اهدم و اذبح و افتل دمعی لو جرحک بیدی ایشدّونه
ما اتنازل من احقوقی لو قاتل گلبی ایتهمونــــــــــه
عینک تربی الیوم افراحی تتحزم واتگص بجناحی
من گبلک ناس العادونی کفار او تشهد شنونــــــه
***
ادعی ابحقک ربک ربک لا تظلم و الناس اصنام
مامات الاب و الحض جالس اتنطرها مو کلهه ایتام
المن تحشد اتحل واتشد و ابعینک ماکو خیاله
لا تتکبر تجسم و اتطر ما تملک کل های احلام
***
اسکن بیتک احفظ صیتک لا تجرح نمله ابدیرتها
صفّی اضنونک مایک خابط لا تقطع ورده ابفتحتها
لو ضرّیت او لو سلبیت او لو سحقیت الحق بفکارک
تدری ابربک حاکم عادل ینزل موحانه ابساعتها
***
ساعدتک واعیونی اترابک ما عندک ذات او لا خــــــوه
ما طول اعیونی بعیونک تخزرنی او تلعب کـــــــا لروه
تحفر حدری او قلبک یدری والسانک صخرات القبری
تحسب یا ساعه او تنحرنی او تشعل ناری او قلبی امچوه
***
قلت استاعد قلنه انعومک قلت اتکتر قلنه ابکیفک
قلت امشاور قلنه الظاهر مو سهله اتقطعنه ابسیفک
احنه اهل الدار او ثمرتها کلنا اسباع اوما ننـــــباع
تتخاطف طرگاعه اسهامک من قصبا بس خلنه انضیفک
***
ما ملّیت او لا چلیت کل یوم ابلون اتحاچینـــــــــــــی
شنهی اعلومک فوق اسمومک و اترید ابدمی اتحنینی
هاک الروح او دمهه ایفوح ما تروی العطشان ابثاری
ما دگیتک ما تبعیتک امن ابعید انت المتعنیــــــــنی
***
جاسم ثعلبی (حسّانی) 28/12/1392
هدیه الی اخی ابو حکیم
:: بازدید از این مطلب : 2180
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
