سفیر الحب

ابوذیّات الحبیب

اجیتک   حاضن  اشواگی   ومرلک

الگلب و الروح  طاعن لک ومرلک

ازیل  الضیم  من  سدرک  ومرلک

واصیرن لک عسل و اشفی الاذیّه

...

طمع گلبک سلب عگلی  بالاکثر

صحیح اتودنی  لو  قاصد بالاکثر

احبّک  مو   مثل   امّک  بالاکثر

اندعیلک بس تجی  واتمر علیّه

...

الگلب  ما  طاوع  الغیرک ولک رد

اشمجرّک تلتهی  ابعذرک  ولک رد

السبب شنهی اگطعت بیّه ولک رد

الحد  یا  یوم  تلعب  طوبه    بیّه

...

الحرگ  گلبی  اظن عینک ولاهید

او تحمّلت الاذه  ابجورک  ولاهید

اعلی مودک  ما نمت لیلی ولاهید

اون و انتحب  فکری  انت البلیّه

...

عزیز او دمّی  من  دمّک  بالاذکار

و احس ناسینی ما اهمّک بالاذکار

دعوتی مثل  صوت  امّک  بالاذکار

تجیلک  من گلب صبح  او مسیّه

...

زلت همّی او شلت  غیضک منیتک

واحس گلبی اشتفه ابشوگک منیتک

اذا  تحرمنی  من   روضک   منیتک

علی ایدی اتصیر  اذن مالک خطیّه

...

نبت ذوقک حب ایجنن  بالمکان

التعارفنه  استعد  متحن  بالمکان

رمح قاتل  ضرب  محزن  بالمکان

جسم گلبی او کتب اسمه علیّه

...

من هو المانعک جالس  ملک حس

ابحنان الشوگ لا تأیس  ملک حس

اشمالک لابد او  خانس ملک حس

تعال  او  زور  خل  نگعد   سویّه

...

یکلکل  من   اذانه   ونس بینه

او حملنه اشما لفانه ونس بینه

نمت  چا  یمته  تگعد ونسبینه

لما   تنداس  و  اعیالک   رمیّه

...

یقاضی  استر  علی المتهوم بشفاک

او ربّک  مبتلیک  ابرحم  بشفاک

العبره اتبری   المسجون   بشفاک

اذا عندک وفه او غیره او حمیّه

...

حمل   مرکب   نزل   گلبی  مشلهن

او مصایب تلفی خل شوفی مشلهن

الطبیب  احتار   بجروحی   مشلهن

اشلهن  بیش   بس   ربّی    التچیّه

...

احس عگلی التهب واعضای خوان

ولا  یاجد  لی    بالمخلوق   خوان

الحد  من  و الدهر  ویّای  خوان

یوز بهلی  او  عمامی اتهد علیّه

...

حملت امن  الدهر نچبات ونسه

ینغّص بیّه  وکتی  او  یحس ونسه

حرت لا وین اسلّی  الروح  ونسه

احبابی  اجناب  و انا   النار  بیّه

...

گمر بالسماء  اهلال  او یهل ساعد

او وظیفة  گلبی  للمنکوب   ساعد

الچنت انا اله  وکت الضیج ساعد

ترکنی  او  نکر  من  ضاگت علیّه

...

الدنیا   هلوستنی   او   ریش  منهه

او علی الیحکم ابحگ ایعیش منهه

ما   یدری    ابأذیتی   بیش   منهه

یضل    سکران   بافعاله    الردیّه

...

بعد   کافی  وعوا  عجزوا   حملتک

جبل عاصی او علی ظهری حملتک

جمر    تتلاهب   ابگلبی   حملتک

الحد  یا  وکت  و   اتشعوط بدیّه

...

الیفیدک حسن ضنّک جاد مافاد

الزواج  ابعمل  حلم ابحلم مافاد

طفل  و  ابنذر  لا  ترجاه  مافاد

الیفید   القاسمه   رب     البریّه

...

الزمان  افتر  علی   بالعسر  والهم

او تحملته او طحنت الصبر والهم

من   ربّی   ارید   النصر    والهم

یدلینی   ابدرب   ما   بیه   اذیّه

...

جاسم ثعلبی (الحسّانی) 18/04/1400

هوسات ساریّات

ربیت  ابمدرسة   خوّان ، و انا  الساری   کل همّی

ابوکت الضیج اهز الکون ، او ایدی اباید ابن عمّی

اجدّر  و اطلق  النیران ، و ابوس التفگه من ترمی

مهیوب           الحد       ،       بیه        ناطوره

...

انروف  بجروح   العداله ، الیوم  باچر حتّی امس

البخت عد بیت السواری ، واضح او مثل الشمس

انصدّر  افعال  الثمینه ، او  ما  نهد اویه الهمس

الما    یوگف   یوم    الضیج   ،   ماهو     ساری

...

ایدثّن   اعیونی   ابدمعهن ، عالمگابر   من امر

اسباع  شالو   من   بلدنه ، آه   یلوعات الدهر

نصر واعواجه و الناهی ، للسواری  الکل ذخر

راح   البیه  عز   او   طیب ، و  البیه   هیبه

...

النخوه  ذات  ابگلب  ساری ، لا تلومونی الیگول

اترهّم  اتنعم  المعانی ، اسباع  بالضیجه او تجول

عفیه بیهم سور اهلنه ، ابعگل و اتساوی التلول

الشاهد   بیهه      المطیور   ،     شاره      ابناره

...

ما   اود   الطائفیّه  ،   الطائفیّه   اتجر   صراع

منهه الاستعمار اجانه ، او طشّر الدیره ابفراع

کلنه  من  امّت  محمّد ، نتّحد  بس  ما نباع

حافظ  لرسومک   حامیهه

و الما   گدّرها ایقص بیهه

واسرع لجروحک داویهه

عربی  انت  او  لا  تنهان ، یومک    عیدک

...

العویجاوی      البخت     منّه     صعد

نصر   جدنه   و   النصر    بیه   استعد

او ناهی اخونه او بالعلم صاحب وعد

الگام   ایفردش   بالگوم   نار  ابعینه

...

الدنیا ما تسوا الطلایب ، الدنیا محراث العذاب

ایّام معدوده ابمصایب ، ردت ازیدک بالخطاب

اتوجّه   العثرات   بیهه ، اتبدّل   المای ابسراب

الواگع   لومه   امن   النّاس ، مو  من    بیته

...

لا  تصادق  نافی  ربعه ، مر  لبو گلب الحزین

او لا تشور الباع بخته ، تخسر او مالک معین

تابع  البیهم   محنّه ،  او  بالکلایف  مرشدین

یم    الماعدهم    ذات   ،     ضم     اسرارک

...

جرنی  صوب  ادیار  اهلنه  ، گلبی ذایب ملتهب

الچنت بیهه اسنین عایش ، واشرب  ابمای العذب

سمچه بفراگی واجوهی ، او ساهر ابجود الغرب

ملکک    عمّک     خالک    ،     مو     اموالک

...

عمت عینه اختفه التاریخ ، ما یکتب تفاصیله

علی البیهم  وفه و الزود ، ضل ناگص تحالیله

یهاب   السلطه  تلزم  بیه ، و اتکسّر قنادیله

الشاعر  قاد   الامّه ، ابطوب  او  ما   ینزاح

...

حیل اصیح اللّه و اکبر ، انا عربی  او دمّی حار

گلبی  یهتم  بالیحبنی ، و الیودنی او داوی نار

ما   اطیع   الّی  ارهبونی  ، معتقد   بالانتصار

الوحده  التجلب  خوّه ، او  نیتک    صفّیهه

...

جاسم ثعلبی (الحسّانی) 14/04/1400

بسّه دیگه rap

بسّه  دیگه . خسته  شدم .  از .  خندیدنت

فقط . جایِ . پایِ . من . مونده . توساحلت

تو  که  می بینی  . که .  قلبِ. من . دودیّه

دیگه  .  این  .  آخرین  .  خدا   حا. فظیّه

از   تو  کشیدم . تو عمرم . هزار درد .وبلا

شبا  .  تا  سحر .  داد . زدم  . خدا . خدا

تحمّلت . برام . سخت  شد . و دل نازیّت

دلُ .  شکستی  . با   این  . بچّه   . بازیّت

دیگه  .  اشکِ  .  من . نمی باره . از چشام

دیگه  .  آهِ   من . نمی ارزه  . از    صدام

برو  .  برو  .  گناهِ  .  من  .  به  .  گردنت

دیگه  .  عذابم  . نمی سازه  . با . موندنت

همینکه  .  تنها  .  بمونم . برام  یه . لذّته

خدایی   .  نگو  . که   .  برگردم  .  پیشته

جاسم ثعلبی (حسّانی) 14/04/1400

ابوذیّات ملک الموت

یحاکم   حالی    کرسیّک  و مرلک

و اذا ربنه اندعه  ابروحک ومرلک

ملک  الموت   لو  حافک و مرلک

اشتگلّه  ابیا   سبب   تظلم علیّه

...

من  هو   الحلل  اتغثنی  ولک جوز

او تشوف الجور بعیونک ولک جوز

لیش   اتهلّس  ابریشی   ولک  جوز

اطیرن  بیش  عد   ربّی     الشچیّه

...

الظلم  خیّم  علی  الشجعان واشتد

او کشفنه  البیه  وفه  والهان وشتد

تهمنه  البیه رده او خلصان و اشتد

یدّی  الصول  و  الغمچی   ابخفیّه

...

الطمع و الشیخه کل اغدر من هان

التایه  گتله  هذا   الدرب  من هان

انصحک  لا  تضر  انسان  من هان

یلچمک   جرحه    یوم    الموزمیّه

...

ابعلم مخبوط املنه  من صفانه

الگلب ابده ابحنانه من صفانه

وحق رب  التعبده  من صفانه

اگول  الحگ لون سیفک منیّه

...

انقبضنه اهموم فوگ اهموم بس نار

او تتظاهر شمس بل همس بس نار

عجزنه  امن  المظالم   لفت  بس نار

دوینه  او  یا  وکت   نخفت سویّه

...

عبرت  ابذکریاتی   اجبال  و انهار

واحس  ساتر  دلیلی   عجز  ونهار

الوکت یمطر علیّه  اهموم  ونهار

و     البطران     یتشمّت    علیّه

...

الزمن  حاربنی   بیّه اجروح لالا

یطالبنی    ابملک   متروک  لا لا

ابن  امّی   نخیته  او  گال لا لا

اشتلوم  الطافی اذا ناکر خویّه

...

الوکت لم لم اذنابه او زعل ویهود

وامتابعته  نسل  فرعون  ویهود

حرگانی   بالف   چانون  ویهود

یعود ابللیل  یشعل  نار   بیّه

...

ضگت من باع بخته او تلف مرهم

او علی ثوب الخیانه  الاسف مرهم

ردت  ساکن  خیالی  ایکون  مرهم

ملح  بجروحی  ذب  وایرک   علیّه

...

اشتدگ  یا  زمن  من  یا طور منّای

حزنت او ترغب   انت ادوای منّای

یدهری  بعد   چا   شترید    منّای

بگیت   انا  او  نفس  والروح الیّه

...

سرت من  یوم صرت اسبای بلوای

او نجیب الدار تدری ابهای بلوای

یظالم    عوفنی   ابمنوای    بلوای

یطفینی   النده   او   یستر علیّه

...

جاسم ثعلبی (الحسّانی) 13/04/1400

ابوذیّات و هوسات وقصیده تخص اخوتی السواری عامه

السواری  اهلی افتخر  بیهم وجلهم

الحاکم    ذهب     ثمّنهم     وجلهم

الگلب لو حس خطر مسهم وجلهم

اعواجه  او  نصر و الناهی   التچیّه

...

عمامی  تاجی   ابراسی وعلهم

السواری اسناد غیرتهم  وعلهم

بالک  لا  تمس   بیهم  و علهم

یجیلک   یوم    تعتاز   الخویّه

...

عمامی   تابع     انا    الهم   وساری

او صنعت احلامی  من دمهم وساری

حسّانی          اسلیماوی      وساری

اباصل و  ابنسب   منسوخ   ابهویّه

...

هله ابلمّت عمامی او هله ابطاریهم

السواری  اسباع  و الکل تفتخر بیهم

یموت  العال   تحت  اتراب رجلیهم

الشر  لو   گرّب  عید  او  نفرح  بیه

...

ارحب   بالعمام   الّی   تدگ   احدود

نصر و اعواجه و الناهی الکرم موجود

اتّحدوا   یا   جماعه  و  الامل  مریود

ینطرهه        البعده         ابکاروکه

...

الی اخوتی و اولاد عمومتی السواری عامه

المحنّه   امن  السواری  او تنگطع للموت

عمامی  احزام  ظهری  او  بیش اجازیهم

اهل  غیره  او  حمیّه  او مرجله او ایمان

ملوک  الدنیا   ابوس    اتراب    رجلیهم

سیرتهم   ضخر     مضمومه     للعازات

هلی  و ابکل   فرض   بانت    معانیهم

شریان   الثقافه   و    العدل   و    النور

مثل  روج    الشطوط   اتجر    سوانیهم

هلی   دله  او مضیف  او  نسمه للخطّار

او     بالدیوان      مرقوبه     محاچیهم

هلی   موگد   ضیافه  و  الکرم    والزود

هلی   صلیت    رصاص    الّی   یوازیهم

سواری  او  نفتخر  تابعنه  درب احسین

اعواجه   او  نصر  و  الناهی   الیباریهم

ما  نرضخ   الظالم     و   الیضد    الدین

اهل   شیمه  او  جلاله  او نفتخر بیهم

احنه   الحطّمینه   الباشا    و   الناطور

یذکّرنه     القلم      دگّت     چفافیهم

یلوع  الّی   زهدنه  او   ما   ینام   اللیل

شبه     طوفان      زلزل      للیعادیهم

تحیاتی    العمامی    البصره    للاهواز

من   صنعا   الیمن    للاردن   اهدیهم

من   سوریِا    لفلسطین   الی   بغداد

اسم   الساری  یجری   ابدم  مجاریهم

یلزمنه   نشیل     العلم   عام    ایکون

ابلون   ابیض   علی  الغمّه  او نعلیهم

مررّنه   الارض    خل    تسمع   المرّیخ

او رسمنه اعلی الگمر شمرت مزاویهم

مانی   طائفی   و  الطائفی    مذموم

عرب  ثوب  الاصاله  او لازم اچسیهم

...

جاسم ثعلبی(الحسّانی)12/04/1400

اغنیّة اشمالک یالعزیز اگطعت بیّه

السمر و البیض   تنغر   شتّمنّه

او  علینه   افزعن عسکر شتّمنّه

گلبک  من   هو   یشگر شتّمنّه

فراشه او  چنت تفتر  بس علیّه

...

اشمالک یالعزیز  اگطعت بیّه

مضن چم یوم ما تسئل علیّه

وین الحلو وینه

اشو ما مر علینه

منتظرک چنت صبح و مسیّه

اشمالک یالعزیز اگطعت بیّه

مضن چم یوم ما تسئل علیّه

...

اذا گلبک صدگ قابل یحبنی

غیرک ما شفت واحد عجبنی

من اتمرنی اهواک

تاخذ روحی ویّاک

حبّک    نار    ضوّگنی    المنیّه

اشمالک  یالعزیز اگطعت بیّه

مضن چم یوم ما تنشد علیّه

...

تذکر  من   عرفتک  و   اعرفتنی

مثل طیر ابسماء السابع صدتنی

ما   عندک   وفه    اویای

الچنت لک ورده و ابمای

الامر بیدک  حبیبی  مو  بدیّه

اشمالک  یالعزیز اگطعت بیّه

مضن چم یوم ما تسئل علیّه

...

بعد ما بیّه  اصبر  و  احمل افراگ

لیلی اشلون انامه و الگلب ضاگ

اجر  حسراتی محتار

احترگت ابنار الافکار

احس روحی ابغیابک ماهی الیّه

اشمالک   یالعزیز   اگطعت  بیّه

مضن   چم  یوم  ما تسئل علیّه

...

جاسم ثعلبی (الحسّانی) 12/04/1400

ابوذیّات صاطرات

اطمیعی امکشخل اسنانک ولک فک

او  علی   تفتر   امعذّبنی   ولک فک

تکف   لو   اشدّن   احزامی  ولکفک

واکسر  اضلوعک  او  خشمک بدیّه

...

القلم بیدی رصاصة  نصر موشر

واعبّر    بالگصاید    نثر   موشر

علی البیهم  رده   بالبلد موشر

واکشف اثیابهم من کل خطیّه

...

الحسد  نار   ابدلیلی   شب شبانی

الظلم    ویّاه   لفانی   شب شبانی

هدم رکنی او  رمانی  شب شبانی

او جعلت الصبر مرهم یشفی بیّه

...

الگبر   لچنه  ابعلن   مو  دفن بیدار

امحلت  دنیانه  و الهم   صفه بیدار

المدار   ابلیّه    بیدر    علی   بیدار

او صرت هام او گعد بس یرک بیّه

...

یطالبنه  الزهدنه   الارض  منّه

او مای اللّه او نزل  ما اله  منّه

الیسد   بشطوطنه  شیرید منّه

جفاف  او  عطش دمّر بالثنیّه

...

نخینه اهل الکراسی العبد و الحر

او سعه  ابطلباتنه المندوب والحر

نوبه  اتراب   نوبه  عطش والحر

البطاله   اتزود  و  البیئه  ابردیّه

...

الحراره امن  الضغط  صعدت بهامای

او ما    واحد   نشد   عنّی    بهامای

الشطوط  امحلت  ما  یاجد بهامای

المجاری انگر صفت  تروی الضمیّه

...

یگلبی اختم جفه ان  سمعوک عادو

او   بعد  لا  تمّن   الغدروک   عادو

افتهمت الّی انکروک او لیش عادو

لان صادق  وفی او صاحب حمیّه

...

غیر القسمه ما صف عود ویعود

الماضی انتهه او لا  ترجاه و یعود

انتظرت الغایب الموجود و یعود

او یطّهر  گلبی  من ضیم العلیّه

...

الما  بیه   غیره   النه  ما هم النه

الهوا    موجود    عزنه   ماهملنه

الذهب غالی ابغیابه  ماهم النه

المای  ارخیص  بس  ترکه  المنیّه

...

القسمه   اویاک   یمدلل    مهنّه

السلب عگلک گلب ضافک مهنّه

امبارک   حبّک   القادم     مهنّه

او تعیش  ابخیر  و ابعز وابهنیّه

...

الگلب ما جاز منّک یحن ویزار

اجروح اهوای منّک رفت ویزار

عشرتی اویاک کالفانوص ویزار

اذا  شب  نار  گب  ایزاری بیّه

...

جاسم ثعلبی (الحسّانی) 11/04/1400

ابوذیّات منادیّات

النودّه  ایّام   اله  صارن   میانه

زعل  من  عطش حسباله  میانه

اظّن  اویای  احس عنده  میانه

یدغدغنی او یذب ضیمه علیّه

...

 شرف  لحضر   ابواجبتک   وعینک

واصیرن سیف الک  بیدک و عینک

صدیق  امخضرم  ابقصرک  وعینک

حکیم  او  حاکم  او  تحکم  علیّه

...

سیف اسباع هلهل  بیک  یغراب

التضدّه اخوانه یوم ابیوم یغراب

بعد  شترید  تنغگ حیل یغراب

ابوی  او  مات  تابع  من علیّه

...

العنه   المایهم    بالنّاس    کنّاس

یزید ابفعله  ماکو احساس کنّاس

غبی  و ابشکله  ما ینقاس کنّاس

الیعادی   احسین   ماله   تاثریّه

...

اجلبک   للمحبّه   ابعلن      ودّای

واحس عندک  دوای اکتمل ودّای

الحمد  للّه الهداک الچنت ودّای

او صرت حر گمت تعمر بالثنیّه

...

ضربنی الدهر و انت اهوای من جیت

اذمّک   چنت   طحت  اببّیر   منجیت

عزیز  او  صرت  عندی  اعز من جیت

علیّه  اجروح   زادت   شدهه    الیّه

...

احذر  الحایف  الحافک وردلک

ابکلام البیه رده  ضافک ورد لک

تعال او  کمّل  الطافک ورد لک

او عوف البیه رده او بیه الاذیّه

...

وجودی او عمری الک ملکک وح ان لک

الگلب    ما  بعته   طابع  لک وحن لک

لو   بیدی    اغرّد      لک     و حن لک

الاسف  بس    ما   ترد     خایف علیّه

...

غیری المهتم ابشوگک  ومن لک

الگلب بیتک فتح بابه ومن لک

لا کش ابوجه  ضافک ومن لک

یریت  انساک  حبّک  نار الیّه

...

لا   گایل  تود   شوگی    ولا باس

اشگد    متحمّل  اذنوبی   ولاباس

لون تدری انت مقصودی ولاباس

واذوب   اویاک  من تجبل علیّه

...

ابتلیت   ابحبّک  ابشوگک   وناراک

انچویت ابضل سهر  هجرک وناراک

ابسمای  او گمر  شع نورک وناراک

واذوب  اویاک   من   تجبل علیّه

...

کل شی الّی سده ابروحک یحل بیک

او خل  الیلدغ  اجروحک  یحل بیک

عساک  ابهم  دخل  گلبی یحل بیک

او  تضوگ  الویل  و اتحس  بالاذیّه

...

جاسم ثعلبی (الحسّانی) 09/04/1400

ابوذیّات الوفاء

اذاک الفاک بالسانک  من اداک

تعلّی اتنزّل  ابنفسک  من اداک

الیکرهک ما یحذّرلک من اداک

الذکی  یفهم  تفاصیل   الغبیّه

...

احبّک  گتلک  امحذرک وقل بک

اگلّک   لو     اضدّنّک     وغلبک

انشد عینک علی حبّی  و قلبک

اذا   گلّک   صدگ   تمتاز   بیّه

...

ابجفن عینی اصبحت دمعه وهم بیک

او  عزیز  او  تبغی  تذکاری وهم بیک

اذا     قاصد     تعذّبنی     وهم  بیک

اشوّر    بیک    لو     تکذب      علیّه

...

فهد  فی  بیت  اسد رابی وعلبک

ایخسی کلمن نکر زودک وعلبک

یخوی الزهد من صلبک و علبک

التسامح  و  الستر   بیت الحمیّه

...

یطامع  بس  بعد  کافی  ولک در

تذب ضیمک علی غافی ولک در

تدری ابگلبی  الک جنّه و لک در

او  ملک   الموت شاهد بیهه الیّه

...

الیغیب  السانه   عربدله    وکحله

الجمیل  اطباعه صوصت  له وکحله

النجیب   ابعینی   احطّنّه  و کحله

ابوسام  الشیخه  اقدّم  له  الهدیّه

...

طفل   گلبی   یلوع     اعلیک    ماهاد

یروح    او     یرد    مهتم   بیک ماهاد

اعلی کیفک لحظه ردت اوصیک ماهاد

یجی   یوماً    قبل      زفت      المنیّه

...

المحن   گلبی     ابحنانه     سرّدنّه

الالم      حالوب     شانه    سرّدنّه

بعد    مَحمَل     هوانه     سرّدنّه

السبب دولاب طگنه ابشر خفیّه

...

یگلبی   لا   تعاتب   محب وهلاک

عزیزه النفس عندک ربّت و هلاک

عرفته  الّی  حفر  لک گبر واهلاک

الیخون     الملح   ماله       قابلیّه

...

حمل  گلبی  مصایب  سبن  وانهاک

نصحته  امن  الیباری  الفتن وانهاک

شفت ضافک ابللیل او علن ونهاک

او شربت السم ابکاس ایده الغبیّه

...

بعد   بس   البچی   و  النوح  ویحس

اعلی راسی او عینه تمطر دمع ویحس

یراوینی   صور    من    عقد  ویحس

او   یگول   ابهالشکل    ننزف سویّه

...

الما   بیهم   نفع   بس   تعب   هاجت

طمع   حبهم   اجیاع   ابسلف هاجت

یحط ایده اعلی چتفی او گال هاجت

خجل   ماکو   گحط     وادم     علیّه

...

جاسم ثعلبی (الحسّانی) 06/04/1400

ابوذیّات و هوسات خیول الغایرات

صدیق  التکبر  ابجاهه  فهد لک

ابیوم الضیج من  تعسر فهد لک

ابوک السبع  و اتبختر  فهد لک

کلامی اویاک اعبره انت الهویّه

...

اترکه البیه رده  للخلگ  من شار

هلک لا ما هلک  بالدار من شار

شوصف البیه وفه للنّاس منشار

یحل کل  مشکله  ابأسم الخویّه

...

هواک  اشگد  لطیف او عذب من هاب

او لأن غصنک  اصیل  ابأدب   من هاب

یخوی احنه الیمسنه ابغضب من هاب

الطفل   لو     بالمهد     ینهض    فدیّه

...

الدنیا  اعناد  اذاها  و اشتر اها

خسر  کلمن  هواها و اشتراها

محل  دایم   رباها  و اشتراها

اراهه   ایّام   معدودات  الیّه

...

الدهر خیّم علی  دگنی وذبنی

هجرنی او حطّم  امالی وذبنی

العمر فایت بعد شبنی وذبنی

الگبر فاتح  لی بابه ایلچ علیّه

...

ختلنی السارق امتاعی  و جانی

ابعذابی  ابناری  دوّانی  وجانی

اون   محّد  نشد  عنّی  وجانی

بگه بس الغریب  ایحن  علیّه

...

السعد  عاطفنی  باخر  عمر بالدار

او  شریت   الستر   بالدولار بالدار

چنت شیخ او بگیت اوحید بالدار

احبابی   اخباث   ذبّونی   ابردیّه

...

نسیت الدنیا  وامّی  او بعد وانساب

یرب چندوب  اشیلن هضم وانساب

اضل وحدی واشیخ ابغرب وانساب

و لا   اطیع   الحفر    گبری    الیّه

...

یحضّی  خاتل   اشجالک   شمالک

ولک گوم احصد  ابایدک  شمالک

ولک هلکیت  باطباعک  شمالک

اشمعلمک تختل اتذبنی ابردیّه

...

السگانی الضیم من کاسه و خل بیه

اشربه   المر   و  انغصنّه   وخل بیه

الضرنی  ما   اکف  منّه  و اخل بیه

و   ادوّی   النار    بدیاره   ابسریّه

...

خربصنه  الوکت   یا   ناس   عجیب  الدنیا دوّاره

الکان  استاد   بالدیوان  و  ابوه  الیچسی خطّاره

فهد و ابن الفهد زمزیر ابعزمه  او شاعت اخباره

الثایه   اندگت   بالحد    و      انت     الملزومه

...

العجید الساعد الخوّان بالمواله او دواوینه

الزین افعاله تشهد  بیه ما یتفاخر ابشینه

شهم یستاهل  التمجید  و انقدّم تعازینه

بین  احبابه  او  بین  اعضاه الحر یتدلل

...

جاسم ثعلبی (الحسّانی) 05/04/1400