سفیر الحب

اشتضن انساک

اشلفاک اتزید بحزانی، هواک امغیّر الوانی

افراگک  واللّه  اذّانی ، اشتضن  انساک

ویّاک ارید اویاک  ، ما اتحمّل الفرگاک

دنیا او نار

***

چرا قلبمُ سیاه کردی ، چرا عشقمُ تباه کردی

در حقّم گناه کردی ، جفا هر گز

وای دلم چه بدبختِ  ، دوریت برام سخته

یه دنیا زار

***

بعد ما بیّه اجر حسرات ، بس گلبی عدل ما مات

امسافر ما تجی هیهات ، امن اموت الگاک

***

غم و  غصّه نخور قلبم ، دارم می میرم از دردم

تو سفر مونده آهنگم ، یه عشقِ  پاک

***

عذابک هدّم ابحیلی ، ما یذکر سهر لیلی

اصیح احاه یا ویلی ، صعب طرواک

علمنی الزمان انسه ، گاضی عمری بالخنسه

اعتذر و ارجاک

***

عذاب و دردِ درمانی ،  بی خوابی و زندانی

دلم با آهِ قربانی ، همش آزار

زمان پندی به دل داده ، فراموشی و سر باده

ببخش انگار

***

الگمر بنجومه متعلّی ، ابوسه او هوه متخلّی

جماله ابسدر متهنّی ، ذهب و الماس

***

یه ماهی در جهان تنها ، یه بوسه تو لبش پیدا

تو سینه خندها زیبا ، طلا و الماس

***

جاسم ثعلبی (الحسّانی) 20/02/1397

ابوذیّات عاشقات

زمانی  اهموم   فوگ  اهموم لمهن

او گلبی من گرب  للعشگ  لمهن

اودّی اطروش یمته الوعد یمهن

ترد  و اتگول   متحیره   اشبدیّه

***

الگلب غابه او جفن عینی دوالک

ابظلام   اللیل     متنومس  دوالک

اذا دمّی  شفه  الجرحک   دوالک

فداگ  الروح  طمنی  ابلا وصیّه

***

هدیّه  الگلب  رضّیته  ملک لک

او بعد لتغیّر اطباعک ملک لک

کریم او طوعة القادر ملک لک

اذا   انته   امیر   اویاه   سویّه

***

ثجیل  الحب   صبر  لیلی   لعابه

او کثیر  اجناس  طمعانه   لعابه

ابو   گلب   الوفی   صاغه لعابه

یقدّس بیه ملک صبح او مسیّه

***

ابوضوح الشمس لچنی الهمس و ارویت

شبچ و انذب علی   وانصدت  و ارویت

چنت عطشان احس دردشت و ارویت

روانی   الحب   عذب  مایه   ابهنیّه

***

صبح   طیر  الولف   ملتهف  و انصاد

او حط اعلی الگلب   منقذف و انصاد

انا  الصیّاد   اهف  کالحوم   و انصاد

ابنظرت    عین   شد  جنحی  وادیّه

***

الیهون     الگلب   لا  لا   لامهینه

او  قصد  للحب  مقامر   لامهینه

یفز    حلمان   یصرخ    لا مهینه

اتسودن  وانه ادگ و الطم بدیه

***

سلیم الگلب من  حبّک  و دارک

ابوکت العوز الک طاقه و دارک

سکنته ابثالث احلامک  و دارک

ارحمه   ارجوک  لتمسّه  اباذیّه

***

عزیز الروح مر و ابتسم  واحلاه

البراطم تمر تنگط عسل و احلاه

لون لحظه اشم  الصدر واحلاه

الموت  ایهون  الی والفوز الیّه

***

گمر ظاوی اعلی روض الگلب شفته

او  تمر  گنطار  فوگ  الصدر  شفته

لون  یقبل  ابوسه  ابوسط   شفته

اطلبت منّه او منعنی او عم علیّه

***

غزال او شاد خشمه علی میمر

یغنیلی   نغم   بطوار    میمر

الغیره ما ابیع الروح   می مر

حلو  واللیل  ما  انام اشبدیّه

***

اریدن   ولف  یشفی  الصدر یا حی

و اسهره ابروض   لیل الشتاء  یا حی

شفت بالحلم صوره او  صوت  یا حی

ابحی    الورد    لو     حی     المنیّه

***

الولف  حیران من ون وانتهینه

العمر خلص متی وان وانتهینه

اود   اویاه   اعیشن   وانتهینه

یگلّی  الصبّر  و  انا النار بیّه

***

عطاشا  او ولف  ساقی   مایملنه

اعزاز    اعلیه  طلعنه    مایملنه

ابصحاری الحب سکرنه مایملنه

انتمشه   اویاه   و  الدنیا  زهیّه

***

جاسم ثعلبی (الحسّانی) 0802/1397

ابو ذیّات متنوعات

هله بهلال عید الفطر من هل

او بقی مرسوم صوت النصر من هل

بلدنه ایقدسه من حیث اقر من هل

او عشایرنه العریقه الیعربیّه

***

ابسمانه الیوم عید الفطر غرّد

او علی العادانه اظن ینحدر قر رد

مو کل بقر یغزی الوطن قر رد

اقرود او فیله متعلمه علیّه

***

هله باهلال عید الفطر هلّیت

او علی اعناد القفز بالنار هلّیت

یلیت اکمل لک المشوار هلّیت

صنادیق الاسرار اتلوح بیّه

***

هله بهلال عید الفطر من طر

او صرت للوطن حارس گعد منطر

شبیه الحوم یتبع طرد من طر

تَلهمه الچان یتدلل علیّه

***

عیدک امبارک حبیبی الدنیا عید

روح طوف الزعل کمّل و الهه عید

الدنیا ملیانه ابمشاکل بیهه عید

احسابک ایخلّص او ترجع للعتاب

***

عیدک امبارک تعنّیتک و اجیت

غیر گلبک یسوا ازورن ما لگیت

هسه من جیتک ابعیدی اتلوعّیت

شاد خشمک چنّک ابیوم المعاد

***

هم تدری الگلب بجفاک ولهان

و اذا ما توفی بیه او شاک ولهان

التحایل وی حبیبه او حاک ولهان

یضل طول الدهر ناره سریّه

***

هم تدری الزمان اویاک ملهاک

ترس گلبک حقد و اشفاک ملهاک

الصبر صبّرته ما منعاک ملهاک

گطفته ابدار ظلمه ابمسرحیّه

***

هم تدری صعب معشرک و اشراک

غیر الرب تطیع الملک و اشراک

الضمک کون من منخرک و اشراک

و ازیل الکدر من گلبی ابهنیّه

***

هم تدری ابهواک احتار و انهار

الگلب لجلک عبر له ابحار و انهار

سهر ما نوّمتّه امطار و انهار

یفز من سکرته او یدّی التحیّه

***

هم تدری ابعذابک جفل قلبای

اجبره او یوصل او ینتدم قلبای

صعب حبّک اصبّه ابنظر قلبای

ما ترکد ابقالب بس اذیّه

***

هم تدری کسرت الگلب بچفاک

ارهمک عالدرب مو قصب بچفاک

تحفر لی ابگبر و اتهیل بچفاک

اذا قصدک تطم لتعم علیّه

***

جاهل ما عرفتک تغر ولفاک

اذا ما تحترم تنهزم ولفاک

اشبگنّک ابثوب الچفن ولفاک

عشر امتار اطم مالک خطیّه

***

عجبنی اهوای یزهی ابعزم وایفور

یدوی النار وانا ابجدر وایفور

حسب لی وان تو والثری ویفور

او گطفنی امچوّه وایضحوچ علیّه

***

عجبنی الگال احبّک کذب بالعار

الیکذب خاین اهل الکرم بالعار

اللطیفه السانه ما ینعجد بالعار

اطوال اکصار وایچوّم علیّه

***

دخل گلبی هوی المحبوب واشفیت

جمال اعیونه لون الخضر و اشفیت

یحبنی او لم لم الشفّات و اشفیت

لچن عگرب طلع بست المنیّه

***

انصحک لا تحن للجای والمار

حب هالوکت مو حب صدگ والمار

نصحتک لو ترکت النظر والمار

عساک ابنار تدوی بالثنیّه

***

انصحک یالوگعت ابعشگ واکفر

العبر دین الاسلام او ترک وکفر

العیشه اویاه ما تستمر وکفر

المبایل بیده و ایدور له میّه

***

اصدگت لو نشف بحر العرب واجنیت

اشکثر حبّیت حب من صدگ و اجنیت

علی حب العذب خلّصت و اجنیت

یساوم کل حیاتی ابلحظه الیّه

***

الزمان ادروس علّمنی ولمنی

ابحب الطمع ذکّرنی ولمنی

یطشّرنی الهتک جاهی ولمنی

انتهی البد ذات خل نگعد سویّه

***

وعد صادق وعد کاذب وعد مات

کثیره اتضررت ضاگت و عدمات

المگابر سولفت صاحت وعد مات

اندفن بیهه الفقیر ابلا شچیّه

***

یا وسفه لفانی الشیب بل حان

تگرّب یدبی بالدلال بل حان

بلح اسود جسمنی او عان بل حان

او بلح ابیض لبس ثوب المنیّه

***

هوی المحبوب هب وانتهب ما هاب

لون کل شعری ابیض صفه ما هاب

لان من ربّی گلبی انترس ماهاب

احس بالموت اذا یگرب علیّه

***

عندی اعتاب ویه المحب بسکوت

انجده او عذّبانی او خنس بسکوت

یفرّحنی و اوزع اطباق بسکوت

شرالی البدله بس یکذب علیّه

***

یحز گلبی ابامل ینحز بالاحواز

او جمع نص الوطن منعز بالاحواز

اصیح اهلالنه هل هل بالحواز

او یجی یوم او نعیّبد بالوطیّه

***

الشعر ینبض ابزی عگلی و العتاب

ولع ثبّتّه بانغامی والعتاب

ابابو ذیّات اشد عزمی والعتاب

و اخلّی اهل الادب تروی القضیّه

***

کتلنی المادرک دنیه و لا دین

ولا حس اباخذ ثاره ولا دین

اعتقد ماله گلب زاهر ولا دین

امشبّگ بید عدوانه ابردیّه

***

الشاعر الشعبی: جاسم ثعلبی (الحسّانی)

08/03/1397

غزل مو گتلک اضرّک
مو گتلک اضرّک حیل اضرّک حیل
خلهه عبره الک بالک تاذّینی
انت منتکل عالمکر والحیلات
و انا معتقد بس اللّه یحمینی
لا تتکبّر اصغر خل اشوفک عون
مو فرعون بسهامک ترامینی
عبرت الشط بناک او شاد خشمک حیل
ما تعتازنی او ما ضن تلاگینی؟
ابو قصر الذهب یحتاج بیت الطین
ابو قصر الزجاج اشلون یسبینی
اذا بیتک زجاج ایّاک تلقی احجار
یضربونک ابصخره او لا تنادینی
ما اجیلک کرهتک ما اساعد غوث
کل ما ساعدت ما بانت ابعینی
ولک اخجل او ریّض مستحه مابیک؟
گلبک من صخر مرمر یعادینی؟
دللتک حضنتک بستک او ربیت
ما فاد الدلال ابهمسة اسنینی
شنهی عاد انته شمعه لو تنور
تتلاهب علی بعیونی تچوینی
چنت ضایگ تحشّم و الدمع سچّاب
رفعتک للسماء او گلبک یبدینی
غسلتک من غرور الدنیا و الدینار
انتظرت ابثوب الابیض چسوه تهدینی
تالیتک عرفتک من صرت چتّال
تدور چتلی و ابعمری تعزّینی
اچندوب الخیانه و الغشش والعار
تلبّسنی ابعهودک من تجافینی
ارید اعطیک چلمه او خلهه عندک نار
اشتظن گلبی یکرهک بینک او بینی
تگول افلان اخویه او ذاک عنده افلوس
العشق مو بالذهب والمال یشرینی
المحبّه نابضه من منفذ الدلال
حی گلبک اذا بالطافه یروینی
اضل انظر کلامک ما یهمنی اللیل
سهران او لجل عینک یسلینی
معضد من ذهب حبّک لبسته او باد
موسلعه عشق شعری الیبرینی
ما نامن اعیونی او لا کلیت الزاد
من یوم العرفتک دمعی یسگینی
ذاتک وین راحت سکره فیک الیوم
تجرحنی ابعبث  دمی الیحنینی
عساها ابّخت کلمن عرّفانی اویاک
طنبور اصبحت باحلامی تشکیلی
لا طایر بعید او لا تکضّک اید
اشما اقرب علیک اتبعّد احچیلی
اذا اعوفک و اناسی او ما امرّن بیک
تهددنی تموت او تبچی تنعیلی
شسویلک بعد ضاع الوصف ویاک
احطّک بالگلب خافن تغنیلی
او یطلع صوتک ایفزز علی شمّات
او تفضحنی ابمحبتک من یبرّینی
ما انساک ریت انسی واشیل ابعید
گلبی ما یکرهک شاهدک عینی
گفلت الگلب حددّته ابسناسل نار
لدیارک خفت یسبگ یتانینی
ضل ینزف جرح ضل یلچم المجروح
داویته ابعذابی او جمرة اسنینی
جبت مرود کحل کحّلته بلکی اینام
او مرهمته ابضمیری او ضل یعازینی
کل هذا التعب وانت اصبحت طمّاع
تتطمش علی کل هذا تحلیلی
اللّه اویاک اسافر واتبع الغربان
بدیار الغرب من هو الیواسینی
جبتک للدرب ضلّیت اعلّم بیک
تنسه الّی درسته امبحلج ابعینی
ولک مو عینی تعلّم گلبی یترجاک
ولک ذاتی التعلمک لا تغشّینی
شهرین اعتقد داریتک ابممشاک
عوج تمشی گمت بالهم تهنینی
عفت المستحی ما ارید اضربک صوط
اسجنک واللّه اسجنک و انهض ابحیلی
گلبی مو عدو گلبی تراچی ابعوز
اریدک تعترف بیّه او تبارینی
اریدن چلمه وحده اتفرّج المخنوگ
لو تبعد صدگ لو تگرب احچیلی
یا وسفه العمر خلّصته بیک ارماد
مثل تنور صایر تلهب ابلیلی
ولک عوف الیضدنه اگباله مفرگ موت
تتحمل ؟ اعوفک و انت تشلیلی
هذوله ارکاد مای امحمّرین ابطین
قصدهم و اعترف شامت یلاوینی
ما ادری حسد عدهم کره لو غار
یریدونی احبهم من ثگل کیلی
خلیهم جناوی بید دف مبطوط
بس اصواتهم بحلامی تنعیلی
ما تقبل تضل اشبع کتل کل یوم
بحزام المرادی ایضربک افتینی
دلّیتک درب لو تمشی بیه تمتاز
ما یمّه الخطر و ابنصّه تلگینی
اضل ویاک احن لمّن یجینه الشیب
و احطّک بالگلب واسمک ینادینی
لان انت حیاتی واندمجت اویاک
ما اگدر اترکک لا تعادینی
قصیر الذمّه اشوفک لاکن المقصود
لیلو وی جمرّز شافتک عینی
ذهب صافی او جمالک یزهی یسبینی
ازورک کون ازورک گلبی داعینی
من الشاعر الشعبی:
جاسم ثعلبی (الحسّانی) 25/03/1397

غزل ملّیت الحزن
حطّمنی الحزن تابعنی حد الموت
ما  یتفاهم اویای ابمناشیره
جلست اویاه حزین اموسد العبرات
دگ نعشی او ضرب جسمی ابمسامیره
تمنّیته عشگ یسهرنی بالامال
و ایحلل حبیبی افکاره بالسیره
ولاکن تابعانی او ما رحم هیهات
متوسّل کلام القوه تقدیره
شتل برض السهر فکر و طلایب زور
بحلام الصبح مرسومه تعبیره
العشگ مرود کحل صایرله بالعینین
او گلب المنحبس بالفرگه تطهیره
قاید جیش هاجم بالنبال او دان
گلب هایج ختل و الفخر تحریره
بالشر ملتبس حارمنی نوم اللیل
او بدموع العیون التجر تمریره
یختل بالقدر و ایفخخ احچایات
فلم من هالمصیبه ابغفل تصویره
تحنّیت اعلی موج البحر و الدم سال
من شریان عگلی او زحف تطویره
یا طیر الحمام اتون حبیبک شال
قول او فعل صامد شالته الغیره
تضل الذکریات اتحاشم الیبچون
مثل ریح الشمال ابشوره تحذیره
قاوم یا گلب لا تنقدر للموت
غریب الموت وقت الضیج تفسیره
الظلام ایفوت و الفرگه التهاوی  البین
او بجفون الهجر تثبت معاییره
شبه برکان ینفت و الدموع اتثور
یتساقط علی العذّال  تبشیره
خراطیم الوکت متحارب اهل العوز
و المغیّم یفر مستقبله ایغیره
مو واجب نحیب ایحشّم العذّال
ولا دمعة حزن بجفونی تقطیره
یلوم الماعرف ضایج یهد بسلاح
من حقه الدفاع او صوته تبریره
یا معضد ذهب یالحاکم اکحیلان
یا طور العذب یمفرّح الدیره
ضحیّه قدمّیت الروح الک یفلان
فدوه الروح خل الشامت ابحیره
جاسم ثعلبی (الحسّانی) 18/02/1397

یا ساقی حرم

پا شو حالا ، تا نبینم ، علمت  رویِ  زمینه

پاشو حالا،نمیدونم،چی بگم من به سکینه

نرو ، پشت و پناهِ  حرم ، ساقی آب آورم

خالیِ   دور   و   برم ،  ای  امیرِ  لشکرم

***

هسّه انهض،خل اشوفک، و العلم  بیدک رهینه

گوم هسّه،اشلون افهمک،تربی الدربک سکینه

لاتروح ، هز بیدک العلم ، یا ساقی الحرّم

وحدی عفتونی اشعجب،یا کفیلی یا شهم

***

یا اباالفضل، ای برادر،دل به دیدارت نشسته

دیر کردی،یبن امّی  ، نمی دونی دل شکسته

بیا،نرو ساقی لب تشنگان،بیا نروای کفیلِ ماندگان

آتش زدن خیمه ها   ،   بیا بیا ای قمر در آسمان

***

یبو فاضل  ،   یا عضیدی  ،  قلبی متحمّل عذاب

اطفال عطشانه او ضماها،تعکس ابعینی السراب

اتأخّریت،العجل یا ساقی الفواطم

العجل العجل یا کفیل  الهواشم

وین اخی شعلوا الخیّم،العجل یا قمر یضوی المعالم

***

دو کفش بریده،تشنگی رو کشیده،

 علقمی آبش خروشان

می خورد ، بارون نیزه ، یورشی زد  مرد میدان

خدا، عبّاس تشنه لب، خدا شهادت در طلب

خدا کوبیده کافران، خدا تو روز و نیمه شب

***

انقطع چفّه، الحومه وحده، العلقمی مایه عذب

العطش ضرّه ، ارماح ترمی ،هجم واعیونه تصب

یا الهی ، یبس چبده  ،  قاید ابجیش الحسین

لطم جیمه علی جیمه،او تشهد ابحقه العرب

***

پاشو پاشو،تا نفهمن،که نداریم ما علمدار

برو خیمه تا نبردن  ،  بچّه ها اسیر دربار

چرا خونی پیکرت،زخمی شد بال و پرت

با لبِ تشنه و زخمت،باز شد فرقِ سرت

پراز خون شده بازوی تو،ببین دوابروی تو

نیزه  شکسته   رو   سینه  و  پهلوی  تو

بلند شو عباس پاشو، نباید علم رو زمین  بیفته

بلند شو سرورم ، بجون زهرا چشام هرگزنخفته

***

گوم خویه،حتّی تعلن،صولتک و العلم بیدک

ارجع، اتعنّه الخیمنه،قبل لا یهجم عضیدک

لیش دمّک غسّلاک،لیش  مجروح  ابقفاک

ادری عطشان او خریرک،الضربه البراسک اذاک

جسمک امخضّب جروحه،اخوک وحده لا تعوفه

رمح جارح وسط گلبک،گوم ساعدنه او نشوفه

قوم یا عباس و اهجم،والعلم هزه  ابمحنتک

گوم یاخویه ندبتک  ،  الزهرا تروی ابقصّتک

شاعر اهل البیت:جاسم ثعلبی(الحسّانی)

08/07/1396

اغنیة محزن

ما  شفت طبعک  عجایب ، بس   تشمّرلی   بدیک

عفت کل اهلی او عمامی،او گمت ادوّر بس علیک

***

و اللّه صعبه  ابدیره  غربه ، و  ابهواک  اشتم حنان

مکدر او عینی اعلی دربک ، اتواعد او طال الزمان

***

اتحمّلت  منّک  مصائب ، و الوفاء  یشفی   العلیل

عمری  خلّصته  ابندامه ، او  ما  اعوفک  مستحیل

***

صرت قطره ابعینی تجری ، او صرت نهته او  ما اعوف

ترمی بسهامک ابگلبی ، دمی   یجری  اشلون  اشوف

***

اعوفن السابی دلیلی ، او فاگد النوم  اعلی   شأنه

اعوفن الشد بیده حزنی ، او غازی گلبی من حنانه

***

محزن او یلهب ضمیری ، و الحزّن بیت السرور

عشت  دوم  ابذکریاته ، شمعه بعیونی او یدور

***

ما یموت الیهدی روحه ، للمحب عار  او قرار

و الصداقه البیهه عازه ، للوعد   نار  او  شرار

***

امر ما خنت ابعهدنه ، امنین امر عینی اعلی بابک

گلبی تارک  کل نفیرک ، یدری بس  حامل  عذابک

***

تهت من یوم العرفتک ، تهت ضیّعت  النصیب

تهت ما اعرف طریقی ، من جفی عنّی الحبیب

***

حلم و اتمر لحظه  بیّه ، حلم  بس  طبعک  غرور

تنسه حب البیه ربینه ، او تنسه سهرات السحور

***

تطلب   الذلّه  ابشماته ، تطلب   العوز  ابصهیل

ذهب صغت الغیره بیدک ، ما یهم گلبی القلیل

***

جاسم ثعلبی (الحسّانی) 23/06/1396

اغنیّه اللّه اویاک

گلبی مشتول ابدلالک ، گلبی مشتول ابهواک

شبح و امعذّب حنانی ، ابد ما  لحظه  نساک

***

گمر تزهی ابکل حیاتی ، نجمه و افتر بس علیک

شم عطر طیبی یغالی ، ورده و افتر  بس  بدیک

***

هاک اخذ گلبی هدیّه ، هاک زیده ابذکریّات

هاک دمعی الصب اذیّه ، و العیون الساهرّات

***

وینک ابیا  بلد  ساکن ، وینک  اعیونی  فداک

وینک او عمری سبانی ، وینک ادوای اشلفاک

***

اتمرّضت هجرک بلانی ، او مرمرانی ابکل عذاب

شمعه بعیونک اذوبن ، او ما اظن حبّک سراب

***

بالسفر ما عندی راحه ، او لیلی بفراگک نجیب

صورتک تفتر ابذهنی ، او صوتک   ایقرّد غریب

***

حلم لو اشوفن جمالک ، حلم و اقبل بس دلیل

هوا و اتشمم وجودک ، ایطیّب ابگلبی العلیل

***

ریت اموت او انسی حبّک ، و انسه دار البیهه اجیت

و الچفن یستر اسرارک ، تگصی   بیه       اشحصلّیت

***

الوداع   او  داعت  اللّه ، لو  وصل  لیک     العتب

اگبال گبری اجلس یغالی ، و انحت اسراری ابذهب

***

خلّی جسمی اینام لیله ، خلّه  مدفون     التراب

خلّی روح اتطوف یمّک ، او خلّی گلبی بالعذاب

***

وینه العاهد دلیلی ، وینه خل یوفی العهود

وینه و الخاتم دلیله ، وینه خل یشتل ورود

***

اللّه   ویّاک     ابزمانک ، اللّه   ویّاک       ابسرور

اعذرنی لو لحظه ابحیاتی ، ابگلبی لو قطرة غرور

***

جاسم ثعلبی (الحسّانی) 18/06/1396

اغنیّة الوداع

روح حط ایدک بدین العاهدوک

روح عیش ابدار ناس  الصدگوک

گلبی ما  یاسع کلام  البیه عذاب

روح تابع  عشرة   المنّی  خذوک

***

چنت ورده    او  تبتسم  بالذکریّات

او چنّت ناقوس الگلب وکت الممات

صرت خاین  خنت  ما  اسمح تعود

دمّریت   ارسوم  منقوشه   ابنبات

***

تندم او تالی تجی اعیونک تهیل

تجی تتعذّر او ما    عندک  دلیل

ارد اذکرک گلبی   سدّیته ابهواک

اتوادّعینه الدمعه بعیونی تسیل

***

روح تابع گلب  مشحون  ابغرور

روح تابع محب یجلب لک سرور

انا ما افیدک بعد  کلّک    عذاب

ذکریاتک دمعه  بعیونی    تفور

***

تیّهت    دربک   او   تیّهت   الحبیب

اتمرّضینه   او بعد  ما   یاجد   طبیب

الدنیا ترعد  مطر     منهار    المصیر

انجرح گلبی او بعد ما ضنتی یطیب

***

هاک خاتم عقدک او  یمّه الزهور

هاک صندوگ السفر  بیه العطور

هاک کل اصورّک او هاک الغرام

الوداع او  اللّه  یسمحلک   تنور

***

جاسم ثعلبی(الحسّانی) 17/06/1396

اغنیّة : یایمّه

یمّه  سهّرنی  العشگ  و   اتعذّبیت

یمّه حضّی  ما گعد  و     اتمرمریت

یمّه  ما  کو وفه   و الغارف   غرگ

یمّه سرّی ابّطن گلبی او ما حچیت

------

آه  یالمخاخذ  دلیلی ، آه  اون  یا   دمعه سیلی

بالگلّب و ایگلّی شیلی،اعلی القدرنی اتمرّضیت

***

یمّه تعبانی او شتلنی  ابذل  هواه

من غدرنی  اشلون  گلبه  طاوعاه

یمّه یلعب ما یحب و آنه  ابتلیت

اشگد عنید او لچن گلبی ما نساه

-----

آه یا عمری او حیاتی،آه یا طیبی او حلاتی

آه یا موعد  غلاتی ،  ابّطن ذاتی اتکسّریت

***

یمّه افرح  له او   یدوّرلی  العذاب

یمّه یرمینی ابکلامه  ابلحظه  غاب

صخر مرمر گلبه و ادموعی التهیل

اله صارن یمّه   باحلامه  سراب

------

آه غدرانی الحبیب،او جرح  گلبی ما یطیب

ما اظن یشفی الطبیب،الگبری یمّه اتگرّبیت

***

یمّه  غدرانی  ابکلامه  او  سلّمیت

یمّه ما یسمحلی  اسولف و ابتلیت

یمّه ختلانی ختل دگ  رمحه حیل

یمّه بعیونه  سحرنی  او صدّگیت

--------

آه یا شمعة شبابی ،  آه محروگه ابعذابی

آه ممهوره ابعتابی،او بالشماته اتگطّعیت

***

جاسم ثعلبی(الحسّانی) 16/06/1396