ابوذيّات فراق الحبيب
يون گلبي إبغيابك ونتهينه
إنكشف سر طور هجرك ونتهينه
جزع عاب إبودادك ونتهينه
الغدر ميفيد ما يرهم عليّه
***
يگلبي إبدار أهلنه داده خلنه
لأن سهم النوايب داده خلنه
الضرنه و هشّمانه داده خلنه
لبس ثوب العزاء و رَكنه إبرديّه
***
نسينه أطوار حبنه ونتمنّه
الزهدنه و ما كرمنه ونتمنّه
الوعدنه إبقوله صادق ونتمنّه
لبس ثوب الخزي و شت يا نويّه
***
عليمن يون گلبي ما صفن لي
إدموعي إبدم جرن لي ما صفن لي
المحبّة و المودّة ما صفن لي
قسمتي الحزن و الهم و الأذيّه
***
الدّنيا أوصاف من المحب حلّت
إچّم عقده إعلى درب الشوگ حلّت
اگلّه إنصف ينط و يصيح حلّت
إمن أنصحه ايطيح طرگاعه عليّه
***
أطم بل غيض فاض و زاد ولمه
إشما طال الزمان ايجيس ولمه
يريت أطبخ مصايب و أفض ولمه
إنتناولهه إبوكت ما بيه تقيّه
***
شجاك إشغيّر أطباعك تراباي
مچمن ضدّي و تناجر تراباي
إمن أموتن تخسر إمن إتهل تراباي
إعلى لحدي ويا هو إلك غيري تچيّه
***
بعد متحمّل إبلدغك و شرّاك
غسلتك نعّمت طبعك و شرّاك
إعلى كل ما يحدث أحچيلك وشرّاك
الشرته إتكبّر ايخل گام بيّه
***
جاسم محمد الحسّاني 13/08/2025
19/صفر / 1447 22/05/1404
:: بازدید از این مطلب : 179
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
