه ضیجه ایغنّی بیهه الشوملی

عذبانی  او  شال   ولفی   المندلی

بعت بیتی الخاطره او عایف هلی

...

شاعر الشعبی:

جاسم ثعلبی (الحسّانی) 30/07/1399

بگیت اشتل ابدربک سهر بالحای

او ضیمک زاد شیب الشعر بالحای

بعدنی ما متت بالعسر بالحای

اعلی لجّک حیل صادقت المنیّه

...

ما ملّیت تمطر غضب واهلاک

لان دربک عذاب او خطر و اهلاک

ترید اتجرنی طایش واعر و اهلاک

صهیل اصواتهم تفتر علیّه

...

دبسّک اگعد اببیتک وعدلک

اغراب البین طرّشلک وعدلک

استغرب تظلم ابصیتک وعدلک

جفاک او راح مغضب یا نویّه

...

ابوذیّه احوازیّه حدیثه من ابداع الشاعر

ابهوی الحب قاصد ارسل لک ورد لک

اشما عندک عذر قل لی ورد لک

عشر طلبات اطلبنّک ورد لک

ابشرط اقبل اذا متعیل بیّه

او شرط الثانی اذا تجری الوصیّه

او شرط ثالث اذن ما بیک اذیّه

او شرط رابع ترضّی اهلک الیّه

او شرط خامس تحبنی للمنیّه

او شرط سادس تحط ایدک بدیّه

او شرط سابع تحاورنی ابرویّه

او شرط ثامن تعوف البیه شچیّه

او شرط تاسع تباشرنی ابحمیّه

 العاشر  ابد ما تزعل علیّه

...

جاسم ثعلبی (الحسّانی) 28/07/1399

التحبّه الروح ما ینبسط ماراد

ردت لحظه اشوفه او زعل ماراد

حبیب الّی گطع ویای ماراد

امن اموتن ما اریده ایمر علیّه

...

من هو الغشمرک جرّک و مالک

سلب حرّیتک او عگلک و مالک

اشمالک دهورت حالک و مالک

الدنیا ابخیر و انا اشضاع الیّه

...

الدهر ما شفته یرحمنی و الم بیه

الصداقه اویاه ما تثّر والم بیه

مثل مای المطر یفتر والم بیه

الهوی ایجر وانا اجر دومی اباذیّه

...

لومه الما حضر بلواک وانهاک

یذم یکذب یخل طرواک وانهاک

اخوک الچردساک اببیر و انهاک

اشتسمبیه گول . ابو اطباع الردیّه

...

لفانی المرمر اریاگی وعدنی

ابحبل شنّاطه یصلبنی وعدنی

خذانی ابناره یحرگنی وعدنی

یطالبنی ابرده او عینه جویّه

...

جاسم ثعلبی (الحسّانی) 26/07/1399

اشتضن بعدک علی بالی و احس بیک

حنین اوبالگلب غالی و احس بیک

اسومک نجمه بامالی و احس بیک

ابزین او شین تدفع اجره الیّه

...

امحگرص لاعب ابحالک شفالک

طردت اذنوب من بالک شفالک

ارتباطی اویاک حییالک شفالک

تذم البیه وفه او حر بالدنیّه

...

کتلنی الما ملکنی او عبث یرهن

او سچاچین الغضب بحشای یرهن

اطفّی ابناره یشعل نار یرهن

الصبر خلّص و اهاب ایعیل بیّه

...

صرت حیّه او تخوف النّاس بسفاک

تعیل او ترجع اتطخ راس بسفاک

تحب لو ما تحب القاس بسفاک

هذاک الدرب عوف البیه حمیّه

...

دمّک حار فار انسرد واشلاک

الگلب عندی او منّک شرد واشلاک

بعد ما بیّه اروح او ارد و اشلاک

لان حملی ثجیل او مال بیّه

...

چنت مفرود هسّه احذای بلوای

او من تگرب لی احس ادوای بلوای

الحد من تبغی هیچ اویای بلوای

ولک ملّیت اشو تمطر اذیّه

...

جاسم ثعلبی (الحسّانی) 27/07/1399

داره می بینه چشمِ من ، زندگیم بی تو داغونه

از خاطراتِ عشق تو ، دلم همش پریشونه

...

چرا نفهمیدی که من ، دیوونه ام تو رو می خوام

همش به یادتم ولی ، شرم و حیاء روی لبام

...

مثلِ یه سایه دورِ من ، می گردی و خوش باوری

تعجّبم به جای خود ، الان شدی دردِ سری

...

نیا نیا دیگه دیره ، می ترسم از درد تنم

فریبِ عشق تو شدم ، تویِ دلم حس می کنم

...

من و ببخش ای همسفر ، آشفته ام از در به در

تنهایی و بی هم کسی ، جدایی و زنگِ خطر

...

می دونی تو مقصّری ، حرفِ دلم گوشت کنم

در این هوایِ ابریم ، خوبه فراموشت کنم

...

بد قولی و سنگ دلی ، فرصتِ دیدنت کمه

محتاجِ دیدارت شدم ، ولی برام جهنّمه

جاسم ثعلبی (حسّانی) 27/07/1399

الولف من عطره یشفی الگلب من هل

اهلال او هل علی واجّنت من هل

احترمته او عاکس الحب غضب من هل

عساه جیّت السوده اشسوی بیّه

یضل یشتم یذم ضگت المنیّه

...

الوم النّاس واللایم ولمنی

الاحبّه خفف ابوزنی ولمنی

البطران اشتفی ابحبی ولمنی

او جعلنی امراد یکسب بیه تقیّه

...

الدهر بالینی بهمومه و حیّه

الاوده صارلی عگرب و حیّه

الیمر بیتی و اکرمنّه و حیّه

امن اکرمه ایزود بالعتبات الیّه

...

لزمت او ما خطیت الصدگ برمای

ابسفینه او تابعیت الیود بر مای

او فتلت احبال وصل الخلگ برمای

اشما ابرم تجینی ابلوعه اذیّه

صلت رحم النودهم بربریه

...

جاسم ثعلبی (الحسّانی) 28/07/1399

تحمّل کردنت سختِ ، چرا بد جوری می نازی

تو این رفتارِ گمراهت ، یه روز با من نمی سازی

...

شکستی مرکبِ عشقم ، رو موجِ سنگِ بدبختی

دارم دور میشم از حرفات ، مواظب باش چقد لختی

...

عرفتک من سهرت اویاک ، شفت طبعک یضر بیّه

هویتک ما ردت انساک ، بس ما ترحم اشویّه

معنی:

چه شب ها با تو می موندم ، ضرر دیدم از آغوشت

فراموش کردنت دردِ ، نمی خوام عشقِ سر پوشت

...

عوفنی . خلینی اجد مستقبلی ، عوفنی . خلینی احس الدنیا الی

مرتاح بالوزّک علی فرحان ، من گلک ابعد عن هلی سکران

معنی:

دور شو آینده ام با تو بدِ ، دور شو حرفایِ تو دلم زدِ

یارم . اسایشت دشمنِ من ، بی غم . قوم و نسب مسکنِ من

...

مرهمِ دردِ غصّه هات دوشم ، دیوانه از شور صدات گوشم

عکسام تک تک رو بسوز امشب ، خاطرهات مرده در آغوشم

معنی:

مرهم الک و اشفی لک اجروحک ، بس عذّبتنی او عذّبت روحک

احرگ اصوری اللیله نار ابنار ، کل ذکریاتک تحزن ابنوحک

...

برو دیگه هم نیا خودت می دونی دیوونه

نمی خوام پیش تو باشم که مثل تو فراوونه

قسم خوردم در این لحظه جدایی رو پذیرفتم

خدا حافظ . خدا حافظ دلم با تو نمی مونه

معنی:

روح او داعت اللّه اویاک ما ارید الگلب مرهون

احبن حر اعیش اوحید ما احب عیشت المسجون

حلفت ابروحی اشیل ابعید والفراگ الیحل ضیمی

اودعک فی امان اللّه و اسیبن سیبت المجنون

...

جاسم ثعلبی (حسّانی) 26/07/1399

احبّک یا ترف طارش علی مر

و افراگک حیل اذّانی علی مر

ابهواک اللیل ما انامه علی مر

یفردش بالگلب ناره سریّه

...

اریدک ما اعوفک وانت الیّه

گلبی اویاک کاتبهه الوصیّه

تعال احذای اشم بیک / اشلون ابعد و اخلّیک

صبرت اهوای متحمّل اذیّه

اریدک ما اعوفک وانت الیّه

گلبی اویاک کاتبهه الوصیّه

...

انت الواعدتنی او تگلب اترید

مو گتلی احبّک جیتی الک عید

هسّه اترید تنکرنی ابخیالک / ترید اتروح روح اللّه ابدالک

و ابروحتک تلفانی المنیّه

اریدک ما اعوفک وانت الیّه

گلبی اویاک کاتبهه الوصیّه

...

هم تذکر سهر حبنه اللیالی

نضل للصبح و انت العندی غالی

تعال اشبگنی و انّام / علیک اهوایه محتام

الدنیا ابخیر حط ایدک بدیّه

اریدک ما اعوفک وانت الیّه

گلبی اویاک کاتبهه الوصیّه

...

المحب ضافاک بالک لا تخل بیه

حبّک بالگلب یسعر و اطفّیه

اشمالک من احاچیک / تضل ترجف وابچّیک

یجی یوم ابسفر نگعد سویّه

اریدک ما اعوفک وانت الیّه

گلبی اویاک کاتبهه الوصیّه

...

جاسم ثعلبی (الحسّانی) 25/07/1399

واگف ما یمسنی الهان احس بیه ابحسد تعبان

ما اطیع الظلم و الجور اشافی ابروحی و اتعانی

اشتهیت ارتاح من کل صوت یا روحی اشحلاته الموت

نص اللیل ضاع الحیل اون بس انا و احزانی

او سطّرت الهموم اشکال منهن یفرق الدلال

نصبیت الشبک ختّال اصید الغثنی وامتانی

شیّبنی الدهر منفوس ابضیمه او علّمانی ادروس

السبب طبع المحب منحوس بعد ما احسبه دفّانی

بینی او بینک الشر بار یریت الحد جبل من نار

ما اریدک تمر خطّار وجودک یبقی حرمانی

عشت کل عمری بالحسرات الحایفنی بشر بد ذات

یغشمرنی و انا المنکوب کلب چم مرّه عضّانی

یا ریت الزمان ایعود یتراجع یرد اردود

مو هیچ الدرب مسدود بس الضیم وعّانی

ماکو معرفه او تدبیر یحمر من یگول اشعیر

العایش بالظلم زمزیر اتبعه او شوف دیوانی

جاسم ثعلبی (الحسّانی) 24/07/1399

نتأسّف علی الی مات یوم الّی وصل یومه

ابیوم الچان حی بالدار ابغیبه انشگگ اهدومه

عبید الموته محسوبین و العدلین ملزومه

بالحومه اتهلهل چیلاته

و الیوگف لک یا محلاته

و الیوفی لک طبعه ابذاته

یا محله اعضاک التحضر و انت الجیدومه

...

ارید انشد و ادگ هوسات لخو ما یرحم ابخیّه

اذکره ابیوم طحت ابضیج خایف ما یمر بیّه

من دارت علیّه الگوم یرگص شفته چوبیّه

ایذمنی او مرته اتوزّه او ما کض اعنانه

...

الدنیا ما وفت للزین بس اعماله تنعاله

ما تحمد الناس اسباع تحمد للکثر ماله

و اذا لچاها وکت العوز تنام ابلوذت اذیاله

ها اشگال العاجل عوفه الصایر دهدایه

...

ما الوم ابتوالی اللیل لو زاد الگلب نوحه

احاه یا لمّت الخوّان تشفی الکثرت اجروحه

جدّام الشماته اتلوگ شفت الغیره مطروحه

معلوم اولهه او تالیهه

والما گدّرها ایغص بیهه

محتام ایعیش ابذلّه الما شد احزامه

...

المصایب جتنه ترعه مالهنّه

اسباع او طومرینه مالهنّه

صگد یحرم علینه مالهنّه

الطمع بینه نحرگه ابشیب ابیّه

حشاء السامع

جاسم ثعلبی (الحسّانی) 23/07/1399

اشما اعتب علیک اترد لی بالتحریم

انگطع مایه او نخلکم یبس جمّاره

هم شایف الجار ایخون بیت الجار

او هم شایف امعزّب طرد خطّاره

ولک حنّیت الک من شفتک اتأذّیت

او فرحت اویه الگلب ریته انچوه ابناره

تهد لی بالحبل قصدک اطیح اببیر

اضل انعی ابهواک او روحی محتاره

تالیتک تگص الحبل وانا الدول

اعلی بطن المای اطیح او تنحسب شاره

منعت الاکل منّی و الشرب و الشوگ

او گلبک من صخر لفیته بیزاره

اذا تکرهنی گول او دربک امن الچول

الحب عندک جهل لا تکشف اسراره

تتعیّل علی ساکت لک اچندوب

الگلب زعلان منّک هدّمت داره

رعیدک ماسمعته او ما قبلت انهاک

امام الماله شاره اتعوفه زوّاره

جاسم ثعلبی (الحسّانی) 21/07/1399

ارید ارسل رساله او بیهه ادگ احدود

الی الخان الصداقه او ما یحس بیهه

من اضحک ابوجهه ایعیل بالدلال

روح التبعته بالنار اچویهه

طبعه یختلف کل یوم لون ایصیر

مو فد عیله عنده اصبر و اعدّیهه

نوبه ینطرح واینادی حیل ادخیل

نوبه ایصیر شرطی او روحی یفنیهه

یهاجمنی ابوزیره ابلعبة الشطرنج

یوز بجنوده صوبی القلعه یرمیهه

اشما اتراجع ایقدملی بالطلبات

حاصرنی ابحدودی او عینی یعمیهه

یرید اصبح اسیر امسنسل الرجلین

او یظم روحی ابسجن دایم یاذّیهه

ما عنده رحم چنّه ابسلف جلاد

ذنب ما عدهه روحی او ما یبرّیهه

ما یعرف عذابی اتمرمرت بجفاه

ابعینی اصواب ما یقبل یداویهه

من اترک هواه عینه تهل ادموع

یکسر خاطری ینعه او یجر بیهه

ضمیته اعلی سدری او گتله اشبع نوم

او شعل نار ابحیاتی او من یطفیهه

ما اعرفه امحیّل مدری بیه مجنون

ما ادری المحبّه ابگلبه خافیهه

الختام اکتب له میثاق ابشرف مبصوم

لو یقبل  صلح لو عشره ینهیهه

جاسم ثعلبی (الحسّانی) 22/07/1399

خرگوش ها خیلی زیرکند

ولی طمعکار

مانندِ جیر جیرک ها

سرودِ آزادی نمی خوانند

و شبیه بلبلان آزادی پرست نیستند

طبعشون مانند اکثر انسان ها

 ظلم پرستند

خانه ی آنها دیوار ندارد

بچّه هایشان روی پشمِ حریر می خوابند

از موهای مادرشان

مخلوقات عجیبی هستند

زود اونس می گیرند

و حسِّ حسادت ندارند

و مشتاقِ دیدارند

لحظه به لحظه

جاسم ثعلبی (حسّانی) 20/07/1399