ابیات و ونات
غسلت ایدی من احبابی واناشوف
غرگ گلبی او جفو عنّی و انا اشوف
اشلونه الیاخذک منّی و انا اشوف
نصیب الموت لو له لو الیّه
...
اعلی شانک ما رگد گلبی وانا حی
ابحبّک زادن اجروحی وانا حی
اریدک لو یدفنونی وانا حی
اصیح الروح عندک ردهه الیّه
...
ارید اشتمّک او ما اریدن الزاد
و انشد علیک الراح و الراد
صبریت بس الصبر ما فاد
وینه التریده الروح ما عاد
...
اتسلینی من ابعید میفید
ارید معای اباول العید
غیرک یا حبیبی ابد ما ارید
گلبی احترگ محتاج تبرید
...
حبیت ادزّلک وصیّه
اموتن اذا متمر علیّه
حسّیت گربت لی المنیّه
ابعید الدرب وان اشبدیّه
...
محتاج اشوفنّک و امر بیک
بس ردت اکلمنّک و احاچیک
ما بیّه اعوفنّک و اخلّیک
انت الوحید الچنت اباریک
...
تعای یمّه او ساعدینی
افراگچ صعب هدّم ابحیلی
ما فادنی نوحی او ونینی
بس نسمة انفاسچ تجینی
...
اشمالچ ییمه لیش تبچین
ابطور الهجر بس لا تونین
ارجوچ منّی لا تبعدین
حملی ثجیل او لا تعتبین
...
ونیت وحدی ابصوت عالی
او کسریت بدموعی دلالی
دشّیتهم و البیت خالی
شالو احبابی او ماکو والی
...
یا دار وین اهلچ جفونه
واعلی المصایب عذّبونه
عساها ابّخت من شتتّونه
غریبین و ابغربه لگونه
...
جاسم ثعلبی (الحسّانی) 11/07/1399
:: بازدید از این مطلب : 1715
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
