یوم شفتچ ما نمت لیل او نهـــــــــار
الفکر تاه ابدرب حافی او ما یعـــود
ظلّت الفرگه تعاهد للرجــــــــوع
و الوکت خلصان دگّی اعلی الخدود
***
طالت الفرگه او زادت محنتـــــی
گاعد او عینی علی دربچ تطـــوف
ما رجعتی و الشعر ابیض صفیت
انت شگی او عینی بلدمعه تروف
***
اشلون اعدی العمر وافراگچ خطیر
زرّف اگلیبی او کثرت حیلتـــــــه
و الطبیب اتعذر او جمـــــــع دواه
ایگول عندچ گلبی یکمل طبتـــه
***
انتی سافرتی غریبه فی البــــــــــلاد
دوّرت روحی او ما شمّت هـــــــواچ
ابیا مدینه ساکنه خاطر یجیــــــــچ
ارجوچ بس علمینی ما ریدن دواچ
***
انطیتچ الگلب او حنانه او ما یفیـــد
بعت روحی بلرخص وی بسمتــچ
خلنی اموت ابساع ما شوفن فراغ
والله عذبتینی عینی ابمحنتــــــچ
***
لا تطیر ابعید لا تنکض بل ایــــــد
والسماء و الارض ملّت من نعــاک
انکصر نقالی اشکثر ترسل جواب
هل رسایل ما اظن حبه ابشفاک
***
انت لیلی و آنه مجنون الزمان
بلکلام انقوله و انسهی العمــــر
ما صبحتی مثل لیله تسهریـــن
آنه اثبّت لچ ابمجنون العصــر
***
احچایه وحده او لا تکثرین العتــــاب
المحبه مای صافی او منحـــــــــــدر
سدّتچ جتنه علی عالی الصـــــــخور
ما هو حب هذا ابتعدی امن الغــدر
***
گلبی سیّد جربیته ابکل مکــــــــان
الناس تحلف بیه و اتزوره الشبــاب
ایشور ایشور ابکلمن خان بیـــــــه
او زاهده امجرب مراره و العذاب
***
لان حب الله او رسوله او ائمـــــــــته
اتسلسل الحب بل گلب شانه لطیف
الوالدین او اسرتی او ربعی تـــلاه
جربیته خادم ابفی المضیـــــــف
***
جاسم محمد الجبیره الحسانی الساری
10/ 07 /1391
:: بازدید از این مطلب : 2307
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
