یا خال
ارید انقد وصیتک والگلب مجروح
یجر دم مندهس من هو الیدلینی
انتکلت اعلی الخوال اتشیل حملی ابزود
طلع تایه حچیهم لا توصینی
***
یگولون الابوا تچایه للمطروح
او یگولون الخوال اتثبت الثایه
من یوم الشلت یا بویه شاب الراس
علی الما عنده ذات او یمشی ابرایه
***
من دگ التفگ و اتولم الدفان
انرفع تابوتک اعلی الروس بالدیره
الشالاک اجنبی و الطالب الاحسان
الخال اصبح اسیر او فات تحریره
***
ملیان ابعواصف ما تحل اسرار
انتکلنه اعلی الخوال او بعنه قدرتنه
علیش اتلوع یلکلک وفا واحساس
ما تدری الحضاره التبنی غیرتنه
***
عفیه اعلی الخوال الما تحط احدود
او عفیه اعلی الخوال التحضر الضیجه
مثل ریح الشمال او تشتم الصعبات
تمر راعی النوایب لو نشف ریجه
***
اذا طشّت الخوه او دهوراهه ابلیس
ختل بیهه العریضی او طشّر افکاره
یصیر الخال شمعه او تضوی فص العین
لا ربحه ابخواله او لا ابدیناره
***
عوف الماحضر دیوانک المهیوب
عوف المهزله او عوف الیضدونک
اببستان الموده او شارع الطیبات
و اشتل ورد باسم الی یحضرونک
***
اخذ منی النصیحه او طوف بحر الضیج
سیف امجرب الواگف ابشداته
غربل بلمشاکل و اکشف البد ذات
و اجلس بالمضایف و ارمی چیلاته
***
صنع منّی الزمان ابمعدنه الفولاد
امعیدی او ساتر الما عنده تچایه
اهز الگاع بیدی او ما اهاب الموت
ما اهاب المذله او بیدی الرایه
***
جاسم ثعلبی (الحسانی) 19/11/1393
:: بازدید از این مطلب : 3555
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
