انشدک حالک اشلونه و ردلی
جوابک خضّر ابلونه ورد لی
اظن گلبک فرح جایب وردلی
لان بس بُعدک امخیّم علیّه
...
ثگل هجرک ختل جرنی و سرنی
عدل لو میّت احچیلی و سرنی
افراگک مرمر اریاگی وصرنی
گطفنی ابدار ظلمه او شد ادیّه
...
عطشت الشوفتک یشگر علی مر
اوذکرتک محمل افراگک علی مر
عذاب الشفته بضعافه علی مر
ابسهر و ابنوح و افکار او اذیّه
...
توّسع فطر گلبی او کثر ولمه
او صرت للخان بیّه ابغدر ولمه
الحنضل ما شفالی اجروح ولمه
دهنت ابمرهم او خزّن علیّه
...
الدهر بیّن اویانه ابعسر ظلمه
بچیت او ما بعد بالعین ظلمه
اشممر لدیارکم و الدار ظلمه
اشم بترابهه و اصفگ بدیّه
...
حبیبی لا تمرنی انا امر لک
عسل طبعک ولاکن انا مرلک
اشتامرنی اشتفصّل انامرلک
امن اشوفک تطفه نار الشوگ بیّه
...
رعید الجر مطرنه من هوانه
کحل عینه لگانه من هوانه
ما تدری یخابص من هوانه
انا ابن البحر والبر و الثنیّه
...
الفرح و الهناء قادم من تهنّه
انجمعنه او من یشتنه من تهنّه
ابغیر الحب بتاتاً من تهنّه
الحب مو مسکنه الحب سیف الاجواد
...
جاسم ثعلبی (الحسّانی) 19/10/99
:: بازدید از این مطلب : 11451
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
