انگلب بیت الحزن صار الفرح برکان
انفجر واحبابی کلهه امعیده ویانه
شبه زفّت عرس قادم حبیب الروح
یشع نوره ابهوانه او ضوّه دیوانه
ارحب بیه هدیّه من اله الکون
ابن دلّه او مضیف او شیّد ارکانه
طوله خیزران او عینه تعطی امراد
مثل شمس الربیع امطوّره الوانه
طعم هیل الیذوقه ما ینام اللیل
غزال او یزهی بالبر روحه تعبانه
اود اشکر هله شفت ابکرمهم زود
شباب او شیب کلهه اویانه فرحانه
شهدیلک هدیّه تبغی الک تذکار
الگلب بیتک بنیته امفتحه بیبانه
...
دارمیات
فرحانه روحی اللیوم وایدک بدیّه
بالجنّه فوگ الگاع او نگعد سویّه
...
دارک حبیب الروح ما بعدت احذای
ابطن الگلب محبوب خلیتک اویای
...
شیب البراسی شاب والحب فرح جای
واتشببت ویاک شب وانت منوای
...
محتفله کلهه اویاک مشکوره الاحباب
مثل الگمر واتنور او بیک الجرح طاب
...
ابوذیّات
چنت غافل او گلبی انسر و مالک
شریک او ابو صارالک و مالک
وفی او ما انسه کل طیبک و مالک
املّک وکت انت اتخون بیّه
...
طلبتک جیتک او رحّبت بالعین
احبّک حب ولا اشک بیه بالعین
اضمّک من اذه الشمّات بالعین
اذا عینی تمل گلبی الثنیّه
...
جواب الحبیب
مو ضیفی، صاحب بیت بس گلبی حبّاک
مشکور ارحب بیک و اهلاً بالویاک
...
صح گلبک انت اویای او ما اگدر انساک
هم گلبی حمّل شال ضل ساکن احذاک
...
الرحّبولی احباب بفراحی بهوای
اتشکّر امن الجای و الجالس اویای
...
الخیانه ماهی ابذاتی و امرهه
او سمعت النّاس ذمّتهه و امرهه
روحی انت الحکم بیهه و امرهه
مثقّف و الثقافه اتلوگ الیّه
...
المحبّه امن السعاده اتهل علمهه
و احس فوگ الگلب رفرف علمهه
احبّک حب شبه طفله علمهه
اموتن یوم اذا تبعد علیّه
...
جاسم ثعلبی (الحسّانی) 14/10/1399
:: بازدید از این مطلب : 2001
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
