سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

وین إلوعد

وین إلوعد

أللّه   یخلیک    لا   تبعد   علی

تعبان  ولهان   إبعذابک  مبتلی

...

مو   گتلی     للتالی   أضل  ویّاک

مو   گتلی  یا  حبّی    أبد منساک

مو بیدی  أذّانی    إلگلب  یهواک

و إبغیبتک ویل روحی ماهی إلی

...

تدری  إبغیابک  ما  شفت راحه

مظلم  علیّه   إلوکت    مصباحه

إنسد باب گلبی إو ضاع مفتاحه

لیلی إو نهاری  إبعذابی منجلی

...

یألسافرت  وین  شو ماکو  خبر

مبعد علی لیش مرّضنی  إلسهر

تلفینی  إلفکار مثل  رش إلمطر

ما أگدر  أنساه یربّی  رده إلی

...

ردتک إلی عون  حبیبی  إو قرّرت

وین إلوعد  وین و  أنت  إتعهدت

ما عشت   ویّای    لیش   إتبدّلت

یا وسفه ما جیت إتشمّت عاذلی

...

رایح   إو   متعود  خلفیت  إلوعد

إبیا دیره   موجود   گلّی   إبیا بلد

گلبک جفه  لیش   منّی  و إبتعد

یا حسرتی إعلیک روحی إتحمّلی

...

إمعذّبنی و أهواک یبو إخدود إلحمر

بإلصدر   رمّان   و   إعیونک    خضر

ما أگدر    أنساک  و  أذوبن  من تمر

مجنون  مسجون  إو گلبی  ردّه إلی

أللّه        یخلیک    لا   تبعد   علی

تعبان   ولهان    إبعذابک     مبتلی

...

 

جاسم ثعلبی ألحسّانی 15/09/1400

:: بازدید از این مطلب : 1356
| امتیاز مطلب : 21| تعداد امتیازدهندگان : 6
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

إلسانک حصانک

إلسانک حصانک

إلّی   یمرنه     إنمر    علیه   نهتم   بیه

إو نمسح إجروحه إمن إلمرض  و إنداویه

و  إلما    یمرنه   لا   یمر    ریته   إبخیر

و   إلباع   صیته   ما   یهمنه    إنعازیه

...

و إلّی جعل تیله إعلی راسه  إو عوعه

إنزهده إو یظل  یاکل نخم   من لوعه

لن فخره منّه إو نکر  کل طیب إلفات

یاتیه       یومه    إتبلعه      إلبالوعه

...

إلّی  یذمنه   ما    نذمّه    إبشاره

ربنه إلیجازیه  إو   یهدم    إدیاره

ما عدنه غیر إلرب تچیّه إو عنوان

یدری   إلبشر  دنیاه  أسف دوّاره

...

لو  دارت  أبداً ما  یکضهه   إلترکاب

لا مال یمنعهه و  لا  جیش  أحباب

ألسانک حصانک سنسله لا تنداس

ربّک  إحمده   بإلصلاه   بإلمحراب

...

إلبیه    أذیّه    إترکه    لا   تبرک    بیه

خلّه إبحچیچه إو صک حلگ لتحاچیه

تایه   إبدربه   إو  طامع إو شاه إبللیل

إینول إلعذاب  إبعمره  ضیمه إیباریه

...

إبناره    داوی    یحترگ    من     طفّاه

بالک   تگربه   إتصیّح   إهلاه  و إهلاه

حگّه إیتأدّب   یشرب    إلمای   إسموم

إیضوگ إلعذاب إلربه إبجوفه إو شافاه

...

إلعلّه إلسبب عاق إلأبوا و إلإم هان

لو معتدی إبسب إلاهل و  إلجیران

میهمّه   إلزاد   إلملح   و  إلترحیب

لو سارق أموال  إلیتیم    إلجوعان

...

إلیطبخ عذاب إو ظیم  یاکل  طبخه

إو یزرع زرع بإلدیم   تصبح  صبخه

ربّک یسد بیبان رزقه إلّی     طاس

إیلوع إبتوالی إللیل و إسمع صرخه

...

جاسم ثعلبی ألحسّانی 13/09/1400

 

 

:: بازدید از این مطلب : 1957
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

عتابه إو سحابه

عتابه إو سحابه

إلإبوا من  إبنه  ینطر طیب و إیرید

موبس من   یطمره   إبگبر  و إیرید

إلیهین إلأب إضربه إبحجر و إیرید

دواه إتحرگه و إگطع صوته إلساب

...

إلوطن   خیمه   علی   شعبه  وفیّه

إنتظاره   إیکون     بإلضیجه   وفیّه

إلیودّه إیطوف  بحر    إلذل  و فیّه

إو یسگی إبدمه ورد إلعز بإلسراب

...

هلی   دولاب    طگّاهم   و فتهم

إلإخوا و  إلصاحب   إتنکّر  وفتهم

إلشرق  و  إلغرب   یتذکّر  وفتهم

إختفوا مجفین ناموا تحت إلتراب

...

إبونه   إذلال      بجویرید    دفنه

وجوده   عید   إلنه   إو یرن دفنه

لفانه   إلحزن    غثنه  إبیوم دفنه

مظلمه إلدار ناحت بیهه إلأحباب

...

إلخیانه   إبثوب   من  شر  من یردهه

إلذلّه    موت    إلأحمر   من  یردهه

إلعیشه   إبعز    جفتنه   من یردهه

أظن تلفی إلیحشم إلهه إلّذی إنصاب

...

إلحزن ضر روحی سبهه من کتلهه

إو   ثوب إلعز   شرفهه  من کتلهه

إلغیره   وین   غابت   من  کتلهه

کتلهه    إلیندعی    سیّد إلمحراب

...

إسکت    لا     تچیّل   من    تبنهه

إبّناک      إلدمّریته     من     تبنهه

أُمّک     لو    تنادی     من   تبنهه

تجی تنغذهه لو مایک نده إو ذاب

...

هلی و أعتقد   گعدتهم   سرلهم

إو ذکر طیبه  إلمعاندهم  سرلهم

إلفخر و إلنصر حالفهم  سرلهم

یجیهم یرجع إلجافاهم إو غاب

...

أحن  و  أبچی  علی إلبیه وفه مندم

و أهنّی  إلشال  غیره  إو زهه مندم

أموت  إو  أفدی  گلبی إبهبه مندم

إلقلم حی یکتب إشما یطرق إلباب

...

لفت غیمه إو لفن  رعدات   ونعد

متی إو یمته یجینه   إلفرح  ونعد

إللهی إجمع شملنه إبسفر   ونعد

إو یصیر إلعید عید إنعاید أحباب

...

ما   یخسر   إلراف   إلجرح    من لم

إلألم یبقی  إبضمیره  إنعجد   من لم

إلغصن تحت إلتراب إو عدل  من لم

یشیل   إبقوّته    إترابه     ولا عاب

...

بأوهامی   و   أسطّر    قهر شبنای

هوا   عاصف   یرن   بإلإذن شبنای

إعضای إتشتّتت و إنفدت  شبنای

شعر راسی إنصبغ أبیض بإلإعتاب

...

حرت حبل إلوصل منگطع لو مات

أجازیمن إحبابی  إلربع  لو    مات

إلفکر  واعی   یصبر إلصبر لو مات

نقراء   إلفاتحه  إو نتکفّه  بألقاب

...

حنانی   هوّد  إلجاهل   من   أشفاه

إعیونه إمن   إلبچی ذابل من أشفاه

أحبّه إبگصته لو   قابل   من  أشفاه

إبشرط شاطر یشب یتحدّه إلأجناب

...

إلگلب ما ذاب من عظمه و لحمه

ذاب  إلگلب   من   ربعه و لحمه

ألوحه  إشلون   إضمدنّه  و لحمه

إبّین  إضلوعی  متوسّد   إلمحراب

...

من هو إلباع صیته   إو  سام برضاه

إهلال   إو  هل  علیّه إلعید  برضاه

ألف  إرضه  لفت   تنفتل    برضاه

ضواه إسهام  لو خل سور إلأطیاب

...

جاسم ثعلبی ألحسّانی 14/09/1400

   

 

 

:: بازدید از این مطلب : 1424
| امتیاز مطلب : 4| تعداد امتیازدهندگان : 1
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

ألمیمر

ألمیمر

ثوب   إلمذهّب    کون    حبّک     گدّی

بیه   إلتهب   لو    إلبسه    یحرگ ضدّی

حطنی إعلی گلبک حیل ضبنی إو حبنی

لو    طلع   زاید   علی     بیه   عاتبنی

...

تشکیلی همّک  و إلهوی  إمعذّبنی

ما نمت  لیلی   إفراگک   إمسهّرنی

یا   ما ذکرت   إلذکریّات إو حنّیت

یا ما گعدنه إمشابگ إبّطن إلبیت

یا   ما   تربّیت   إبدلیلی  إتحنّیت

کافی عتب   یا   ولفی   إتعاتبنی

...

من گلّک  أتظاهر  کذب  ما أنساک

أنت   إلهویتک  طول  عمری  ویّاک

یا ما   گعدنه  إو ما مشینه  إبسفره

یا ما   تعبنه  إبنسل   زلفک  ظفره

عندی عتب و  إبطلب  واحد  وفره

إحرگه إلگلب من تارکک من أذّاک

...

أنت   إلهوا  و  ألمای إلی و أنت إدوای

أنت حیاتی   بلسم  إجروحی   إشفای

إشلون   أعوفک و   أنت   إلتبارینی

أنت إلگلب و أنت ضمیری إو عینی

إتصابحنی بإلخیر   إو مسه إتمسّینی

أنت إلعمر و أنت إلجمال  إبدنیای

...

فک  إلگلب  فک  إلصدر و أنشوفه

هم  تقبل  إلحبّک  إبلحظه  إتعوفه

لا تنسه  إلحبّک  إو  داراک   إسنین

لا تنسه إلسمّاک  إله   إصبی إلعین

گتلی معاک إویای  ضد  إویه إلبین

إهناه إلیحب یکشف نظر معروفه

...

إچّندوب   أباریلک   إو طایر لبعید

لا حاط یمّی   إو  تگر تنکض بإلإید

لا  طایر   إو رایح بعد   ما   إتعود

إو لا حاط و إتباشر محب یا مگرود

من إلقهر کاتلنی إبو  إعیون إلسود

عید إلنظر  بیه  هذا  حبّک  میفید

...

شلّیت حالی إو ما  أجد  عندک رای

کلّک أذیّه إو ما نصفت أنت إویای

نوبه تحشّم   نوبه تحچی إبلومک

نوبه تحن صوبی إو تشگ إهدومک

نوبه  تجافی   إمن    إلقهر  مالومک

نوبه   تروح   إلبیت  أهلی   شچّای

...

خایف   إبحبّک  خاف  ینزل صیتی

أخافن   تجینی   أهاب   تهژم بیتی

تتغیّر   إطباعک  علی    بإلّحظات

تخلف وعد تکذب علی  بإلساعات

نوبه  تعادی   نوبه  ترسل   نهتات

گلبی  إنقهر  أحس  إبندم   تالیتی

...

حبّیتک  إو   ما قصّرت صرت إدوای

و إبخطبتک طبیت  إجیتک   مشّای

داروا   علیّه  إو  خالفوا من خطبیت

إخوانک عمامک أهلک إعیال إلبیت

متأسّف إبلومی  أتعبت   من ردّیت

و إتگلّی حاول  إرجع إخطب یهوای

...

أهلک   إلمنعوا   لا    تظن   ینطونک

خدّام    عدهم      للأبد      یردونک

إتباری إلمریض إلجاهل  إلطایح شات

توگف   إحزام   إلهم یخل بإلشدّات

وحدک غریب إبلا ولف لیل إتبات

إمشیّب إبدارک  لا  تسن بسنونک

...

تبغی  تظل   للشیب   وحدک   بإلدار

إشعندک   تعزّب   لو   یجیلک   خطّار

إتعوفک إلخادمهم عساک أنت إوحید

ما   فادتک   نهته   إلصفگ  إید إبإید

من  عایدک    من  مر إلک  یوم إلعید

یا    مرحبا   إتلوذ   إبعذابک   محتار

...

إتلوذ إبعذابک  تذکر  إشحاچیتک

من   علّمیت   إتحس   أنا وزّیتک

إتگول یکرهنی إو فتن بین أحباب

یکرهّهم إو یتداخل إبغیر إحساب

چی مانعوه من إجه لیهم خطّاب

لاکن ثبت حچیک علی ذکریتک

...

عندی وصیّه  إو ردت أوصّی إلشجعان

مشهه   إلبنیّه    إبّیتک   إتظل   تنهان

إلورد      من   یزهی   یبث   بعطوره

إو بس بختک إو حضّک  یظل ناطوره

دزهه    إبکرامه      تلمع      إلبلّوره

لتعاند   إلعاند    یخی  ظل خسران

...

تخسر   کرامه   إو     تخسر    إلربّیته

من   حقّه   یعلن     ظاهر    إبتربیته

مثل إلگمر وسط ألسماء شوف إلعین

إمّک   إعیالک   عرّست     بإلتمکین

إتزید  إلمهر  تطلب عبث دین إبدین

یاهو    إلیوفّی      تحترگ     لاطیته

...

یا هو   إلیوفّی  و أنت  إهناه خسران

إتشوف   بنتک   بإلقهر    شو   تعبان

عیشته   صعبت   لا  أمان  إو لا بیت

إبدم إلحقد و أنت  إلسبب و إتحنّیت

إچّندوب  تنطی إتساعد  إو لو باریت

أنت إلذنب  و أنت  إلمهر بیه سکران

...

إخوانی کل إحنا  عرب عدنه إلصیت

إنتابع نسبنه إو عزنه  من أهل إلبیت

إلطمع ما ینفع إلفرحه  أحسن طیب

لا تصنع إلبیه ذایه إلک  یصبح ذیب

عاهد عهد  و إلبیه خلل عیب إبعیب

معروفک   إلیصبح   فجر  و إتهنّیت

...

لتخون   وعدک  لو  وعدت   أحبابک

أحبابک   نصیبک  لا  تخل   بأنصابک

خلهم   ألک  فی  بإلشمس و إحترّیت

ساعد إلک طیب إو فرح   لو سهریت

إیضمدون جرحک  معشرک و إتاذّیت

میفید   مالک    حصّتک    و ألقابک

...

نرجع  علی  إلحب  نسمع   إشوصّانه

إلوطن هوّه    إلحب    عریقه   أرکانه

یا ما گعدنه إبجاهه سور إلنه    إلیوم

إو مکتوب إسمه بإلگلب  رابح   دوم

ما أعوفه ناطرنی إبفرح   بیه  مرسوم

هوّه   إلفکر   هوّه    إلعزیز   إویانه

...

یا ولفی   بس    کافی    إلعتب   بارینی

گتلک         أحبّک       بعد      لتإذینی

عطنی إعلی شفتک  بوسه بوست معدان

بوست   شفایف    تشبع    إلّی    تعبان

أشلع   براطم   بیهه     أکل      إلدردان

مشتاگ   جدم    بوس   بوسه     إبعینی

 

جاسم ثعلبی ألحسّانی 13/09/1400

:: بازدید از این مطلب : 1626
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

ألهوسة ألأهوازیّة

ألهوسة ألأهوازیّة

بإلأهواز   إلعتب   موجود   بیّن   روجه  شاطیّه

نخلنه یشبع  إلجوعان   یچسی   إلعاجز    إبفیّه

تاریخه إبمجد  مکتوب  حمایت  ضیف للمطلوب

إبمضیفه   إلدلّه   و إلفنجان    مرسوم    إبمعانیّه

أهلنه أهل  إلفراضه   إسباع یوم إلضیج ما تنباع

مثل   شطنه   یظل   زمزیر   معروف   إبمجاریّه

ما  ینصاع   للناعور  للحامل   اذیّه     إو    زور

إلشجاع  إو   إبن های   إلگاع   و إنقدّم  تهانیّه

ملّانه   إلیهشم  إلروح  إلطایح  ضمّد   إلمجروح

کلنه إحفاد   إبو إ لحسنین  تعاهدنه  إبفرد نیّه

دگ إلنه إلشهاده إحسین  إو  ثبّت فاگد إلچفّین

کلنه إخوان   متحزمین   فلا   تحزن   إم  بوشیّه

طبعنه إعلی إلزنود  إوشام معلّم  طالب إو بلّام

ما نزلف   إلحق و إلجود  إلیعاندنه  إلکدر زیّه

نسولف ما نظم أسرار و لا نحقد علی إبن إلجار

ولا   نطرد   عدو   منهار  و  إنکرمه     إبّلاویّه

إذا مسنه إلقدر محتوم  مثل إلگمر بین إنجوم

نزهی إو  مثل طیر   إلحوم یحط بس إبمبانیّه

یا طیر   إمضیّع   عنوانه

و إیغرّد  بس    إبدیوانه

 مانسینه  إو  ما ینسانه

إحنه   إصگور   إلبر   و      إلطار       إنصیده

...

خبر من إلنبی   مضموم   وصیّه   إحترم  جیرانک

أوصّیک   إلعمر   خلصان  بالک  تغضب أخوانک

إخوک   إلّی   وگف ویّاک  یوم   إلعوز ما ینساک

یوم إلفرح یوم إلضیج  إبوگفته  إو  خدم دیوانک

مو ذاک إبدرب مشلول إمخالف شورک إو معلول

إمتیّه دربه  إلمنعول   إبحماقه   إو یقبض إلسانک

خاتل   لک   مثل   عربید   یتسمّه إبإسم صندید

یلدقک بإلفرح   بإلعید   یشتت   لمّة      أعوانک

مثل خاتم و إخلعه إبساع و إگطفه گبل لا تنباع

إلخاین لا   تظن   ینصاع   إلطمه   إبفمّه إلهانک

و إلبیه غیره بیه إحساس تحترمک إبجاهه إلنّاس

خلّیه تاج فوگ إلراس   إکرمه   إو   یعتلی شانک

یوم إفراگه یوم إلدین بس هذا   إلیبچّی  إلعین

دمع إلعین صب إسنین إبکل ضیجه   إیتنخالک

إلشجاع إمن أصله إمعرّب إلکل أحبابه إمذهّب

ما عنده   فرق   لو   طب   إخو  خال إیتعنّالک

إلعیبی إعلی إلزند شدّه إخو خیته إو لزم حدّه

ماخذ   غیره   من   جدّه إبعمل خیر إیتمنّالک

بس هذا   إلیسوا   إلعشره   إو   کون إتباریله

...

إبیوم   إلفرح   یوم   إلضیج   أخی حبل إلوصل شدّه

شیل   إشراعک إعلی   إلخیل   فبل   لا تکمل إلعدّه

إلگوم   إلّی  تهز   إلگاع   معروفه   إعلی    قایدهه

جیمه إبجیمه   بإلکلفات   بیهه     إیضیع    بایدهه

درّب و إحسن إلتدریب إلزمه   إمن   إلخطا إلسانک

إخوتک   سیفک    إبیمناک   لا    تزهد     إبخوّانک

خلیهم   ضخر    مظموم    یوگفون   إلّذی    هانک

أنت   إلسند    و إلجیدوم    لا    تتشاقه    بحزانک

إهوای إلدنّیا بیهه إدروس إلسعاده إو من یساعدهه

لتهاب   إلیطفّی   إلنار    هاب    إلّی       یجدّدهه

لا تتمزهد    إلمسکین     إلفقیر       إیرید     تچّایه

صهیل   إلخیل   صوتک   صار و أنت  إلشایل إلرایه

إشتل   بإلأرض    شجعان    إو حط إبکل بلد دیوان

و إحکم   حکم حکم   إنسان   لا    ضمّان لا سجّان

إلحیله    حیلت    إلرجّال    إلمکر     للنسه عنوانه

بالک   تمکر   إبتحذیر    یهین   إلنذل   من   هانه

إلطلایب   تتعب    إلرجّال   و   إلعاقل       یبرّیهه

شور إلعنده حکمه إو طیب  إلصعاب إترید راعیهه

صغّر نفسک لا تبلیهه

مو  بالک  تتکبّر   بیهه

و أفعالک  کو إترقّیهه

إلعادل   و أللّه   إلعادل   مثل    إلسیّد بیه شاره

...

أنا      خیزران       أنطبع     بإلشدّات

عدّل   روح   نفسک      لا     تعدّلنی

یشامت   لا    تفکّر   راح  سل إو مات

أضمّد    بإلجروح    إو   ما     تبهذلنی

إلعیبی إو صافی نیّه إو ما أطخ هیهات

ولو     إبچیر      عذّالی         تعذّبنی

أطیح إو أنهض   إو إلزم   درب شجعان

مطر گیضک   یخایب    ما    یخردلنی

أشیل   إلنار   بیدی   بس أحس إتراب

دمع عینی   مبّرّد     نوحی    یسعدنی

ما أهاب  إلیخون  إو بیه رده   للنّاس

إذا    سبع    إبو   دیّه   ما     یخوّفنی

أدگ رجلی و أشد إرکبّی وکت إلضیج

إلزمان   إشما یگرگر    ما       یبدلنی

هذاک أنا إلچنت  ساعد   للیحشمون

إبیوم إلعازه واگف    للّی      یندبنی

بیدی إلعگل و أحکم و إلعداله إسناد

خطاء کلمن ضربنی   إو  صر یسدّدنی

بیدی إلفاله إو بیدی إلسیف إشلون إلشامت یگرب

 

جاسم ثعلبی ألحسّانی 15/09/1400

:: بازدید از این مطلب : 1540
| امتیاز مطلب : 4| تعداد امتیازدهندگان : 2
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

أوّل إحساس

أوّل إحساس

إلمحب  هاجر   نسانی  إو  هدّم إلدلال

نبع  طوری  إعلی  موده  إبحزن بألحانی

أدوّر  یا  مدینه  أبیا  سلف    و   ألگاه

یحن   گلبی  أعلی شانه  إهوای  أذّانی

مدری إبیا سبب و إختاض منّی  إو شال

مدری إمسافر إو  مدری  إلتهه  إبثانی

فر مثل  إلحمامه  إو  طار  منّی  إبعید

متعجّب    علیه      إشلون      ترکانی

رحت لأوّل إحساس إبیوم  عرفی إویاه

مو  أنا       إلهویته      گلبه     حبّانی

گرب لی إو سلّم إو عینه  تصب دولاب

حدر کتر   إلسئوال     إبصوته  ختلانی

وگف یمّی إو  طلب عونه  إلتهی ویّاه

إبّطن شبکه  إبغدر  باوصافه   صادانی

لا أگدر أعوفه   إو    لا  زلف   خجلان

إبحبل   حب   إلمودّه  إبزلفه    شدّانی

یگلبی إشبع  عذاب  إبلا   وداع  إلراح

لاخر  عمر   تبگه   إبضیمک    إتعانی

 

جاسم ثعلبی ألحسّانی 16/09/1400

:: بازدید از این مطلب : 28
| امتیاز مطلب : 2| تعداد امتیازدهندگان : 1
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

أوّل إحساس

أوّل إحساس

إلمحب  هاجر   نسانی  إو  هدّم إلدلال

نبع  طوری  إعلی  موده  إبحزن بألحانی

أدوّر  یا  مدینه  أبیا  سلف    و   ألگاه

یحن   گلبی  أعلی شانه  إهوای  أذّانی

مدری إبیا سبب و إختاض منّی  إو شال

مدری إمسافر إو  مدری  إلتهه  إبثانی

فر مثل  إلحمامه  إو  طار  منّی  إبعید

متعجّب    علیه      إشلون      ترکانی

رحت لأوّل إحساس إبیوم  عرفی إویاه

مو  أنا       إلهویته      گلبه     حبّانی

گرب لی إو سلّم إو عینه  تصب دولاب

حدر کتر   إلسئوال     إبصوته  ختلانی

وگف یمّی إو  طلب عونه  إلتهی ویّاه

إبّطن شبکه  إبغدر  باوصافه   صادانی

لا أگدر أعوفه   إو    لا  زلف   خجلان

إبحبل   حب   إلمودّه  إبزلفه    شدّانی

یگلبی إشبع  عذاب  إبلا   وداع  إلراح

لاخر  عمر   تبگه   إبضیمک    إتعانی

 

جاسم ثعلبی ألحسّانی 16/09/1400

:: بازدید از این مطلب : 1241
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

یا حبیبی

یا حبیبی

یوم       إلّی     أراکَ      فیهِ

ما      أجملهُ      یا     حبیبی

یرتاح       ألبی       بسروری

یا      لیتُکَ      من    نصیبی

...

خلّینی     إبشوقک   خلّینی

فی  عز      إحلامک   ودّینی

أصبح و أمسی  أبات  و أنام

و ألحب حالی مفیش  حرام

و أنت جنبی    زهرة   قلبی

وغرامکَ  لهیبی   یا حبیبی

...

 أنت أملی یا حیاتی  یا محنتی

و  هلالکَ    بازغاً    فی  سمائی

فی ظلِّ   حبّکَ    یشع    نورکَ

و تلعلُ فی قلبی و أنت  دوائی

محتاجک   فکری  و  إحساسی

و حبّک    یدورُ    فی    رأسی

تعال          إلیَّ           تعال

ولا    تبغی     لی      بإلخیال

لامسنی     إبعینک   لامسنی

یا      نجمتی      لا    تغیبی

یا حبیبی

...

بعّدتُ عنّی و   أنا    ساهراً

قرأتَ قلبی و  رأیتهُ   طاهراً

ثوباً    و   حبّاً     و   غالباً

بنور       وجهکَ   مبتسماً

إبغی معایَ و فکَّ  أحزانی

أرجوک إقرب کیفَ تنسانی

لیسَ   کلامی  هو   إلختام

و إسکن  فی ألبی    بسلام

قرّری     إشفی    جروحی

بجفون   عینکَ  لا تصیبی

یا حبیبی

...

جاسم ثعلبی ألحسّانی 14/09/1400

 

 

 

 

 

 

 

 

:: بازدید از این مطلب : 1358
| امتیاز مطلب : 2| تعداد امتیازدهندگان : 1
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

شهل ألعیون

شهل ألعیون

یا شهل  إلعیون  یألجیتک   دوا

و إبعطرک أشتاق لو هب إلهوا

...

إتواعد إو ما جیت   وینک   یا ولد

إبدربک إمتانیک إلشوفک مستعد

إبرنت    إلجوّال    علیّه     ما ترد

گلبی إشتعل  نار  إبحبّک و إنچوا

...

ما أگدر   أنساک   و أشفی علّتی

أنت    حیاتی   و   أنت    غایتی

لا تجفی   ویّای    تکثر   محنتی

ولفک إلعطشان من ضیمه إرتوا

...

إبعطرک إشتاق یبو طبع إلذهب

ما تذکر إهواک   گلّی  إبیا  سبب

سامع خبر گول گلبک و  إنشعب

فهمنی   یا  ریم أود  نگعد سوا

...

ما أگلّک إنساک إذا تحچی إلصدگ

لا تسکت   أرجوک ظل گلبی یدگ

إسمع إلدگّات مثل  صوت إلفشک

عگلی إنشغل بیک و إبهمّه إشتوا

...

إحچی  یمدلول   علیّه   إشغیّرک

متعاند إویای  من   هو   إلبدّلک

أدریک منعوت و  إلشافک  هلک

و إلگمر بإللیل من وجهک ضواء

یا شهل إلعیون   یألجیتک    دوا

و إبعطرک أشتاق  لو هب إلهوا

...

 

جاسم ثعلبی ألحسّانی 15/09/1400

:: بازدید از این مطلب : 2600
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

نصایح و أسناد معانی ألأعداد

نصایح و أسناد معانی ألأعداد

إلواحد     ربّک        إلخالق        بلأحد

ربٍّ      لم        یلد        یولد       بلاجد

أثنین      أعرفهم        إبغایة      قراری

خلق    ربّک      إللیلُ    و       ألنهاری

إلثلاثه    أعذار    موسی   أخبار   عدّت

خرق   کف    إلسفینه    إبمای   غرگت

قتل    لغلام     ثانی     عذر      بإلشت

بنأ    جدران    حق      إلنّاس      ثبّت

و إلاربعه    هم     تورات   و     إنجیل

إلقرآن        إلزبور        إلبیه     تحالیل

و إلخمسه    صلاة    إلخمسه     إقامه

إلمسلم      یعبد        إلرب       بإلکرامه

و إلستّه    إلسماوات     إلّی      بإلکون

مع   إلارض    إلیعاند     بیهه    مجنون

و  إلسبعه       إلسماوات         إلبناها

رب     إلکون            بایاته       حماها

گول     إثمانیه   من      هم     بلا عون

إلعرش   حملوه   ملوک  إلخالق  إلکون

إلتسعه   معجزات    إلموسی  و أثریک

إلجراد   شق    إلبحر   و إلباقی إعلیک

الطوفان     إلسنین      إلدم     ضفادع

إلقمّه   إلباقی    إتکمله  أنت   سامع

إلعشره   آیه    مذکوره    إو    مثمره

ألعمل   خیر    أللّه    یزداده إبعشره

و إلاحد   عشر   بیه    خبر    مؤسف

جمعهم    بإلعدد     أخوان    یوسف

و إلثانی   عشر    بل   سنّه   منسوب

شهور    إلسنه     بإلقرآن      مکتوب

و إلثالث    عشر     یعقوب   و إبناه

معاهم    إمهم      إلتفسیر     زاداه

شنهی   إلما   إله   روح  إو  إله حس

و ألصبحُ      إذا      حان      إیتنفّس

من هو إستعظمه  إلرب   من خلقته

یخی   کید   إلنساء   ظاهر   وصفته

یا قبر   إلّذی   سار  إو   مشه إو تاه

إعلمنّک إلحوت   إو   یونس   إویاه

من   هم   کذّبوا   بإلجنّه     دخلوا

إخوت یوسف  عفاهم  بیهه  سکنوا

من هم   صدقوا   إو   بإلنار  عاشوا

إلنصارا    و  ألیهود     إبثار     مالو

إلترک   درب  أللّه أبد  بإلقوّه ما فاز

إو   کلام   أللّه    إلبیه  الاف إلألغاز

تثقّف   یا بشر   و   إلدنّیا   یومین

لا تنغر   جمیله    إتغشّک إسنین

إحچی إلحگ   ولا  تظلم مساکین

ترا إملوک أللّه فوگ  إلراس واعین

إعمل   خیر   لاخرتک       یفیدک

ترا إعمال   إلبطل  فاله إو تصیدک

إبمعروفک   إو   أامر  و إنهه منکر

إو من   سبّک   إبباطل  ظل تشکّر

لأن   ما   عنده   تربیّه   و لا دین

ولا دارس   علم   عند    إلسلاطین

إخذ دربک إو جیبه  إلصحّه عیدک

إحترم     جیرانک  إعیالک   تفیدک

علی إچتافک نکیر إو منکر إجنود

یکتبون   إلحقایق   بیهه    موعود

أللّه   إویاک      یإلماخذ    وصیتی

گلت و أسمعت شاهد عن قضیتی

یخی   یوم    إلقیامه  تظهر إردود

إنتفاسر  بإلحقایق  نرسم    إحدود

 

جاسم ثعلبی ألحسّانی 16/09/1400

:: بازدید از این مطلب : 1364
| امتیاز مطلب : 12| تعداد امتیازدهندگان : 3
نویسنده : jasemsalabi تاریخ : دوشنبه 15 آذر 1400 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید