سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

علوانیات الحسانی 25

علوانیات الحسانی 25

الگلب ویه النوده ابعتب یومای

ندبته او ما سمع یا ناس یومای

لا مانعنی منه جبل یو مای

مدری ابیا سبب مغضب علیه

***

احبابی الواعدونی عدو یو عون

متی من نومهم و الخدر یوعون

شاگل للگلب لو هاجروا یوعون

الهمه الصبر لو شحوا علیه

***

صدیق الما درکنی او طرد یملای

یدچ بهمومه ظل بالگلب یملای

یگلی شیل لا تنتظر یملای

احترمته او گام یدلل علیه

***

 

جاسم ثعلبی (حسّانی) 09/06/1393

:: بازدید از این مطلب : 1821
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : یکشنبه 09 شهریور 1393 دیدگاه‌ها (0)

عرس المنایا

عرس المنایا

یلی هویت الدنیا شیر مســعود

عرس السباع و لا عرس المنایا

حملک ثقیل و للحامیه احدود

تتفرج علیک اجنود کل الخلایا

***

تکتب علیک الراویه بالهاویه اجرود

البطلان والحق تری شق المناشیر

قسّم حلالک لا یظل باب مسدود

والارض بیت الندامه من دون تفسیر

***

ابسوق الحمام اتشاهد اطیور واتطیر

والخل و التخلیل فیه الملاهی

و الدر والدینار سارق حبی ایسیر

والراتب ایکف بالتمام و انت ساهی

***

سد باب بیتک من کل شریر واشریر

اغسل کبدتک والوعود ضمایر

عاهد نبیک و استعین بالله

واترک هواک الکنت فیه حایر

***

لا تفتح الباب من غیر تدبیر

المال حقک و الحلال گلاید

یسقی الاحبة و الیصیر ایصیر

والرازق الله و لتقول زاید

***

بیت الامل مفتوح وانت مضیفه

اعیال مخلوقین حق الکرامه

ربک جعلهم یشفی القلب بالقلب

و یملی الجود بالجود و یحلی حرامه

***

جاسم ثعلبی (حسّانی) 09/06/1393

 

 

:: بازدید از این مطلب : 1857
| امتیاز مطلب : 12| تعداد امتیازدهندگان : 4
نویسنده : jasemsalabi تاریخ : شنبه 08 شهریور 1393 دیدگاه‌ها (0)

کن منصفا

کن منصفا

حیاتک بدرٌ اذ اغاب ظلـــــــــــــمت

ازهی و لا تظلم و کن شیخً ســـــلیم

المخلوق نارً اذا بارزته خـــــسرت

عیال الله حقاً اصحی من النوم یا حلیم

***

دعوتک یا ربی انزع کل ما یولمنی

لقد خاب ضنی من الاخرین

انت رجایی و انت ربی و خالقنی

لا استعین بغیرک طول السنین

***

اغبی الرجال من کسر هیبة اهلهُ

و یراقب من یشارکهُ فی المصائب

و اکثر ذکائاً من احل بهن حباً

و باشرهن بمعروفٍ فی النوائب

***

رایت مصباحً ذکی لطاعتی

یهب و یطفی و یشفی البکاء

و صبرٌ جمیلٌ احاط دمعتی

و مسکٌ و عطرٌ یزیل البلاء

***

لا تعادی الدهر یوماً مغرماً

ولا تبادی بالقتال عارٌو شتیمه

کن منصفاً راعیاً و لیس مرعباً

کسب المعالی بالحروب جریمه

***

الحب فضیلهً یستحقها من احب

وصلة الارحام بالجناة طویله

صراطٌ یراد بهِ سعدٌ من استحق

و صفات الخیر دون الجار علیله

***

جاسم ثعلبی (حسّانی) 08/06/1393

 

 

 

 

:: بازدید از این مطلب : 1608
| امتیاز مطلب : 11| تعداد امتیازدهندگان : 5
نویسنده : jasemsalabi تاریخ : شنبه 08 شهریور 1393 دیدگاه‌ها (0)

ابیات و ادات

ابیات و ادات
تری لو حسبنا مخالب العنب خرنوب
ما زار کل امیر مستشار خله
اشفق علی الصبر و اجرعه محبوب
حتی تزیل الحاقدین فی المذله
***
بعض الرجال ما ترد الصاع بالصاع
ذاک الرعیع و هذا الفخر عوده
زد بالمکارم یا سعید بالعید
ضیف المحارم و السلیم جوده
***
لو غبت عنک غابت الشمس والدراری
و فی حین اشرق یغیب القمر
کیف اذا مت و انت جاری
یبلاک تابینی و حب السهر
***
اعیذک بکلمات حبی واحساسی
و من کل طارق یطال الفواد
یا رب احرسنا و امنا من کل غاسی
یلمذ و یزخرف و یسخر العباد
***
یا هلال اشگد جمیل ، عمری ما لحظه نسیتک
احس من دونک علیل ، بعت بیتی او تابعیتک
***
یا لیت حلمی یکشف السر و الهوی
و یرسم خطایی و یمحی همومی
سلمت للباری و عقلی و النوی
ما دمت حیاً فی الحیاة علومی
***
جاسم ثعلبی (حسّانی) 08/06/1393

:: بازدید از این مطلب : 1866
| امتیاز مطلب : 16| تعداد امتیازدهندگان : 5
نویسنده : jasemsalabi تاریخ : جمعه 07 شهریور 1393 دیدگاه‌ها (0)

ابیات مکحلات

ابیات مکحلات

هبت ریاح الحب و انتمنی

طافت دیار الحبیب و هو جاد

یا ریت لا هبت و لا انتکلنا

غیث الفراق جعل فی العیون رماد

***

امهل صدیقک مره یتهنی

خجلان من مطر الربیع والرعاد

کن کالبعیر حامل الهم یتمنی

لا یطاق الجبن و الحضور سعاد

***

اجلس علی الرصیف لا تبالی

و خفف من الامال کیف تشاء

و امحی بنظرة عینک کل غالی

اذا ما احجب عنک سر الخطاء

***

الدار والدینار جنة غافلٍ

اترک هواک و لک من یراک

لا تخشی حباً قد عفاک بسمتاً

اجعل المعالی والقیم لمن شراک

***

الدنیا حوریةً والطمع سوطها

اضرب بها کل مذنبتاً  بترا

اکسب فوائدها و اترک مجاملها

لان مظالم الدنیا فی القلوب صما

***

شدد جروحک بابتسامتٍ و انتظر

طبیب حضک یاتی و یشفی الالم

لا تدعی من شاهت علیک عینهُ

ادعی ضمیرکَ یستنجدکَ فی الحتم

***

الطیر الولید ما طار ظل عازباً

تطیر الصغور و تکمش الفراسُ

والدیک متوجاً و مبشر الندا

ولکن این الدیک واین البازُ

***

لاعت جموع الفقر و اشتهر البکاء

و عرعرت مظاهر الکفر فی عالم الولید

کیف یقاس المرءُ و کیف من یساء

یا رب کف الفتنةَ بضربتٍ من حدید

***

جاسم ثعلبی (حسّانی) 08/06/1393

 

 

 

:: بازدید از این مطلب : 1738
| امتیاز مطلب : 21| تعداد امتیازدهندگان : 7
نویسنده : jasemsalabi تاریخ : جمعه 07 شهریور 1393 دیدگاه‌ها (0)

میمریات حاکمات

میمریات حاکمات

معقوله تتمختض علی واتسبنی

ماهی بعیده اتغیضنی واتسبنی

حقی او حلالی ابیسرتک واتسبنی

اتخلینی افتر بالبلاد امعیر

***

یا دول یا مای العذب دلینی

واعلی المراجل و الکرم دلینی

بالبیر لو تعطش سلف دلینی

خل الضمایا ابنارهم تتحسن

***

الوحدی امطومر منتصر خلینی

ما اهاب لو رجعوا غفل خلینی

مایی زلال او لا تشک خلینی

تاتی الحقیقه والزمان الیشهد

***

لا تنتسب فکری ابنسب موغانی

مفجور گلبی امن الظلم موغانی

الیکسی الفقاری بالدمع  موغانی

ذاک اللی عنده اجیوش کثره امدجج

***

جاسم ثعلبی (حسّانی) 09/06/1393

 

 

 

:: بازدید از این مطلب : 1890
| امتیاز مطلب : 7| تعداد امتیازدهندگان : 3
نویسنده : jasemsalabi تاریخ : جمعه 07 شهریور 1393 دیدگاه‌ها (0)

دارمیات ، ابوذیات ، هوسات ، میمریــــــات

دارمیات ، ابوذیات ، هوسات ، میمریــــــات

مشاعره مع الشاعر الشاب ابورسام الحیدری

ربیتک اصغیرون لیش انکرتنــــــی

بین السماء والگاع سمچه او صدتنی

***

لا لا تون عالفات لا تشغل البـــــال

فدوه الفگدته ابلیل من حمل او شال

***

اشمالک نکرت اربای اشمالک خنتنی

ما تذکر الطیبات چنک عفتـــــــــنی

***

یابو رسام الیوم ذز لی عتابک

چم دارمی کتبیت ماکو جوابک

***

یا گلبی کف اللوم من حگک اتموت

تاج العمر طبگات امن البصره للکوت

***

شجاک استکرهتنی ابغضب واتساب

اظن غیری لگیت ابغرف واتساب

اخبرک ما یفیدک ولف وتساب

غیر انه الصنعتک بین ادیه

***

ادور واحشم الناس لا وین الاحباب

بلشت غرف و اجموع عونک یواتساب

***

محتار من دون العرب بس آنی

ادور حبیب العازتی بس آنی

بس حقی من لف بالحلگ بس آنی

ما ینعرف جاهل غبی لو محتر

***

صوتک عتابک بالگلب سکرته

والی یمدک بالذهب سکرته

تقصیرک انته ابن الخلگ سکرته

حسبالک اتطوفه او تعوفه امخبل

***

اگعد یبعد الروح دزلی سلامک

متعنی او عطشان وانطر کلامک

***

اگعد او دزلی اشعارالله الیشافیک

هوسه او عتب وانغام گلبی اعتمد فیک

***

ما شفتک آنه الیوم بس عینی تربی

باب الفرح مفتوح وینک یحبی

***

عوف العشاء و الشای ودیلی اشعار

سلینی یبن الناس مو گلبی چا طار

***

اعتب علی الخوان واعتب علی الراح

نکریتوا گلبی لیش ناداکم او طاح

***

ابدعلی بیت اشعار وابدعلی دارم

هوسه او ابو ذیات ابحق المحارم

***

الیوم ارید انشد ابحقک الیوم ارید ابدع کلام

حبک الیجری ابضمیری یرمی رمیات السهام

ریت اضمک یبو الغیره واحد امن اهل العمام

بعیونک مرسومه احدودی

***

جاوبتک او شترید ساکت لگیتک

ما باشرتنی لیش یوم الهویتک

***

دگ الجرس طلعیت حسبالی انته

من شفته الخطار باسمک ندبته

***

وینک سلبت الروح ارکض واعاین

غایب وادور اعلیک کل المداین

***

بسک بعد لتنوح تیهته عیدک

عوف التریده الروح ما اظن یفیدک

***

لجلک یدگ مگلوب گلبی اعلی شانک

راوینی وین اربای او وینه حنانک

***

شوف دگات الگلب شوف الحنان

شوف بیت الحب بنیته من زمان

او شوف شریان العتب ینزف امان

کل هاذه او ما تگرب صوبی

***

بیت الادب دیوان وانت المفاتیح

فک القوافی ارجوک و اتعدل او صیح

***

ما یفید العاف اخوته او جارش البیهم یحوف

یظل طراد المجاری خادم او بالذل یطوف

والندم تالی یبوسه ابمای صافی ما یشوف

مگرود او ما سر اولاده

***

ما اذم ابشعری واحد بس اذمن کلمن ابتر

والخیانه نار کبری تحرگ الیابس والاخضر

والوفی شمس السعاده بیت شافی ابگلبی یفتر

ممنون امدلل سمیته

وابطن اعیونی او باریته

ما اتوسف لو کرمیته

مهیوب او ناسف ضرعانه

***

سامحونی اللیوم افورن گلبی محروگ الدلال

الگهوه ما طفت چلمتی والنظم اصبح هلال

والشعر دگ باب بیتی او ما اعوفه امن المحال

وابدمی اکتب سر انغامی

***

انتم الدفانه ادری وانتم البیتی عمود

انتم البیرق یرفرف وانتم الحق و الشهود

انتم احفاد العقیده وانتم الحد والحدود

ها ها ها ما نامت عینی

ها ها ها وانت اتبارینی

ها ها ها وینه الیسبینی

اسباع او بالحق وفایه

***

اشلون اوصف صیت اهلنه اشلون ادگ بیت الشعر

الدله و الگهوه تغازل رشه من دگ المطر

والمظایف سور حدنه خله یتدنه الدهر

والطوب ایغص لو هجمینه

***

 

جاسم ثعلبی (حسّانی) 08/06/1393

:: بازدید از این مطلب : 2821
| امتیاز مطلب : 14| تعداد امتیازدهندگان : 5
نویسنده : jasemsalabi تاریخ : جمعه 07 شهریور 1393 دیدگاه‌ها (0)

ابوذیات و مفردات

ابوذیات و مفردات

جفانه البیه وفه یا ناس باسعاد

شهم ما فارگه  الدلال باسعاد

یعداد النجم بالوعد باسعاد

او تشوف افراگه  کیف ایمر علیه

***

ابشرک یا دهر للفرح عدنه

او کثیره احباب طافت محن عدنه

او علی قطع التمر یا نخل عدنه

او حلی الذوق بافواه السریه

***

الگلب ما زف عرس موته و شافه

امچفن بالگبر جسمه و شافه

الستر ما هو مرض طافه وشافه

لچمنی الشایل التابوت بیه

***

تبسم یا گلب للجاک مره

کریم او یشفی بالدیوان مره

اذا ما مر علیک استعد مره

الوفاء ینداس لو طفته ابشچیه

***

جاسم ثعلبی (حسّانی) 07/06/1393

 

 

:: بازدید از این مطلب : 2699
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 06 شهریور 1393 دیدگاه‌ها (0)

ابوذیات مشاعره مع الشاعر الشاب ابو رسام الحیدری

ابوذیات مشاعره مع الشاعر الشاب ابو رسام الحیدری

اخوی الباعنی او ذمتی شراها

فصخ حوبت هلی او بالذم شراها

سلب کل مهجتی او تابع شراها

یشور البیه رده ذاته علیه

***

ابجفاک العین صبت دمع لالت

ابحلم سهرت علیک اودفن لالت

الیضدک سمعانی اشکثر لالت

لان ما یحب تعلی ابمسرحیه

***

ولک والله الگلب شب نار بسمار

حبک چن نبت بالگلب بسمار

بدونک ما هویت الزاد بسمار

تعال او زیل کل هم العلیه

***

تبعت اضعون شحت علی بسعاد

نسونی او ما فرحت ابیسر بسعاد

الگلب ویاهم اقتلعوه بسعاد

بگه عظم او جلد دون الخویه

***

علی ادیار المکارم یرضعنه

اندعی یا رب ابستره یرضعنه

ضباع البر حلالک یرضعنه

احفظه او لا تذم اهل الوطیه

***

احبک واحب من حبک وجارک

واحب دیوان گعداتک وجارک

تعده ابهالدرب صامت و اجارک

او نطوف الظلم واعمال الردیه

***

امک چم مصیبه اعلیک ناحت

خذت تمثال صاغت عزم ناحت

المجد در والطلایب قمر ناحت

انتظر یا یوم طیب ایمر علیه

***

امک ما بچت وانت سر الهه

ابوجودک حاورت ضدک سر الهه

ازنودک والفکر دائم سر الهه

تهلهل لک یبو ذات الوفیه

***

اهموم الساهرن گلبی کفنی

لفنی او ما اجد صاحب کفنی

اریدک یوم تغسلنی کفنی

لان ما اود غریب ایمرعلیه

***

بنیت ارسوم گلبی ابصخر مر مر

اودعیت البیه وفه ویای مر مر

اعتقد دونک علی الزاد مر مر

اذا متمر یمر طیفک علیه

***

بعض صدقان تحرص بس میانه

او تشیع اخبار تلهب بس میانه

بعد یا روحی جوزی بس میانه

طلع بد ذات ما یوفی الخویه

***

الحیادر ما اذمنهم و احبهم

ثبت بالگلب مطلبهم و حبهم

ورد خضر غصن سرهم و حبهم

ابو اوسام البدر کافی علیه

***

هله ابریحان عطر الفرح طبیت

چنت مجروح وانت السبب طبیت

لا تتغرب آنه اویاک طبیت

وسام النه او شرف دشتک علیه

***

ارید الیوم اشوفک تجی لاوین

واسکت الگلب من کل اذا لاوین

اچفوفی زودتهن عزم لاوین

یلاون کل غبی وانت الحمیه

***

اعیونی اعلیک یربن یخی سرنه

تعال او فرح الدلال سرنه

اظن جیتک تضل تذکار سرنه

اکتبهه ابشعر لو ترسمهه الیه

***

یقولون الفخر من عظم هدهد

انصحک لا تضر الخلگ هدهد

کلمن وشراک او صرخ هدهد

یرید ایدمرک او انت الضحیه

***

افتخر بالضافنی او سیر و اجانی

ابزهور العید رشرشنی و اجانی

الانس رحب الکل قاصد و جانی

او کتاب الله الشهد نفس القضیه

***

ابحزن گضیت عمری ابقهر واسلاک

السبب دمرنی مکر النسب واسلاک

احب اسکن ابطن الجبل واسلاک

ولا اشوفن غبی یحکم علیه

***

جاسم ثعلبی (حسّانی) 06/06/1393

 

 

:: بازدید از این مطلب : 2249
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 05 شهریور 1393 دیدگاه‌ها (0)

میمریات اهوازیات

میمریات اهوازیات

هجرک حبیبی او مهجتی سمانی

او خاین الصدقه ابعشرته سمانی

بارخص ثمن دون الخلگ سمانی

یا حیف مایدری ابضمیری امعلگ

***

حبک غمزلی ابمسکنه دلانی

واشفاف غدرک من عسل دلانی

یا ناس وین اهل المجد دلانی

عطشان اشوف ادیارهم واتبختر

***

شفتک حزین او حیرتنی ابشوفک

دولاب جر گلبی او سجنی ابشوفک

سدیت باب الحب تگلی ابشوفک

مفتاحه عندک من یفک لی المعشر

***

ما صدگت تایه ابحبک متعود

وانه الکرمتک طول عمری متعود

بوسه ردت لی شافی گلبی متعود

لاکن تعذرت او شردت امن الشر

***

یا دار شال البیه وفه او ما رد لی

کبریت بعیون الخلگ ما رد لی

تلت جفونی ابغیبته او ما رد لی

نشف دموعی او خله گلبی امطرر

***

مو عیب ما تنشد علی ماسینی

او جرار حچیک بالگلب ماسینی

تدرینی من شیعة علی ماسینی

صادق ابقولی او طیبی ریح او عنبر

***

جاسم ثعلبی (حسّانی) 05/06/1393

 

27/08/2014

:: بازدید از این مطلب : 2415
| امتیاز مطلب : 61| تعداد امتیازدهندگان : 13
نویسنده : jasemsalabi تاریخ : چهارشنبه 05 شهریور 1393 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید