صدیق الکنت اباریله ولا تـــــــاب (ما تعب)
ذهب و اتعده بزماطه و لا تاب ( مـا تراجع)
نصحته طوف درب الشر و لا تاب ( ما تاب)
ترکته اینوح متحمّل اذیــــــــــــــــــــــــه
***
ابطن هجرک عمه گلبی و لا شــاف ( ما شاف)
الجرح غمّگ من افراگک ولا شــــاف ( ما شفاء)
بکیت او راحن اعیونی و لا شاف ( شفه العین)
اصبحت مطلوب او یتهدد علیـــــــــــــــــــــــــه
***
خذانه السیل بهمومه و ردنه (رجعانه)
غرگنه ابروجه و اتشلّع وردنه ( وردنه)
خدم الگومه داعانه و ردنـــه ( رادانه)
شلع سبّاح گلبی او عم علیـــــــــه
***
صدیقی الکان بگلیبی کرهته ( ما حبیته)
او عند اصحاب دلالی کرهــــته ( کرّهته)
اذا بفعاله سل سیفه کرهته ( کر حتـه)
بعد ما ارید حتی ایمر علیــــــــــــــــــــه
***
وعد منّی اخذته تایب آنــــــــــه ( تبت)
گلبی اعلن ابحبک تایب آنه ( طیب آنه)
نصحنه الّی یحبنه تایب آنــه ( طیبانه)
اشکرهه اله حد المنــــــــــــــــــــیه
***
القرشه دمّرت گلبی مرضــــــــــــــــها ( مرض)
محب اسکن محاریهه او مرضها( ما ارضا منهه)
حد الموت مبریهه او مرضهه ( ما اراضیــــــهه)
عدوه اصبحت لخوانی و الیــــــــــــــــــــــــــه
***
صدیق الصادقیته اترید وکتـــــــــه ( زمانه)
اذا ما فاد بلصعبات و کتــــــــــــه ( طشره)
الحگ سره النشرته ابساع و کته ( اکتله)
طفی ناره لا تشعلهه بیـــــــــــــــــــــــه
***
ابو موسی تشهد له آلی یعرفونه
ینطر للعمام امشلعه اعیونــــــــه
اولاده او صدقته بلگلب یفدونــــه
خسران الناکر صولاتــــــــــــــــــه
***
موسی ثعلبی (حسّانی) 10/11/1391
:: بازدید از این مطلب : 1925
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
