سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

لطمیّه حافی امشی

لطمیّه حافی امشی

ازورک  نوّیت  او  ما   اتانی

حافی امشی اویمّک تلگانی

علّیت الرایه ابضرعانی

محبوبی   او  اهواک

انت ابن الزهراء ابعنوانی

انت  الوالی  مالک  ثانی

انت الدم تجری ابشریانی

من  گلّک  انساک

...

یوم الطف مجروح ابیومک

و العالم   تنغث  بهمومک

ریت انعد واحد من گومک

و اتهنّی ابطرواک

حبّک جنّه او  ثابت دینه

مای امزلزل یجری ابعینه

باقی اسمک دایم یحمینه

من یگبل ملگاک

...

یهلال الهل  یحمل شاره

یا طارش منکوب ابداره

یا فارس معروف ابثاره

تستاهل  و   انعاک

شیعه او من یعرف ماضینه

ما ننذل احنه الذلّینه

و ابحرب الطف و اتمنّینه

نستشهد بالواک

...

یا  صیت الامّه  او  عایدهه

یا طیف الغیره او سیدّهه

یا ضیف الحرّه او شاهدهه

یبن الحر سلواک

منذور او جیت اوفی ابدینی

یا عگلی او گلبی او یا عینی

یا دهری ابهجری امنسّینی

ضل یصعب فرگاک

...

ثوره انت او بس اسمک ثایر

بدروب  العز   گلبک   غایر

طیر احلامک بالشم طایر

و احگوگک منواک

یا دارس  علمین   العالم

یا فارس ضد شور الظالم

یا حید او من نور الخاتم

والهامک دنیاک

...

ما انکر  دمعه  امن   اسنینی

تابعتک  و   انت   اتداوینی

یا عافی امراضی او شافینی

لا تبعد حیّاک

محبوس او دارت عدوانی

و الیکره   نشّف  ودیانی

عطّشنی او مسنی او اذّانی

یتسمّی ابملفاک

...

 

شاعر اهل البیت: جاسم ثعلبی (الحسّانی) 25/05/1400

:: بازدید از این مطلب : 1492
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 23 مرداد 1400 دیدگاه‌ها (0)

لطمیّه هجمت فارس

لطمیّه هجمت فارس

هجم فارس من نسل زهراء البتول

علی  الاکبر یشبه  الجدّه   الرسول

...

اتعنه ابوه  احسین و اعلن هدّته

امن الرجال استعد  وصلت نوبته

لبس  درعه و اخد سیفه او عدّته

او زینب  التربیله من فوگ التلول

هجم فارس من نسل زهراء البتول

علی  الاکبر یشبه  الجدّه   الرسول

...

فارس   الفرسان   سل  سیفه  انقهر

آل   امیّه    حسّبوا     جده   الظهر

شبل واحتر  من  عطش گلبه انفطر

اسد مغضب  کر یکر  بیهم  یجول

هجم فارس من نسل زهراء البتول

علی  الاکبر یشبه  الجدّه   الرسول

...

اسد مغضب لاح  سیفه اعلی المهر

ایجول   بالمیدان  ضل   بیهم  یکر

جیمه   ابجیمه  طبگهم    منتصر

العطش ضرّه  واحسینا  من یقول

هجم فارس من نسل زهراء البتول

علی  الاکبر یشبه  الجدّه   الرسول

...

العطش ضرّه او جفل راجع للخیّام

یطلب  المای  الضماه   امن  الامام

واعده    جدّه    ایترباه    بالختام

لزم سیفه او غار  یحصد  بالنذول

هجم فارس من نسل زهراء البتول

علی  الاکبر یشبه  الجدّه   الرسول

...

هجم صوب  العلگمی  او  لاگه الرماح

ابصدره  و ابطاسه  شمر ضرب السلاح

کثرة  اجروحه  او  وصل  درب  الفلاح

استشهد اعلی  الارض دمّه ایجر سیول

هجم فارس من نسل زهراء البتول

علی  الاکبر یشبه  الجدّه   الرسول

...

 لشاعر اهل البیت: جاسم ثعلبی (الحسّانی) 24/05/1400

 

 

:: بازدید از این مطلب : 1358
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 23 مرداد 1400 دیدگاه‌ها (0)

لطمیّه عرّیس جاسم

لطمیّه عرّیس جاسم

دگّت اطبول اهل الغدر من آل امیّه

عرّیس   جاسم   زفّته     بالغاضریّه

کرّمله بالعین  ،  نفّذهه   الحسین

جاز الزفاف ابکربلاء طبق الوصیّه

...

هز  سیفه  جاسم  و  اتّجه  یم امّه مهظوم

حاور واجه العمّه البطل یحمل علی الگوم

و اتشجّع  ابصوت   الهلاهل  گلبه  مندوم

غار   او   ضرب   جمع   الکفر بیده الابیّه

دگّت اطبول اهل الغدر من آل امیّه

عرّیس   جاسم   زفّته     بالغاضریّه

...

راح او رجع رد للخیّم فارس او عطشان

گلّه  یعمّی  مای  اریدن  گلبی   ضمأن

من واعده عمه او ذهب قاصد المیدان

واشتبک  بارماح  او  نبل  صوب المنیّه

دگّت اطبول اهل الغدر من آل امیّه

عرّیس   جاسم   زفّته     بالغاضریّه

...

طگ و انضرب سیفه الذهب من حاطته الگوم

خلّه  الجثث  فوگ  او  حدر  هالاسد   معلوم

رافع الرایه السیّده ابن الحسن جیدوم

سبط   النبی   دگ    ثایته    بالموزمیّه

دگّت اطبول اهل الغدر من آل امیّه

عرّیس   جاسم   زفّته     بالغاضریّه

...

اعلیک السیوف اتچلچلت واسیوف الانذال

عطشان و  ایجر  النّفس   نام  اعلی الرمال

صاح  اعلی عمّه ادرکنی یا  مهیوب الرجال

فاحت   الروح   او  ترکته   قبل    المسیّه

دگّت اطبول اهل الغدر من آل امیّه

عرّیس   جاسم   زفّته     بالغاضریّه

...

من عانه ابو فاضل وصل شاف الرمح بیه

بعیونه و ابسدره الجرح بس عنقه ماذیه

جبّله   او   باسه  ابجبهته و الهظم والیه

طگهم  ابو   فاضل  غفل  بیده   القویّه

دگّت اطبول اهل الغدر من آل امیّه

عرّیس   جاسم   زفّته     بالغاضریّه

...

لشاعر اهل البیت: جاسم ثعلبی (الحسّانی) 23/05/1400

 

 

 

:: بازدید از این مطلب : 1898
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 23 مرداد 1400 دیدگاه‌ها (0)

لطمیّه یا شهید الغاضریّه

لطمیّه یا شهید الغاضریّه

ابکربلاء  با    من   ینادی

اعیونی لحسین او فؤادی

او   موکبّک  نور   بلادی

ابدمی  مکتوبه  الوصیّه

...

انت  ابن  طاها  نبینه

انت   سفّان   السفینه

انت ابن  حیدر  ولینه

انت ابن زهراء الزچیّه

...

انت     بیرق    للسعاده

انت    محراب   العباده

انت دین اللّه او معاده

انت    للثوره     هویّه

...

گلّی    من    ضمّد   اجروحک

او گلّی  من  ناح  اعلی نوحک

روحی الک فدوه  اویه روحک

لعنة   اللّه  اعلی   آل    امیّه

...

زینب   اتنادی    ولیهه

ضاگت  الوسعه  علیهه

اتنخّت  ابضنوة  علیهه

اتمنّت   ابیومک  منیّه

...

شیلت  الراس المصیبه

صعبه  الیودّع  حبیبه

الشام و الدیره غریبه

اعیالک الراحت سبیّه

...

حرگوا   اخیمنه علینه

گوم و  انهض یا ولینه

حرم  واطفال  ابتلینه

بالضعن و انا اشبدیّه

...

اجنود کوفان  الخذونه

و  ابخوارج     شبّهونه

او بالحبال  او شبّگونه

خویه چا وین الحمیّه

...

وین  ابو  فاضل  کفیلی

اتعذّبت و  انهدم حیلی

من   نخیته   ما  یجیلی

بیدک  ارسلهه  الشچیّه

...

تشچی  زینب بس لبوها

اچفوفه بالطف گطّعوها

احاه  یبو   فاضل سبوها

اعاتبه  او  میرد     علیّه

...

شاعر اهل البیت: جاسم ثعلبی (الحسّانی) 23/05/1400

 

 

:: بازدید از این مطلب : 2455
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : جمعه 22 مرداد 1400 دیدگاه‌ها (0)

لطمیّه رأس احسین (ع)

لطمیّه رأس احسین (ع)

احسین انکتل عطشان ، واعیاله مسبیّه

راسه  انوخذ   للشام ، و  الجثّه  مرمیّه

...

راسه   انوخذ   للشام ، واعلی    الرمح   شالوه

و   الجثّه      بالتربان ، و     ابکربلاء      خلّوه

اطفال او عطاشه اتنوح ، بیت النبی او هدموه

التمّت    علیه       الگوم ، کلهم        حرامیّه

احسین   انکتل     عطشان ، و  اعیاله  مسبیّه

راسه    انوخذ     للشام ، و    الجثّه     مرمیّه

...

حر او عطش و ارمال ، والحادی  حادیهم

اطفال او نسه او حفّای ، والسوط والیهم

امعیده  الکفر  بالراس ، تطبل   اعادیهم

اعیال  ابو   الیمّه   اتلوع ، من  الصلیبیّه

احسین انکتل عطشان ، واعیاله  مسبیّه

راسه   انوخذ   للشام ، و  الچثّه  مرمیّه

...

مر الضعن  و     النّاس ، بالنصر   فرحانه

ما   تدری  بیه   ایتام ، او زینب الولهانه

اعیال النبی المختار ، ابحرب ابن مرجانه

اتوهم   یزید     ابثار ، هدّم      مبانیّه

احسین  انکتل عطشان ، واعیاله مسبیّه

راسه   انوخذ   للشام ، و  الجثّه  مرمیّه

...

زینب   تون  و  اتنوح ، نوحه  ابکتر  نوحه

تلعی  الحرم  و  اطفال ، للراس   مشبوحه

اتعازی دموع احسین ، من ضمّد اجروحه

و  الجثّه     بالمیدان ، عار   البنی     امّیّه

احسین انکتل   عطشان ، واعیاله مسبیّه

راسه    انوخذ   للشام ، و  الجثّه  مرمیّه

...

عار    البنی   سفیان ، احسین  المگطعینه

هذا ابن حامی  الجار ، الاجنبی  امسمّینه

تباً   لکم  یا     گوم ، ایزید      المکرمینه

او بنت الزچیّه اتلوم ، امن الهضم محنیّه

احسین انکتل  عطشان ، واعیاله مسبیّه

راسه   انوخذ   للشام ، و  الچثّه  مرمیّه

...

شاعر اهل البیت: جاسم ثعلبی (الحسّانی) 22/05/1400

 

 

:: بازدید از این مطلب : 1386
| امتیاز مطلب : 2| تعداد امتیازدهندگان : 1
نویسنده : jasemsalabi تاریخ : جمعه 22 مرداد 1400 دیدگاه‌ها (0)

لطمیّه یالتلطم علی احسین (ع)

لطمیّه یالتلطم علی احسین (ع)

یالتلطم  علی إحسین ، إحسین  إلودّع  إعیاله

إعیونه  تربی  إلخیام ، من  داسته    إلخیّاله

...

طب   الکربلاء   ابزود ، و اصحابه    یبارونه

او   قائد  جیشه   عبّاس ، و  اولاده  یعینونه

او  صاح الیوم  الحساب ، بالمیدان   طاحونه

اتقدّم  سید  الاحرار ، و اخوه  البطل  یبراله

یالتلطم علی إحسین ، إحسین إلودّع إعیاله

إعیونه تربی إلخیام ، من  داسته    إلخیّاله

...

راح او خاطب  الگوم ، مسلم  و السلم رایه

ما  راد   الحرب   عار ، بس   کثرت    النهّایه

گطفوا   صوبه   الرماح ، و  اتعدّت   الرمّایه

رجع لصحابه  غضبان ، نزف للرکب دم ماله

یالتلطم علی إحسین ، إحسین إلودّع إعیاله

إعیونه تربی إلخیام ، من  داسته    إلخیّاله

...

اشتد  وزّع   الرایات ، من   شاف   ابخطر   دینه

حبیب المیسره ابجیش ، و اخوه  بالمیمنه  ایعینه

او  وسط الجیش  الاطفال ، و  اعیاله  المحازینه

گام  او  شرّع  اخیام ، استعد  من  کرّم  ارجاله

یالتلطم علی إحسین ، إحسین إلودّع إعیاله

إعیونه تربی إلخیام ، من  داسته    إلخیّاله

...

اتقدّم صوب الاصحاب ، واهل  بیته یخاطبهم

الحرب بیه قتل بیه موت ، الما یگدر یحذّرهم

الگوم  اترید  الحسین ، راسه  الّی    یبردهم

صاحوا  کلنه  الحسین ، کلنه  الحمله  شیّاله

یالتلطم علی إحسین ، إحسین إلودّع إعیاله

إعیونه تربی إلخیام ، من  داسته    إلخیّاله

...

رجع  صوب  اهل  العناد ، خاطبهم  ابتحلیله

ابحسب وابنسب سمعوه ، وابو فاضل یتّچیله

راد  العون  من   جون ، و ابو الغیره  الیهنّیله

طاعوا  عدة   ارجال ، التحگوا  جیشه بذیاله

یالتلطم علی إحسین ، إحسین  إلودّع إعیاله

إعیونه تربی إلخیام ، من   داسته    إلخیّاله

...

من  حان  الظهر  صاح ، بیهم  صلّی ابو الیمّه

اتقدّم       بالزلم   حید ، کل   ارجاله    ملتمّه

حاطتّه الکفر  حوط ، ایصلّی او یمسح ابدمّه

زهیر    الدافع    الگوم ، و  اعیونه    الهمّاله

یالتلطم علی إحسین ، إحسین إلودّع إعیاله

إعیونه تربی إلخیام ، من  داسته    إلخیّاله

...

اشتد وکت الحرب حیل ، اصحابه الهدّت ابزوده

من  هدّت  علی الگوم ، السالم   گطعوا  ازنوده

ابدمهم   ضحّوا   اسباع ، ما   الهم  بعد   عوده

ابحرب الطف او ناوین  ، ابدمهم صبغوا ارماله

یالتلطم علی إحسین ، إحسین   إلودّع   إعیاله

إعیونه  تربی   إلخیام ، من   داسته    إلخیّاله

...

اتصدّه   الحومه   عبّاس ، و  اخوانه  و  اهل گومه

ماخذ      جوده    للمای ، یم    العلگمی   اعلومه

بچفوفه  انغدر  حیف ، الچان   الگومه   جیدومه

او گطعوا راس الحسین ، او فوگ الرمل حل حاله

یالتلطم  علی  إحسین ، إحسین  إلودّع    إعیاله

إعیونه  تربی  إلخیام ، من    داسته      إلخیّاله

...

شاعر اهل البیت : جاسم ثعلبی (الحسّانی) 26/05/1400

 

 

:: بازدید از این مطلب : 1735
| امتیاز مطلب : 5| تعداد امتیازدهندگان : 1
نویسنده : jasemsalabi تاریخ : جمعه 22 مرداد 1400 دیدگاه‌ها (0)

لطمیّه ما فاخت روحی او نامت

لطمیّه ما فاخت روحی او نامت

دگیت ، لطمیت ، ما  فاخت  روحی او  نامت

یحسین ، هالحین ، الشوفت محرابک هامت

منذور او  هالجیتک حافی

شایل علمک فوگ اچتافی

شاعت واکرونه اتماتعنعنه ، للظالم فرحه او ما دامت

دگیت ، لطمیت ، ما  فاخت  روحی او نامت

یحسین ، هالحین ، الشوفت محرابک هامت

...

تعبیت ، ملّیت ، و افراگک   نار   او داوی

یحسین ، بالعین ، نورک مصباح او ضاوی

سیفک حگ و الظالم داسه

وأنت ابن  الما هبّط راسه

رفضیت الذلّه ابضرعانک ، و ابدمّک فضحیت الشامت

دگیت ، لطمیت ، ما  فاخت  روحی او نامت

یحسین ، هالحین ، الشوفت محرابک هامت

...

هبّیت ، من جیت ، روحی  إتحن   ما     مرتاحه

اترخّیت ، و أسهیت ، الگبّه اتشع وسط الساحه

ساگی اطفالک وین اچفوفه

بالحومه  او  بیّن   معروفه

فوگ التل تربی او ما شافت ، زینب مهظومه او ما گامت

دگیت ، لطمیت ، ما  فاخت  روحی او نامت

یحسین ، هالحین ، الشوفت محرابک هامت

...

مرّیت ، حزنیت ، و  اخیمّک  یکتل   فرگاها

یا ریت ، ویّاک ، وافدیلک روحی او مأواها

گوم انهض بیدک ضرغام

مسبیّه  اعیالک  للشام

السجاد ایون و امگیدینه ، واسکینه اعلی اطفالک حامت

دگیت ، لطمیت ، ما  فاخت  روحی او نامت

یحسین ، هالحین ، الشوفت محرابک هامت

...

شاعر اهل البیت: جاسم ثعلبی (الحسّانی) 25/05/1400

 

 

:: بازدید از این مطلب : 1509
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 21 مرداد 1400 دیدگاه‌ها (0)

لطمیّه حفّای اجینه الکربلاء

لطمیّه حفّای اجینه الکربلاء

حفّای   اجینه   الکربلاء   انزورک

یحسین عدنه اهموم و انشورک

انعازیک  عازینه

والعطش سابینه

ما من  معین  او   زیدنه ابنورک

حفّای   اجینه   الکربلاء   انزورک

یحسین عدنه اهموم  و انشورک

...

انسد الدرب بأعذار وهمیّه

غالی  علینه  العمل  بالنیّه

یا ریت اکون  اویاک

طیر او احط احذاک

ما اخون وعدی او  گلبی ماجورک

حفّای   اجینه   الکربلاء   انزورک

یحسین عدنه  اهموم و انشورک

...

یبن الزچیّه او ابن حامی الدار

فک  باب خیبر  حیدر  الکرّار

ویّاک نحمی الدار

یا  سیّد   الاحرار

هیهات  من     الذلّه    منشورک

حفّای   اجینه   الکربلاء   انزورک

یحسین عدنه اهموم  و انشورک

...

شیعه  او  نبینه  حاضر اویانه

او حیدر علی بأحفاده مدّانه

ما  نرد  حتّی   الموت

صوب النصر وانفوت

انطوف  المزار   ابهمّه  و  اندورک

حفّای   اجینه   الکربلاء   انزورک

یحسین  عدنه اهموم و انشورک

...

قصة حزن  مکتوبه   بالتاریخ

نزحف نحن ما ردنه التفخیخ

حد الشهاده  اویاک

کل احنه عد عیناک

حامل  عقیده  او  گلبی  ناطورک

حفّای   اجینه   الکربلاء   انزورک

یحسین عدنه اهموم و انشورک

...

یبن    الزچیّه   أنت    محرابی

شایل علم و اسمک علی بابی

یا  بیرق  الاسلام

یا مُطعم الایتام

تاج     الکرم    نتهنّه     بنذورک

حفّای   اجینه   الکربلاء   انزورک

یحسین عدنه  اهموم و انشورک

...

شاعر اهل البیت : جاسم ثعلبی (الحسّانی) 23/05/1400

 

 

 

:: بازدید از این مطلب : 1433
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 21 مرداد 1400 دیدگاه‌ها (0)

ابوذیّات کربلائیّات

ابوذیّات کربلائیّات

حده الحادی  او  رحل ولفی ومت له

رکب    هودج  و   اباریله   و مت له

اشترک بهمومی کل  عمری و مت له

رحل  و  الأسف  داره  اظلمت   بیه

...

أحسین  ابکربلا  مرتجل شأ هد

او گوم ایزید حاطت بیه شاهد

دمّه السال  ضد  الظلم  شاهد

روی  الاحرار  و العطشان میّه

...

اخذ طفله الحسین او ذهب می رد

صوب  الکفر  طاف  الدرب  می رد

علی الاصغر عطش بالحرب می رد

ابسهم  حرمله  او    ظافتّه  المنیّه

...

مصیبة    کربلاء  مدرسة   عِطشان

لبو فاضل و  ابوه  الأسد  عط شأن

وصل للشط ذکر بحسین  عطشان

دخل  بالعلگمی  او  ما شرب میّه

...

اعیونی  اتهل  دمع  دم  نزف موکب

او وظیفه اخدم شهر عاشور موکب

ابطن  گلبی  الک  یحسین  موکب

لبو  الاحرا   أون   و   ایعن   علیّه

...

زمانی اویای  محرب   محن  عدهه

احبابی   محزنه  و   إمراد    عدهه

خدمتک عندی طلبه اویاک عدهه

إولیدی  ابسجن   فک   أسره الیّه

...

النذر  بالجدر   شرشر  من وشلته

الطعم  النّاس  إرفعه   من وشلته

الأجر و إمراده یکمل من وشلته

شفاء للبیه اذه او  جربه ابشهیّه

...

گوم  ایزید من  هم  من سبأهم

جثث و أدموم سالت من سباهم

اعیالک  یبو  الیمّه  من  سباهم

انسبوا  و  أنت  إبن سید البریّه

...

إحسین  أبحر  سفینه وأنت ملنه

الرکب ینجی  ابحنینه وأنت ملنه

إبو  إلنه  و  إخونه  وأنت  ملنه

انتفاخر بیک إبن زهراء الزچیّه

...

 

شاعر اهل البیت: جاسم ثعلبی (الحسّانی) 21/05/1400

:: بازدید از این مطلب : 1408
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 21 مرداد 1400 دیدگاه‌ها (0)

لطمیه وین الانسانیّه

لطمیه وین الانسانیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

إحسین ابن حامی الجار ، إو جدّه النبی  المختار

جثّته     إو    سحگوها ، و   الخیم     حرگوها

للشام    مقصدهم  مشی   و  إعیاله   مسبیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

إلحر    امّرمرهم   ،  و    إلعطش     کاتلهم

و  إلعلگمی   او  سدّوه ، إو  لدیارهم ودّوه

إعلی  إحسین  و  إعیاله  ،   غارت   إلخیّاله

الحگ مات  و أرواح إنتهت وإلدیره منسیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

و گفوا   علی  إلثایه ، و إترفرف    إلرایه

زاد   إلهظم  بیهم  ،  إو  شدوا چفافیهم

والّی إعترض باعوه ، إبطن إلسجن دفنوه

هایه  مصایب   کربلاء   إتطالب إبحریّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

ما یرحمون إلنّاس ، إو شیّبوا حتّی  إلراس

و إلارض  جفّوها ، إمن   إلمای   حرموهه

و  إعیال   جوعانه ،  إو    کثرة   الدفّانه

نلطم  علی  حال  إلبشر  سمّوها سلمیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

فاض إلدمع بالعین ، إبظلم إلسده إعلی إحسین

إلطف  یوم  جر إجروح ، و إحنه  إسنین  إنّوح

و إلشعب  بطّاله ، و إسلاحه إلحجاره

اطّوا ضحایه إو دافعوا وإلغیره شعبیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

ألطم علی إلوالی ، مدری  ألطم إلحالی

یا  ربّی  سلّینی  ،  و   إلقهر    ماذینی

گبری او حفرته إحذای ، صعبه أصبحت بلوای

وإلفکر  شب   إبنار    تاهت  معانیّه

وین    إلأنسانیّه  ،   یهل    إلعبودیّه

جَت الجیوش إلکربلاء کلهم حرامیّه

...

شاعر اهل البیت: جاسم ثعلبی (الحسّانی) 22/05/1400

 

 

:: بازدید از این مطلب : 1207
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 21 مرداد 1400 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید