یا شمس بلعین یا مصفی الذنــــوب
یلمدلّل گلبی حَبَک ما ینــــــــــام
انت ما تانیتنی و ارکـــــــض وراک
عینی هدّدنه الوکت حب و حــــرام
***
انتِ طفله و انه اگمطچ بلجفــــــون
لو بچیتی گلبی دمّیه یصیــــــــــر
تلعبین او دمه یجری او ضحّــکاچ
او لو عثرتی اگبال عینچ ضل اسیر
***
اضکر ابفد یوم جعتی او ضل یلوم
حط چبدته ابصیخ و اشواهــه الچ
تاکلین اگباله و اتلوچ العــــــیون
صدگی حد هل یوم ماگلّچ ولـــچ
***
سمع ذاک الیوم سخنتی ابرجیــف
صار ناعور او یدور ابلا شعــــــور
لا اگل لا شرب لا نام ابعــــــــزاه
صام کل وکته لجل عینچ یخـــور
***
آنه احبچ للمحبه ما کو لــــــــــوم
شوفی گلبی ابصحن اهدیته الحبیب
طول عمره ما رسلته الهیچی ناس
احِسَّن ابمرضی تصیریلی طبیــب
***
ناسیه حبی او جلستی او یه النجوم
الناس وصلت للگمر و آنه ابنزول
گلبی من حبّاچ ما کثر ذنـــــــوب
حیث برض الحب تقدم لچ عجول
***
سکّری باب الفراگ او لا یعــــود
انتِ سکرانه او دنیاچ افتضـــــاح
خل نعیش العمر خطّاف او ندور
انطیر فوگ الغیم اذا یاجد صلاح
***
ادری تعبانه او مستحیه الظـــهور
گلبی ما حبّاچ لو ما خالطـــــــّاچ
اشّریله ابطرف عینچ خل یشوف
ابرمش عینه من عبرتی عاتبـــاچ
***
یا شمس سلمی علی داری ابهواچ
او خلّی خیط اغروبچ ایجر السلام
ابساحل ابحار المحنه و الـــدلال
عندی ویاچ اعتقد آخر کــــلام
***
جاسم محمد الجبیره الحسّانی الساری
17/06/1391
:: بازدید از این مطلب : 3884
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
