سفیر الحب

اغنیه لا تذب ضیمک علیه

یا ولف طوف الزعل بالک تدگ بابی

ما ارید ثوب الحزن و اتعذب احبابی

ما مات گلبی ابامل و اتچمل اترابی

ما تحس بوست محب و انت ابحضن رابی

***

یا ولف کف البچی بات ابدمع عینی

بسک جرحنی الصبر و العتب ماذینی

تیّهت بیت العشگ و ابدربه دلینی

حطنی حمامه ابقفص او لتگلی ناسینی

***

ما اتحمّل لا تذب ضیمک علیه

ما اتحمل لا تگول انه اشبدیه

لا تذمنی اتبع هواک / گلبی مجروح او اجاک

های من عندی ، من عندی ، های آخروصیه

ما اتحمّل لا تذب ضیمک علیه

ما اتحمل لا تگول انه اشبدیه

***

ما اتحمّل وانت تحرگ بالمصیر

ما اتحمّل و انت تنگرنی او تطیر

دمی ینزف من حبیب / ما اظن جرحی یطیب

و انت شابگنی ، شابگنی ، شابگنی امن ادیه

ما اتحمّل لا تذب ضیمک علیه

ما اتحمل لا تگول انه اشبدیه

***

مرمرتنی او ما شفت فرحه ابهواک

و النجوم الظهر شایفهه ابسماک

صدّگ اویاک ابتلینه / و ابصداقه اتعذبینه

بیها شربیت ، شربیت ، کاس امن المنیه

ما اتحمّل لا تذب ضیمک علیه

ما اتحمل لا تگول انه اشبدیه

***

تحرگ ابنارک او تابعنی اشترید

تسهر ابدارک او فکرک ما یفید

تتهم الناس اشجرالک / او تابع الحایف خیالک

مانی ندمان ، ندمان ، و امی الیعربیه

ما اتحمّل لا تذب ضیمک علیه

ما اتحمل لا تگول انه اشبدیه

***

شاعر الشعبی :

جاسم ثعلبی (الحسانی)08/ 07/ 1394

30/09/2015

ابیات هرم الحیاة

یا صداقه العندی منک یا کفاح

گلبی حبک عاندتنی یاک و فاح

ابغی یمک لو ردتنی یاکف اح

اخ من همک لفتنی الذکریات

***

عذبتنی او مرمرتنی او هالعمیت

جارشیتک حاسبیت او هالعمیت

اتحسدتنی او طاردتنی او هالعمیت

شنهی ذنبی او ما تدلینی الطریق

***

ما ارید

اعیون ترمش من بعید

هذا مو حب گلب مصنوع ابحدید

قصدک اتدمر حیاتی او تلبس الثوب الجدید

العمر ما دام ابخیانه و الیخون احبابه للعشره اشیفید

روحی مغشوشه ابحنانک تظهر انغام ابلسانک شفت کل سهراتی عید

هرم مسدس من ابداع الشاعر:

جاسم ثعلبی (الحسانی) 08/07/1394

30/09/2015

ابیات حب و عتاب

انت العفتنی او رحت چا وینه حچیک شات

ما عفت و انطر ولف مدری عدل لو مات

محتار بیک او طحت طیفک یسلینی

دم من عذابک گعد ینزف دمع عینی

ما حسبت تبتعد ما حسبیت اتروح

و ابروحتک ضیعت بیهه الگلب و الروح

دلینی وین ارحلت دلینی بسرارک

راحن اعیونی او تهت من ضیعت دارک

یا طیف بس مر علی راوینی محبوبی

ما انسه ذچره ابد و اسمه ابستر ثوبی

ملیت من العشگ ملیت حاچینی

غثنی الزمان او طحت محد یداوینی

انه المریض اصبحت و انت الطبیب احذای

تترکنی اموتن صدگ لو تلتزم بدوای

اتواعدنی یوم انتظر بالصوره تذکاری

لا صوره وصلت الی یالسامع اخباری

اتواعدنی اول امس و الیوم ناسینی

شنهی السبب مبتعد ها یا بعد عینی

وین العهد و الوفه قولک مطر بالمای

سچینه حچیک طلع بیدک تگص باحشای

اتمنی تفهم عهد من گلبی یالغالی

لو تبتعد للابد لو تبغی للتالی

شدیت گلبی ابحبل علگته فوگ الدار

او خلیته عبرت عشگ للیحترگ بالنار

اترکنی همی کثر و امعذب ابدنیای

منک امدمه الگلب ما ینغسل بالمای

من حاف جسمک یخی من خان خیّالک

گلبک طلبته اعتقد لو تفبل اشوالک

اشمالک هویت او طحیت اشمالک تغیر الوان

ساتر جمالک قوی ما ینقصف بالدان

دگ الفکر بالعشگ دگ السدر بیدی

ویاک اعیش العمر ما تقبل اشبیدی

ما اخون لو تنطبگ گاع او سما ابدنیای

ولفی او طلبنی اعتقد طایح و ارید واهوای

ما احب ادمر الگلب ما اود ادمر البیت

بس بالصداقه اکتفی اقبل اذا واسیت

طول الزمان انتظر بس ارد اشوفنک

لو ازورک ابکل وکت لو افترق منک

احلفلک ابکل عشگ و احلفلک ابناری

بینی لبینک عهد ما اکشف اسراری

ودیلی صورة گلب ودیلی تذکارک

شافی الگلب یا گلب خاف ادوی ابنارک

جاسم ثعلبی (حسانی) 06/07/1394

27/09/2015

ابوذیات غدیریات

ارینه احلام حلوه یا غدرنه

انتصرنه ابسد کرمنه یا قدرنه

العلینه شاهد النه یا قدرنه

ابیوم النبی لاح اباید الاجواد

***

علی شاهد علینه من نسلنه

نحبه الشیعه کلنا یا نسلنه

کشفنا البه ردیه یا نسلنه

السباع او غانمه التحکم بالابلاد

***

علی عزنه او کرمنا منه بینه

ابشجاعتنه او کسبنه منه بینه

العلم والجود کاسب منه بینه

او مثل عطر النقی اسمه علی الزاد

***

من هو الرفع بیده الحید و انشاد

ابعید الخم رسم مرسوم و انشاد

العالم کله یشهد بیه و انشاد

خلیفه او نصّبه رب البریه

***

جاسم ثعلبی (الحسانی) 05/07/1394

27/09/2015

دو بیتی غدیر خم

علی بیزار بود از بت پرستی

امیر مومنان جانم تو هستی

غدیر خم سند زد حکم دربار

خودت دروازه ی خیبر شکستی

***

علی بنگر شهادت را خریده

پیامبر نام او را بر گزیده

شبانگاهان پیام خم ندا داد

رسول الله وزیرش را کشیده

***

عدالت در علی نامش رها کرد

ضلالت در قضاوت ها جدا کرد

جهانی شد علی نامش چه زیباست

خوشا هم نام او دل را صفا کرد

***

مبارک باد روز عشق و ایثار

صدای شیعیان تابیده بسیار

علی یارم علی نازم علی شیر

سپاه دلبران ناگفته بیدار

***

جاسم ثعلبی (حسانی) 05/07/1394

27/09/2015

غزل عید الاضحی

گوم زم غیضک حبیبی او لا تلوم

جانه عید الله الکبیر او فرحته

لا تلوم الایمه او موتک قریب

گوم شارک کل مریض ابمحنته

البس اثیابک او بارک من هواک

و اطلع الناگع الباغی ابغربته

اضرب الباب او تجد گلبک یجیب

او حل حل اهموم النعت من شدته

سلّم اعلی الغاسی گلبه اومشتهیک

هل هل ابعید الضحایا صورته

ثقف افعالک او مهد لک طریق

جر المسودن او کلفه صحبته

طوف عدی العیله و اتنجی الغریق

شایل ایده ابمشکلاته او عازته

مو فقیر المال خاطر تشتریه

فقر بالایمان بارز شوفته

بالادب محتاج واحد یسری بیه

یکسر اقیود المضله ابرادته

عدی للماعنده ذات او کض ادیه

بالبحر ساقط او مرته غرته

لاجل ابراهیم شیخ المعجزات

او ذبحت اسماعیل عید او هنته

کمّل الایمان و ارتع بالصلاة

الخاطر ابن اادم تهرول حجته

هذا عید او عادة المسلم یقول

عیدک امبارک حبیبی ابجیته

لو تنال البر و الشاطی شفیق

انفق ابزی الکلام او ثروته

الشجر ما عاده البشر بس بالحریق

و المطر ما جف یتیم ابسفرته

عینی مشبوحه اعلی بیتک واشتهیک

و الحلم ما یروی نایم طلبته

گلبی مجروح ابغیابک یالعزیز

یمته تحضر شاب گلبی ابلوعته

جاسم الحسانی ما هاب الضلام

ایهنی کل مسلم شریف ابدولته

جاسم ثعلبی (الحسانی) 02/07/1394

24/09/2015

هرم مخمس سداسی باسم آه یشاعر

آه یشاعر

ابغی یمی او لا تسافر

او شفت طیر ایلوع مشلوع الاضافر

او شفت جثه ابمای راکد او غسلاها المای طاهر

او شفت محضوره السوالف بالمضایف شنهی خایف لیش طافر

خوفه عندک

اتغشه ابشیله و اردک

دفترک یمحل مصایب لو قلم مکسور وعدک

انت لو شمس المعانی لا تتانی او بالشهامه الیوم اعدک

قل لی قل لی لا تاخر انت لو هاون طلایب للگرایب عون امدک

یمته شارد

یا شبح من بیته طارد

یا سهر یتحمله والمای والجو کله بارد

البس اثیاب الطهاره و اهتم ابنور الحضاره او لا تعاند

ذاک ابن دیرة خیالک شال بهمومه او شچالک من هداک ابدربه ساند

وینه بیته

گلبی یمک عذبیته

روح واسمع نایحه اتون ابثنیته

او تلگه نیشان المجد باذیاله و امعلیله صیته

او تلگه شمعت نوح لازمها اعلی گبره او بیها منشوره او قریته

شنهی کاتب

سره مخفی او بیه یعاتب

منهدر دمه اعلی حگه ابراسه طگه ابلیه راتب

او شایل ابگلبه القضیه التنتسب له عالمیه او بیها راغب

او راسم الموت اعلی صدره او بیده ابره او ملتهب و ابدمه شاطب

ترضه بیها

امه مطروحه علیه وایدث ثدیها

اتحشم اهل المجد شایل یا حزن ها یا ولیها

جاها حرب الطف سباها او عذباهه یا محمدها او علیها

مثل زینب قل صبرها و العسر ذمها او نطرها او گاعده اتشمر بدیها

قالب الهرم من ابداع الشاعر:

جاسم ثعلبی (الحسانی) 29/06/1394

20/09/2015

ابوذیات للمحبین والمحبات

احبابی استهظم الغاصب یمرکم

ابتعد  بس یلسع ابگلبی یمرکم

ابصفات النیه الیودکم یمرکم

و اشعلوا نار بیت العم علیه

***

نسیت الذله لحفادک و هم بیک

ابشجاعه و الکرم والعز وهم بیک

ترکت امراضی و اهمومی وهم بیک

من تطلع شمس تشکرها الیه

***

بنات الشات ما سرحن و سرچن

اضروس البین ما لاچن و سرچن

تچفنن بلسمن جرحی وسرچن

وفاچن عون مای ابغمغمیه

***

جاسم ثعلبی (الحسانی) 28/06/1394

19/09/2015

غزل تحنی ابدم عرس

رب الکون حاور یخلق الانسان

صنع من طین زوج او علّی چلماته

نفخ بالروح فیها و الملوک اشهود

نزل اادم نبی و امعلّم ابذاته

او خلق حوا امینه ابجنة الفردوس

مع اادم فرحها اتوفی عازاته

نزل دستور قاطع للفتاء بالحان

یبری امن الحسد و الشکه طلباته

شبه مکتوب لا یاکل ثمر تفاح

او منها اتگول حنطه اتخرمش الهاته

فتن بیها اللعین او عربد اشما راد

او غش اهل السلف باکذوبة آیاته

وصل نوع الخبر للخالق المختار

ما جازه النبی بس عده طلباته

او سکن بارض الحجازاو عاشر المسکون

خلّف هالبشر من نسله محلاته

المنهم معتمد بالغیره و الایمان

و المنهم طریر ایخلف اسباته

انتشر نوع البشر و اتوزع ابالوان

الی شرق او غرب و ارسومه دلاته

العرب بارض الحجاز او ضفة النهرین

او بالشام او طلق متعدی چیلاته

اول من سکن های الارض بالذات

اهل المصطفی و اجداده و انباته

یطالبنه الدخل خطاره للجیران

او یرید ایدگ سند و ایحمر اشفاته

ولک یا گاع یا دیره التحب طاریک

اصلک من غرب و اکذوبه برماته

تحنّی ابدم عرس و اتهجر المنهوب

چا یاهو السمح لک تدفن املاته

کلیت او ما شبعت او ترشی بالطرمان

صبر عند النخل مضمومه عتباته

الک یوم التشوف الخیل فوگ الخیل

و ابن عز العرب مکشوفه بوساته

یغزی للثریا او یطرد الحرمان

ابکتاب اهل الفخر معروفه دگاته

جاسم ثعلبی (الحسانی) 26/06/1394

17/09/2015