سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

#حب فاشل

حب فاشل

تگر مثل الحمامه او تشعل النیران

گلبی اشتاق الک و اشلون اهودنه

کاتلنی حنانک یجری بالشریان

الفکر دایخ علیک اشلون اسکتنّه

مثل مای العذب ینزل علی العطشان

یجری اعلی السدر باحلامی احسّنّه

ما اگدر اعوفک و انت الیه اسناد

التهب بیّه الغرام ابصبری اخمدنّه

دگّیت الصبر لهمیته بس انساک

اذا انساک اموتن سم و اجرعنّه

مدینه ابگلبی بانی او کل وجودی اویاک

احس عطرک حیاتی ابذاته امدحنّه

لا تبچی البواچی تغضب المحتار

الم بدموع عینک کاس اشربنّه

اضل سکران بیه لمّا تنام الروح

اشم بارکاد دمعاته او ابوسنّه

طلبت المای منّک و انت حامل جود

منعت المای منّی ابحربک اتهنه

کل هذا العملته اویاک و انت اتعیل

حب بالمصلحه لو غالی ادفننه

اریدن حب عفیف ابکل شکل مکشوف

حب بالعفرته مجبور اطردنّه

اریدن حب مثل شمس الضحی محبوب

حب البیه دلال او یضمن الجنّه

ما اریده ولا اریدن جنانه اویاه

ابنار الشوگ فاشل بیدی احرگنّه

شاعر الشعبی :

جاسم ثعلبی (الحسّانی) 17/06/1399

 

:: بازدید از این مطلب : 1269
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 15 شهریور 1399 دیدگاه‌ها (0)

#ابوذیّات مصارعة الشمّات

ابوذیّات مصارعة الشمّات

ارید اکرب صبخ و انثر شلب بیه

التایه بالدرب طافی شلب بیه

اشیله او محترگ لجله شلب بیه

الابو بیه فایده او ذاک الاذیّه

...

الما تشتم هوی الجارح شملهه

المصایب و الوکت بارح شملهه

العفاف الکل بنت سارح شملهه

او تصیر اهلال بعیون البریّه

...

الیضدّک یاکل احگوگک ورد لک

ابعذاب او ضیم لحفادک ورد لک

عدو اباک ما یشتل ورد لک

یسوگک بالصداقه الکل بلیّه

...

التوسّط بالمشاکل کون یرها

مثل شعره ابعجین الغضب یرها

حچی المغدور ویه الغدر یرها

السماحه اویه الغریب اتجر خویّه

...

الخانس والکرص مخلوس خل بیه

مو سکران زاد الفکر خل بیه

العنده مشکله بالبیت خل بیه

البیت ابخیر بس گلبه اباذیّه

...

احبّک گلبی یمّک مالکه انته

ابیوم الجاک شمّک مالکه انته

امن اجیک او ارتخیلک مالکه انته

تدیر الوجه و اتغندب علیّه

...

منّک شاف گلبی الضیم من شاب

رکس بهموم حبّک ذاب من شاب

کلمن ضافنی ایضن خاب من شاب

شعر راسی الفضحنی او عم علیّه

...

لا تبغی ابغرورک عوف یهلاک

تعدّل یالوراک الگبر یهلاک

الحگ مثل الگمر ینهاک یهلاک

یکشفک للخلگ ذاتک ردیّه

...

تکرهنی وانا الحنّیت من هان

ولا اود الیضدّک کان من هان

احس ویاک گلبی انکسر من هان

و انت ابکل اسف عینک جویّه

...

شاعر الشعبی :

جاسم ثعلبی (الحسّانی) 16/06/1399

:: بازدید از این مطلب : 1228
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 15 شهریور 1399 دیدگاه‌ها (0)

ها یخیی

ها یخیی

ابدی ویاک ابعتب و احچی ابصراحه

لا تذمنی و النصیحه اهلال عید

و المعالم کالرمح نابت ابسدری

بس اسحبه دمی یجری کاللعاب

انا اطحن بالهموم او بیهه انت المستفید

مو غریب انت و اصرّح لک رسایل

انا اعاتب کل اخوتی او تشمل ابن امی العجید

من اشوف ادمان بالشارع یطالع گلبی ذاب

النارجیله احساب چیله اتدمّر افکار الشباب

القرشه و التدخین تابوت المگابر

اللّه ساتر من الستعمار و ایگرّمنه باچر

ها یخیی اشگال رایک

تخلط السم اعلی مایک

شوف ظلمه الدنیا بینه او بالسماء یجری السحاب

امچردسه اعلینه المشاکل

والدهر بزنوده فاتل

السالم ابحگه یقاتل

و المریض السال بهموم او عذاب

تسحل ابجثته الکلاب

ها یخیی های تالیت الغدر بیهم املنه

صون عرضک و احمی ارضک

او ربّی اطفالک مثل تربیت اهلنه

او شد عزمنه البیهه جیّت کل بعید

العایش ابذله ابد ما هو سعید

لم خریر النازل ابدمعک یغالی

و اسگی بستان الوطن خلیه یورد من جدید

اتصیر ایّامک مزهیه او کلهه عید

اشویه احذر والحذر ثوب المعاجز

اعیون مفتره علیک اتغازل الدم بالزلازل و الرعید

عوف کلمن باگ ثوب الفرحه منّه او جالس ابربعة یزید

و الرجال التمسک الطار امن ادیهه

عفیه بیهه و الورد خضّر سگیهه

خارق الجوده العنید

ابلیله ظلمه ابهمسه تمشی ابهل ضباب

بس بعد کافی العتاب

اتوسّدینه الارض باحلام الچفافی

الگال ابن ذیچ الرهینه ابگلبه غافی

ما هو طافی اهلال وایهل ابشهامه

یرمی بالظلمه مصابیحه ابعلامه

اتحشّم  النه الارض طاب

ایرید مای اعیونه تشرب

ما  یذوب ابکل مذاب

ایرید وحده ابکل خطاب

ها یخوتی الوطن مرسومه ابگفانه

غایته عدنه الامانه

ما نذب مای السگانه او نسجی من مای السراب

مثل ما گال المثل و البیه غنعنه

ماکو مای ، او ماکو چای

هوا ماکو ، زاد ماکو ، عمل ماکو

اغنی هم ماکو نغنّی نعزف ابنظم الکتاب

و الشوارع تارسه اعیون الغمامه

و الحذر من کل خطر لجل السلامه

و الندامه اشباح مشتوله ابنخلنه

و النهایه نندفن حدر التراب

و المصیر ایدل علینه

من بچینه اعلی المذلّه اتوسدّینه

و السده اعلینه امن ادینه

اشطوط عدنه اهوای مفترّه او تناغی

ما یصح مای الشراب

عِفنه دیرتنه و اهلنه

اتعلّمینه انفرهد ابارض الخراب

والسرح بینه عِمانه ، بالمشانق هددانه

و السِلَم بینه المصاب

ینغگ ابداره الغراب

و النتیجه الیوم اگولن هالفکر عایز کراب

الهمّه عدکم یا شباب

للشاعر الشعبی:

جاسم ثعلبی (الحسّانی) 14/06/1399

 

 

 

 

 

 

:: بازدید از این مطلب : 1843
| امتیاز مطلب : 5| تعداد امتیازدهندگان : 2
نویسنده : jasemsalabi تاریخ : جمعه 14 شهریور 1399 دیدگاه‌ها (0)

#ابوذیّات ونّات البنات

ابوذیّات ونّات البنات

شجاک اشغیّر اطباعک علی مان

عفتنه او تابع الضافک علی مان

ترید اتزوعنه ابیا حب علی مان

اذکرک من تروح اترد علیّه

...

عندی اعتاب وی گلبک تسلنی

خنت ویای چا یمته تسلنی

ابیوم الجیت ما گتلی تسلنی

گعدت احذای بس اتبوس ادیّه

...

عتبی اعلی الدهر قدّار اویاک اهموم جاب النه

تتمیّل علی الغشّاک و احنه الجوع کاتلنه

ترید اتروح اگلب روح بس ترجع علی خسران

ذاک الوکت تتوسف عذاب او ضیم شاتلنه

...

لا تتبع هوی الغشّاک تابع لمت اعیالک

اسمع زین شوف العین بالحر کلهم اذلالک

شبعیت او گطفت الزاد تدری ما الک رداد

چنت عایش معاک اسنین شجاک اتعذّب اطفالک

...

لا تسکت تعذب الروح انا اویاک حاچینی

وین الوعد شو گلبیت اضن قصدک تأذّینی

عشت کل العمر ویّاک او تحمّلت التعب بجفاک

ورده او من ذبلت اترید تگطفنی او تعزینی

...

عذّب و اجرح الملچوم تتوسف و اعوفنّک

اذا لچّک زمانک یوم ترجع ما اعرفنّک

ذاک الدرب و ابعد حیل یراویک الزمان الویل

عفتنی و انا شمع البیت کافی ما اریدنک

...

اسمع یالترید اتزید زوجه او تمتحن بیهه

احذرک و الدرب مخطور عیله اتضیج تالیهه

اگعد سمّی بالرحمان لا تبغی العمر کسلان

اذا تابعت حچی الناس اعیالک من یباریهه

...

شمدحک شعتذر شصبر شطر بیک

شحرگک شبتلی ابموتک شطر بیک

شفرحک شارگص  ابعرسک شطر بیک

صنم متحوس واگف بالثنیّه

...

سرو لا وین خلّانی علی مال

جفونی و الحمل ضکنی علی مال

الحیل اخلافهم خردل علی مال

متی یا یوم نتلاگه سویّه

...

الضن من سار دمع العین جر مای

ابجفاهم ذلّه شفت اسنین جرمای

احس جرح  الفراگ انفتگ جر مای

اهادد و الدرب مبعد علیّه

...

لا تنامی و اسعی و اتهنی ابحیاة

الدنیا ما تسوا العتب و اتعاتبین

الغایه مطلوبه ابعزم و ابذکریات

ارفعی راسچ فوگ حیف اتسلّمین

...

احنه خالقنه ابکرم رب الجلیل

زهرة العالم زهینه امدللین

ما نخاف الضیج نفرح بیه مصیر

بعض منّه امن الخیانه امعذّبین

...

اقول لها یا عین ابکی کما بکی

یعقوب فی فراق یوسف فیه و انقهر

الدمع ینزف و اتی وقت الوعید

حل اللقاء و وعاء الفراق فیه انکسر

...

شاعر الشعبی :

جاسم ثعلبی (الحسّانی) 12/06/1399

 

 

 

:: بازدید از این مطلب : 3070
| امتیاز مطلب : 260| تعداد امتیازدهندگان : 55
نویسنده : jasemsalabi تاریخ : جمعه 14 شهریور 1399 دیدگاه‌ها (0)

حبیبی لا تغیب

 

روحی اتحبّک او تفدیک ، عشت کل عمری بحلامک

شفتک ورده بیک اعطور ، و احبّن عشرة ایّامک

...

انت البالگلب ناطور ، من غیرک  یسلینی

ما انساک ارید اویاک ، واگف دمعه یم عینی

...

نص اللیل افز ملچوم ، احس لو بیدی اشوفنّک

حبیبی لا تغیب ارجوک ، ما اگدر اترکنّک

...

شمس و اتنور بحضانی ، غیرک ما اود ثانی

اموتن من تشیل ابعید ، اریدک انت دفّانی

...

امن اذکرنّک اشب ابنار ، تفرّحنی او تنسّینی

تواعدنی ابوعد و اتخون ، مثل مای او تبدّینی

...

ما اذکر گصیت اویاک ، بالحر و انتظر ملگاک

علی بیتک احن و اشتاگ ، ما تقبل تدلینیی

...

احشّم و انشد الیمشون ، و اداوی اجروحی بالامی

علی تتعیّل اشغرّاک ، اسمعک طوری بنغامی

...

یا هیل او عطر بستان ، یا دله او عزف دیوان

احطّنک کحل بالعین ، بس لا تکشف الثامی

...

جاسم ثعلبی  (الحسّانی) 16/06/1399

:: بازدید از این مطلب : 1846
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 13 شهریور 1399 دیدگاه‌ها (0)

#ابو ذیّات سهام الضاربات

ابو ذیّات سهام الضاربات

تمر ترمی علی بسهام خل فاک

ترید اشعل جمر بابهام خلفاک

اذا تبنی ستر من جام خلفاک

اصیدک بالگلب مالک خطیّه

...

قصیده اکتب علیک ابنظم و اشفیک

سمعت اسهام متهه ابعظم واش فیک

احبّک و اعتنیک اغتنم واشفیک

امن احمدنّک تضل تتفخ علیّه

...

لفانی ضیمک او عسرک علی هام

و انت اویه الدهر صایر علی هم

تحشم اعدانی هاخوتی علیهم

هذاک افلان ادفنوه بالثنیّه

...

من غیّر اطباعک علی و الهاک

او ترس سدرک ذهب لو عسل ولهاک

تردلی ما اریدک بعد ولهاک

اخذ خاتم هدیته الخان بیّه

...

عبرت ابحار چتفی ارهای مل فای

غیر الچفن عندک رای ملفای

چنت حاسب علیک اهوای ملفای

اطلعت ملفاک انه . او الّفت بیّه

...

التطشّر ما یفیده العاز من ذاب

المدبر ما یتیح الداز من ذاب

الیطر فیّه ابصدیقه امتاز من ذاب

جفاه و الذئب ناطوره ابخلیّه

...

هلک کلم نکر خیّه و مس بیه

خصوصاً لو ثخن وفیّه و مس بیه

جفاه البین لو حافه و مس بیه

اخو امریته او یظل کلب الرعیّه

(حشه السامع)

...

الشاعر الشعبی:

جاسم ثعلبی (الحسّانی) 26/06/1399

 

:: بازدید از این مطلب : 1662
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 12 شهریور 1399 دیدگاه‌ها (0)

#ندگ یا باب

ندگ یا باب

ترید اتعیش حر لا تلچم المجروح

ناس احزان عدهه ابنار مچویّه

متخلبص اشمالک تندس الخیّال

الضحیّه اتصیده و اتعوف الحرامیّه

ولک ملینه منّک ما یفید اعتاب

حرگت اخضر او یابس ماکو تربیّه

گلنالک یتامه او مات ابونه الحید

او عافتنه اهلنه ابعتبه منسیّه

لبسنه اثیاب سود او حزّنانه اللیل

او ملّتنه المجالس گلنه تسلیّه

ما تهتم ابحگنه او فاح بینه الغیض

الغیره و الحمیّه ابحضنه مخفیّه

ما ننصاغ للصایغ یفلش ابیوت

لان مصدرنه من ارض الولائیه

سمعنه احسین للحریّه یفدی ارواح

او شفنه اعیال بارض الکوفه مسبیه

قبل چانت القصّه ایزید ویه احسین

او هسّه اتکررت عدنه العبودیّه

محتارین طحنه اببحر بین اجبال

النصر و الموت مرسوم ابمعانیّه

لو کلنه نموت او نفدی بیهه ارگاب

لو کلنه نضل والرایه چفّیه

عوف العفرته او تابع حقوق الناس

اذا تخشی ابخیالک ثوره عربیّه

احنه احفاد حیدر و النبی المختار

تشد بعیونّه او تسبینه یومیّه

ملّانه العطش و الجوع قبل الزود

الغلاء ویّه البطاله ابحیله شرعیّه

کلنه اسلام ما نخلف حچی العلّام

العالم ما درکنه او ذاته محنیّه

ندگ یا باب و انشوف السعاده اویاه

او یا ریح الشمال ارسلّه برقیّه

یزید الفرهد احسین او یحس منصور

و الحسین البخت ثبّت معانیّه

و احنه اتفرهدینه الظهر بعد احسین

او باعتنه التضدنه ابعتبه سلبیّه

ملّینه او تعبنه السکته عدنه الموت

الموت ایهون و انقدم تهانیّه

شاعر الشعبی:

جاسم ثعلبی (الحسّانی) 14/06/1399

 

:: بازدید از این مطلب : 1156
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 12 شهریور 1399 دیدگاه‌ها (0)

# شب های تنهایی

 

شب های تنهایی

 

تماشا می کنم عشقت ، من و شب هایِ تنهایی

 

در آغوشِ تو حس کردم ، مسیرِ تلخِ هر جایی

 

...

 

من و با اشکِ تر خوندی ، تو چشمات قصّه می دیدم

 

اسیرم پا به پایِ تو ، و از دردت نترسیدم

 

...

 

تعجّب کردم اون روزی ، دلت با من جفا کرده

 

خیانت کاری سختش نیست ، چی شد یارِ دیگر برده

 

...

 

بگو هر چی دلت می خواد ، دلیلش واسه من گنجه

 

دل و از راهِ تو بردار ، بیخود با تو نمی رنجه

 

...

 

اذیّت کردنت جوری ، سکوتت غصّه می باره

 

دهان بسته یِ دلالی ، و جان عشقت خطا کاره

 

...

 

همین امشب بگو می خوام ، صدایِ بی فریبت رو

 

رو دوشِ من بشین سر کرن ، آوازِ عندلیبت رو

 

...

 

یادت هست خاطراتِ شب ، یادت هست ساحلِ کارون

 

یادت هست زیرِ چتر با هم ، یادت هست شر شرِ بارون

 

...

 

خیانت مردنت هستش ،  فراموشی بد آموزه

 

اگه بازم نمی آیی ، دلم واست نمی سوزه

 

...

 

برو هر گز نمی خوامت ، تو زخمی کردی دل پاکم

 

طبیبم خاطراتت شد ، کفن خوابِ درون خاکم

 

...

 

خدا حافظ خدا حافظ ، تو در حقم گنه کاری

 

تو غمخوارِ دلم نیستی ، نصیبم مرگ و آزاری

 

...

 

جاسم ثعلبی (حسّانی) 12/06/1399

 

:: بازدید از این مطلب : 1106
| امتیاز مطلب : 4| تعداد امتیازدهندگان : 1
نویسنده : jasemsalabi تاریخ : سه‌شنبه 11 شهریور 1399 دیدگاه‌ها (0)

غم های آلوده

غم های آلوده

تو اوجِ حرفمون بودیم ، دلم پر درد و خود خواری

محّرم بوده حرمت داشت ، تو بوس از من طلبکاری

...

خدا حافظ تو جوری ، نبودت  شوره می باره

تنم می لرزه از دوری ، و وجدانم عزا داره

...

دنیا رو سرم افتاد ، و وقتِ رفتنت زوده

به خود گفتم که این من هست ، تو این غم هایِ آلوده

...

تعجّب کردم از حسّم ، حقیرم کرده رفتارت

تو عشقت خاطره دارم ، اسیرم کرده گفتارت

...

دلُ آسوده سر کردم ، چرا با من نمی سازی

شب وروزم به یادت هست ، تو افتادی به دل بازم

...

بیا در دیدهام بنشین ، نگو تو جونت آواره

می بینی خونه بیزارم ، چرا اشکت نمی باره

...

بگو. ساکت شدن درده ، بگو در عشقِ من مستی

بگو یارِ دگر داری ، بگو تو بی وفا هستی

...

بگو خسته شدم عشقم ، من می خوای یا سرکاری

بگو دور از خجالت رو ، تو دستم حلقه می ذاری؟

...

جاسم ثعلبی (حسّانی) 16/06/1399

 

:: بازدید از این مطلب : 1543
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 10 شهریور 1399 دیدگاه‌ها (0)

#لطمیه آخر وداع

لطمیه آخر وداع

هذا آخر وداع اویاک ، خویه الروح تتفدّاک

چا وین العهد عبّاس ، کفیلی او تندعی بیّه

حرگوا خیمة النسوان ، سبایا البیت ابن مرجان

وینک یا عضیدی الیوم ، زینب مشت مسبیّه

...

مو گتلک درب شاق ، حنینه او محمل افراق

بلیتونی بالعیال ، نسه او رضعان و اطفال

اخوتی او ضیعتهم ، او بالحومه عفتهم

زینب بت علی اشلون تطخ الراس محنیّه

هذا آخر وداع اویاک ، خویه الروح تتفدّاک

چا وین العهد عبّاس ، کفیلی او تندعی بیّه

حرگوا خیمة النسوان ، سبایا البیت ابن مرجان

وینک یا عضیدی الیوم ، زینب مشت مسبیّه

...

الدمع بعیونی من ساح ، اون لو اسکّن الناح

الشمر یفتر علینه ، ابضرب صوطه انولینه

القصرهم سرنه باللیل ، او کاتلنه العطش حیل

اتمنّی المصطفی ایشوف ، الجثث بالغاضریّه

هذا آخر وداع اویاک ، خویه الروح تتفدّاک

چا وین العهد عبّاس ، کفیلی او تندعی بیّه

حرگوا خیمة النسوان ، سبایا البیت ابن مرجان

وینک یا عضیدی الیوم ، زینب مشت مسبیّه

...

تتطمّش علینه النّاس ، یلاگونه ابدمع و احساس

الضعن یمشی او یبارونه ، ابن ازهرا او یعرفونه

اسمع هذی ضد ایزید ، یذمونه او یلعنونه

هذا اول نصر مکشوف ، حرب الطف معانیّه

هذا آخر وداع اویاک ، خویه الروح تتفدّاک

چا وین العهد عبّاس ، کفیلی او تندعی بیّه

حرگوا خیمة النسوان ، سبایا البیت ابن مرجان

وینک یا عضیدی الیوم ، زینب مشت مسبیّه

...

تتلملم علیّه احزان ، امن اذکر گعدت الخوّان

اسلیهم یسلونی ، ابجفاهم راحن اعیونی

المضیف ایزید جرّانی ، حطوا راسه جدامی

عطر و ایفوح من الراس ، عجبتهم معانیّه

هذا آخر وداع اویاک ، خویه الروح تتفدّاک

چا وین العهد عبّاس ، کفیلی او تندعی بیّه

حرگوا خیمة النسوان ، سبایا البیت ابن مرجان

وینک یا عضیدی الیوم ، زینب مشت مسبیّه

...

لشاعر اهل البیت :

جاسم ثعلبی (الحسّانی) 16/06/1399

 

:: بازدید از این مطلب : 2347
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 10 شهریور 1399 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید