سفیر الحب

غزل بیدر عتب

حطنی اعلی الجرح عاتبنی اذا ما طاب

او ضمّدنی اعلی گلبک ینشرح حالک

او شوف اشلون تلفیک السعاده الوان

احذرک لا تغثنی او ینشده بالک

الک ورده اصیرن و اشتم ابطروای

بس لا تنغدر من تکثر اموالک

عاین فوگ شوف الشمس وسط الغیم

ضیها امخدّره او ما تحسب اجبالک

الک بیدر عتب دفنیته بالتنور

او حرگت اعتاب فایت یشوی برمالک

انجلب حنظل کلام الما یطّفّی النار

او دفنیته ابعبرتی او رمشی یبرالک

ما یاجد فراق البیه عداوه او ثار

یاجد لک گلب بس افتل احبالک

شدّه اعلی الضلوع الما تهاب الموت

او ربع له ابهلاهل ترشم اجمالک

مای او جو لطیف او دنیا کلهه ابخیر

مضیف او گهوه تحسب دگّت ادلالک

تچّی اعلی البحر خل روجه یحسب ضیف

او ملامع جیّتک تتباشر ابجالک

ولک معضد صرت لی او چتّفتنی اچتاف

ادیّه امشبّگه و اعیونی تحلالک

خلینی انطرح خلینی اموت ابطیف

حارگنی ابدلالی اترکنی اشوالک

نوبه اترید مایک یشرب العطشان

او نوبه اترید عطشان او سگه انخالک

جاسم ثعلبی(الحسّانی) 11/01/1396

غزل تتحلّم عبث

بعد بسّک یگلبی لا تحن جوز

الهانوک ابغدر خلهم یولّون

تتحلّم عبث و العازه بالحیل

دریت اجناب صاروا ما ینشدون

خیانه امبرمجه او حیله او طرب لیل

اشمالک تقصد الهم من یعانون

شد ارسان خیلک طوف الوعود

اذا جرحک وسع لا ما یداوون

خلیهم ودی خلیهم ارماد

نار او عار داوی ما یطفّون

گوم اشبع فرح گوم اغرس احباب

غربه امدوحسه ابضلهم یگصّون

ایدک لا بلت دربک شته او فاض

الزهور امعطّره او حافظها مضمون

خلهم بالمذلّه خلهم اسبات

لباس الذل حلو خلهم یلبسون

کتمت السر علیهم عند الاجواد

نصحت اهوای ما قبلوا یتوبون

السبع ما ینتحر لو گطعوا اویاه

عزم یزداد لو رادوا یهجمون

الشمس تبغی الشمس لو بالسماء اجبال

یشع ضیها ابکرامه او شوف العیون

وین الزامطوا و اتنخوا ابحید

حدر الگاع بس تابع یموتون

الدرب واضح گمر یزهی ابالف طیف

عمت عینه الیسمّی ابروحه مجنون

جاسم ثعلبی (الحسّانی) 09/01/1396

غزل تتندم

ما هزّک ضمیرک یالظلمت النّاس

الفقیر ایموت و انت اتقسّم ابداره

لا رب التعرفه او لا قیامه اتفید

سخر مرمر یگلبک مثل الحجاره

چنت حافی او تجدّی او تخبن الحافات

ما تاجد فرس بس تملک احماره

الف رگعه ابقمیصک ما تعرف العید

اردان امطرطره و الشدّه بزراره

الوجه شاذی او خیالک بس شعر منثور

امزیّن ما یزیّن و انطفت ناره

اجاک الحض ابزود الحیّه و العربید

غسلیت الجرّب من جتّک ابشاره

او کلیت الراس کلّه او گطّعیت الذیل

او تفلت ابموگد العز و الکرم جاره

او شربت ابمای صایم من فطرعطشان

او چفیت الدله یم شیخ او الظلم زاره

او حرگت اشماخ متخیّل جماله ابزود

او لطمت الشیله بالعیله ابغصب عاره

متنصّب امیر او امرک امن اعبید

ابیا سنّه او دلیل اتنصّب اطراره

ما تعرف الخالق سیّد الکونین

یحاسب بالکتاب او عدله و احراره

او ما تعرف ارواح التنفنی بالموت

او تعب رب الجلیل ابخلقت اسراره

ما تعرف الگاع الطمّت احچایات

تشهد بالمجالس لو سدت غاره

استعدل لا  یمزّگ دربک الدینار

ما تسوا الضیّافه الدنیا غدّاره

الچفن یبغی المماتک ما یشیل افلوس

و الاعمال الجمیله ابسده بتّاره

تتندم ابشرک لا تغیض السیف

او خیّاله الشهم و امرضّی خطّاره

الارض ما تنقصب و الحگ یکع الزور

لا طوب الیدگ لا تعلی طیاره

جاسم ثعلبی (الحسّانی) 04/01/1396

غزل احذرک

شنهی اترید تصبح حاتم ابیومین

تدری ابن الجبل ما یهتز ابریحک

تضل ساسة بله و اتعذّب الطیبین

اسد لا مو اسد من واوی تلگیحک

اجرّک للدرب و اتمنّی حلمی اتصیر

مثل بول الجمل بالعکس ترشیحک

تگص ثدی الرضعته او تهدی بیه للغیر

او تعامل بالمحارم صعبه تلمیحک

ما اریدن طلی یتحده کل نعجات

وایماشی الضبع وایعزمه تفریحک

اخاف اتبیع ملبوس اللبسته اجدید

او تشمت اعدانه بینه ابفشل تسلیحک

ما اریدن غدر روح اتبع الهانوک

حسافه اعلی الوکت علّمنا تطریحک

وابعوز الوکت ما شفتک ابشدّات

مثل حسبة مره بارموشی تنصیحک

ما اگولن عجیبه و النذال اهوای

ما یوفی الخنیث ابذاته ترجیحک

احذرک لا تدگ باب العشت بیه دوم

اتبعک لو تطیر او اخصی تنجیحک

اتادب یا بشر لا تلطخ اهل الشان

اشیوخ امعدّله او من عدهه تبلیحک

بعد ما ارید اشوفک گلبی مایهواک

ابتعد خلیهه ظلمه او کافی تصریحک

عندی اسرار الک یوم القیامه الگاک

ملوک الحگ یبومه ابنارها اتریحک

جاسم ثعلبی (الحسّانی) 28/12/1395

غزل موج البدر

حجزت الغیض کلّه او گمت افکّربیک

انترس گلبی مشاکل من خرم جودک

لگیتک گمر طافی امحزّن النجمات

تهجم کالاسد مـــــا تعرف احدودک

طایر بالسماء او تمطرعبث صدمات

تتمرحب علی بس من ذبل عودک

ضباب او لیله ظلمه من تسد الزیج

تظهر کالشمس من تکشف ازنودک

واگف لک جبل ما طبگن الجفنین

اجرّب و انتظهر ما توفی بوعودک

مثل ریح الشمال الیزهی صیته ابللیل

لا تعبد خطاء دع گلبی معبودک

زلال او لیله گمراء و البحر سکران

انفجر موج البدر من تعصر اخدودک

اشوفنّک غزال او تسحر اعلی العین

عین الّا تضرّک تعمی حاسودک

جاسم ثعلبی (الحسّانی) 09/12/1395

غزل کلام الردی

کلام البیه رده یشبه نبت مسمار

بس جربه اعلی روحک ترضی ترخیله

لا تجرح گلب ملتهب بالنیران

السکوت امن الذهب والادب قندیله

لیش اتدمّر ابجسمک امانه اویاک

هدیة الرب الروحک و اقراء ترتیله

الجسم ویه الاخلاق امساوی الکفّین

اذا طبعک ردی والناس تهذیله

المعدّل یعدّل طبعه ویه الناس

او یفعل بالعداله اویترک الحیله

او کل شی الراده اله یتمنّه فیه للغیر

های اصل العداله التسمح العیله

الکباره امن الطبع واخلاق الیسمحون

توصل کل جمیل ابعزه تربیله

المضیف الصاک بابه ما تدخله اجواد

تعادیه الدلال ابطلقه تشچیله

والیرید العلی یتخلّق ابترحاب

مو یندس ندس و الحیله تسبیله

والیرید الثقافه یقراء بالقرآن

او یفعل بالکلام الّی ینادیله

الاصل طبع البشرمن داخل الحیطان

مو ظاهر یغنّی او دمعه یشچیله

الاصل تربیته تظهر بالبیوت اوسام

اذا بیت انفجر من ربّه تحلیله (رب البیت)

انتبهوا یا خلگ لاوین و اخذ الثار

عصاة الرب ثجیله اجعلهه تحچیله

اعمل و انتبه و اتفکّر ابکل لوم

الگلب صافی حنانه او ضخّه ینعیله

طوف العفرته باچر وراک الموت

الگبر هم یعرف ایطگ ابمحاچیله

البطن وسعه کبیره تبلع المثرود

ادفن کل خطا الیوصل او گص ذیله

ازرع طیب و اتدلل ثراک البین

النیّه البالگلب مظمومه کالچیله

الله ایحاسب النیّات و الافعال

اذا سائت النیّه الربهه تومیله

ما یحمل بخت کلمن یهین الناس

الاهانه اعلی البشر للطاغی تمثیله

تحلّی امن النبی(ص) و اخلاقه بالصعبات

او تعطّر من رسومه او گومه تفدیله

عندک حیل و اولاد او عمام اهوای

اذا ساء الگلب من هو الیتچیله

باچر موت و احساب او عتاب او نوح

تجاوب یا بشر و اتنادم اتخیله

اصلح و انتدم و انشر عهد مکتوب

اعتذر من کل نفس تاهمتک ابغیله

صیر ارماد و اشفی کل جرح مفتوگ

و الفرصه الثمینه و العمر هیله

هاذ آخر کلامی او ما ازید اعلیک

صلّی اعلی النبی او رتّل ابتهلیله

جاسم ثعلبی (الحسّانی) 06/12/1395

غزل ناکر الطیب

تتصوّر نمــــــــــــر بس انت قط تعبان

یــــــــــــــــالعایف حبیبک وین تالیتک

السهر و الظیم نکریته ابوداع او موت

متحسّف عجیبه اشــــــــــــلون حبیتک

چنت حر او برد واگف لک او سکران

اطوطح بالــــهوی ابّبطن الگلب بیتک

یا دیرم حلــــــگ یا کحل طرف العین

غزال او مـــــن تمّر تتفاخر ابصیتک

یا محبس ذهب یــــــا فص عقیق ابنور

یا لگمه او عسل مــن عاشرت ریتک

تابعتک طفل مــــــــــا تعرف الغذّاک

و ابطــــــــــــن السدر مرتاح دفّیتک

حمیتک من هوی الغازی الیگص ارگاب

او علی اعناد الحساده ابرمشی مشّیتک

کبرت او گمّت تتدلل علــــــــی منفوخ

انفجر حب الدلال او هـــــــــای تالیتک

صرت شایب او خضّر شیبی عالرمشین

گلت کافی زعل کـــــــل عمری تانیتک

اتصوّر ورده تزهی ابعطـــرک الجذّاب

حلم یصطی علی شخصک او شمّیتک

احمّـــــــــل بالمشاکل لجل تبغی اویای

ابلسم بــــــــــــالجروح ابدمّی حنّیتک

غصن متربّی بامه او منشرح مفطوم

افکّر گلبی انت ابــــــــذهنی شتلیتک

مزار امطرّزابلیلو جمرّزخـــــــاص

خـــــرزه امجرّبه و ابزندی شدّیتک

نیشان الــــــخطوبه شبه دمعه ابعین

رایه امخضّمه و ابعینـــــــی علّیتک

تذکر من لبس جسمک چفن مطرور

بحر واشتم نسیمه ابروجی داویتک

اطفّی ابنـــار حبّک و انت تشعل بیه

اشکثر ما چنت اطفّی ابربّی کرهیتک

ابکثر ما چنت اطفی ابغمزه جافیتک

جاسم ثعلبی (الحسّانی) 02/12/1395

غزل مادر

روزگــاردر دشتِ قلبم خیمه زد

می نگــارد خاطراتِ خوب و بد

تند می بارد بـه دل سنگ و غبار

سیلِ جوشانش خروشان جزومد

گوشِ کر دارد زداد و آه و سوز

با ستم کاران گمـــان پوشیده قد

دور می بینم کنــــارش صلح باز

رویِ رودِ غـــم گسارم بسته سد

گفتمش تا کــــــی بمانی فتنه گاه

گفت تا ذلّت بنوشـــــی آبِ سرد

گفتمش لذّت نــــــــدارد زخم باز

گفت بازارم شــــــده داد و ستد

گفتمش امــــــــوال دلالان نسوز

گفت شمشیرم نـــــزن پایِ نبرد

گفتمش تـــک یاوری دارم و ناز

طول عمـــرم ناشنیدم حرف رد

کاش همدردش بمانم خــوشگوار

کاش تــــــا هستم ندارد آه و درد

گفت منظورت نفهمیدم که کیست

گفتمش مادر زمهرش کس نگرد

گفت آزاده بمـــــــان آسوده باش

زیرِ پایش جنّت و بـــ0گ/چی او نخند

جاسم ثعلبی (حسّانی) 27/11/1395

الهثک یا زمن لا تگصی ویای

لان سیف العداله ایگص وریدک

انا امحزّم عبالک سمچه و ابنار

تاکلنی ابسهوله او موتی بیدک

عشت ویاک اسیر او سیفی بتّار

او جرعة السم صفالک ورده بیدک

احن و اشتاق ازورن دار الاحباب

بس نار الشماته اتمس عضیدک

جفّی یا زمن خلینی مرتاح

زرعت الشوگ و ابضحچاتی افیدک

صرت خاتم لبستک بید الایتام

الذّی دمّرت مسکنهم و ازیدک

علیمن مشتعل و اتهدّم ابیوت

کف من الزعل و ادفن حدیدک

الدنیا ایّام معدوده او عمر طاف

الزماط ایموت و ایهشّم وعیدک

تاکلنی الظهر و اتبلسم اجروح

تعذّب گلبی ما یجفی او یریدک

خطایه الموت ینطرنی او یهس بیک

لان مشتاق اله او یسمع ربیدک

لبست الچفن ما اهاب الدفن یوم

او تابوت الحملنی ایشم ثریدک

ترید اشتم هوا و اتمنّی انسان

گص راس المذلّه او موتی جیدک

بسّک یا زمن صالحنی مظلوم

او ضحّیت ابدلالی و اشتریتک

جاسم ثعلبی (الحسّانی) 27/11/1395

موال و اغنیة سهّرتنی

یا صاح دهرک جرع دگ رمحه ابچلاتی او هلک

زامطنی بالبین عسکر لـــــــــــی ابحیاتی او هلک

ما کفنی ولهــــــــــــــان یواعدنی ابعذابه او هلک

محتار اداعیه اخــــــــــــــــاف الشر یدگ میسره

و ابروض گلبی شتل چــــــــلماته او ثبت میسره

عطشان احن لیه غرغرنــــــــی او عذب میسره

متساهل اویــــــــاه ردت اجمع حنانی او هلک

***

خبر عاجـــــــل دفنته او سال ونهال

او گلبی مـــــن نحیبه انفطر و نهال

انتظرت آخر کلامـــک جال ونهال

ابفعل شمس او گمر تضوی الثریّه

***

سهّرتنی، سهّرتنی  / منتظرلهثة کلامک حیّرتنی، حیّرتنی

***

انت شمس او ضاویه ابــــــــــــــــروض المحنّه

انت شهگت موت غرگانه ابسدرها او حبهه جنّه

انت ورده او بید حب ضــــــایع حنانه ابلیه منّه

لا خبر لا جت وصیّه و ابســـــکوتک عذّبتنی

سهّرتنی، سهّرتنی  / منتظرلهثة کلامک حیّرتنی، حیّرتنی

***

انت طارش وانا خلصان انتظاری او ودّعیتک

او تدری باسهام الحنان التابعنّی مـــــن هویتک

او سهر خابصنی ابمنامی او کـــــل لیالی گلّبیتک

اخشی من چلمت وداع اتگول روح او تارکتنی

سهّرتنی، سهّرتنی  / منتظرلهثة کلامک حیّرتنی، حیّرتنی

***

الحب امان او ورده یزهی او ما شکی هم اللیالی

ابدار ظلمه او عینه تربــی والدرب یشکیله حالی

یا برد یا حر شهد له یــــــــــــا وعد یکفیله غالی

ابصحرا و نچب الجراب ابنار هجرک مرمرتنی

سهّرتنی، سهّرتنی  / منتظرلهثة کلامک حیّرتنی، حیّرتنی

***

جاسم ثعلبی (الحسّانی) 26/11/1395