ما اجفّی او لا اهاب / دمعی من هذا السحاب
چنت حبه او صرت عود
لا تکضنی ارمال و اجبال او حدود
الدنیا مطرت و الربیع اصبح حنان
والشطوط انملت من ریح المحبّه
شنهی ذکرک یا عنود
فمی ما یعطس یراهن
یا هو السد رعدت الدنیا او بچیهه
احنه اکثر لو تسد افواهنه العبره تزود
من صریخک من نفیخک گلبی متحمّل عذاب
ما اجفّی او لا اهاب / دمعی من هذا السحاب
***
ذاک بیتک الله شاهد انت متحمّل علیه
مادریتک حافی ریتک تسعی اتزید ابثنیتک
علّی صیتک
صرت محراث الدمعتی خرمشت بیدک حرثتی
صرت صایود ابهوانه ما شفت ماسلبیتک
و انه بیدی ارماحی تلهث
جیت عطشان النوایا الجوع متعرین ابفیک
اتدهورت من عزبیتک
عطش گلبی ابعمره مره و استحیت اطلبلی جرعه
خسّه عندک من شفتنی مثل ارض الصیف طره
امطررره او تکسر العبره او تشّر ابکل الوقاحه اعلی السراب
ما اجفّی او لا اهاب / دمعی من هذا السحاب
***
ماکو داعی و الزعل دگت گهوته ابکل مضایف
ما هو خایف والهوا نسّم علینه ابعینه شایف
والمجاری یجرن اببستان اهلنه مایهن صافی عذب
والنخل حمّل تمر ویه الخلال
او تحت ظلله اصبح عنب
لمّت اهل العوز منّه او طرزت فصمه ابذهب
والاهوار السمچ حبها او بالگواهن والچبایش تنخطب
والگصب تچّت اعذوبه
مثل چف اید العروس امحنی طوله او ما تعب
البردی شد حیله او ینادی
یا بلادی
یا طرارید المجفیه امحمله اعنوگ الحطب
والمعیدی منجله بیده او یهلهل یرگص ابموج الگصب
ماکو تعب
جنه او ذهب
والحب نهب
امچتفه ازنود الطرارید المحزنه امسرچله بدموع عین الماغصب
تتباشر ابزی الشباب
ما اجفّی او لا اهاب / دمعی من هذا السحاب
***
جاسم ثعلبی (حسّانی) 25/02/1393
:: بازدید از این مطلب : 2133
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
