ارید انظم شعر واکتب علی الطیبین
و اخصهم بالاسم من اول او ثانی
انفجر گلبی او بعد مابیه اضم اسرار
امفخخ جسمی اصبح غیر الوانی
***
غزال الصاده گلبی من سراج اللیل
ابنهار او چن سعف یتناسل ازلوفه
کسبته او ما ظلمنی او واعدانی ابخیر
کتبته اعلی الجروح امذهبه احروفه
***
تواعدنه او سرینه و الشوارع نار
ابخضار اعیونی ظل امبلش اعیونه
الخدود اکبار او رمان الفلک مطرور
تباوعلی ابشکل کل ضنتی مجنونه
***
تعدینه البلم بسکوت مضطرین
او مشینه او سرنه فوگ البحر و امواجه
الفرح رکّز علینه شایلین اشراع
سجد شاطی الندامه ابرمله و ابراجه
***
اسئلته امنین من یا عرب یا دولاب
کلامچ نبع صافی او بالگلب بیته
کل هذا الجمال او یا هو الساگیه
ورده امعطره عد یا اسد ریته
***
قالت جوز منی او لا تجمع اخبار
مظلومه او غریبه او اهلی هانونی
طلبت الصدقه منّک و الگلب یرتاح
لحیث امی و ابوی او ربعی ترکونی
***
تبچی والدمع یجری علی الوجنات
احس صخرة هموم امدثره اویاها
تجالع والدهر متّر اکفانه او جای
ابنیه امکدره و الغدر مساها
***
ابتسمت اویاها واگلیبی یجر حسرات
لیش اشیوخ اهلنا الغیره عافوها
الوره االفتّحت و اتعطّر البستان
اخر زمن و ابلا ذنب شلعوها
***
تولع گلبی بیها واشتهیت الزاد
دعیت اهل الکرم واهل العزوبیه
خطّار او عزیز او گاطع امن ابعید
یحضر وجبه من طبخ الخفاجیه
***
تناولنه الفرح حطینه اید اباید
تعارفنه او ذکرنه ایامنه الصعبه
الدهر دمر قصرنه او عمرینه ابساع
تعاهدنه انتکاتف و الدهر جربی
***
هم تدری العهد مثل القسم چتّال
یشور بالجبل وایحطم اسنونه
اریدن قول ثابت ما تهزه اجبال
حطی ایدچ بدیه اهنا یحنونه
***
اخاف العهد ما یرجع جوابه الیوم
و اسرح بالقوافی وانتخب هوسه
العذر ثم العذر و الگلب جن او راح
تحنی ابدم چلمتی البلجفن بوسه
***
جاسم ثعلبی (حسّانی) 20/ 02/1393
هدیه لک و تستاهل اکثر
:: بازدید از این مطلب : 2587
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
ورود کاربران
خوش آمدید! لطفا وارد حساب خود شوید