حزورات و ابو ذیّات
سئوالی اویاک اطرحنّه وحل بیه
گفل عگلی او بگیت انضخ وحل بیه
من هو التکتل اسمومه وحل بیه
سنه و ایبدّل اثیابه ابخلیّه
***
بشر لا مو بشر من بر وعاده
مثل طبع النساء اشداده و عاده
یغطّی اولاده بثیابه وعاده
ابمثل معروف ابو افعال الذکیّه
***
طیر الطار لا کوشر و لا بط
یطر ابحار لا غاطس و لا بط
لا ریش الچسه جنحه ولا بط
ولا منگار عنده او لا اذیّه
***
کریه العطر بالقانه وعانه
ابحماه متغییره الوانه و عانه
یشافی الجسد و ارکانه و عانه
یبچی الیگص راسه ابلا وعیّه
***
لطیف او جالس احذانه و رانه
یضر بالصحّه صدقانه و رانه
یلوم او یذم ملگانه ورانه
یحب انبوس بیه صبح او مسیّه
***
تطرده اویرجع ایناغی وراعی
او یجالس عادل او طاغی وراعی
مع کل شیخ متلاقی وراعی
النایم ما سلم منّه اباذیّه
***
ذکی او طارش یحل و ایشد وخی لک
یحافظ سرّک او جاهک وخیلک
تشاطر بیه ربع گومک و خی لک
تندبه ابعازتک یدی التحیّه
***
کریم او یکرم الحافک هوالک
هویتک روعة السانک هوالک
تغر لو ما تغر عانک هوالک
غریب اتموت لو عفته اباذیّه
***
جاسم ثعلبی (الحسّانی) 20/03/1399
:: بازدید از این مطلب : 1990
|
امتیاز مطلب : 12
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
