سفیر الحب

غزل بیت الحب

نرجع للعشگ لو عیب صرنه اکبار

یا وسفه العمر خلص ینادینه

محتار امن اعوفه خاف اضل ایتیم

غیر الحب ابد محد یبارینه

جربنه المطر ینزل غضب بالصیف

اذا یعطش زرعنه ابدمعه یسگینه

سماه بیه الکواکب ترشد البحار

الثقافه ابلیه حب ما تنوصف بینه

العشگ نور او کرامه او بیرق الیمشون

قصر دار المحنه ابزیه یشفینه

شوصفک یا عشگ و انت النبض و الروح

نص امن الگلب حاجز معانینه

الکباره ابلا عشگ مثل الچلچ بالمای

تایه منحدر بهمومه یروینه

حسافه اهل العلم ملتهیه بالثوراة

بس بیت العشگ دایم یعازینه

جاسم ثعلبی (الحسانی) 09/04/1394

30/06/2015

ابوذیات ذهبیات

ابیا لحظه ذنب سویت واخطیت

اشما تامرنی بیدک صرت و اخطیت

علی شانک مصایب ضگت و اخطیت

و انت اجفیت ما تنشد علیه

***

ما شفت الگلب ضراک و اندم

ظروفک ما تطابق عشگ و اندم

اعوفک و ابغی وحدک تون وندم

بعد میفید تتحسف علیه

***

حزین او ما فرحت ابغیر بسماک

زفر حبک عدانی اببحر بسماک

ابمنامی اتحلمت من صحت بسماک

یجاوبنی الغدر طاح اباذیه

***

سبانی الولف باع الوطن شرهن

او علی طاحن جبال العسر شرهن

علی نصری المحن ما فاد شرهن

مثل یوسف صرت بیری المنیه

***

علی شانک لشگ الثوب و اردای

او لبس جلدی الهضم و الخجل وردای

ذبل گلبی او دلیلی او ورگ وردای

انتظر معروفکم حتی المنیه

***

ششل شالضم شخیط الجرح لو مد

اشتضن تگدر توگف البحر لو مد

ما الوم الترک خوته لومد

لان عدوان عبثوا بالثنیه

***

منعنی المادره ابعلتّی و اسجن

یهددنی ابمصیر الدفن و اسجن

یخط اسمی او یتیه الامل و اسجن

شسوی بالظلم هیمن علیه

***

الک یشگر شعر دون امر ودیت

ابگلب صافی انحدر من ثمر ودیت

علی حبک جرحنی القدر وادیت

اعوف اشلون و انت المای الیه

***

ابغیابک دگلی حنضل محب و الهم

خایف ما تحس بالمحن و الهم

وصل خنیابه ضر السدر و الهم

اذا تنسانی تلفاک المنیه

***

حلم والگه النحبهم یوم یرعون

او علی اعناد النضدهم حیل یرعون

اجناب الما رعونا ابفکر یرعون

ابلحم جلدتهم الطاحت رمیه

***

جاسم ثعلبی (الحسانی) 07/04/1394

28/06/2015

صوره الشاعر جاسم ثعلبی الحسانی

غزل مجبورین

مجبورین نذکر من ذکرنا ابخیر

الحسبونا صله الهم عاتبونه

اهدونا ابصبرهم اجمل الاحساس

او سکنونا ابگلبهم ما نسونه

ارید احچی ابصلافه او گلبی دم ملچوم

السبب شنهی یعینی او فارگونه

ارید ایطیب جرحی و اتبع المنهوب

ادوی اشموع گلبی من یجونه

ملیت او ترست الوادی دمعی ایسیل

ابسراب اعذارهم شو عذبونه

شچیت امن الدهر کاتلنی صوته اینوح

احبابی ابعشرة الذل محنونه

بنینه ابیوت لمتهم صفت للغاگ

ابحلم مرات بالهم هدمونه

ارجع یا ولف صافی العگل ویاک

هلک گبل الحساده تیهونه

جاسم ثعلبی (الحسانی) 06/04/1394

27/06/2015

غزل برق رخت

کی هستی نادان بی وفا ، با نرمی ناز نازی نکن

خیلی خطرناکِ دلم ، با اشک آن بازی نکن

دشمن سر سخت قدر ، گوینده ی باز خبر

در تهمت و داد لبت ، هر بیطرف قاضی نکن

نه عطر تو نه روح تو ، نه گلنواز روی غش

می گرده چرخ روزگار، قلبت زخود راضی نکن

دنیا و سیر قصه ها ، داروغه ها گل خانه ها

میان دشت و بوته ها ، دردت آوازی نکن

می خندم از لطف دلت ، ظهر است و رعد بی بهاء

تو خلوت برق رخت ، مردانگی تازی نکن

می بارد از جبین تو ، کفر و دمار روزگار

غرقی تو دریای گنه ، دل نبر طنازی نکن

جاسم ثعلبی (حسانی) 04/04/1394

25/06/2015

مهرجان الشعر الشعبی

دله او مضیف او رسیف او موجوده الاجواد

هل نشف شط کارون من طگ الزناد ؟

***

اجیتک ما یردنی القیل و القال

اکرمک ما یهمنی الفتن و القال

تستاهل کثیرانذعن و القال

نصیر اثنین و انحارب سویه

***

السوالف حگ المخالف و حقکم

باسمهن سلّبوا حقی و حقکم

تریدون اسمع الباطل و حقکم

یکفرنه الوکت باذن الخفیه

***

مشتاق الوصالک وین یفلان

المصایب من ذکر طرواک یفلان

اعیونک ما یخیطن جرح یفلان

من یا بلد متحمل علیه

***

ابوسک بالصور کل یوم ساکت ما تحاچینی

من گلبک ردت عنوان ما تقبل تدلینی

کلامک ترمی بیه اطواب مجروح او یدمینی

دعیتک لابد اچندوب ادور وانت یم عینی

***

سولف لا تظم خلینی برجاک

اشیل اهموم منک و اندعیلک

تگرب لی یغالی  جالس احذاک

الدرب معسور حبی خلنی اشیلک

لا تهتم اجیتک حامل اعلام

او رجیف العین یشرب من همیلک

هذا انا ضربت الباب وانساب

تحب لو ما تحب باشر دلیلک

اصیرن زلزله و الهم لک اهموم

و اغسل گلبک او ما ظن اسی لک

اخذ رقم الضیافه او باشر الضیف

او علی سدرة غرامک و انتچی لک

تعال اجدم یخی تانیتک اهوای

کحیل العین اظن میرن صهیلک

الشاعر الشعبی :

جاسم ثعلبی (الحسانی) 03/04/1394

24/06/2015

غزل لمع المضارب

شد احزام ظهرک و الزم السیف

خل نسمع صهیل او دبکت الخیل

استمع دگ الحوافر یشلع الگاع

او لو مرن عزمهن یشبه السیل

رایات النصر عطشانه لحسین

او من لمع المضارب یبرج الحیل

لا تبرد تضن منشوله الگلوب

و لا تعسرعبالک عطسه و اتشیل

جبل عزمک ثگل ما هزه الریح

الجرح خنیب قهر ما صادق الویل

مشتوله الرماح ابدار الاجباب

و القاضی بخل ما وزن الکیل

المضایف عرست بخلت بالافراح

المهر دمجوه قصب بالگهوه و الهیل

حسافه اسباع نامت تنطر انجوم

او حیرنی الوکت من عبروا التیل

الشمس ما نامت او ضحّت بالافکار

التعب بزنود اهلنه امسهر اللیل

جاسم ثعلبی (الحسانی) 01/04/1394

23/06/2015

ابوذیات للخاینات

اشکثر فرحان الک من طبت و ارویت

عفت کلشی  الیضرک علن و ارویت

تشوف ابعینک الخل فلت و ارویت

عساه لا رد دماره احلام الیه

***

سئوال الیوم ادبرلک ورسلاک

ادعینی ابیوم اجی العرسک و ارسلاک

هذاک الچان یعنیلک ورسلاک

طلع خاین نذل کلب البریه

***

الیخونک لا تضن فد یوم یملاک

لان گلبه ابفساده ذهب یملاک

عوفه او لا تجیبه ابدرب یملاک

البسه او عوفه مطرود الثنیه

***

الاب صوباط بیت الاهل بیفای

الشجاع او عالم ابکل عسر بیفای

العاقل بلم للی غرگ بیفای

الیغیب الناس ماکل لحم اخیه

***

جاسم ثعلبی (الحسانی) 29/03/1394

19/06/2015

غزل جر سیفک

احس تکمل کشختی لو طلعت اویای

و احس اتشیل راسی من تماشینی

او ما اود الجبر و الجبر کله اذنوب

اذا خاین شفتنی لا تحاچینی

ما احمد نفس ما اذم نفس و امتاز

اود اللی یحبنی  و الیعادینی

الیغر نفسه سفیه او تارک الخوان

اضمد اجروحی بیدی و الیخاوینی

ما عندی دغش عندی امل مسلوب

اطالب و انتظر بایامی و اسنینی

لا تزعل علی ما کو زعل بالعین

ما اعوفک ولو تکره تراضینی

اصیرن شط الک و اسگیلک العطشان

لا تگطع وصالک لا تجافینی

گمر تضوی ابسمانه او فاگد العبرات

درب الی عسر ما ممشی دلینی

ما افارج صدیق البیه رفعت الراس

ادور عالصدگ محد یدلینی

عندی الحیل قاهر ما اهمن بیک

او گلبی لو زعل یرجف رمش عینی

تتحیل علی واتگول فارس عود

جر سیفک طبگ بالحومه تانینی

انتظرت المای منک و الچبد عطشان

صرت دمعه اعلی خدک لا تبدینی

العگل مشتاگ الک و ایدور الچلمات

غیرک بالخلگ محد یسلینی

اعتقد لو ما اشوفک انطر التابوت

عوف اهل الوفه و ابگبری خلینی

جاسم ثعلبی (الحسانی) 29/03/1394

19/06/2015

قصیده دمنه حدنه

کل شی عدنه

اتجردینه ، اتعذبینه ، اتهشمینه

العدو ما یقبل ودینه

الف طرگاعه اعلی جدنه

احنه مکروهین و الوادم بلتنه

صرنه کلنه اشیوخ و انحارب بعضنه

اتشمتت بینه التضدنه

جتنه طرگاعه او علی العیشه لفتنه

واحد ایشیخ ابضلاله ایصیر مخبر

او واحد امطبر حلاله و المصایب دمرتنه

او واحد ایسد باب بیته او ما یخالط

او واحد ابدخانه یشعل او نار دخانه عمتنه

او واحد ایعوف العشیره او صار بری

او واحد ایزف الکریمه الغیر حگهه او فشّلتنه

اتفرقینه

و الغرب تحکم علینه

او فوگ حگنه اتفلگینه

و المشایخ عود مرکز للدعایه

الاسف مبیوعین والقصه حزینه

نفرح ابطالب یدش مرکز قیاده

لاکن امسیس کلامه او شاهدینه

ایخاف من طرت الفجر و اشموع الابرش

خاف تحرگ قصره قوله اتوحشینه

بس بگه الفلاح و ابن الماله والی

ابمنجله ایکر الصریم او ما شچینه

او من علامات النصر طیف المضایف

و البحر مرهم جرحنه

و النخل مرود شرفنا

اتمحنینه او ما عمینه

صحنا متعنین اهلنه او من یردنا

او من یذلنه

کلشی النه لازم انقسم حملنه

اظهورنه الترسم املنه

دمنه حدنه دمنه حدنه

جاسم ثعلبی (الحسانی) 28/03/1394

18/06/2015