سفیر الحب

ثیاب ألسود

یا   من  سبیت  ألروح  و   أنت  ألغادر بها

إعطف    علیها       رجائاً       لا      توذّیها

جرّب       وفائها       و      أنین      حنانها

تعتب    علیک   و     لحبّک     لا   تعابیها

حوریّة   و       ریحانة      تعطّر    بإلفضاء

مهمومة      مغمومة   و      من    یواسیها

أنت    ألعزیز   و   أبداً   غیرک     ما تحب

لو   أنت   تترکها   یا   حبیبی   من  یعازیها

یا   لیتک    تدرک     مصابها    و    تنتفض

لنجدتها     و     من       ألمأتم      تنجیها

ما نست یوماً و تربی  علی  دربک  ناطره

مجروحه   فی   قلبها   و  أنت إلّی تشفیها

یا من جمالک کألبدر و   یضیء  فی ألسماء

یا   شمعة    إلدار  و     وصالک    یضویها

ما نامت  إلعین و  أنت     إلّی   ساکن  بها

عطشانه   إلروح   إو   شوقک   مای یرویها

جاسم ثعلبی ألحسّانی 09/03/1401

أُغنیّة أبشرک یا گلب

خویی     إلمرتزق     مارید     مرته

إنکشف حقده إو وصل  للکبد مرته

کبیر  إو   صار    شوره    بید  مرته

عبد   مملوک    بید   إلبیه     أذیّه

...

إبنهه إمّی إو   شعل  نیران لیمر

إبعناده إو شرّبانی   إلقهر  لیمر

بعد موتی و أوصّی   إفلان لیمر

ولا أریدنّه   یدفن  جثتی   إلیّه

...

یگلبی إلقادروا  خلهم  یولّون

یجی یوم إبندامتهم یرجعون

إلمهم ما بین  إلأحباب

إو لابس أحسن إثیاب

خل أهل إلرده  إبذلهم یعانون

یگلبی  إلقادروا  خلهم  یولّون

یجی یوم إبندامتهم  یرجعون

...

یگلبی  إلعاندوا  کلهم سویّه

ما بیهم شخص صاحب ثنیّه

محافه  إلتمّت إتبوگ

حرامیّه  إبطن  سوگ

إلوطن ماهو  وطنهم مایراعون

یگلبی  إلقادروا   خلهم  یولّون

یجی یوم  إبندامتهم یرجعون

...

یگلبی إلعلّگوا  رایه  إو یهوسون

شماته إعلیک صاروا من یغنّون

إترکهم  لا   تجیهم

ولا تسمع حچیهم

یذوقون إلعذاب إبمر یشربون

یگلبی إلقادروا  خلهم  یولّون

یجی یوم إبندامتهم یرجعون

...

إلفاگد  غیره    گلبی   لا تعتّه

إلیضدّونک نسوا حامیهم أنته

سمچ ما عدهم إگلوب

إلیجیهم هوّه محبوب

وزّوهم    علیک   إلمایرحمون

یگلبی إلقادروا  خلهم  یولّون

یجی یوم  إبندامتهم یرجعون

...

دریت أنت شهم ما بیک  أذیّه

یکرهونک  لأن  صاحب وصیّه

إبعلم    مایوصلونک

إبکذب و إیعذّبونک

لأن صیتک صعد گوّه إعلی إلعیون

یگلبی     إلقادروا    خلهم   یولّون

یجی   یوم    إبندامتهم   یرجعون

...

أبشرک  یا   گلب  و   إلقادم   أحله

صعدت إعله إلنجوم إبعلمک أعله

حبیبک ینشد إعلیک

یود  دایم  یمر بیک

و أنت إویاه شبه لیلی إو یمجنون

یگلبی   إلقادروا   خلهم    یولّون

یجی  یوم   إبندامتهم     یرجعون

...

جاسم ثعلبی ألحسّانی 06/03/1401

أبوذیّات سُبل إلحیاة

عله  إلموگدهه  لا أساوم  ولفصل

إلهدایة  من ظلم وأسجد ولفصل

ألف عگرب علی  داروا   ولفصل

إبجوانی إو گمت  أعبّیهم  بدیّه

...

إللهی إدخیلک إسترنه  من ألشات

إبندم یألماکل إلشحمه  من ألشات

إبسلامه و إقبل  إلإکله من ألشات

إلجوع إو لا   ألف  علّه  إو شچیّه

...

إلغریب  إلهانته  إلعربان  ونذال

إلسبع یفرس  مطایا شات  ونذال

إلشماته  إتلوگ للطخمان  ونذال

إلسلف یحزن  لبو  إطباع إلزچیّه

...

همج کلمن  ترک  خلّه و شل بیه

إبحماقه إو یحرگ إیزاره وشل بیه

إحمار  إمکرّم  إلسامع   وشل بیه

إبطاحونه  إو  یدور  إبلا   وعیّه

...

إمثقّف و أشتهی  أربیلک وعینک

لأن صاحب  وفه  إبدینک  وعینک

إلصداقه إبروحک  إشریهه  وعینک

عزیز   إتصیر   عند   أهل    إلبریّه

...

إلیحمگ  تابع  أسراره  وداره

إلعاقل خلّه  إلک  زینه وداره

إلبیه شر  إبتعد  وصله وداره

إذا قصدک تعرب أهل إلثنیّه

...

إلیخل بإلخلّه خل بیه  خلّه خلّه

إبحاله  إو  لا   تمنعه   خلّه خلّه

إبحیاته    و  إبمماته   خلّه خلّه

متی یجبرهه  و  إمحتمه إلمنیّه

...

تغش چندوب  بأحبابک  منهلاک

إو تجلب لک  قهر  فادح منهلاک

إچّم واحد ندم  واسف  منهلاک

إلعذر میفید إذا طفت  إلضحیّه

...

جاسم ثعلبی ألحسّانی 05/03/1401

أُغنیّة أنت حیاتی

یا مرحباً بک  إشتاقیت  لرویتکَ

أتیت فی وقت   ألربیع   مکرما

حامل معاک  کل ألورود بعزّتکَ

أحبّک  مادمت  حیّاً  و هل ترا

...

أنت حیاتی  وحیاتی  بدونک  زائلة

و عینی تشوفک کل بدر عند شبابه

و  روحی  تحبّک  و   بحبها   مائلة

و قلبی  یبرهن  لک  عند   خطابه

...

أویلاه مجری ألحب و إن سالَ یهدمُ

ألجبالَ  و  یملاء  ألأنهار  بل   وداد

ما   کنت  أعلمُ بأنَّ   حبّک   ینعمُ

تعیش  معایَ   لعمرک  فهو   ألمراد

...

دق  قلبی  و ألتهبَ   بنار   وصلکَ

و أنت  بعید  و   کیف    أن   أراکَ

یا  نور   عینی  و    شفاء    محنتی

عجّل ترانی بإنتظارک غثنی هواک

...

سهرتُ کل لیلی أنظر لدربک بإلخیال

و أصطّر  ذکریاتک   تمرُ  علی    بالی

أترنّم بحدیثک  أین  و   متی ألوصال

رجائی     لک   بإلوصال   لا    تبالی

...

یا من  طربت  بوجدک    بکل   غرامی

إحترقت    بنار    ودّکَ   من   یطفینی

و ألهوا  ألهاب  کلفتهُ  یوصل   سلامی

فیّه جروحٌ من یضمّدنی  یا نور عینی

...

تعال      و        أُرحّب      بک         تعال

قل    إنتظاری    و     لیس     لیَّ     مجال

ألّحظات  تمر  علیّه   بصعوبة   طی  ألجبال

تظهر أمام عینی و ألمسکَ ولاکن کلّهُ خیال

...

بعدکَ  عذّبنی   إو   شلَّ  حالی   یا   حبیبی

یا من أوّل حب جرببتهُ و أرتضالی یا نصیبی

تعبان  منکَ   تعبان   فکیف  أنطق بإلّسان

و متی   یقرّد  طیر  إلحب  و یفتح   ألبیبان

قلبی   بحبّک  ولهان، ثمَّ ولهان ،   ثمَ ولهان

...

جاسم ثعلبی ألحسّانی 04/03/1401

أُغنیّة هرمیّة عطر إلهیل

أحبّک حیل

یا عطر إلورد و إلهیل

تسهّرنی إبغیابک ما أنام إللیل

أنت إلامل،لتواعدنی تزعل من دیاری إتشیل

خلینی معاک، إخلاف عینک ما أعیشن، أگضی عمری إرحیل

...

گمر عالی

هواک إمدمّر أحوالی

تعال إحذای لا تبعد ، أحبّک موت یألغالی

أبد منساک ، تظل إبگلبی و إتفدّاک ، و أظل ویّاک للتالی

إبّطن گلبی إو نذر نذریت ، من إلشمّات ما کعّیت، یألساکن إبدلالی

...

وینه إلمار

تانیته إلولف مازار

أحسّنّه إظن تعبان،طیر إو طار

جربه إلولف لو تنخاه یذب روحه إبّطن إلنّار

من تندب یفر إعلیک ، شبه إلمطر فوگ إلدار ، ما محتار

...

عارضنی

جرّبته إو تعذّرنی

ما ردته یطیح إبنار ویجرنی

إمن أرفعنّه علم بإلراس،یتکبّر إو یحگرنی

إلما بیه غیره لا إحساس ،  ترکته ِإیروح میهمنی

جاسم ثعلبی إلحسّانی 06/03/1401

أُغنیّة هم تندم

أصیحن آه وین ألگاه ، إولیفی إو لیش ناسینی

حبّی إو تاه و أتعنّاه ، جفانی إو  حیل  ماذینی

...

مو   گتلی  أظل   ویّاک ، روحی   فدوه    لعیونک

شجاک  إشبدّلک  یا   طیف ، و  إتعوف  إلیحبّونک

تمرّضنی و أرد ملچوم ، إو حرمت إعیونی من إلنوم

إبحبّک  منتدم   ملّیت ، و  أدری   إبیوم   تنهینی

...

بعدت  إبعید یوم  إلعید ، أعایدمن  و أمر بیمن

أنت  سلوتی   إبدنیای ، بعد  دونک   أحاچیمن

یا محلاک من  إتعود ، إو تکمّل  طبعک إلمریود

أشم ریحت هواک إلیوم ، إمن إشتمهه تدوّینی

...

إخذهن  ذکریاتک  شوم ، من   إتروح  هم   تندم

تتوسّف  عمر   عدّیت ، من    إلاهات   ما   تسلم

إصورّی إشلون تنساهن ، إو  تنسه إلعایش إویاهن

إحرگهن  خلهن   إمدخنات   ، إلدخّان   إلیواسیهن

...

إلینشدک گلّه گلبی إوحید ، أبد ما حب عفاء إو ریته

حط لک لافته إمن  إتجول ، إو  گول   إلحبنی  ترکیته

إحچ حچی إلصدگ معقول ، إذا تکذب  تظل  مسئول

گول   إو     تارک   إلمدلول ،  یلومونک   بعد   عینی

...

إچّندوب أعتذر لک زاد ، ضیمی إو   کثرت ألامی

یسئلونی علیک  أجناب ، شگل  للسیّد  إو عامی

أگلهم بإلسفر ما  راد ، أگلهم   جامعی  و أُستاد

عساها إبحضّک إحتاریت  ،  ساکت  للیحاچینی

...

عوج طبعک فلا  ینصاغ ، عنید إو  تابع   أسیادک

أعلّم بیک ما فهمیت ، لجوج  إو  تجرح  إلصادک

خبیث إو صبر ما عندک ، إو دمعتک نازله إبخدّک

لا  تسحرنی  أحبّک  حیل ، إبرمش عینک تهدّینی

...

تجرحنی و أصیح أحّاه ، إو   ترجعلی   إبعذر غاسی

طفل تلعب عله إلحبلین ، إو شیّب  نص شعر راسی

کلّه      منّک    إتأذّیت   ،    أبعد    منّک   إتمنّیت

سبت للبر  إو عفت  إلبیت ، إطیور  إلبر   تعازینی

...

بعد کافی إلختل کافی ، و أحسّن  بیک  متعافی

تدوّی   نار    تطلب   ثار ، تدوّر   حرگت إلحافی

أعتذر منّک إبد ما أعود ،  سلّی  گلبک   إلمگرود

إلهیه بطواری   إلطیبات ، إو   داویه  إو  یغنّیلی

أصیحن آه وین ألگاه ، إولیفی   إو  لیش ناسینی

حبّی إو تاه و أتعنّاه  ، جفانی  إو  حیل   ماذینی

...

جاسم ثعلبی ألحسّانی 05/03/1401

أُغنیّة شمعه إو لیل

إنتهت  ویّاک  عشرت  دوم ، إنتهت   ویّاک    للتالی

إلنصیب إلقسمه تفرض هیچ ، أودعک بیدی یألغالی

...

من یوم إلهوینه  أحباب ، أعتذر منّک تسامحنی

علی کل شی إلسده و إلصار ، ما  أقبل تجرّحنی

...

إتّفقنه إنعیش شمعه إو لیل ، إو سهرتنه إلبگت نیشان

أمّنت  إبکلامک  حیل ، إو تظل   أنت   إلوفی   یفلان

...

جرّبته  طلعت  إویاه ، ولا  لحظه  نکت   بیّه

أفز من نومتی مرعوب ، و أقصد شوفه یومیّه

...

إبحبّی و أنا أتفدّاه ، إیمسنی و أنا عد عیناه

عهدنا  نحترم  للموت ، لا ینسانی  لا أنساه

...

جرحنی  و  إلجرح  ملچوم ، أفکّر  بیه   بحزانی

أسف سمیته إلمحبوب ، و أحس بیه گلبه دفّانی

...

رفض ما ضمّدانی إبساع ، و  لا گلبه  إلتفت صوبی

عزیز إو أعز من إلروح ، إنکسر گلبی إویه محبوبی

...

مبارک و إلوداع إیهون ، جرّب لک ولف ثانی

إو تابع ذکریاتک حیل ، هم شوف أنا تلگانی؟

...

جاسم ثعلبی ألحسّانی 04/03/1401

هوسات وطنیّة

أعزّی أهلی إبعبادان إبسقوط أبراج وهمیّه

مصالحهه رمل  و  إتراب صنعوهه إلحرامیّه

ما ندری  منو   إلمسئول  إتبرّت  کلهه لوگیّه

إنصبّر  و  إنعازی   کلمن   مات    إبتربانه

...

إلدهر ما کفنه شفنه  إلویل  ضرباته   تشیب إلراس

إلحد من نحمل   إلعیلات  إلحد  من و إلستر لابأس

إلفقر ما کافی و إلترهیب عطش و إتراب ضر إلنّاس

و إلیوم    إبیومه     إنضوگ      إلویل     إبحرمانه

...

برج و إلبانیه منیّه  إو  جمع  طابوگه إبحرام

إلجراء إبعبادان نکبه إلصوره و أنقلهه إبکلام

ماتت إلنّاس إبهدمته  إتدفّنت  تحت  إلرکام

چا وین إلغیره إو  ساکت  و  أنت   إلملزومه

...

إلعربی بإلعین إعتزازه ما  یهاب إمن  إلحرب

إلراء  رافع   رایت  إلحگ  ما   یسلّم  للضرب

إلباء بیته إلجنّه یسعد إمأمّن  إبجس  إلدرب

و إلیاء  إلیبقی   إبیومه ، إبصیته إیجربونه

...

أهوازی ما   أنکر  هویتی  خل   یسمعونی  إلذیول

أنا ذاهب   للشهاده   إو   لا   تلومونی   إمن أگول

إلوطن منحوت إعلی صدری مو علی  صدر إلنذول

إلگاع  إشلون   إتخضّر   لو    ما   دمی    إیروّیهه

...

إحنه من حیدر أصلنه ساده  و إندوّر إلسلام

ما نهاب إلموت حگنه إنریده یرجع   بإلتمام

عرب نستانس بأصلنه  إنرید  عزّه  و إحترام

و  إلما  یرضخ  ویداویهه

معلوم  إوّلهه  إو تالیهه

و إلنار إبدمنه إنطفّیهه

نفزع و إنهوّس کلنه إلما گدّرهه إیغص بیهه

...

هلی و إحچولی حتّی أرتاح إشعملنه إو ربنه ظالمنه

لا ظل  شیخ لا  مسئول   إلکل    تدری    إبمشاکلنه

طفلنه  إیصیح   أنا   جوعان  إو  شایبنه    یعاتبنه

إلشط ناشف مایه إمخلّینه

و إلبیه غیره إلنه إملوعینه

و إلصاح   أحّاه  إمحزنینه

و إلصاغ إلشر منّه إو بینه

إتحزّم    یبنی   إتحزّم    ما  کو   غیرک   یبنیهه

...

خل ننسه إلظلم و إلجوع إو خل ننسه إلعطش و تراب

إو خل إلحرمنه إو ترهیب  إو  خل   إلّی  یرامی إلباب

إتثقّف یا شعب بس  عاد  أصل  إو فصل کلنه أحباب

بإلوحده     إنبیّن   لمّتنه

إو بإلهمّه إنصعّد خوّتنه

نتکاتف  نبنی  إبدیرتنه

و إلخاین  ننشد أمّه  إمنین  إلنطفه  إلحملت   بیه

حشیء إلسامع

...

شال إلبیه محنّه إو طیب  شال  إو حزن دیوانه

علی إلتابوت تبچی  إعلیه   إتودّع  کلهه خوانه

صوب إلمگبره إو  شالوه إو  متوسفینه صدقانه

إلزین   إبگبره   إو   نایم  و   إلنّاس   إتزوره

...

خادمکم صغیر إلگوم  و أرد   أنصح عشایرنه

إلرمی إبکل واجبه مذموم مرفوض إبضمایرنه

إلتفگ للعازه خلّه إیثور  ضد  گوم إلتعاندنه

تمطگ      بیهه       و      إتحشم      إلکل

...

ألف  مبروک    للعرّیس   نرسلهه   إبتهانینه

هیبه إو چان بین إعضاه إو بإلصعبه یبارینه

إنهنّی   إبزفّته   إبهل  یوم یستاهل یواسینه

أهلاً بإلعرّس   بین   إعمامه   إو بین إعضاه

...

لو تصاحب زین صاحب لو تظل من غیر صاحب مثل مگیوله

إمجرّب جرّبته   أهله  صدیق  إلزین   أبد  ما  بیه   فرد لوله

إمعدّل یحضر إلصعبات وکت إلضیج  قِصد  یسبگ إلهلهوله

یستاهل   فوگ    إلراس      إنشیله     إو   تاج      إلخوّانه

...

جاسم ثعلبی ألحسّانی 03/03/1401

أُغنیّة یا ما هوینه

صار إلّذی صار ، و  إبولفی  محتار

إتفارگنه هل یوم ، و  إصورّه بإلنار

...

یا  ما  هوینه ، إبحبّه  إبتلینه

سافرنه صدقان ، یا ما مشینه

...

هسّه إلوکت غیر ، کل خطوه تفسیر

و إلّی  یگول  آه ، من  آهه  و تطیر

...

ضایع  دواها ، تمشی   إبهواهه

طمعیّه معلوم ، تنسه إلنساها

...

تحچی إو  تندّم ، و  إلحب تهدّم

عایفهه ما أعود ، گلبی إنترس دم

...

کاسر لی حالک ، تاه  إلهوالک

شیه إبدلالک ، و أللّه  إبّدالک

...

ذاک   إلدرب  ذاک ، ما گلبی یهواک

إتغازل و أنا إویاک ، روح أللّه یبلاک

...

أحب   إلهوانی   ،  خلنی  إبمکانی

حبّک نده إو ماع ، ضاع إو نسانی

...

جاسم ثعلبی ألحسّانی 04/03/1401

أبوذیّات أحلام أللیل

عله   گلبی   ألأودّه   مرّ ظنّی

إلعگل  مرّه   أصدگه   مرّظنّی

أحلامه   إتمر   علیّه   مرضنّی

أفز مرعوب أشم عطره بدیّه

...

بیادر   خیر    أحس   چوّمت  ونعت

إبرضی  عگلی   إبمودّه   سرت  ونعت

إهمومی إتخردلت من همت  ونعت

و أشوف   إلفرح     معرس    بإلثنیّه

...

یجر بیّه إلوکت  نوبه   وجر بیه

إمکارب من   ألوفنّه  وجر   بیه

إلهلک ظالم إله  صیته  وجر بیه

بطل ینحسب و إتذکره  ألخویّه

...

حبّک  نار    یحرگ    من    تجنّه

و إذا   شوگک  کتلنه   من  تجنّه

إبگلبی   جمر  یسعر    من تجنّه

إمن أشوفک ناری إتشب موبدیّه

...

إبفرد إجناح  أطیرن   لک   وفربیه

إبهواک إو ذایب   إبشوگی  وفربیه

إبّطن محچال گلبی إنحط وجر بیه

إگطفه   إبوکت   من   إتعن  علیّه

...

أحلام إللیل أون  منهن وحدهن

یهجمن  علی من ولفی وحدهن

أوصّلهن  إلبیت  إمهن  وحدهن

إلحد طرت إلفجر  یجفن  نویّه

...

عوج ما ینعدل طبعک وعدلک

إو گلبی واگف إبقوله وعدلک

إبّناک أنا  أسلّم  لک   وعدلک

إلشراکه إبگوّه  ما  تسوا وجیّه

...

سبع نی أکلک   یا   علچ   ولفاک

إبعباتک لو تغثنی أربطک ولفاک

تتحایل   إویای    إبّعلن    ولفاک

صعبه   إو   مضن  نتعاشر سویّه

...

حرب عالمی أحس  مقبل و یهلاک

غزیت اُکراین   یا    پوتن ویهلاک

إبّین إلغرب ما  ظل  لک  ویهلاک

تهدّد     بإلدمار    إبکل    نویّه

...

إلیحب إلصلح  طیعه إبعجل حبله

إلبشر عاقل إو   ما   ینگطع  حبله

إلدّنیا إبحرب طاحن  أحس  حبله

إبوضعها    تفنی    ثلثین   إلبریّه

...

إلغرب و إلشرق و أحفاده وساده

إلقتل عدهم  صبح  عاده وساده

دربهم   ما    إلی   راده   وساده

إلطایعهم   کفر    زاع    إلحمیّه

...

ضیم   إبگلبی   من    إلبشر  منشاف

یغثنی إو یحس  بیده إلجرح منشاف

أبریاء  إلتغضی  تحت إلدان  منشاف

إو    تفوز   إلقاده   بحروب  إلخفیّه

...

إلعگل  کالتاج  للصادق  ولأباس

و إلمصطر إلکذب ناجح  ولأباس

إلخبر لو  شاع  ما  یلتم  ولأباس

یشع    یزداد  فعله  إبکل خلیّه

...

ختل بیّه  إلوکت کل یوم مرّه

إو ضوّگنی  عذاب  إو ألم مرّه

یگلبی   إلسبّبالک    قهر مرّه

إو بلکت ینکتم  فمّه إبشریّه

...

یگلبی أحبابک  إلزهدوک   مرهم

إو ضمد إجروحهم و إختبر مرهم

زید  إبعسل  حلّی  إبطعم مرهم

عساء  إو   تحتاجهم     بإلموزمیّه

...

إلملک  صحّه  إو  سلامة  وطن یملاک

إبسعاده إو عیش حس بإلفخر یملاک

إبأمان   إیمر   حلالک خلف  یملاک

و إذا گلبک   ذهب    تجلب  خویّه

...

یون گلبی  و أحن  ویّاه  ونحاب

علیه زاید حمل من زمل  ونحاب

صغیر إلسن یشع کالبدر ونحاب

وفی إو تابع  شریکه إبکل نویّه

...

یناهی   لا    تلوم   إلگلب   لو ون

مصایب تلفی  وسط إحشای لو ون

أحس وجهی   إبربیع  إلمطر لو ون

حمر و  أصفر   یبرهن    ینهی بیّه

...

جاسم ثعلبی ألحسّانی 04/03/1401