سفیر الحب

ابوذیات حزورات

من هو الساوم ابروحه و هدلک

او من هو المملی ابنوحه و هد لک

او من هو الخیط اجروحه و هدلک

او من هو القشمرک تزعل علیه

***

من هو المادره ابدنیا و لا دین

او شنهی الما اله دافع و لا دین

او شنهی الفی السنه یولد ولادین

او من هو الی زهه او یزهی الدنیه

***

من هو الطاف بیت الله و حط بیه

او من هو الکسّر اصنامه و حط بیه

او من هو البالفلک سافر و حط بیه

او من هو الکلم الموتی ابوصیه

***

من هو الی تحبه ابکیف و انداس

او من هو الی تحرگه ابنار و انداس

او من هو الّی شریته ابمال و انداس

تبوسه او تلهبه النار ابردیه

***

طیر او طار طر البحر و انهار

ابصهیله او ما یهاب الخطر و انهار

یطوف او ما اله جنحان و انهار

یهلهل بالسماء او یروی الضمیه

***

من هو الی ابذهب وابمال منسام

او شنهی الی اصیل النسب منسام

او شنهی الی ضحیته ارقدت منسام

او من المحبوب دنیه او آخریه

***

جاسم ثعلبی (الحسانی) 26/02/1394

17/05/2015

ابوذیات ترک الطغات

فرشت اجفون الک و اهلاک و افراک

او علی گلبی اطوف اویاک و افراک

اذا یوم انگطع طرواک و افراک

اگول اشصار بیه او عم علیه

***

عفت دار المحنه او خنت و هلاک

او طفت دیوان ضمّک رصد و اهلاک

تبعت الّی یرش لک ذهب و اهلاک

بریدک تدوی ابنار الخویه

***

هل تسمع صریخ او عتب ونحاب

اشجابه اشورطه الما گدر ونحاب

ما یاجد مکان البشر ونحاب

الحب لو هیچی نعفیه ابشچیه

***

جاسم ثعلبی (الحسانی) 26/02/1394

16/05/2015

قصیده حب و حرب

الله یا طیب الیجی ، و ایبشّر اطیاف الگلب

الله یا سیف المهر ، و ایگطّع ارداف الحرب

الله یا شمع الیشع ، و ایهلهل ابدار المحب

الله یا لف الرمش ، لو ما یگمطنی انسحب

ما تدری هجرک سجن الی ، و ابنارک انغث و التهب

حب و حرب یا منیتی ، الحب امانه مو لعب

تغزی الکرامه و النفس ، تسرق عطف من تنتحب

لو انته صاحی ابعشرتک ، لا تحسر ابنص الدرب

انت العزمت الروح الک ، و اتبدلت حبک غضب

لا تشعل الغیض ابالم ، و اتفرح اوجوه الغرب

هذا الیحب ، حب او حرب

جاسم ثعلبی (الحسانی) 25/02/1394

15/05/2015

دو بیتی درد و زخم

پیامی گرم و زیبا داده افشار

به جان چسبیده عطرِ دل و دلدار

سعادتمند دیدارش شدم چون

به خط وشعر خدمت کرده بسیار

***

امیر عاملی ذوقت چه زیباست

صخی القلب ترسیمت چو دریاست

به کوه و دشت و چشمه قلبت آموخت

قلم از دید عشقت قصر و ماواست

***

کجایی یارِ محبوبم کجایی

نوشتی در نگار از بی وفایی

سفر کرده نداری یا که بوده

نپرسیدی برای غم دوایی

***

دلم می سوزد از درد و رهایی

به جان آتش زده رنگِ جدایی

دلم می خواست تنها تر بمانم

که شاید زنده می ماند وفایی

***

چرا دلبر درونِ درد خود سوخت

چرا بر قلب زارم آتش افروخت

گناهم چیست ای دانای بی جان

زمانه پاره کرده قلب من دوخت

***

دلم چون شاد گردد دلبر آید

به دشمن بازی خود می گراید

زمین و آسمان آهم خریده

ندیدم دلبری دل می ستاید

***

جاسم ثعلبی (حسانی) 25/02/1394

14/05/2015

دارمیات و ابوذیات حب حارق

اترید انته شیخ او حید اترید انته مجنون

تدری آنه ادوای اشکال بس الیحبون

***

تمّهد حبی باعمالک و سلماک

ابیوم العید ما شفتک و سلماک

سئلت الناس من حبک و سلماک

اخبرونی هاجرت تحت الوطیه

***

گلبی اندمج ویاچ اشمالچ تحرگین

اتقبلین اموت احذاچ لو ما تصدگین

***

الگلب منّک یضل مجروح و ینوح

رکب جدنه ابسفینة لوح وینوح

انکسر منگار حبنه ابصوح وینوح

زعلت او طیرت طیری امن ادیه

***

حبک یعذب الروح کثّر رعیدک

شب الگلب بیه نار شعلیته بیدک

***

بالنار حبک قادنی مو جنّه

ابدار العواطف شکّلت موجنه

اتخربص غزلنه ابجیتک موجنه

سلمت امری للدهرو امدمر

***

ورده او جمیله اتنور و اعیونچ سود

حبیتچ او حلفیت و ادموعی اشهود

***

جاسم ثعلبی (الحسانی) 24/02/1394

14/05/2015

نعی بحق الاب

فگد الابوا کثّر سحینــــــــــــی

یبویه طر الگبر و اسمع ونینی

ریت انتظر طارش یجینـــــی

یزیل الحزن یشفی لی عینی

*-*

یشیال تابوته التفت جـــــــای

من نبع گلبه اینگط المــــــای

سار الضعن محد بگه احذای

ابدیوانه ردته او غیر الرای

*-*

وینک بطه السافر علـــــینه

اخلافک یبویه اتعذبیــــــــنه

او بدیار غربه اتیتمیـــــــنه

ادری رحت ما اظن تجینه

*-*

یبویه بالحلم شفتک جالس احذای

تمسح ادموعی او تسمع ابچای

مریض اصبحت ضیعته ادوای

ابرحیلک ترکت الزاد و امای

*-*

یدفان تانینی ارد اشوفـــــــــــه

ابوی الحنین اشلون اعوفــــــه

فرگانه الوکت باصعب ظروفه

لا هو هدم واگعد و اروفـــــه

*-*

یا بویه هجرک شیبانــــــــــــــــی

افراگک یبویه مرضانــــــــــــــی

اشوفک بالحلم و ارکض و اعانی

افز من نومتی وانه ابچانــــــــی

*-*

جاسم ثعلبی (الحسانی) 22/02/1394

12/05/2015 

دارمیات حب و حیاة

حبیتک او ما ارید غیرک یحبنــــــی

تزعل علی مو حیف اشمالک تسبنی

*-*

حبک الی ممنوع لا توصل البـــاب

سد الدرب و ارتاح مرفوض العتاب

*-*

العز ختلنی او صاح وینک یمطلوب

نادا الگلب مجروح من حبی ما اتوب

*-*

حب الشتلته الیوم یبعد علـــینه

تشّر لی من ابعید و اتدهورینه

*-*

یابه الصبر مبروک ینصرنه تالی

اتحملی الصعبات و الحالی غالی

*-*

حایر وافکر بیچ لیله او یلــــــیله

طر الدرب مجروح گلبی اندعیله

*-*

مرمرنی طیفک لیش یفتر علیه

لو انت لو ما ارید حد المنـــیه

*-*

جاسم ثعلبی (الحسانی) 21/02/1394

11/05/2015

هوسات حسانیات

هله ابطیر الگصد وکره و الیجای

تعده الازمه هم بیه و الیــــــجای

سمعت امی تشد هوسه ولیــجای

نرحب بیه او کل خطوه ابهدیه

*-*

هله باحفاد ابو الغیره هله بالشالوا الرایه

هله او میت هله یخوان هله بالدگوا الثایه

هله او دیوانهم مهیوب متوسطین الولایه

اتعدل والله اتعدل شاهین ابیومه

*-*

یا طیر الیطیر ابغیر جنحانه او سکاکینه

او یا عود الیعوف المای و ایثبت موازینه

اخذ هالنهضه من حسان و اولاده التبارینه

یوم السل سیفه اسباع التشهد

*-*

صادق کل غیور ابفخر و احسان

و اهدی الکل جمیل ابجمل و احسان

تلوذ امن المصایب بامل و احسان

یضل صیتک ملاذ الکل شچیه

*-*

جاسم ثعلبی (الحسانی) 21/02/1394

11/05/2015

زفة عرس

یحس گلبی ابفرح فززنی من النوم

تعنیت الدیارک راچب اکحیله

سئلت الناس شنهی اللمه و الهوسات

سمعت ابن امی زفته او عرسه هالیله

صفنت او غیرت ممشای

او جریت الجدم بهدای

لگیته امحزم الرمای

بیده الشوزنی و اتطورش الچیله

لگفت القلم بیدی او ورگه من الگاع

کتبت ابساع

هوسه امربعه ما تنشرا او تبتاع

یا گلبی ابغرامه اللیله هنیله

هله ابعرسک یخویه او هله ابفرحتکم

شعر راسی انتشر من شاف لمتکم

سمعت امن الگمر من طلع مجدکم

افلان ایزفونه اللیه امعرس

سمع منّی القلم هوسه علی الخوان

هذوله البالکلافه اتزامط العدوان

امجرب هالکلام او بیده دگ نیشان

ما هاب الشر و اتصداله

انفجر گلبی الیودکم و انجسم نصین

احب کل لیله ازورنکم و اوفی الدین

ناطرکم علی الکرار ابو الحسنین

افرح لبن امک تحتاز ایامه

صحت لفروخی بالله  وسعوا المیدان

فکو الدرب بویه الزلم و النسوان

اجیت اغسل اگلیبی امن الدهر حزنان

امهنه ابعرسک و انت الملزومه

امهنه ابهالفرح ما بیت المحبین

کل عام الیدور او گالوا امعرسین

دشداشه او پتو مظومه من اسنین

تذکار اتضل نحلف بیهه

الورقه اتطالب الگعده بعزوبیه

تگلی اهدی لخیک بیت ابو ذیه

یستاهل تکرمه او تگعد ابفیه

امبارک و الله امبارک و العید ابیومه

شتل گلبی ابضمیرک ورد و هداک

او بنه ابدیوانه نور الفضل و هداک

من هو العذبک یا ترف و هداک

تدلینی او تگلی ابیا زویه

اجیت او ورده بیدی او هاک و هناک

درب عاصی عبرته اهناک و اهناک

تقبل منّی گلب الجاک و هناک

شم عطرک یرد روحی علیه

او جلست احذاه

او باوسته او نشف فرگاه

من بعد الالم والاه

افتخار الگلبی من واساه

افتره عند الجماعه السربت طرواه

ابارکله ابکلامی و الشعر هناه

حط ایدک بدیه او لا تگول اشاه

داریهه ابفخر یا ربی اکحیله

صالح هالولد و ایعدی العیله

خوانه او خواته الکل تهنیله

و ابدار الضیافه الکل تغنیله

اولید امعدل کلنه انرحب بیه

جاسم ثعلبی (الحسانی) 18/02/1394

غزل جرح النابض

ندا نادینی کم و اجتاح قلبک

نفذ الصبرُ و اعانی من حنینی

سبقت الطیف و انطر صوت مهرک

یسود الشعر ابیض من تجینی

انام اللیل و اهجر دون ذکرک

تخیلت المعاجز من جبینی

الا یا لیت یاتی یوم حلمی

سلامی عاجز او انذر یمینی

هلک قلبی من الاهات و اثنی

عذاب الروح یسقیه الرنینی

لماذا ما ذکرتی یوم فخری

لما ذا ما سمعتُ من تدینی

لک المیثاق یشهد ان تراهُ

رجائاً جرحی نابض و انقذینی

جاسم ثعلبی (الحسانی) 20/02/1394

10/05/2015