ابو ذیّات هلی
هلی لجروحی الی بلسم و مرهم
ولا یثگل علی زلهم و مرهم
اود کل یوم اباشرهم و مرهم
افتخر بانسابهم من اصل الاعراب
...
هلی دیوان الی او سیفی ورایه
هلی ما طخّوا الظالم ورایه
هلی مخ البشر گلبه ورایه
الارض و اتکوّنت للعرب باسباب
...
هلی رب العرش دایم حملهم
ابرده او غزوات ما طلبوا حملهم
هلی بالضیج شیالة حملهم
هلی او کل زودهم من داحی الباب
...
هلی اجناب السبت لیهم شتلهم
الغدر باجسادهم بالطف شتلهم
نسوا ما چن کلام اللّه شتلهم
خیر امه انزلت ما فوگ التراب
...
هلی و الدهر جور او قهر بالهام
اسود او ما تفاوض عدو بالهام
هلی العگال فوگ الراس بالهام
المضایف تشهد ابحگهم و الاجناب
...
هلی شجرة رسول اللّه نسبهه
الیذم الزهراء الحرّه نسبهه
هل ایجوز ابرده الکعبه نسبهه
الیسب الزهراء سب امه الزچیّه
...
هلی دیوانهم مرقد عملهم
هلی ملبوسهم دایم عملهم
هلی گوم التعادیهم عملهم
الکرم عدهم زهه بوعود الاحیاد
...
هلی مثل الشمس واضح خیلهم
هلی ابیوم الحرب هاجت خیلهم
هلی ابدیوان ما هانوا خیلهم
هلی للضیف ذبحوا نوگ الرچاب
...
هلی البرقان بالعالی حملهم
هلی نیران للغازی حملهم
هلی احسین او ابو فاضل حملهم
هلی بارض او فرض سادة المحراب
...
هلی ابدیوانهم حاجز مینطر
ابعفاء و ابعوز طرواهم مینطر
او حارس سورهم لیله مینطر
بخت عدهم ابثوب العز هویه
...
هلی مرکب ابطن البحر ما مال
اصیل او زودوله الحمل ما مال
لطم بینه العریضی ابکثر مامال
صمدنه او ما یهزنه ابکل حفیّه
...
هلی لیث البیوم الضیج منخی
او رکاب اخیولهم تنفرد منخی
هلی ابنخواتهم تستعد منخی
صگور ابسماء تلطم کل ردیّه
...
هلی نیران کبری منگلینا
او نوصل للیضدنا منگلینا
نحطمه الگلنه گوله منگلینا
شباب اشباح عدنه اتهز الاسیاد
...
هلی حکم العداله من دللهم
او یکرمون التبعهم من دللهم
هلی فارت النخوه من دللهم
ابکاس العز تضَوگ الحمّل او شال
...
عسل طبع اهلی ما من مرّه بیهم
الکرم للضیف یعجز مرّه بیهم
یشایل نعش موتی مرّه بیهم
ابحیاتی البعض من گطعوا علیّه
...
هلی الزرعوا الطیب ابصبخ تمّن
او صعدوا فوگ عالی النجم تمّن
یمطلوب الذیّاب اشلون تمّن
شبچ منصوب الک و اغطاه التراب
...
هلی ابمیدان ما واحد غداهم
ولا زامطهم الناکس غداهم
اسباع الحومه کل فارس قداهم
یشیل العلم بیده الیعربیّه
...
هلی الرحلوا گصونی راح الیّه
اچّم حید الفگدته راح الیّه
ذکرهم شم عطرهم راح الیّه
بگت بس الصور میعاد الاحیاد
...
هلی یالیاخذون الثار بزور
او شدّوا بالعگل رکبات بزور
التایه ما یکضّه الشلّی بزور
القوّه الترد کل طاغی ابردیّه
...
هله یالیاخذون الثار بثّار
او طوب العزّه داوی ابنار بثّار
تشوف اعلوج یم الدار بثّار
خل تاکل کلاب الچمچرّیه
...
هلی یا مرکب البالبحر وابحر
ما همّه البرد والمطر وابحر
هلی سکنت اجبال اتلال وابحر
او ثلث بالعالم الساکنته الاحباب
...
هلی سیف العده گطّعوا وصلت
هلی بالحرب نار احرگت وصلت
هلی صولاتهم للغرب وصلت
او للمرّیخ صعدوا و الثریّه
...
هلی هدموا قصور الطغت برکان
هلی بالجو صگور او اُسد برکان
هلی لو ثاروا اعلی العدو برکان
یفور او تسبی نیرانه اهل الاعناد
...
هلی اهل الجوره و النخوه عدلهم
ابیوم الضیج ما یرضخ عدلهم
هلی بالکون ما یاجد عدلهم
ابحقوق البشر مکتوبه ابذهب قاب
...
هلی بالظلم ربهم مایمرهم
هلی ابزمزم چساهم مایمرهم
هلی الضایگهه منهم مایمرهم
هلی امن الخوف ابد ما لبسوا انگاب
...
هلی صیت الامانه من دخلهم
هلی اکرام او کرمهم من دخلهم
هلی المطلوب ینجی من دخلهم
مضایفهم امان ابیوم العتاب
...
هلی البراق مرکبهم وحیله
ربنه الداعی سیدنا و حیله
ابسفر معراجه طاعاله وحیله
انکتب تاریخه بسم اهلی الابیّه
...
هلی بالکیل ما ینوصف کلهم
هلی متعلیه فوگ الجسد کلهم
هلی ساده علی المخلوق کلهم
هلی الثروه اببلدهم دون الاجناب
...
هلی منطقهم الدرّس علمهم
هلی اهل الحکمه متزاید علمهم
هلی بارض او سماء رفرف علمهم
هلی بس هلی او ربّی الهم تچیّه
...
مضایف هلی اتصالح من یحبهم
هلی اهلال ابجماله من یحبهم
هلی بیّنوا ودهم من یحبهم
هلی یوسف جماله ابذاته خلّاب
...
هلی اهل الشیم باین من عملهم
الیعاشرهم واخذ سرهم عملهم
عسی کلمن نکر حبهم عملهم
هلی بدر الکمال ابعین الاطیاب
...
هلی تاج الهلک و اسمع یهدون
هلی باسم العرب تطرب یهدون
هلی بالصعلکه دایم یهدون
هلی او دیوانهم صولات الاجواد
...
هلی اصل او فصل عدهم ولاهم
نسبهم من رسول اللّه ولاهم
هلی و ابزودهم شامخ ولاهم
هلی اسباع الیضدهم یلهم اتراب
...
هلی الّی عاشراهم ما ترکهم
هلی گوم الغزتهم ماترکهم
هلی قاید لواهم ما ترکهم
ابیوم الضیج متقدم المضراب
...
هلی مثل الجبل ممدود سرهم
ولا عدهم خیانه ابنشر سرهم
هلی البیه غیره للطیبین سرهم
هلی مفتاح یفتح گفل کل باب
...
هلی گعدت مضایفهم تعلهم
هلی الما گدّر او ضرهم تعلهم
هلی رفّت شواربهم تعلهم
هلی برکان من ایثور مرزاب
...
هلی العالم صبح حامل سکنهم
هلی الباری ابارض خصبه سکنهم
هلی ثگل البشر جامع سکنهم
الجزیره الشام للبصره للاهواز
...
هلی او روحی الفداء والچفن ولماو
هلی او من دون اهل دون اصل والماو
هلی ابکربلاء دمهم سال والماو
انکتب تاریخهم باصدور الاجیال
...
هلی مرهم تداوی اسهام خلها
هلی اتصفج الکل مکسور خلها
هلی بالضیج تفزع گوم خلها
تأسر المعتدی ما تگطع ارگاب
...
هلی اصگور الغزت للصید ولعت
ابسبّگهه او ترامی انبال ولعت
هلی عفّت من امطفلات ولعت
هلی شهل الغزال الهم بالارصاد
...
هلی یلبسون کوفیّه ولعگال
هلی الیبرولهم ساده والعگال
هلی یروون من زمزم والعگال
هلی بیت اللّه عدهم دار الاحباب
...
هلی حبهم کرم بالجود بدین
هلی ما طالبوا بالعوز بدین
هلی طشرهم المدغوش بدین
هلی واعین یشهد بیهه دهراب
...
هلی یلی زهیتوا علی یاهل
تمرحب گلبی للضافوه یاهل
اود کل یوم اهل الشهر یاهل
هل خاطر جمعنه ایسر علیّه
...
هلی الیایوم بالفرگه نصرکم
او جسربارواحنه امعلّگ نصرکم
الجبل والبحر و احفاده نِصَرکم
المشاکل مستمره ابحق الاجواد
...
هلی ما کلّفوا راجل حملهم
ولا حاجه ابنذل ینطر حملهم
الزمان ابغیضه شد حبله او حملهم
او بگت دیرانهم معبد للامجاد
...
هلی طوفان لو هبّوا شملهم
هلی فرسان لو جمعوا شملهم
العجب کل روج خردلهم شملهم
او خله اهل الفتن تحسب للاعیاد
...
هلی بالعوز ما بخلوا تمرهم
اطلعت بد ذات ما غزّر تمرهم
هلی ضیم الخلگ دایم تمرهم
هلی هم المضیف او بین الاجواد
...
هلی کل یوم ذاکرهم وعدهم
ابگلبی انکتب ماضیهم وعدهم
یربی زید عدّتهم و عدهم
اصابع تنحسب بس بالوطیّه
...
هلی مرکب ستر صایر ولاهم
ابکرمهم زادت الغیره ولاهم
شجاعه او مرجله او خوّه ولاهم
رموا کل طاغی یدخل بالثنیّه
...
فاطمه ثعلبی الحسّانی
هلی اهل المجد ستری من سترهم
وانه بتهم ابفیهم من سترهم
هلی معروف زیهم من سترهم
هلی حچایة الحگ بین الانساب
...
فاطمه ثعلبی الحسّانی
هلی ضیف الگصدهم من یمرهم
ابتمرهم عزّبوله من یمرهم
هلی الگهوه تعطّر من یمرهم
هلی امعزبین غربه وجلبو اجناب
...
فاطمه ثعلبی الحسّانی
هلی امریضین قانعهم اثرهم
هلی بالصخر منحوته اثرهم
هلی بالسوس موجوده اثرهم
هلی ابعیلام دگوا حد للعراب
...
فاطمه ثعلبی الحسّانی
هلی و بالماجده صدهم وحدهم
هلی التوحید و کتابه وحدهم
هلی ابصولاتهم هجموا وحدهم
من اسبانیا القسطنطنیّه
...
هلی محراب للمومن و داره
عقیق او بالفعل صادق وداره
یریته شایل او یرجع و داره
ولاکن طومروا تحت الوطیّه
...
هلی حمّای دیرتهم رسنهم
وعلی درب الفخر صادق رسنهم
ابرکوب الخیل ما ردهم رسنهم
یهد ارباطهه او عرسه المنیّه
...
هلی دیوانهم زینت جملهم
ولا نوّخ علی الباطل جملهم
ابگلب الغیر ما بیّن جملهم
ربوا بحضونهم الاف الایتام
...
هلی دمرهم الادمان و لهم
واخذ تاج الفخر من کبر ولهم
الصبر ما یاجد ابکل مصر ولهم
لهمته اسنین ما أثّر علیّه
...
هلی شالوا و خلونی بهامای
ابشلوا اوحید لا یاجد بهامای
العطش ضرنی و امص دمی بهامای
هلی اجفوا و انغذتنی اشبال الاجناب
...
هلی تعلی المکارم من تمرهم
هلی بیت المراجل من تمرهم
هلی امعزبین واحلی من تمرهم
عدوهم قصّر ابدیوان الاحفاد
...
هلی درسوا الغیره من عربهم
النبی المختار و اهله من عربهم
خسر کلمن غدرهم من عربهم
یجازیه الزمن ما بین الاجناب
...
هلی معروفه جلدتهم سمرهم
علی واجب اباشرهم سمرهم
اثر عیلام عاشرهم سمرهم
او بگت آثارهم معبد للاحرار
...
هلی راس المجالس منتداهم
هلی ترفض السلطه منتداهم
یحاکم طوف و ابعد منتداهم
هلی او بالطِب لهم علّام بالغاب
...
هلی او مجروح دمّی ایسیل ونهم
اطفال او نساء واضح صعد ونهم
الگطع ما هو غریب او نحن ونهم
العمیل اویانه ساکن بالثنیّه
...
هلی ما اقیمهم بالذهب بالدار
لفانه الزمن شاعل نار بالدار
اصورهم بگت بس تذکار بالدار
یریت اتعود عشرتنه سویّه
...
هلی دار الفلک بیهم و عتهم
الما وصلوا شبر گدهم وعتهم
الکرامه او زودهم سرهم وعتهم
ما ظلموا بشر قط بالدنیّه
...
هلی و اشما جنوا ویای بسبای
انکرونی او للیضدنی انتموا بسبای
مانی اجنبی و اکتفی بس بای
السبب فشکلنه ذاک ابن السبیّه
...
هلی فرسان اهل شدّه و رایه
التقدمهم شرف صلته و رایه
علیه ربنه نزل آیه ورایه
ابوحی و ابوعی طاعت له البریّه
...
هلی الصادقهم ابرس جهل منصب
طبعنه انطفی نار و نفط منصب
هلی بیت الامم للدول منصب
القرار الیصدر ابلاهم نده و ماع
...
هلی ذاکر حبیبه ملهه بینه
ابجفاهه او لو نراها ملهه بینه
الدّنیا اویاهه جنّه ملهه بینه
اهلال و من تهل جرح الگلب طاب
...
هلی و انشر خبر جبته و عدله
هلی او واعدته اصوقنه وعدله
هلی ذهبته بثیابه و عدله
هلی ابرمشت اعیونه ادی التحیّه
...
هلی و ارماحهم بالطگ مصیبه
علی الطاغین لو هدوا مصیبه
هلی و السانهم ربهم مصیبه
هلی و الیعربی بالعالم اعلام
...
هلی الباری حمه الحدکم ویدکم
هلی الحره تنادیکم ویدکم
متی تهتز شواربکم ویدکم
هلی والعار یکسر ظهر الاطیاب
...
هلی مالبسوا طامع عبلهم
هلی اعلی الذلّه ما ناموا عبلهم
هلی والضاف اخو الهم عبالهم
هلی ما فکروا یغزی الثنیّه
...
الوذن غارن و انا احدی وراهن
هلی و ابزود اباشرهن و اراهن
هلی دخلن مرابضهم وراهن
هلی بعدانه لعبن طگ الچعاب
...
هلی اسباع التناخت ملهبینه
هلی حگنه انتسابگ ملهبینه
السکوت او نومه تصعب ملهبینه
هلی التاریخ یکتب رمشة الغاب
...
هلی العالم محاریهم وفیهم
هلی گلبی یرابیهم وفیهم
هلی بحر العلم حبهم وفیهم
العمر ستین وانا اجرف بدیّه
...
هلی نخه لحید جار الحمل شیله
هلی والّی یخل بعضاه شیله
الما یهتم بخوته او لبس شیله
نکر لا عنده غیره او لا حمیّه
...
هلی ثوب الفخر حگنه وصلنه
هلی و زرنه ابسماء السابع وصلنه
هلی اشحدّه العدو یگطع وصلنه
لان کل ثوره تبداء من هالمجاد
...
هلی والشط نشف مایه لهانه
هلی والّی غصب حگنه لهانه
هلی هالثروه ملیانه لهانه
شعجب ماکو صدی ایفزع النه الاحباب
...
هلی العدوان بالحد من نزلهم
هلی او یا هو النقلهم من نزلهم
هلی نحتاج عونه من نزلهم
شباب و شیب نتساعد سویّه
...
هلی طیر النصر فرفر وحس بیه
هلی وایّامه سر منطر وحس بیه
الفخر و العز کشف جمهر وحس بیه
الکدر زایل فرح قادم للاحفاد
...
هلی جرّبوا ضیم الدهر ومره
او ضاگوا شر شئیم البخت ومره
التجی التاریخک البیه فخر ومره
و اطبعه ابواقع الّی ایفسر الحلام
...
هلی ابریسم ابجرحی تشل یبرا
الفتک بینه او تعمّد کیف یبرا
هلی کسر الضلوع اشلون یبرا
هلی زیدوا عتاد الحرب بطواب
...
هلی جسر الربط عزمه بدینه
صوائق و ابحرب غاسی بدینه
جحافل للنصر نهتف بدینه
نخلفه اببطل راعی العلم لو طاح
...
هلی مچمن سیاستهم عگلهم
او فوگ الهام من تنحط عگلهم
الخلفهم و الجفل منهم عگلهم
عبد طوگ ابرگبته ایظل االجناب
...
هلی خطارهم لو طب هواهم
ابگلبهم یندفن صیته هواهم
هلی اینسم علی الودهم هواهم
اصفری او برده و سلامه ایحل بالاحباب
...
جاسم ثعلبی الحسّانی 06/06/1400
:: بازدید از این مطلب : 87
|
امتیاز مطلب : 98
|
تعداد امتیازدهندگان : 22
|
مجموع امتیاز : 22
عضو شوید
عضویت سریع
آمار مطالب
آمار بازدید
