سفیر الحب

أبوذيّات تخص فقد الأب

أرحلت و العين تدمع   من يسرها

إبمحبتك عطف سرها   من يسرها

إبغيابك روحي حزنت  من يسرها

الوحيد أنت إلتشافي إجروحي اليّه

***

يبويه الهجر  شچني  إبرمح  وسفه

إبحق گبرك إزينه   إبذهب   وسفه

أرحلت و النّاس صاحوا حيل وسفه

عزيز   و   فرگتك    تصعب   عليّه

***

إبفگد الإبو   بدري   إندمس منهل

و دمعي إعلى الخدود إنهمل منهل

تأثّر   گلبي   وكت    اللحد   منهل

إترابه إعلى الجسد شچ  رمحه بيّه

***

إنتهه محصول شوگي إوياك والهم

و صفالي بس عذاب الگلب والهم

گمت   أطحن   جواني  صبر ولهم

إبغيابك   گربت   إبحالي     المنيّه

***

إشب  إبنار   يوم   السرت و أطفا

و أحن و أنظر إصور بإلبيت وأطفا

أنا   الچنت  أخمد   التهب  وأطفا

إبغيابك  صرت  جدحة  الكل أذيّه

***

أرحلت يا  ريت   تسأل   ما جرالي

إبغيابك   من     رأاني     ما جرالي

الحض   طافاني    بعدك   ما جرالي

إبنهر سعدي و  حصادي بس أذيّه

***

إبحضورك ما خنت غافل  وناميت

إبغيابك روحي ما هادت  وناميت

بعد   لا   تنشد    إبحالي  وناميت

إبثياب السود جلدي إنصبغ زيّه

***

إبوي    الچان    للديوان    شجرة

إبفيايه   إيقنّع    التعبان   شجرة

شفت لمّة إحذه بابه النّاس  شجره

حلم   صارالي    موته   إبلا وصيّة

***

جاسم محمد الحسّاني 18/04/1403

للحسين عليه السلام عبرة في قلوب الاحرار

من   المدينة   الكربلاء    سار     الضعن     سار

إعيال الحسين و إخوته و جمع إمن النصار

***

إبعيد  الدرب  و  الحر سگف فيّه إبلواهم

عبّاس   رافع   رايته   و    يرثي    إبهواهم

ما قصّرت   زينب   تحن  تدعي إبشفاهم

محتاره بأطفال   و نساء من   تركت  الدار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

شد   عزمه     إبن     المرتضي   للغاضريّه

طبّق   أحكام   الحق   ذهب طبق الوصيّه

إمحسّب   إحساب  الهجرته   بيهه   المنيّه

لأجل   الإسلام  و   عزّته   إتقدّم   بإلأحرار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

أرسل   سفيره   و   ينتظر   زبدة   كلامه

مسلم   ذهب   حامل   فكر  قبل القيامة

حاطوه     طوفان   الكفر   شبل   الإمامة

گطفوه   من   فوق   القصر  عدوانه بإلثار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

الحر   برز   نص   الدرب  من   ال إميّه

عاند   إحسين   و   طاعته   و  إمّه الأبيّه

من  عرف   جدّه   المصطفي   قدّم  تحيّه

و الرحمة  دركتّه   إبأجل  صار إمن الأبرار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

يم  كربلاء  خيل  و  زلم عطشانه الأطفال

جيش   الكفر   للمشرعه   منعوها العيال

و إيزيد   ما  عنده رحم   برماحه و إنهال

و أعلن حرب سرب إبسرب بسيوفه و نبال

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

الميدان و الحر و العطش و القوّة تنشاف

سبعين ضد جيش  الكفر   تنعد    بإلالاف

أصحاب الحسين إتقدّموا من  كل الأطراف

عدهم وفه و إستشهدوا  مفتوحه   الأسرار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

عبّاس   قدّم   تضحية   و   أخوانه    ويّاه

زاح  الكفر  صوب النهر  و إسكينه  تنخاه

گطعوا  إچفوفه  بإلختل   و   زينب تربّاه

و إحسين  داسوا  جثّته و راسه  إبرمح دار

من  المدينة  الكربلاء   سار   الضعن   سار

إعيال الحسين و إخوته و جمع إمن النصار

***

جاسم محمد الحساني 22/04/1403

صبر أيّوب

وين أنطي وجهي او گلبي محتار

لا    من   خبر   لا     من  وصيّة

يألشايلين    او      دمعي    جرّار

عفتوني   و    أنا    الطم     بديّه

أركض   وراهم     حيل      تعبان

يطلع     شرار     إعيوني    دخّان

سار   الضعن  و  إتعدّه   الإيشان

ولفي   جفاني      او   عم    عليّه

***

ولفي   عزيز   او   دوم    أباريه

يا  ما   حسبت   إحساب أواسيه

بعيوني   بيته  او   عايش   إوياي

ما   أفارجه  او   بجفوني   أغطّيه

إبطن  الضعن   و  إيدير  العيون

محروس   بيد   أجناب  مسجون

گلبي  إنفطر   يا   ويلي  مجنون

بسكوت    أون    ماكو     حميّه

***

سلبوا  حبيبي  او  مظلمة   الدّار

إبعد   عليَّ   او     داوي     إبنار

حبّه   خفيته    إبذاتي     مجبور

اليترك   حبيبه     يقبل      العار

گمت   أكتب   أنغام   او   أغنّي

و      إفراگ     محبوبي   الكتلني

صبريت   صبر    أيّوب      ما فاد

مغرم   إبشوگه    أدري    الهويّة

***

إبوكت الضحى و إتشوف العيون

و أسمع   صتيت   إلّي    يهتفون

طلّابة   هبّوا      صولة     إرجال

أحبابي  إنتخوا  لجله او ينجدون

إيرف   العلم   ما   بين    إديهم

يا   ربّي   ما    أجمل     حچيهم

ولفي   يهلهل   نجمة   و إينور

ما      بينهم     طاف      المنيّة

***

وين أنطي وجهي او گلبي محتار

لا    من   خبر   لا     من  وصيّة

يألشايلين    او      دمعي    جرّار

عفتوني   و    أنا    الطم     بديّه

أركض   وراهم     حيل      تعبان

يطلع     شرار     إعيوني    دخّان

سار   الضعن  و  إتعدّه   الإيشان

ولفي   جفاني      او   عم    عليّه

***

جاسم ثعلبي الحسّاني (جاسم محمد الحسّاني)

04/09/1402

روحي لا تونّين

خلص   كافي   تحنّين /  يروحي  لا تونّين

لفاچ   إبقوّة   الفراگ  / بعد   المن  تعتبين

هواه     العذّبانه  /  و     النحبّه     نسانه

سكري الدمعة يا عين / إعتقد ميفيد تبچين

***

اويلي او گلبي تعبان / لابس  ثوب الأحزان

يروحي ذايب إوياه / يروحي  إبحبّه غرگان

جفاني  طيري  الباز /  شت  إبأرض  الأهواز

طرتي   بإلسماء   إوياه / بس  كافي  تبارين

***

شال  او   دمّرانه  /  نكر   حبنه   او    نسانه

سهران   أنزف    إدموع   /   إبعشرتنه    نهانه

خياله    العم    عليّه    /   و    إصورّه    بديّه

و أصيح إبصوت بسكوت / گلبي إنجسم نصّين

***

وينك  يل   عفتني   /    متأسّف    خنتني

شنهي   ذنبي  ويّاك / مجروح   او  عفتني

ذاك الدرب مبخوت/و أضوگن بعدك الموت

برگبتك   خطاياي  /  مع    غيري   ترگصين

***

خلص   كافي   تحنّين /  يروحي   لا   تونّين

لفاچ   إبقوّة   الفراگ  / بعد   المن  تعتبين

هواه     العذّبانه  /  و     النحبّه     نسانه

سكري الدمعة يا عين / صبر ميفيد  تبچين

***

جاسم ثعلبي الحسّاني ( جاسم محمد الحسّاني)

03/09/1402

يا حبيبتي

إسمعيني يا حبيبتي

رجائي لك يا عزيزتي

إبتسمي لي حتّى يزداد جنون حبّك في قلبي

لا تعانقين الليل

و تسهرين مع النجوم

لأنَّ النجوم في وضح النهار تغيب

و تمحي الذكريات معها

و زوال الذكريات تزيد بمحنتي

إحتفظي بأسرار قلبك

لأنَّ الأسرار كل أوتار

تهجي و تريح

و تنفي و تبيح

و إخفائها مريح لسعادتي

يا حبيبتي

ليس لديك قلبين

في جوفكَ

و إعلمي

إنَّ القلوب شواهد

تحب بمن تهواه

و تخسر لمن تنساه

يا حبيبتي

تعاملي مع حبّي كمعاملة التجّار

إربحيني قبل أن تخسريني

إنظري الى شعاع شوقك في عيني

و في جبيني

هل القمر قادر أن يترك الشّمس

و تنكريني بشريعتي

يا حبيبتي

حبّك طريق الجنّة

لا مفر منه

إنّهُ كل غيث بسمائي

يمطر ويهدر الدموع

برعيد حناني

و نفحات عيني

هل تعلمين

بعلم اليقين

أنتِ أملي

من دنياي و غنيمتي

يا حبيبتي

تقربي لي يا عزيزتي

لأنَّ بركان مغناطيس جذبكَ خدّرني

و بقيت ساهراً بغربتي

أحبّك ، أحبّك ، بعزّتي

يا حبيبتي أنتِ إمنيتي

بحلمي و علمي و عروبيتي

جاسم ثعلبي الحسّاني ( جاسم محمد الحسّاني)

09/09/1402

ماي المطر

تدث عيني شجاها إمغيمة نص الليل

ترف  بجفونهه  او   ترگص  معانيهه

حسرتهه إبهواها  او ذكرت المحبوب

تسيل    إدموع  و   أتغرّج   موانيهه

كشفت  ذكريات   إسنين   متعديات

مسجونه   إصبحت    محّد  يواسيهه

إبعيد الدرب ما يرجع حبيب الروح

إمعذّبهه   إبغيابه  او  لا   يمر   بيهه

بعد  ماكو  صبر  چارتهه  بس  النوح

مجروحه  إبهجر  من  هو  اليداويهه

سلوتهه الأحلام او صوّر  وكت  النوم

مثل  ماي    المطر    ذاب   اليهدّيهه

تلف  بإلذكريات  او  تشتم  إبطرواه

إبأوّل  چلمه  تبچي   إمن  اليعاديهه

حطّمها  الحزن  ينزل  دمع  مصبوغ

علي   وجناتهه  او  يلسعهه  يچويهه

و إبديرة    غريبة  الشامتين  أجناب

لو ضكهه  الوجع  من هو   اليعازيهه

و  الدّنيا  وفر  و  البرد  شچ   بإلرأس

تسلهم     للهوى     راح     اليدفّيهه

جاسم ثعلبي الحسّاني ( جاسم محمّد الحسّاني)

12/09/1402

وصیّة لصاحبین الاقلام الذکیّة

یبن جلدتی  لقد  أحذّرکَ  من  غدر الزمان

فإذا    أرتکبت    ذنباً   و    حَکمَ   الحَکم

السّاعة  یأتی   العذاب   لک  فی   الرهان

إذا  أسائوا  لک   خلق  اللّه   تحمّل   الالم

أوصیکَ   بتقوی   اللّه     فی    بر   الامان

لست  وحیداً  بل  بید   الملوک ینشر القلم

إن  کنت  محضوظاً   فإکرامک من الرّحمن

و إن کنت منحوساً خطئت وأصابک السهم

إنظر  الی  من   وصلوا    لسدرة    المنتهی

مکرّمین   بإلاخلاق  و   العزّة    و    النعم

طوبی  لمن   زکّی   روائح   قلبهُ   بإلحلاء

یعیش   مداء   الحیاة    سلطاناً    بإلحِکم

حیّاک    یبن     أادم    إن   کنت   صادقاً

الصدقُ  نور  الوجه  فی  الاداب  و القیم

روحی  لک  الفداء  یبن   إمّی  و  صاحبی

زکّی   بمالک   و   کلامک  و   إرفع  العلم

هیهات    ما    طخَّ    رجلٌ   یکرّم    أهلهُ

بإلعکس  تکثر   أموالهُ   و  یجلب   السلم

ویلاه   لمن   ینطق   بجودٍ  و  باطنه   بلاء

یروی  بکاس السم و الذل و الویل و الندم

غربل   أعمالک   کل    یومٍ   و  کل    لیلةٍ

و  أزیل  المنکرات  من  الخطاء  فی  الحتم

کلِّ  من  بناء  قصراً   و  القصرُ  لیس  ملکهُ

الرزق   من    اللّه   و   صفاة  النیّة و الکرم

أیّاک   أن   تعادی   بشرٌ   من   کل   طائفةٍ

الخلق   خلق    اللّه    و    عاملهم    بإلنعم

ألستُ   أنت   الولید   ظهرتَ  لتطویر المنی

فانَّ اللّه   ناظرکَ   این   ما   تحلَّ  و تستقم

کونوا   مع   اللّه  و     اللّهُ    معلّم    الدهر

یکفیکم  شرار  النّاس  و  الوسواس  و الغنم

حبّیت  أرسم  الیکم  لوحة  عمری   ناطقةَ

فی   یوم   القیامة  أبداً لم  یَشهد  لمن  کتم

أنت  و  أنا یا حبیبی نصبح نحنوا فی الدّیار

من واجبنا  نطهّر  الفکر  و العقل  و الهمم

ما  خسرَ  من  أعطی  کسرة   خبزٍ    لصائمٍ

و ما ربح من ما کسی طفلٌ یتیم  فی الخیم

اللّه   یعطیک    ثمَّ    یعطیک   ثمَّ     یختبر

هل   من   عطائهُ یوصل للغریق فی  الحمم

کن  صادقاً   مع   اللّه   و   مع  ذات  نفسکَ

لا   تغشم  روحکَ   بتاتاً    یعاتبک   الرحم

حرتَ   بقومٍ    تصلّی    و    القرآن  مکتبهم

و   یعملون   السیئات و الاهات بهم  تبتسم

یا  روحی  کافی  العتاب   و   الهمی   الثناء

الخلق  خلق   اللّه    فما    لک   من    الملم

أحتاج   أمنٌ   و   أمانٌ   کی   أطوّر   بهجتی

أکتب و  أسراری  تتحاشم  فی  باطن   الختم

دعنی  أودع  کلامی  لقلوبٍ  زهت  بإلرجاء

و    العطش    غثهم   و   للقصاید    مغتنم

لکم   الف   شکرٌ   و  کذلک   الف    تحیّةٌ

یا   من  حضرتم   بمحضری  النبیذ   المعتصم

أسقیکم    بماء    معسلٍ    و    ذو    برودةٍ

إشربوا  هنیئاً   لکم  یا  من  جودکم مستلم

عاشرتَ  جمیع  النّاس  و أرداهم و شیوخهم

ما ضغت   واللّه   منهم غیر   الود  و  الغرم

لانّی   عطوفٌ    علی    کل    من   یعاشرنی

و فدیت قلبی بإلشدّات لمن رافقنی و الرحم

لا   تکن    غسی   القلب    فتنهار   هیبتکَ

و  لا    تکن   عصیّاً     فتنکسر   فی    الردم

إعرف  و   ذکّی   نفسکَ   فی   کل   مجلسٍ

کن   ناعماَ   أمیناً    ذو    معرفتاً    و   شیم

د. جاسم ثعلبی الحسّانی 03/01/1445

30/04/1402  // 1/07/2023 

كافي الحروب

يا جماعة البشر

إعلموا بأنَّ الصلح و السلام والتنميّة

علي عاتق الحريّه و النجاح المطلوب

طمعتم ، و هجّرتم

سبيتم و قتلتم أحلام الشعوب

لقد دمّرتم حنان القلوب

و أسّرتم الأمال و الخيال

و العزّة و الدلال

و تمسّكتم بإلقتال

علي أي حق مسلوب

لا تلزمون الصمت

يا صاحبين المقام و الأقلام

إنشروا بما هو ينجي و ينقّي الكلام

في ذهن الطائش المسحوب

لتدمير بقاع مساكن الناطق المحبوب

يا صاحبي

يا عربي

يا عبري

و يا أجنبي

كيف تنام علي المخدّة

 و ضميرك لأهل الباطل مجلوب

الشعب يحتاج التوعيّة

و العقل يحتاج التوصيّة

و السلام رابض في ضباب التضحيّة

فكيف يعيش المظلوم

الفاقد أرضهُ و عرضه

و هو مسكوب و مرهوب

يا أبنا إنسانيّتي

يكفي و كافي الحروب

لقد أن الأوان

نحذّر ثمَّ نحذّر الدفّان

و الغاصب العاصب المستهان

ها هنا أرض عروبتنا

و مساكن عزّتنا

و هلال شوقنا

و إبتسامة عشقنا

نحنُ جنودٌ لا نقبل الهزيمة

و نروي الارض بإلدم

و نشتل الورود

و نزهر الحدود

و نلجم كل معتدي موعود و موجود

ها هنا بيت الحرّيّة

بيت المسلمين و المسيحيّين و الصابئة و ...

نقاتل لتطهير أرضنا من العبوديّة

إكتفوا أنتم بإلحروب

منكم الرصاص و منّا الدم

منكم التدمير و منّا البناء

سوف ينتصر الحق علي الباطل المقلوب

صاحب الذلّة و الذنوب

كافي ، كافي ، كافي العداوة و الحروب

جــاسم ثـعلبــي الـحسّـاني (د . جـاسـم  محمّــد الــحسّاني)

28/03/ 1445 -22/07/1402  -14/10/2023

تهز بإلمهد

إشصار  إتسودنت  یهوای ، تهز  بإلمهد  و إتلولی

لا عندک طفل بل بیت ، إو لا عندک رجل حولی

تنعی و إلدموع  إتسیل ، تخربص  بإلملوک إتعیل

إشوی إتهدّه یبن  إلنّاس ، منّک   زادن   إحمولی

***

إلورد  لو  بیه  محنّه  إیعطّر إلبستان

شجره    إبلا  ثمر   محّد    یمر   بیهه

تعطّر بإلشجاعه إو عاشر أهل إلطیب

إلثمر من  ضحکتک  گلبی  إلیواسیهه

حاچینی   إبغرامک   لا تضم چندوب

باشرنی    إبفرحتک     لا      تغطّیهه

***

جفونی أحبابی  من عمداً وناسل

إو جعلوا میبر   إبزادی    وناسل

لجل موتی یگلبی  إترک  وناسل

إلهمج و إلحاسده إلهاجت علیّه

***

یگلبی إرهم علی إلطیبین مرهم

إو صیر إلهم ضماد إجروح مرهم

إبغیر أحبابی أعیش إوحید مرهم

إلموت أولالی  أسل  دون  إلخویّه

***

ترکنی إبذکریاته

گلّوله    بعد     ما      أجیب      طاریّه

إلما    أنشد     علیه    لا    ینشد   إعلیّه

لا مستقبل إلنه إو  لا وفه إو لا  دین

حذفت إسمه إبحیاتی إو أنسه ماضیّه

ترکنی إبذکریاته إو گلبی داوی  إبنار

ما   طفّانی    و      إیلچمن    بلاویّه

إلزرعانی   ورد   عطّرنی   بل  بستان

خضّر   شوک   تهمانی   إو  یغث بیّه

حبیبی   إلورد   زینه  إیشاطر إلفلّاح

إلورد   بأرض   إلورد   عافیته   مبنیّه

إلشوک  إبأرض  صبخه  إیراوق إلجمّال

إلورد  لهل    إلورد   صیته   إو  معانیّه

یا یوم   إلجرحتک   و أنت شایل غیض

أشو   کل   إلجروح   إبگلبی    مخفیّه

بعد ما أعاتب  إلفاگد  نظر و  إحساس

لأن   مملوک    لل      غیر     إبمأاسیّه

حقّک  و  أنا  أاسف   طوّلیت   إلثوب

إو   لبّستک    عباتی   إبکشخه  عربیّه

ألف مبروک إلک  و  إلدّنیا  خیر إبخیر

إو    تتهنّه      إبجمالک      بإلعزوبیّه

أحب   أختم    کلامی     بإلوداع إویاک

إو صوغ إسمی إو حنانی إو خلّه ترچیّه

***

ما بطلت دمعتی

شلت یا هو إلّی غثّک و أنت شایل غیض

ما   بطلت    دمعتی   إو   عینی  تربیلک

عفتنی إبدار ظلمه إو  غربه  أون  إعلیک

إبعذابی إسئل إعدائی إو خلهه تحچیلک

ما   عندک   وفه   غشّک  رگص  سکران

ولا   عندک   شطاره   إبکل    تحالیلک

صرت   خاتم   بدیتک    یم   إلیعیدون

کاشخ  لی   إبصفاتی إو روحی تدعیلک

مافادک   فدیت  إلعین   إلک  و إلروح

و إذا  ضایج  شفت  کل  لیله    أغنّیلک

***

جاسم ثعلبی ألحسّانی 12/02/1402

مو أنا إلخنت

بدر   أنت   إبحیاتی   تبرج   إمن إبعید

حسافه      لیش     ترکیت     إلیحبّونک

مو  أنا    إلخنت  أنت   إلگطعت إویای

تابعت    إلیضدّک   و    أنا      مجنونک

فاهمنی   إبرساله    إکتب   إذا  قبلیت

مو   تگطف   گطف    یم    إلیکرهونک

إلگطف   ما   یشبع  إحبیّب  أنا جوعان

ولا     أتابع     خلگ     رادو     یذلّونک

إمدلّل  عندی  تلعب  بل  نظم  سکریت

و   أحس   بعیال    بیتک    ما   یهدّونک

طبیبک   أنا    ما    عندک     مفر   للغیر

أضمد  إجروحک   إبإیدی   إو  یجرحونک

أحس   مثلی  ربیت  إمشابگ إویه إلضیم

أشو   دکتوری   مبعد     شایهه   إعیونک

إمحزّم  لک و  أطالب و أنت جرعة موت

إمجابلنی   إبچفن   و   إمکشّر   إسنونک

أقبلک کل شی بیک إو خلنی إلک مفتاح

إلسدّوا     باب    حبّک     لا     یگفلونک

شاعر  مقتدر    إبعلم     إلنجوم    إستاد

أشد   و    أفتح      معاجز     للیضرّونک

تابعنی   إبعجل   لا  تخشی . یومک عید

أشگ   حل    إلمصایب   و     إلیضرونک

جاسم محمد ألحسّانی 11/02/1402