ابوذیّات و عتاب
غزل الّی غزلته ودریته
اعلی شانک خلبصیته ودریته
حیاتی انت و مماتی ودریته
ابدونک تصعب العیشه علیّه
...
یعینی انعیچ صبّی ادموع وهلای
علی خان الوکت و الربع وهلای
الطم لو اشگ الزیج وهلای
السبب شنهی جفوا واگطعوا بیّه
...
خطایه الروح ما عاشت بعدکم
او عساها ابحظّه من عندی بعدکم
امن امرکم یومکم یصبح بعدکم
اعزاز او تعن شوفتکم علیّه
...
الام تترکها ما غزر لبنها
بنت لک دار من فضّه لبنها
ابناک انست او ما حنّت لبنها
تذکرک وانت ما عدک حمیّه
...
دوم اسئل علی احبابی وناشد
واضمد اجروحهم بیدی وناشد
علیهم ما بطل ونّی وناشد
ابفرح وابألم واطوار العزیّه
...
وحق التین و اشجاره وعوده
شجاع الیوفی ابوکته وعوده
یریت الوکت یرجع لی وعوده
و اشوف احبابی العنوا علیّه
...
احباب الّی ربت ویّای ونهم
زلال او صافی بیهم طبع ماهم
غیر افراگهم بل عوز ماهم
اعزاز او صعب شوفتهم علیّه
...
گصدنه ادیار گومک والهه فتنه
عزیز انت علینه والهه فتنه
اعداک الهه مطامع والهه فتنه
الیصفّی النیّه یربح بالثنیّه
...
حبیبی الچان یهوانی ومربیه
حدر شمس الضحی ناطر ومربیه
لگیته خاین ابوعده ومربیه
گطعت الیاس منّه ابلاوصیّه
...
جاسم ثعلبی الحسّانی 18/06/1400
:: بازدید از این مطلب : 1785
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
