سفیر الحب

تعارفنه او ضحکنه او عشنه بیهه اسنین

دنیانه غریبه او ما نعابیهه

طشّرنه الدهر بیت او سبع بیبان

کل باب الندخله ابقصّه یرویهه

نسحف للحقیقه او کلنه عدنه اجروح

لا تزعم نسیتک لا تغطّهه

چنه اطفال معشرنه الگمر والمای

هسّه الجوره لمّتنه او نشک بیهه

اشمالک شاد خشمک والوکت دوّار

حفره او بالگبر تایه تدش لیهه

لو زدات مصاریّک تعوف اهواک

لو سیاره ضخمه او تفتخربیهه

اذا عندک قصر انا الگبر منوای

واذا مطلوبه روح اآمر و اودیهه

ما اذکر جفیتک و انت مرود عین

اخلافک روحی تنبض بیش اسلّیهه

اذا سامع کلام امخشّن العبرات

وضّح لی ابعتابک عشره و انهیهه

ما احب ابتعد عنّک و اشیل البال

ایدی ابایدک ارخت لا تلاویهه

چنّه امساهرین احنه ابجسد گلبین

ما فرّگنه شامت و انهزم بیهه

یا ما سافرینه او طفنه کل الغیض

و امنه اتنوح سمعینه ابنعاویهه

کاتلهه الحزن عالجرف تسری ادموع

ابنهه ایغث کلامه او ما یحاچیهه

***

ردتک یالولد تچّایه الیّه

کبرت او گمت ما تسئل علیّه

امک وحیده ابهالثنیّه

مریضه او بگیت ابلا خویّه

***

یا دار وین اهلچ صحت حیل

امضیعه الدرب و امساهره اللیل

بس الصدی اینادینی بالویل

او عافونی وحیده ادموعی اتسیل

***

یا دار وین الرضّعتهم

ابتابوت شالونی اسمعتهم

اببین الاجانب ضیّعتهم

ما ودعونی او لا شفتهم

***

احباب گلبی ضیّعونی

للمگبره امسابگ خذونی

بالگبر ممطوله نسونی

اعتب علیهم مایجونی

***

یا دنیه لیش اتمرمرینه

بفراگ اهلنه اتعذّبینه

یا ما سهرنه او ما شچینه

اعلی اولادنه یا ما بچینه

***

نص الدرب زدت ابونینی

ردتک یبعد امک تجینی

لدیارکم بس تربی عینی

محد سمع نوحی او سحینی

***

یشیّال تابوتی امشی بهدای

خل یلحگ ابنی او یمشی ویّای

یسمع ونینه الرایح او جای

صوته حنین او یدوی بحشای

***

راح الراح منّه او صرنه رب البیت

العتب نار ابشماله لا تدویهه

خلیک ابکبر صغرک تلم صدقان

شجرتنه المزهیه ابعینک ارویهه

شاعر الشعبی: جاسم ثعلبی (الحسّانی) 08/05/1399

الهوی شرجی الحراره صعدت الخمسین

الیگول احاه صیحه او یمتحن بیهه

حاصرنا الوکت لا کهربا لا مای

ابسجن مخنوگ روحی وین اودیهه

یتعیّل علینه الوکت یرمی اسهام

صبر ایّوب ما عدنه او نعدّیهه

جهنم بالشمس تحرگ صخر جلمود

تدش بالدار کوره او عینی تشویهه

هتک بینه الدهر خلّانه بید اجناب

ما تفهم کلامک من تحاچیهه

گبل عدنه الشطوط ایگیّل التعبان

مجاری صارت النه الخیس غاطیهه

لا ضل زرع بالدیره ولا بستان

حتّی اطیور املنه العطش سابیهه

و احنه المای عدنه ایغرّگ الجاموس

نعمه او غرّبت و الحوت یربیهه

هوانه استغربانه من جفانه المای

عجاج اغبار حاصرنه او یذرّیهه

وین اهل الرحم خلیهم ایشوفون

اعیال اللّه ابظلیمه خل یداویهه

ناس اتفرهدت تعبانه من الضیم

البطاله و الشمر و الگحط والیهه

تلملم بالقواطی اترید لگمت عیش

شباب او شیب و اطفال التهت بیهه

نص اللیل تغبش للغمامه احشود

ابگواری و ابجوانیهه او تجر بیهه

و الغلوان دمّرنه او غدینه اکشاش

الراتب محترگ بالعشره یهدیهه

والعشرین یوم الباقی کون ایصوم

جرعت مای یتحیّر یبدیهه

المای ابسدر شطنه و احنه نشری المای

کون احبابهم چا ما فتو بیهه؟

کل هذا السده او کلمن یحوس ایطیر

بسجون الکدر یعزف معانیهه

شاعر محتمس جیتک یربی انخاک

اخذ روحی العزیزه او لا تخلّیهه

جاسم ثعلبی (الحسّانی) 07/05/1399

هوسه عملاقه باسم بالک لا تعثر بیهه

یمتعافی لفاک الموت وین اتفوت

خبیث او بالخباثه اتلملم اعناده

رمح چتّال اجالک قاصد امن ابعید

من گوس الزهدته ابعشرت احفاده

لا تردم ضعیف اوملک بالدیوان

لان رب الجلیل القاسم اسناده

مو عندک عشیره او ترمی طوب الغیض

تتفاخر عجید او تخذل الساده

عرّب بالکلام او طاوع المنکوب

التسامح ویه ربعه ایمثّل اجداده

ثلث من المگابر ظالمین النّاس

او ثاثین البگه ابعین الحسد زاده

اذا کثرت اصحابک لا تطیر ابعید

و اکرام الیکرمک للبشر عاده

مریود الگبر تنزلّه بالحسرات

او یبگه ارکام ظلمک للخلگ راده

تعذّر و ارتخی لا تبغی عتبة ثار

شهد طبع العسل محلاته بارکاده

بالک لا تعثر بیهه/ بالک علوه امسویهه

ایلعلع واللّه البرنو لو طگ ازناده

جاسم ثعلبی (الحسّانی) 06/05/1399

ابوذیّات شر البریه

تکلکل کلکلت کیلک و کلباک

اذا تجرحنی اشل حیلک و کلباک

غزیت او جرّبت خیلک و کلباک

طلع هوه الوفه ابلگمه اجنبیّه

***

الگلب ما الومه زاعک گبل و انفاک

اشتم عطر الخیانه ابخطل وانفاک

طبگت ایدک و ادیه ابگفل وانفاک

الگفل یدری ابحیاتک صعبه الیّه

***

بعت لجلک ذهب و اسلاک واملاک

اشلون انسه العزیز او شاک واملاک

غرگت ابمای هجرک فاک و املاک

تضحوچ لیش لو طحت ابردیّه

***

شجاک اشغیّر اطباعک ودارک

ابمصایب گلبک امشارک ودارک

بنیت الامل باوصافک ودارک

تهدمه لیش وانت الروح الیّه

***

شهد طبعک وفه او مر وانت جنّه

ذهب صافی علی در وانت جنّه

ملک حبنه یالاشگر وانت جنّه

سحر یجلب بشر صبح او مسیّه

***

رمح غیضک خطف عگلی و شلنی

عبر گلبی او مرد چبدی و شلنی

شرب دمّی او شرگ ذبنی و شلنی

اعلی درب المایرحمون الخویّه

***

هلک کل من دخل بالحب ورد بیه

حلو حامض یجد ذوقه ورد بیه

بیه دولاب من طاعه ورد بیه

او بیه طامع او بیه شر البریّه

***

یلوم المادره ابعلتی وانا میت

گطع حبل الوصل ونتی وانا میت

کثیره احباب من خلتی وانا میت

و انا سهران اجر بس الاذیّه

***

جاسم ثعلبی (الحسّانی) 06/05/1399

اغنیه و فسته باسم لا توگف اعی اجنازتی

جائت سموم الغدر تلتهب النوی

و میحان هجرٍ رابحٍ ینحر المصیرا

نیران فجرٍ زهت و التهب المنی

و ارتعبت نفوس الزاهدین اسیرا

نادیت هل من ناصرٍ ینصرنی

لهمتَ من الاحبّة مکراً و هذیرا

طلبت سودٌ و بیضٌ  تغتنم بضیافتی

سمعت ولا اسمع بالماضی وعود کثیرا

***

یدهری اشما ثگل حملی و جرنی

امتحنت المحب و الشامت وجرنی

یجربونی ابگطع راسی و جرنی

الشهم ما یحفر البیر الخویّه

***

الاخوا بالضیج وگفاته وعد بیه

حسبته ایغیض شماتی وعد بیه

نص الدرب سل رمحه وعد بیه

او رجع مندوب للبیهم اذیّه

***

ما اریده یوگفلی ابفرح الما وگفلی ابعازتی

لو متت ذمه ابذمته لا یوگف اعلی اجنازتی

گلوله شده او خلّصت ، و العذبّونه اتمرمرت

صفگه او هلاهل و الفرح محتفله بیهه اعزازتی

***

تانیته او عینی تصب حسران من هم الدهر

ردته یساعدنی ابعجل اتسودنت من ضیم القهر

گلوله شنهی اشبدّلک ، والینکر احبابه هلک

احتاجیته ایزیل الالم یا ما شربت ابطاستی

***

طفت الحرگ بیتی او خفت لبدیت ما عندک وفه

مشکور الک من بیّنت لا کو خجل لاعاطفه

ودعتک الاخر عمر ، ما ارید اشوفک لا تمر

لو متت ذمّه ابذمّتک لا توگف اعلی اجنازتی

***

جاسم ثعلبی( الحسّانی) 05/05/1399

مریود الحزن والبس ملابس سود

اسنین الشر لفتنی اتعذّب ابروحی

الف طلقه رمانی الدهر بالدلال

وین الگه الطبیب ایضمّد اجروحی

متعافی الوکت شایل ثلث نجمات

یدوس اعلی الجماجم یطرب ابنوحی

ختلانی ابوکت ضایفنی سبع العوز

او صاد البیهم اکشخ والعذر دوحی

ما فاده السلب زاید یچردس ضیم

شعل نیران قاصد یحرگ ابکوخی

ما سلّمت للذل صارعیت اذیاب

یفتر علی بالظلمه ابرده اشلوحی

ابابوذیّه لدقته او حوّطیته ابنار

مثل عگرب یموت او یشفن اصلوخی

یدهری اشما اگّلبنّک شرک بیک

اترکنه او شیل لنسابک شرک بیک

شدوسک شالزم اعنانک شرک بیک

تفز واترد تضل تفتر علیّه

جاسم ثعلبی (الحسّانی) 04/05/1399

درد دلها را ببین

در عواطف سایه اش کرده کمین

شکوه کردن بی بهاء

کوچ کردن همسفر با باد گنجِ آرزوست

ناله ها را می شکنم تا غمِ شکوا نکنم

باز می گویم خدا فریادها را می شنود

اخمِ دلتنگِ اسیری که شب وروزش عزاست

قاصدک قصه نخور دریای گسترده ی ما دیدبانش ناخداست

ناله ها را می شنود

دردها را گرچه او پیچیده بود بغرنجِ اعمال شماست

این و آن از هم جداست

عمر یک تابش خورشید به دید

شادی هر لحظه که بارید پرید

باز با ناباوری ها باز چشمِ زندگی خیره شده

در مسیری آشنا

باز هم خانه تکانی بی زبان

می دهد عشق و امید

تاج و تختت روبروست خیلی بیهوده نخند

حال و مالت بی کفن در جستجوست

کاش غمدیده بداند

شکوه کردن اشک بستن در نمازش خنده روست

جاسم ثعلبی (حسّانی) 04/05/1399

شلعیت الگلب ذبّیته بالتنور

او حرگته ابنار چوّیته النکت بیه

ردته ایعوف کل شر لا یطخ الراس

اعذبه اردود اذا عاد اببلاویّه

خذیت العهد منّه او دمّه یجری ایسیل

او جاوبنی ابصراحه او ما یخل بیّه

نطریته ابمکانه او شفته نص اللیل

ادموعه اتسیل مغموم ابمعانیّه

طیّر نومتی او سهّرنی بالحسرات

حسبه اتجیبنی او حسبه التمر بیّه

اعیونی حومرن من کثر مد اللیل

او صفناتی خذّنی الطور ابوذیّه

شجاک اشبدّل اطباعک وعانک

یگلبی من هو ابشانک وعانک

یحسبک کل من اجتازک وعانک

شرب مایک او عافک بالثنیّه

جاوبنی الگلب ارجوک بالک تدخل ابشانی

اذا انا نسیت الناس احس الناس تنسانی

بین المطرقه او سندال عگلک هوه دلّانی

لو یزعل یکسر عصّاتی

جاوبته یگلبی الیوم دنیانه اصبحت شاره

والیتابع گلب خسران بالذل تنهدم داره

ربّک یستر اهل الشوگ بس هم توصل اخباره

والشامت ناره ایبث بیهه

جاوبنی الگلب عونک وهم بیک

الاودّه اشلون اترکنّه وهم بیک

صرت چتّال لحبابی وهم بیک

الوفه ینداس بفعال الردیه

جاوبته یگلبی استرنه ملّینه

وابدربک علاوی اهوای ساوینه

علی درب العداله احدود دگّینه

تنکرهن واترد متعافی

جاوبنی الگلب مایاجد النه احدود

والیمنع دربنه انوب بیه انزود

جمعنه افکارنه ما نرد بیهه اردود

ما نخشی الطوب او طیاره

جاوبته یگلبی بعدک اصغیرون

والعاندوا کلهم غشمه مایدرون

والطافوا خطوط الحمر میدرکون

اوّلهم بشّر تالیهم

جاوبنی دبسّک جوز خلینی ابسگم حالی

یا ریت ابجهنم نار میت منّک اشوالی

افر من سجنک او ارتاح معیش اویاک للتالی

بس کون اشتم من حبّیته

جاوبته اشکثر مغرور هوّد لحظه تانینی

غیرک ما املکه اویای لا تمشی او تخلینی

استمع واتصوّر الصعبات فرد احچایه حاچینی

والعاقل ما یشرگ ثوبه

جاوبنی الگلب شد حیلک انا اویاک ما اعوفک وحید او تقوی شمّاتک

الیدور الستر والجوره تسمع بیه مکتوب الشهم یا اخوی اعتقد منصور من ذاتک

سهم بیه نار یضرب گلب کل مغشوم ابرمایه اتجیس چلماتک

الخیّر واللّه الخیّر کعبه او جنّه او نحلف بیه

ضمّیتک یگلبی ابسدری الملچوم

هسه ارتاح بالی وادگ چوبیّه

عرفتک حید ما تختل تهدم ابیوت

الاصاله البیک تخطف علی یومیّه

ابوک انا العگل لا تجفی لحظه اویای

او خایرنی ابمصیرک لا تشک بیّه

اریدنّک تکسر الحاجز الموجود

او تنقذ کل فقیر امن الحرامیّه

اریدنّک ضخر للکبر وکت العوز

تتچّیلی اعلی بختک دنیا منسیّه

ما اریدک طفل تتبچّه وکت الجوع

اریدنّک اسد حارس الشاطیّه

سامحنی یگلبی اتعذّبت ویای

ذهب صافی لگیتک خزنه مخفیّه

للشاعر الشعبی: جاسم ثعلبی (الحسّانی) 04/05/1399

عسل شفتک

گلت مشتاق اجیک او خایف الناس

احچایة لیل لاچن صدّگتهه

الدلال اتلالی من بین التراچیب

عسل شفتک و احس موطه او ضگتهه

سکریت ابمصیبة عطرک ایفور

و اطیرن بالسماء ما حسّبتهه

چنت محتار اضمّک دمعه بالعین

هسه احلام گلبی فسّرتهه

انسبیت ابیوم بعت العزّه الک دوم

مصیری . اصبحت روحی اسّرتهه

ارید الزم اعنانک وارشم ارباک

تفز بالام روحی او هددتهه

احاول ابتعد و انسه السده او صار

علیّه اجنود غیرک سلحتهه

ناصب لک شبچ صید المساکین

اشتبهت اویای بحلامی او خذتهه

طریر الدگ ثنیته ابباب الاطماع

و انا الخسران لاکن هدّمتهه

جرنی اعلی الصخر خلینی اون دوم

ابتلیت اجروح گلبی او ذممتهه

خل حبک عدل  لو ماکو انعوف

انت الردت مو انا الردتهه

تهددنی اعلی حب ناشف نده او مات

تشم بالغیض مثلک شاهدتهه

الحب مو مسکنه او ذله او طمع وافلوس

الحب آیه ابضمیرک شگگتهه

خلینی طریح اموسد العبرات

اجروح اهوای عندی او شددتهه

ماطولک ترید الفتنه یوم الضیج

هدیت الروح الک دایم عفتهه

اریدن حر اعیش ابصحراء یم البوم

ولا اریدن ملک خادم عبدهه

جاسم ثعلبی (الحسّانی) 03/05/1399

ولک بسّک حرگت العگل والروح

ابرمش عینک رمیت او صوّبتنی

ترید اصعد علی بابک وادگ حیل

واصیح اللّه و اکبر سودنتنی

لا احسّن جریح او لا احس طاش

ابزعل تفرک ابگلبی او مرّضتنی

من هو الدهربک صوبی او تعنّیت

مثل طیر ابشبک دایخ صدتنی

عساها ابّخت کلمن قرّبک جای

طردت الحب صعب راید تردنی

غنّیت ابهجر عشرین الف طور

کل طور ابالف طور او یمدنی

صبغ شعری اببیاض الهم و الفراگ

و ابدمعت اعیونک غرگتنی

ما اعرفک تحب لو تغشم الناس

ما بیّن ابوجهک من عفتنی

اشوف انجوم تزهی ابعینک اتلوگ

وانا اهلال من طر صورتنی

اخذنی اویاک اذا راید تعز دوم

ابسکوتک نار تسعر دمرتنی

جاسم ثعلبی (الحسّانی) 02/05/1399