شجره سوده او حدرهه صخر
دور ما دوارهه بحر
لا بیهه خرص و لا بیهه ثمر
تنشلع و ما تموت یمّوتهه الدهر
لا بیهه اذیّه و لا بیهه خطر
عودهه مایل او تتلطّف کل شهر
الجواب: الشعره
...
مشبوگ ابخیانه او صنعه من لهب
رجلیه من فضّه او بطنه من ذهب
محبوب ابجماله عند عجم او عرب
تاجه من صخر او مدحوس ابگصب
الجواب:الخاتم
...
ابگد الشبر مختوم ابمصیره
ایصوفر او ما تسمع صفیره
یستشیرک او ما تستشیره
علی لوح صافی ینکشف خریره
الجواب: القلم
...
ینشاف بالهوا من بعید
مصنوع من خشب
یاکل اویلهم ما یرید
عنده تسع اصابع ابفرد اید
یفرزن الذهب من الحدید
الجواب: المرواح
...
مجنون محزون یغرّد بالشلی
من یصیح یحرم او من یسکت یبتلی
حرامی بس بوگه بالحلال بیه مجال
مطیور مفکور اببیته او مختلی
الجواب: الیحب(العاشق)
...
من هو ابیض و ابسماره امگنطر
یشبه المرمر یختفی ابضل او حر
لا بیه اذیّه لا سهر لا بیه شر
او بالگیض ونسه للخلگ و امعطّر
الجواب: الثلج
...
الهمّه ثجیل او غرگ من شاف آهه
البیه علّه لازم ینخه من شافاهه
لعبت علیه الدنیا من شافاهه
لم لم اچوالاته او ذهب حط بالبر
...
جاسم ثعلبی (الحسّانی) 06/10/1399
:: بازدید از این مطلب : 1102
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
