سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

أبوذیّات حرف إلضاد

أبوذیّات حرف إلضاد

إلفرح  و  إلعید  روحی  ماتملهه

إبجفاء أحبابی إو نحابی مأتملهه

إبهدء       للفارگتهم      ماتملهه

أحتِضر لو ما تجی  منهم  وصیّه

***

حرف  إلضاد   إله   هیبه  وشاره

یضر ،  بیه  إلفخر  جوده  وشاره

إعلی  ناصیتی   أرسمنّه   وشاره

و أگول أنا أعربی إو های إلهویّه

***

إبکلامه  إو     نزّله   أایه    ورایه

إلنبینه إو  ربنه  أخذ  شوره ورایه

لسان  إلضاد   إله   حکمه   ورایه

إبسماء إحدود إلعرب رف بإلثنیّه

***

إثمن طعش دیسمبر تبلورتی بإلإمم

أنتِ أمیرة إلعالمُ و  نطقکَ شفانی

لسانکَ   سیفٌ   یفضحَ  کل خائنٍ

فخری بأنّی عربیٌ یا سیّدة إلمعانی

***

یا لغّة ألقرآن لجمالک إبتسمی

علمتُ بصغری  بضادّکَ  نَسبی

کتبتُ وصیّتی  و بصمتُها بدمی

لا أود إلحیاةَ  إن لم أکن عربی

***

ألضاد  و   ألذاء  و   ألثاء   مرابطنا

مفاتیح سرٍّ یُکشفَ بهنَّ کن مرتجع

لسانٌ      عربیٌّ      مبینٌّ       نزّلهُ

علی  صدر  رسولٍ   أمینٌّ   مقتنع

***

صطر حچی إلشماته إگراب وجناب

وجع  ما  ینحمل و إلساب  وجناب

إلوکت ما یسمح  إبترحاب  وجناب

إبحماسه   إو   زاد  نار إلعسر بیّه

***

شتم بیّه إلخبیث  إشراد  ماراد

منّی و   إبخلاف  إلشرع  ماراد

أبعدت عنّه أو أبد للأبد  ماراد

أموت إبعز  ولا عیشه  إبأذیّه

***

زمانی  أعلن  أجل  عمری   ولی عاد

إنقهر   مثمر  إبکل  شجره  ولی عاد

إشمودّی   إکتاب   للناشر   ولی عاد

یگلّی إحذف حچی إلبیه هم و أذیّه

***

إولیفک هم بچه إبگربک وخنلک

إشلفاه إو دمّر   أعصابک  وخنلک

هم  ضایگ  فگد   حبّک   وخنلک

إبجفاهم  هم سمعت  إشصار بیّه

***

إبنظر عینی إو علی إلیهزر بحرمای

صدقت إو  ما کذب  ودّی  بحرمای

بچت عینی علی  إحبابی   بحرمای

إبعوزی إو لا هزل شد جرحی إلیّه

***

خفیت  إبعلتی  إلبگلبی   وحدهه

إبظلام   إللیل    أبربرهه   وحدهه

روحی   إلغیّمّت    تمطر   وحدهه

إو تفیض إلبیه رده إلفار إمن إدیّه

***

أحبّک  مو  مثل  إمّک   ولا بیک

عزیز إو عایش  إبعگلی  ولا بیک

عسی کل ضیمک إبگلبی ولابیک

أروحن  فدوه إلک لا تگصی بیّه

***

لجل  حرّیتی  أجر  قلمی وداعی

أحس   سجّانهه   راعی    وداعی

صمدت إو أصمد   إلاخر  وداعی

إبمماتی أعلن و أشیل إثنین إدیّه

***

إمدوحس دم صفه شربک شرکلک

غریج إو غاطس  إبحقدک شرکلک

إلیساند  کل  بشر  برضک  شرکلک

إلظلم  و  إلجور  حدمن   یا بلیّه

***

جاسم ثعلبی ألحسّانی 28/09/1401

 

 

:: بازدید از این مطلب : 1371
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 28 آذر 1401 دیدگاه‌ها (0)

حوار دارمی بین إلبیض و إلسمر

حوار دارمی بین إلبیض و إلسمر

دار   إلحوار   أشعار شکل إلحرابه

بین إلسمر و إلبیض کلفه إلطلابه

***

إببیتی إنفجر  برکان و إلساکت إنهان

بین إلسمر و إلبیض إلحسّانی تعبان

***

ندوه إبتدت بإلذات بإلدارمی إو هات

بین إلسمرو إلبیض و إیدورن   إثبات

***

إجتمعن إبمیدان  صارن فریقین

و إتدلّعن بطوار صابنّی بإلعین

***

صار إلحچی إچویمات و أنا إبّطن بیر

شچّن إسباع  أثنین ما  أدری شیصیر

***

هاجم فریق إلبیض  و أطواره کلفات

شنهی إلسمر عبدات عند إلأمیرات

***

صاب إلرمح بإلعین  سمر إلحبایب

ینتغمن إمن إلبیض گصّن گصایب

***

شو خاله مخبولات گص إلشعر عیب

نتحاور إبترتیب  من  هسّه  للشیب

***

کلهن إخبال إلبیض ما عدهن إحساس

یتغاون إلکل  شاب و  إیعذبن  إلنّاس

***

إلبیض إلمثل   مضروب   کلّه    إلحسنهن

إمن إلسمر تسوا إهوای کل وحده منهن

***

منتن أصل  نسوان   أنتن   دعایه

و إتخونن إلعشّاگ حتّی إلنهایه

***

أسّسنه إحنه إلشوگ جایس بإلإعضام

و إلّی  نحبّه  إینوح  ما  یگدر  إینام

***

عدنه إلشهاده إثبات لیلی إویه مجنون

هل سمر صارن صیت  للّی   یعشگون

***

بیضا زلیخا إهوای   هم   عدنه   عنوان

یوسف نجی إمن إلبیر و إبحبهه حزنان

***

إنتن  بیاض   إلعین  و  إحنه   سواده

یجفی إو یصک إلباب إلما عنده راده

***

إنتن  ظلام  إللیل  و إحنه   إلفجر  دوم

إمخنفس وکتچن لیش و إیعبّی إلهموم

***

إحنه إلنهز  إلکون  و  إحنه  إلأصایل

إیشوف إلعذاب ألوان إلیتسمه عایل

***

إنتن  شبه  محراث  إبتنور  إلأجواد

إمصخم إو شابع نار متحمل إرماد

***

أعدّی إلکلام إلزاد بس گلبی ما فار

لو مانی  إلمحراث  تحرگچن   إلنّار

***

 ما نخبز إحنه إلعیش فزنه إبأملنه

ناکل   إکل  مطبوخ  یشرونه  إلنه

***

لو ما  أطبخه  إلزاد  بیدی إو أحلّیه

ماکل طبخ مطبوخ بس إلشصر بیه

***

نلعب  لعب    شطّار   ویّه   إلیحبّون

و إلّی إبشبکنه إنصاد یتسمّی مجنون

***

عدنه إلعشگ بیبان باب أحله من باب

باب  إلمودّه  إو  باب  یتسمّی دولاب

***

إلنام إبسریر إشیوخ ما عنده توصیف

بیده إلرمح و إلنّار و إلرایه و إلسیف

***

إحنه   إلذّی   إکحیلات   رکّابت  إلخیل

إنراویه ألف لوعات إلیصدمنه و إیعیل

***

إحنه خَدَمنه أجناب و أهل إلکراسی

إنجازی  إلبد  ذات  و إلگلبه  غاسی

***

عید إلحرب مفتوح لهل إلهویّه

و إلغاصب  إنعادیه  حد إلمنیّه

***

لجل إلهویّه إنکون إویاچن فرد رأی

و إنبارز  إلجزّار  و  إنسیسه  بإلمای

***

کافی إلحچی یا بیض کافی إلأهانه

إلخالقنه رب إلکون  کلمن  مچانه

***

کضّن إذان إللوم إو قرّن بأصلنه

عالی علمنه  فوگ  محّد وصلنه

***

أسمر  کحیل  إلعین   عنتر  بلیّه

إو عبله إنحنت ویّاه حتّی إلمنیّه

***

عنتر   إبن  شدّاد  و إمّه  إلوصیفه

و إبحبهم إمتازیت عبله إلظریفه

***

أترجاچن أنا إبهای  لتمسّن  أحباب

عنتر شجاع إو حید شاعر نجم غاب

***

إحنه إلنفر إلبیت و أنتن  ظریفات

کل عشره إبدینار ما تسوا هیهات

***

نلبس لبس مکشوف بإلرگصه و إنطوف

و إنتن  بدنچن  جیر  بإلظلمه  معروف

***

إحنه إلسمر نجمات و  إبلیله ظلمه

و إلبیضه  وکت إلضیج خوّافه طرمه

***

إحنه إلشِگر و إلبیض بل حب ربینه

و إلحنّه  وکت  إلعید  ترگص  بدینه

***

إحنه إلسمر للفات بلدمعه منفیض

من ندچ  بإلأفراح   تتکتّر    إلبیض

***

نوّرنه رب إلکون نحچی إلحچی إبرد

ما نعشگ إلّی خان لو وجهه  أسود

***

ودعنه کلمن مات  بإلحب  منیته

و إنزوره کل إسبوع نسمع نهیته

***

زین  إتّفقنه  إهناه  بس  بإلهویّه

و إلوطن بینه إینور نکتب وصیّه

***

عدنه إلوطن محبوب دمعاته بإلعین

إبّطن  إلگلب  فرگاه  یسعر  چوانین

***

بأوّل ربیع إلبیض  صایب  شجرهن

و إلسمر بین إلبیض ینزل سعرهن

***

کلنه بشر  یحباب  کافی  إلطلایب

مثل إلورد بألوان و إبعشگه ذایب

***

گلنه إلعتب زمّوه إیطشّر  بإلأحباب

حب إلبشر مریود إیدمّرنه لو غاب

***

اسف حچینه إهوای  ماکو  حمیّه

بیض إو سمر خیّات برض إلوطیّه

***

إنتن  ستر   للدار ما  أحچی  هیهات

بیض إو سمر بإلعین کلهن جمیلات

***

کلنه عرب  و أحباب ما عدنه منحاز

ولّدنه کلهه إبطال فی أرض إلأهواز

***

إلتفرقه إتشت بإلناس و إلوحده عنوان

و إلیطش  بإلخوّان  ما   ضنتی  إنسان

***

إتّحدن  إبفرد  إسلوب    کل   إلفریقین

بیض إو سمر خیّات کل حاجب إو عین

***

إمن إلندوه و إمجفیات کتبن عریضه

ما  بیهن   إمطفیات   کلهن  فریضه

***

جاسم فرح و إمتاز شاف إلعجایب

و إیهوّس  إبترحیب  ویّه  إلحبایب

***

 

جاسم ثعلبی إلحسّانی 24/09/1401

:: بازدید از این مطلب : 2606
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 23 آذر 1401 دیدگاه‌ها (0)

شجار دارمی مفتوح بین إلطویله و إلقصیره

شجار دارمی مفتوح بین إلطویله و إلقصیره

شچّن حرب مفتوح  و إسمع هذیره

بین إلطویله أشعار إو بین إلقصیره

...

خیّه   إلطویله  أسناد   للّی یعزبون

شنهی إلقصیره إرماد بإلدوّه مدفون

...

عوطه   إلطویله    إتمیل    تحثر  بإلتراب

إلعیبی إلقصیره إتکون بحضون إلأحباب

...

زمّی إلطویله إتغار ما تحمل إلعار

مثل إلقمر و إتنور ما بین إلقصار

...

إمدحلبه وکت إلشیب عینی  إلطویله

لو طخ حملهه إبللیل من هو إلیشیله

...

شبر إبفتر یا طول  تدّهرب إحذای

کاس إلطویله إحزام شایلته ویّای

...

عدنه   إلجمال  أنواع  و إنخبّل إلمار

یمشی عوج لو سار و  إبحبنه یحتار

...

هه هه إلقصیره إتموت لو تمشی إبطین

إتعاشرنه ویّه   إلمای   عیشت  سلاطین

...

عینی إلطویله إغراب من تحثر إتطیح

مغروره  بین  إلنّاس  ما   تستر إتبیح

...

إشگد وکحه من تحچین بالچ تهینین

عینی إلطویله ألماس متعلیه بإلعین

...

یا ذهب  یا    ألماس  زرّافه   چنّچ

و إلّی خذاچ إحتار کل ضیمه منّچ

...

عندی إلفشایر  عیب  عگروگه  بإلمای

وصخه إلخذاچ إحتار ما یشرب إلچای

...

أنا إلقصیره أمتاز محبوبه بإلعید

نص ثوبچ أتردّاه ما عندی تردید

...

إیلوگن ثیاب  ألوان کلهن  علیّه

و إنتی إلسواد إویاچ طایح بلیّه

...

ألتف إبحضن  إهوای  من یبرد  إللیل

 و إنتی إلطویله إشلون سیگانچ إتمیل

...

أنا إلأدفّی إهوای من یبرد إحذای

نتحاضن أنا إویاه   یتمنّه   ویّای

...

مثل إلجبل لو   طاح  کلّش   ثجیله

و إبحضنچ إلمخنوگ یا هو إلیشیله

...

أنا إلقصیره أرتاح ریشه إبحلگ مای

و إلّی شبگنی إو  نام  یتوسّد إچلای

...

أنا إمن أطر إلسوگ إتصفّگلی إلنّاس

و إلیحمد إلجرذان ما عنده إحساس

...

إلحب لو طویل إحذاچ من یگبل إویاچ

إبنیته    تتسمّین   و  إلشافچ   أطراچ

...

گلبچ خبث متروس عینی إلطویله

و إلّی هواچ   إحتار کلّش  ثجیله

...

بإلناصیه   مکتوب   خبث    إلگصیره

إتخون إلیودهه إبساع من تلگه غیره

...

إمن إلگلت و إلگال خالی گلبنه

و إلعاشرانه إرتاح یشفیله حبنه

...

چنّچ عمد بإلدار و  إهطرّه خطّار

و إلضافچ إتحدّاچ ما یطفی إلنّار

...

بإلحرثه  و  إتزفّین   چنّچ   حمامه

بس أخشی تنسحگین مثل إلعلامه

...

إنچبّی ولا تحچین عدنه إلفرح دوم

و إلّی لچحنه إیموت إیتابعنه مالوم

...

بإلعالم إو  تدرین  عالی  علمنه

إحنه إلطوال أعزاز عند إلیحبنه

...

إحنه إلنظر بإلعین شکل إلغزاله

و إنتن جمل  بإللیل ینکر خیاله

...

شب إلجمال إویای مو  إنتی أمیره

بإلطاسه و إتغرگین عینی إلقصیره

...

هم شفتی من تمشین إبرجلچ تخطّین

بیهه إلطویله   أطباع  تنکر    ملایین

...

ثوب إلعرس نیشان  من  کیفه  معلوگ

إو بینه إلعبایه إتلوگ من إنطر إلسوگ

...

عدنه إلحسن معروف ما عدچن إحساس

و إلشعر   مثل  إلتاج   متعلّی    بإلراس

...

إحنه  إلحسن   حفناه  لایج  علینه

و إلحنّه بیهه إنگوش رگصت بدینه

...

من تمشن إمحدبات  مگطوعه إلأنفاس

و إحنه إلننظره إیطیح من نرفع إلراس

...

بل مشی  معروفات  طوبه إو تدهرب

إو حدر إلطویله إتروح لو یمهه تگرب

...

گصبه إو تطخ و إتطیح شو صرتی بلوه

ثوبچ   جمیل  إویاچ  مو   إنتی  حلوه

...

أنا   إلطویله   إحزام   للضایج    إرماح

و إنتی إلقصیره إضماد ما تنطی للطاح

...

إحنه إلگصار إنجوم و إلخلقه مو عیب

خلّه إلیگول   إیگول  حطّیته  بل جیب

...

أنا إلطویله إلبیت ضاوی إبوجودی

بإلصدگ لو حبّیت  أوفی إبوعودی

...

تغرگ إبجدر إلفوح شنهی إلقصیره

تخدمنی تلبس طوگ و أنا إلأمیره

...

کافی   کلامچ   عیب   مغروره   چنّچ

إلعاف أهله و إلتبعاچ کل ضیمه منّچ

...

عینی إلطویله إویاچ خرّبتن إبیوت

إلطشّر   إلخوّان   بمثاله     منعوت

...

هه هه إلتزف کل یوم للملّه ختّال

تتعنّن  إلسحّار  و  إتبذلن   أموال

...

عادلچن    إلمکیاج     ساترچن     إلخوف

إو من تمشن إمطفیات و إتردمن إبطوف

...

یا مردی مال  إغماگ  مو للسطوله

مجدافه بإلمشحوف و إمحلیه طوله

...

شوفی إلگصیره إثبات لو مالت إتصیب

لا إنتی  مالت  عید  لا   مالت  إثغیب

...

لا تشعلین  إلنّار  بسّچ   یدولاب

إحنه إلنحبّه إیهیم یتوسّد إلباب

...

إلیدخل گلبنه إستاد یتسمّی مجنون

و إلّی یعذب إلروح  نرمیه  بإلعیون

...

بل عگل مجنونات مو بل محبّه

یا ویلی مغرورات  کلچن مچبّه

...

إحنه إلنحبّه إیعیش مثل إلملک دوم

إو لو راوداه  إلعوز ننزعله   إلهدوم

...

إلتابعوچن   دوم     محّد   لگاهم

بس شفنه ملک إلموت یفتر وراهم

...

إحنه إبره و إنتن خیط خیّطنه بیچن

بس   شفنه   إلثولان   تفتر   علیچن

...

إبره إنتن إحنه إخیوط جنس إلکلبدون

و إلتابعوچن حول  ما   ظن   یشوفون

...

إحنه إلشمع بإلدار و إحنه إلوشیعه

مثل   إلگمر   بإلعید   بإوّل   ربیعه

...

شنهی إلگصیره إحجار بل عبره تغرگ

دوستهه بإلرجلین   و إبلحظه  تنطگ

...

إحنه إلنجم بإللیل   و إحنه إلمسامیر

إلحب إلنه إجناحات بیه نگدر إنطیر

...

مثل إلنخل  بإلدار  عالی علمنه

متعجبه بینه إلنّاس محّد یذمنه

...

إحنه إلتفگ بإلضیج و إحنه إلشواجیر

نرمی إللذّی بد ذات ما  عنده تفسیر

...

إنتن  تفگ    فتّاک   بس   یغبض    أرواح

إو شدیته عزمی إویاه إو حامیته من صاح

...

إحنه   إلگمر  و إنجوم  و إنتن مراویح

عینی إلطویله إبطین من تمشی إتطیح

...

إحنه إلنحش غمّان و إحنه إلنحط حد

و إلنسل منّه إلیوم  من  جد  إلی جد

...

شنهی إنتن إمعزبات لو وجبه تلفاه

إلیامر  علیچن   نار  و إتگبّن  إویاه

...

إحنه إلطوال إسناد ملزومه بإلدار

خطارنه   بالاف   و  إنعزّب   إلمار

...

حدبه إبکبرهه إتصیر شوف إلطویله

إتشیّب إبساع إتموت تذهب علیله

...

دبّه إلگصیره إتصیر من تکبر إتفوح

تدّهرب إبکل ریح من تکسل إتنوح

...

مثل   إلجمل   بإلروض  عایف  عمامه

و إحنه مشینه إحساب مشی إلحمامه

...

إنمتّر   إلگاع  إمتار  مو  نشبر  إشبار

بینه إلوصف منعوت ما تاجد إعذار

...

شعر إلگصیره إینور من دگ للحزام

و إلشافه ظل سهران ما  یگدر إینام

...

شعر إلطویله إعلام من رفرف إیشیخ

ویلی إلگصیره إتضیع  بین إلصلابیخ

...

إلعیبی إلگصیره إتنور لو دخلت إلسوگ

إید   إلطویله   إمتار   متعلمه    للبوگ

..

إستمعن یبعد إچلای صار إلحچی إهوای

کل    إحنه   مخلوقین    قبلنهه    ویّای

...

شفنه إلطبیعه  ألوان  مختلفه  إلورود

بیض إو حمر خشنات بإلروضه موجود

...

بیض إو سمر وردات منهن طویلات

إیبثّن  عطر  للنّاس   بعیونی حلوات

...

ربنه إلخلقنه   أشکال   موجود    إلإثبات

 عدنه إلطویله أجناس إو عدنه إلگصیرات

...

بدر إلطویله إینور إو شمس إلگصیره

و إلیحب   حگّه   إینوح   یکثر سهیره

...

کلچن ذهب طیبات بعیونی وردات

بس إلفتن   مو زین  إسحگنّه إلفات

...

إتصافن إو کلنه أحباب إلتمّن علیّه

باسنّی    بإلوجنات   لجل    إلهویّه

...

أختم حواری  إویاک  ما  أگدر أنساک

أنت إلگلب و إلروح ظل گلبی یهواک

...

 

جاسم ثعلبی ألحسّانی 22/09/1401

:: بازدید از این مطلب : 5522
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 23 آذر 1401 دیدگاه‌ها (0)

گوله تراثیّة قدیمة أهوازیّة تقرأ فی عمل ألنساء و ألأفراح و ألأعیاد

گوله تراثیّة قدیمة أهوازیّة تقرأ فی عمل ألنساء و ألأفراح و ألأعیاد

یالشایله إلکاره

یألشایله إلکاره ، هله یمه إو هله

أهلچ بإلعماره ، هله  یمّه إو هله

...

دربچ خطر و إبعید ، هله یمّه  إو هله

حطّی   إستراحی ، هله   یمّه   إو  هله

شمنبّت إلعگّید ، هله   یمّه   إو  هله

برض إلصباخی ، هله   یمّه   إو هله

...

طابج له زخمه إو ثوب ، هله یمّه إو هله

عود إمن إلأجواد ، هله   یمّه    إو   هله

و إلما تریده إلروح ، هله    یمّه   إو هله

جالی إعله إلإفّاد ، هله   یمّه    إو هله

...

و إتگلّی إمّی إخذیه ، هله یمّه  إو  هله

هذا إلسِدانه ، هله   یمّه     إو       هله

محرص طعام إلگیض ، هله یمّه إو هله

بعروگ   إذانه ، هله   یمّه   إو     هله

...

بینی لبین إهوای ، هله  یمّه إو هله

برگه إو تبارگ ، هله   یمّه   إو   هله

حبنی سبع حبّات ، هله یمّه إو هله

خاف إنتفارگ ، هله   یمّه   إو هله

...

و أرد ألبس إعله إهوای ، هله یمّه إو هله

دشداشه زرگه ، هله   یمّه     إو       هله

حتّی أللّه ما یرضاش ، هله   یمّه  إو  هله

هاکِثر فرگه ،   هله     یمّه     إو      هله

...

خلونی یهل إهوای ، هله یمّه  إو    هله

راعی إبغنمکم ، هله   یمّه     إو    هله

چسوه إو فصل ما رید ، هله یمّه  إو هله

بس شوف إبنکم ، هله   یمّه   إو   هله

...

و إتگلّی إمّی إخذیه ، هله   یمّه  إو هله

أگرع إو شایب ، هله   یمّه     إو    هله

جبت إلمشط و إلطین ، هله  یمّه إو هله

ماکو گصایب ، هله    یمّه     إو     هله

...

یهوای إإمشنه ، هله    یمّه   إو   هله

من دیرة إلینهون ، هله   یمّه  إو  هله

ما یلحگ إلطالوب ، هله  یمّه إو هله

غابت شمسنه ، هله   یمّه  إو   هله

...

مد إیدک إعله إچلای ، هله یمّه إو هله

چن مانی طیبه ، هله   یمّه   إو     هله

و أنت إلتشد إلرأس ، هله یمّه  إو هله

مثل إلأحبیبه ، هله   یمّه   إو      هله

...

من حلگه صب رهوال ، هله یمّه إو هله

دنّگ یحبنی ، هله      یمّه    إو      هله

شمیته عطره إیفوح ، هله  یمّه  إو هله

یم أهلی غثنی ، هله   یمّه   إو   هله

...

شلهه غرض هألنّاس ، هله یمّه إو هله

رجلی أرد أعوفه ، هله    یمّه   إو هله

صاحت علیه ألنّاس ، هله  یمّه إو هله

ما أرید أشوفه ، هله   یمّه   إو   هله

...

و أکره شمال إلهاب ، هله یمّه إو هله

و إلشرجی أحبّه ، هله   یمّه   إو  هله

صبّح یگلبی إلیوم ، هله یمه  إو هله

یبچی إعله ربّه ، هله   یمه  إو هلّه

...

لشاعرها و شاعرتها منقوله من إلوالده جسم سالم ألمسعد

جمع و تقدیم : جاسم ثعلبی ألحسّانی     30/07/1401

 

 

 

 

:: بازدید از این مطلب : 1526
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

گوله تراثیّة أهوازیّة نسائیّة ترددّهنَّ ألنساء حین ألعمل و ألفرح

گوله تراثیّة أهوازیّة نسائیّة ترددّهنَّ ألنساء حین ألعمل و ألفرح

الحلو لابس بهلویّه

أرید    أروح   لمسیس   إلچباسی

و أضچّر کل فتی عاشگ  إو ناسی

إبحضنک  یا  حلو   لکسر  نعاسی

مخدّة   ریش   و   إلکلّه    هویّه

إلحلو لابس بهلویّه

...

تخیّرتک      یبیّوضی     یعالی

تخیّرتک عله سلفی إو  عمامی

تخیّرته إو لگیته  إگماش حامی

أکضّنّه   إیتملخ    بین    إدیّه

إلحلو لابس بهلویّه

...

إخذنی إو طیر بیّه إلعلوة إلکوت

روحی  إمن إلشرایچ  رایحه إتموت

بنات إلخال  إذا   گعدن  بإلبیوت

ذبّن    عارهن     کلهه       علیّه

إلحلو لابس بهلویّه

...

إخذنی   إو  سیر   بیّه إلبیت لافی

عرب    کفّار    ما    عدهه   ملافی

إطّونی إصهیوتی إو  خلونی أجافی

هلبت   بو   زلف   یبدی     علیّه

إلحلو لابس بهلویّه

...

إخذنی  إو  طیر   بیّه  إلبیت لفته

إحصانی إمن  إلطرد مشلوعه دفته

إصواب   إلبیض   بإلدرگه    لگفته

إصواب  إلسمر  ما  عاد   إلوصیّه

إلحلو لابس بهلویّه

...

أرید  أروح  للّه   بألف   حاجه

و أخاف  أطیح  بمجفف دجاجه

ما عنده   خلگ   تابع   نعاجه

یحسب  بیضهن   لاچان  میّه

إلحلو لابس بهلویّه

...

شفت إلحلو  بإلصوباط جاعد

إمزنّد و  إلنهد  فنجان  جاعد

أنا برجاک سبع  إسنین جاعد

لما یحلی  إلولد و إیطر علیّه

إلحلو لابس بهلویّه

...

أمر     إبدارهم   و   أگول   ویلی

مثل عجد إلگصب مرضوض حیلی

إمبارک   من   هویتوا  عاد  غیری

إبعرضی   لا    تتهمونی    إبردیّه

إلحلو لابس بهلویّه

...

ذاک إلصوب هأل شرّن یزرهن

ما عندی  شریّه  و أشری منهن

یکلفنّی  إبندامه  من   أمرهن

بس  إغرابی   ینغگ   بإلثنیّه

إلحلو لابس بهلویّه

...

أنا إبرجواک سبع إسنین جاعد

سبعه و أربعه إو سبعین جاعد

أبد ما أخون  بس  أنتظر جاعد

لما یاتی  إلوعد  و أنا    إلوفیّه

إلحلو لابس بهلویّه

...

أظل   برجاک   یبن   إلنّاس یولا

أهاب  إلشامت   إلمغرور    یولا

علیک ألعب لعب لو خنت یولا

و أخافنّک   نغل  و  إتخون بیّه

إلحلو لابس بهلویّه

...

لشاعرها إو شاعرتها ، منقولة من ألوالده جسم سالم إلمسعد

جمع و تقدیم : جاسم ثعلبی ألحسّانی   01/08/1401

 

 

 

 

:: بازدید از این مطلب : 1445
| امتیاز مطلب : 1| تعداد امتیازدهندگان : 1
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

گوله تراثیّة أهوازیّة ترددها ألنساء حین ألعرائس و ألأعیاد

گوله تراثیّة أهوازیّة ترددها ألنساء حین ألعرائس و ألأعیاد

شفته عبر جدّامی ، منگوش نگش إلشامی

نخیت أللّه إو عمامی ، ردّوا  ولفی   إلیّه

...

شفته یمشی ذاک إلصوب ، وإمسرسح إردان إلثوب

و أرکض  وراه   إچّندوب ، گطّعت  إعصب   رجلیّه

ما طب بیتکم  بیه  حیّه

...

شفته عبر مچریّه ، و إمسرسح  إلخاچیّه

و إلشمس تگطع بیّه ، یا حبّت إلعلویّه

من کل  مرض  تبرینی

...

شفته برض إلمحلّه ، یلگط   بحجیره    جلّه

شایب یا مال إلعلّه ، امحطّمنی و إماذّینی

...

شفته    بإلغنم   سارح ، نسّم   یا   هوا    بارح

علی إلحلوه إم صندیحه ، و إلزلف ینگط ریحه

...

شفته بإلبیت إوحیده ، نگش إلبطّوش إنهیده

دنگت أشم  إخدیده ، شمّر  زلفه  إو عمانی

...

یهل إلتمّن یهل إلبوه ،  عبروا محبوبی عبروه

وأللّه   لوما   عبّرتوه ، لاخذ   فصل ست میّه

...

شفته جالس یم إلشط ، بیده قلم یکتب خط

لا یا   نغل   یملگّط ، جیب   إلبلم     عبّرنی

...

شفته علی   إلدبدابه ، إیخیّط   رفیع    إثیابه

صحت یهلی إو یایابه ، و إمن إلغبر طلگونی

...

شفته عبر شط إلبشّر ، مدگوگه صفحه إبسبع إبر

ردنه   إلصغیّر   ما حصل ، ذبّوا   علیّه    إلدربله

...

شفته یمشی ذاک إلصوب ، لابس زخمه فوگ إلثوب

و أرکض   وراه   إچّندوب ، گطّعت   إعصب رجلیّه

...

لشاعرها إو شاعرتها منقوله من ألوالده إم جاسم

السیّده جسم سالم  إلمسعد  أطال  ألله   بعمرها

جمع و تقدیم: جاسم ثعلبی ألحسّانی 06/07/1401

 

 

 

 

 

 

:: بازدید از این مطلب : 1488
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

دارمیّات تراثیّة تردّدهنَّ ألنساء ألأهوازیّات حین ألعمل و ألعرائس و ألأعیاد

دارمیّات تراثیّة تردّدهنَّ ألنساء ألأهوازیّات  حین ألعمل و ألعرائس و ألأعیاد

لو عراء رجلی أچسیه رجلی أمن ألأبطال

و إثنعش جزّة صوف   بس  گلب إلعگال

...

تطلع شمس و إتغیب إبحوشک یملّاء

و إبراسی دار إلشیب إو بعیونی خلّه

...

إعلی إلجسر  ونّیت  و أذکر   دلالی

و إبعینی شفت إهوای محّد حچالی

...

خو جاورونه   أجناب   زلفچ    تلمّیه

باثه إو حضن و إشمال لا ینزهب بیه

...

و إتگلّی  یمّه  إخذیه  هذا إلسدانه

محرص طعام إلگیض بعروگ إذانه

...

من ساعد إعلی إلضیم  بس  إلجگاره

تصگط علی إلمجروح و إتطفّی ناره

...

یألرایح   إلعمی   گلّه   و   جلّه

نهد إلیشیله إلثوب فایت محلّه

...

أللّه  إلیجوّیک   یگلبی   إعله    إلضیم   أللّه    إلیجوّیک

گلّی إشیظل بیک هم أو تعب و إفراگ گلّی إشیظل بیک

...

خلینی أودع  إهوای  للشط و أردّن

و إلجدم ظل حیران و إدموعی چتّن

..

هذا أنا حد  ممشای للحی وراهم

باعونی بیعت سوگ فتگ إلولاهم

...

بینی لبین إهوای برگه إو تبارگ

حبنی سبع حبّات خاف إنتفارگ

...

یهل إلرحم  ردّوه  خالف  نصیبی

کض إلدواء او بدّاه جاهل طبیبی

...

أرد  أنحدّر  حدّار  و    إبشط    إلعراگ

و أرد أنشد إلعشّاگ شنهی إدوا إلفراگ

...

صب دمعی إعلی إهوای دم یصبغ إلجز

و إلّگه إولیفه إحذاه عونه  إلغفه إو فز

...

 لا تمّن   إلنسوان     زیبگ    حچیهن

و إحذه  إلغریب إشلون نکرن ولیهن

...

سلمنی     إعله    إهوای   یا   غندراته

شیعه إو صفت عدوان چا شنهی ذاته

...

صایح إو مچفی إشلون یألصحت و أومیت

من شفته موش إهوای   دنّگت   و جفیت

...

حطنی إبسدر مشحوف و إمنین خایف

أهلی شگص معدان و أهلک طوایف

...

جیت   أنشد  إلبرهان   خلّانی    إو   طار

أنشده إعله ساهی إلعین و إبیا قصر صار

...

صوباط أسوّی إلمای و أگعد إبفیّه

حتی إلجنین إلصار یضحک علیّه

...

أرد أشبگ إعلی أهوای بإلدّنیا شیصیر

لو حبس  سبع  إسنین لو راسی إیطیر

...

و أگعد إبتالی إللیل و أندب محمّد

یا ما  خذیت  إهوای  گلبی   تسمّد

...

تطلع شمس و إتغیب عند إلمگاصیص

أنت إلبدن  یهوای  و   أنا  إلتخاریص

...

ردتک  دلع  یهوای   بس   بإلتراچی

خلصت بگایه إلروح بس بیهه باجی

...

کون إلعزیز  إیصیر  ترچیّه   بذنی

إلگمت و إلگعدیت بإلخد یحبنی

...

کون إلعزیز إیصیر بضلوعی شامه

و أگضی إلعمر  ویّاه  ماکو ندامه

...

ما بعد  أونن   ثاری  إلیون    حزنان

کلهن یخلّن و إضلوعی إعلی أهوای

...

و إیدوسن إعلی إچلای گامن یعیلن

و إنطینی مهله إلیوم  باچر وأشیلن

...

لا تلتفت   یهوای    طولک    عرفته

إتراب إلحدر رجلیک مای إو شربته

...

و إلبیدی و إلبالگاع  و إلعله   إمتونی

ما أجوز أنا إمن إهوای لو گطّعونی

...

من هو إلوگف ویّاچ ینشدنی خالی

و إتعذّرت   ویّاه     گتله     خیالی

...

هذا أنا طبعی للصاحب أسری بیه

عافونی   ربعی  چی طمع ما بیّه

...

ها شنهی ذنّی  سود  إلعله إلمتنین

هل سودننّی دشّن إبراسی إجنون

...

یا بویه   أهینک   طاحوا علیّه أجواد

بصبیهه عینک لحمی مدچ و أچویه

...

طابج له زخمه إو ثوب عود إمن إلأولاد

و إلما تریده  إلروح  جالی  إعله   إلإفّاد

...

یا عمتی و أم إهوای لکبر و  أجازیچ

من یرحن إعیونچ بإلنگره أدهدیچ

...

و إستوحدنّی إلبیض و إسلاحی فاله

مدفونه  حدر  إلگاع  راس   إلشلاله

...

یا عمتی إم إهوای بیعی   إلهوایش

و إلفگر و الشبعان عند إللّه عایش

...

صابغ إهدومک لیش های أنا عدله

لو گطّعونی إبسیف عشگک مبدله

...

بینی لبین  إهوای  برگه  إو  تلطلط

لو ما تجی إبرجلیک ما ینفع إلخط

...

شفنه  إلحلو  شفناه إبدیره أجنبیّه

أسکنت إلغرب  یهوای  غصباً علیّه

...

ودیته یشری إشطاف جایب لی شیشه

هذا  إلوعد   ویّاک   یبن   إلکدیشه

...

و ألواشی  وین  إیرید  یبرا  إلضعنّه

خافنّه ینطی إفلوس و إیطمعه إلنه

...

و إلموت إجه إو خلّاه و إلحیّه طارت

لا من خطا  لاگاه  لا   عرکه   صارت

...

ودیت إله إو ما إجاه دمعی إبعرکشین

عاده إلملح و إلمای گلبی  صفه إطحین

...

ودیته إله إو ما إجاه بس گلبه أسود

من صحت  وین  إهوای  گام  إیتلبد

...

شوفه  عمل    دنیای     ذبّتنی     بإلمای

و إهمومی إمطفحات و إلکوسج إحذای

...

و أرد أخذ إلغمّان  و أنحدر بیهم

کل أربعه إببیضه من یشتریهم

...

لا تطری بإسم إهوای هذا إصبع إو عاب

مثل إلکتل  له  إدموم   بدیار   إلأجناب

...

أرد أنحدر  حدّار  و إبشط   شراشوم

و إنخالف إلضرعان و إنذب إلهدوم

...

إلحاجه حجّه جیت إعلی شوف إهوای

گلبی  إلیفژه    یلگه   الچواوین    بیه

...

بس أطلع إمن إلباب للجبله عینی

لا هو ولی ونساه  إو لاهو  جنینی

...

بضلوعی و إتهبشین موش إعلی جاون

گص  منجنه   یهوای   خلنه    إنتعاون

...

چوّر و  إمشنه  من  دیرة   إلینهون

غابت شمسنه ما یلحگ إلطالوب

...

شوفی نصیبی إشلون یمشی إعلی عزّه

لا ینحرم   و   إیطیح    حطوله     رزّه

...

إنصبوا تخت لهوای یهل إلگهاوی

لا یسقط  إلفنجان  منّک  یقاوی

...

ونّه إعله ونّه لن  إلعمر خلصان

یل بیه محنّه یشبع ونین إویای

...

یا خوتی یألعشّاگ و الشایب إنباگ

هلبت یذبّه إلحوم و اخذ له إلراگ

...

إشلون أگول إهوای و إشلون أخلّیه

ذاک إلیعوف إهواه ما  ینزمط بیه

...

بیه  کتلتینی  سن   إلذهب   ذبّیه

و إلکاغذ إلوجنات و إلحنچ دینی

...

و ندب محمّد و أگعد توالی إللیل

حض  إو تسمّد  یالماخذیت إهوای

...

هذا   إلغدیر   إدموع  مو  مای إلمطار

علمنی عألشوطات بیت إلعشگ طار

...

ما أریدک إو ما  أرید  حچیک یچذّاب

ذاری و أعرف إلبیک  ما تسوا إلعتاب

...

یهلی   ظلمتونی   ربکم     ظلمکم

لحزن ولا أگص إلراس لو جد علمکم

...

شنهی إلذنب ویّاک و أنشی إبعودی

و إلعوذه عیب إتفید کتبت إیهودی

...

یا یمّه رجلچ خوش و أنا  إمّدانی

ما یندل إلوجنات حبنی بذانی

...

و أنا إشگلت  لک خویه بو بلم  عبرنی

چلچل علیّه إلرمان و إلنوم حارم عینی

...

 یا جارتی إتونین شنهی إلقضیّه

و إلزاید إمن  إلضیم ذبّیه علیّه

...

و إلواشی و إلنمام  موش  إمن  إلأسلام

و إسمع إلواوی إشگال یوم إلعوا إو نام

...

یا یمّه   لتلومین    شورچ    مریده

و إلهملی صم إتراب و أتوسّد إیده

...

خل إلغریب إیفوت بن عمّی أبده

هوّه إلیشد إلعین لو طحت رمده

...

مرّیت أنا بإلدار وحشه إو خلیّه

ما فژّت  إعله  إلغیر  فژّت علیّه

...

صابغ إلحیته إلعود صبغ إلقنادر

و إیجلّب  إلمطّال  صایر لی نادر

...

أربع گصایب سود و أربع  گلاید

تحچی إبعرضنه لیش یألمنته راید

...

أربع گصایب سود حدرچ یشیله

عدنه  إلترف بدّای طولی   یلیله

...

ما أرافج  إلبدوان   وأحچی حچیهم

و إلما حچولی إبطیب چا شلّی بیهم

...

سم أطحن إطحین مطحن إبهم إهوای

شفردنی  منهم  چنّه   إبجسد روحین

...

یتلولح     إیگولون   ما شفنه    طاحت

بس گلبی داسه إلضیم کلهه إستراحت

...

و أصعدت للّه إو جیت گلّی إلصبر زین

هسّه ألتفت و أنطیچ من رمشة إلعین

...

یألبصره  إجاچ  إهوای   لا تنکرینه

شایل إخیوط أثنین و إبراسه هینه

...

سوء گلبک إمن إلگاع دوس إلثنیّه

ما شفنه  واحد  مات  غیر   إلمنیّه

...

من حاکمک و  أبراک یا  ترف گلّی

جرحین إلک و إشهود یدّن هذنّی

...

بین إلجرف و إلمای بطّه إو صدتنی

تکسر  إجناحی  لیش  یألما   ردتنی

...

مرّیت أنا بإلدار وحشه إو خلیّه

صبّن دموع إلعین  غصباً علیّه

...

مرّیت أنا بإلدار وحشه إمن إلأحباب

صبّن دموع  إلعین  و  إبعتبة  إلباب

...

حطّیت نوبه  إعلیک و  إمّک  تنسّه

عند أللّه وین إتروح یألخنت هسّه

...

متعنیه للعبّاس و أمشی إعلی إضفری

ما أریده یمحی إذنوب ینطینی ولفی

...

مرّیت أنا  إعلی إهوای  یاکل   إبدیری

یضحک چذب ویّای عینه إعلی غیری

...

صب إلنده إعلی إهوای و إبکوصر إلبیت

کتر   إلعشه     لیغاد   بإلسم     تعشّیت

...

لشاعرها و شاعرتها منقوله من ألوالده جسم سالم إلمسعد

جمع و تقدیم : جاسم ثعلبی ألحسّانی   16/07/1401

 

 

 

 

 

 

 

 

 

 

 

:: بازدید از این مطلب : 1467
| امتیاز مطلب : 1| تعداد امتیازدهندگان : 1
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

أبیات تراثیّه تردّدهنَّ ألنساء ألاهوازیّات حین ألعمل

أبیات تراثیّه تردّدهنَّ ألنساء ألاهوازیّات حین ألعمل و إلشاعره

إو إلمتقدّمة علیهنَّ تقرا إلنظم و المتابعات یکرّرنَّ کلمة (حمیه)

حمیه   لولبه   حمیه  ، طاح   إعرانی   حمیه

من   جدّامی   حمیه ، من  یلگاه  إلی  حمیه

لهدیله  طلی   حمیه ، من  غنم أهلی حمیه

من شلبوها   حمیه ،  ما    حضروها   حمیه

حاضرها علی حمیه ، خیر إمن  إلولی حمیه

ویلی  إلویله  ویله ، زلف  و  إنخیله  ویله

...

إمشینه للمضیف إنضیف ، لیش إنبات  بإلهیمه

هیمه  و  إلدرب خالی ، حلوه   رفجت   إلوالی

هله یا عابد   إلمولی ، علی   إلمیمون    شدّوله

...

دلونی   یخلگ   ألله   إلشریعه    إمنین

ارید أشرب إمیّه  و أستحی إمن إحسین

...

تجنّه  لو   نجیچن  یا  إبنیّات

علوه إو نصّصتهه إلساعدیّات

...

همّن لا یبرد قوریچن ، عیش إلسیّاح إمتانیچن

...

أهلنه یا إبیوت إلسود ، أهلنه  داگّین إحدود

أهلنه بإلمطر و إلزود ،أهلنه و إلولی  موجود

...

خاله تمشینه گطعتی  إگلوبنه

أللّه   لا   یطی   إلما   یطّینه

یطی   لاخرته     إو     دنیا

مدی  إیدچ  مدی إیدچ ، أللّه إیخلّی إولیدچ

مدی  إیدچ  للحواس ، أللّه   إیخلّی  إلدوّاس

مدی   إیدچ   نوبتین  ، ألله   یخلّی  إلأثنین  

مدی إیدچ  للمصفعه ، ألله  یخلّی إلأربعه

...

لشاعرها أو شاعرتها و منقوله من إلوالده إم جاسم

السیّده  جسم سالم  إلمسعد أطال ألله  فی  عمرها

جمع و تقدیم : جاسم ثعلبی ألحسّانی 2/07/1401

 

 

:: بازدید از این مطلب : 1093
| امتیاز مطلب : 1| تعداد امتیازدهندگان : 1
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

دارمیّات معطّرات

دارمیّات معطّرات

وین ألتجی یا ناس من شکّة إهوای

بإلسانه یرمی إسهام صابانی بچلای

...

چا وینه حچیک ذاک و إزماطک إلنه

إتدردم  علینه   لیش  حچیک  کتلنه

...

ملّینه  منّک   حیل   إتعذّبنه   و إتروح

إتثقّف تری إحنه أجواد لا تجرح إلروح

...

أنت إلهویت إتروح  و أنت إلتمنّیت

بسّک إمعذب إلروح ساجنّی بإلبیت

...

خیّطت فمّی إبخیط لا یحچی أوصّیه

کلمن یگول  إشعیر   یضرط تخل بیه

...

شفنه إلعذاب ألوان ما ضنتی ننساه

نلهم صبر  و إلنوح  ظلمک حملناه

...

نصر أللّه  للمظلوم   و  إلظالم  إیموت

چم مرّه صحنه أحّاه ما تسمع إلصوت

...

سنسلته حبّی إویاک لا یطلع إلباب

چوّیته گلبی   إبنار   لاکنّه  ما تاب

...

تضغط علی چندوب تلچمنی و إتغیب

إتمرّضت   و  إتأذّیت  منّک  فلا أطیب

...

إمجرّح إجروح إهوای مو چیله و أخفیه

شب   إلگلب   بیه  نار  یاهو  إلیطفّیه

...

أزحف زحف ضلّیت طگ رمحک إچلای

لا  تتّصل    میفید      تتعذّر      إویای

...

ما ردت أگول أنساک إمن أحترمک إتزود

شلّیته جرحی إو طاب إو هیّضته  إردود

...

إمشی عدل  ویّای    لا تلبس    إلثام

إیحن گلبی نص إللیل ما یقبل إینام

...

گلبی إلسبب و إلعین روحی إنهی بیهه

بسّطت   بیهه   إبسوگ  من   یشتریهه

...

نمله إو تهز إلفیل إلحق یعلی ما ضاع

و إلما   تریده   إلنّاس   یتوسّد  إلگاع

...

کارت حمل و  إهموم  صارت  ثجیله

لو ما تشیله أعضاک من هو إلیشیله

...

لا تنسه بإلصعبات خل إیدی بیدک

بل ضیجه غیر إعضاک محّد یفیدک

...

إلظالم ظلم بإلنّاس و إلضایج إیصیح

وجع إلضرس لو زاد یتگلگل  إیطیح

...

إلصعّب عمر ویّای  صعبت  ظروفه

و إلسلب منّی إلنّوم ما أرید أشوفه

...

لا تظلم   إلمظلوم   تتسمّه  طاغوت

إلدّنیا لیله إو یوم من تخلص إتموت

...

شگّیته زیجی  إعلیک  وصّلته  للگاع

عایش إبگلبی إسنین ما أحمل إوداع

...

وین إلوعد و إلدین وین إلحمیّه

ما توفی لیش إویای تلعب علیّه

...

إبیوم إلفرح و إلضیج حطنی إعلی یمناک

یا   ما   تعبت   إسنین  ما  بیّن   إویاک

...

إستضعفتنی إتجول ما عندی والی

خاتل بعد   شترید   تسلب حلالی

...

عفتک و أظن أنساک یل بیک أذیّه

أهلک  تجول  إعلیک  و إترد  علیّه

...

منّک حملت إهموم ردت إحترامی

ما تحترمنی   لیش   تارک   غرامی

...

روح إو بعد ما أرید ترجع و أحاچیک

إجّن  بعد  للموت  ما  بعد  أمر بیک

...

هب إلهوا إو شمّیت  عطرک   وصلنی

و إبراسی صار إجنون و إبطوره أغنّی

...

ودّعتک إو ما ارید و  إبعد و لتعود

إموادع صدگ للموت دگّینه إلحدود

...

حسّبت بیک إویای توفی إبوعودک

و إتباری  إلدلال  یزهی  إبوجودک

...

ما گتلی لیش إتخون و إتباری إلأجناب

مو گتلی   إظل  ویّاک  یم عتبة إلباب

...

کافی إلعتب میفید  بس  یشعل إلنّار

بإلگلب و أنت إتعیل و إتطالب إبثار

...

ما أریده طعمة غیض حبّک سفه إبمای

أریدک تشافی إلروح من توصل إحذای

...

أنت إلهوا  و  إلمای  و  أنت  ألهویّه

إبدونک غریب ، إلنّاس تلعب علیّه

...

غربه إو تعب و أجناب مطرت علیّه

نص لیل أدگ یا باب و إیفتحه إلیّه

...

حایر  شگول  إمنین  متعنّی   إو جای

أهلی إو علیّه أجناب و أتسمّی بهوای

...

یا ربّی  أهاب  إلجای  مو  من  إلأحباب

أخاف إلیفک لی إلباب یضربنی إصواب

...

زر  إلجرس  ضغطیت  عرفانی  ضیفه

شم عطری من إبعید و إمبشره طیفه

...

شبگیته   من   نهتیت   وی   فکّة  إلباب

و إبحضنی ذاب إو ماع یم گلبی إو ساب

...

شمّیته شمّة  موت   سکّرنی   بشفاه

لیله إو بعدهه إعدام بس أبقه ویّاه

...

ما هو ذهب مدغوش حب ولفی بایخ

بس أنا أحن   إعلیه   و  إبشوگه دایخ

...

أخشی إللذّی سکران و  إلمدمن إیحوف

إلیعمی إبظلام إللیل بس بیده إیشوف

...

إلحب عذاب إو موت شوگ إو مواعید

و إتمنّه  أنت   إویای  و   إنعیّد  إلعید

...

نتذکّر   إللحظات  یوم    إلهوینه

یا ما گعدت إویاک یا ما حچینه

...

و إلچنت أعینه إبمال صایر بلیّه

و إلّی أنصحه إیزود یزعل علیّه

...

یزعل  علیّه  إلشات  و إیگلّی فنّک

ما ضنتی یأتی یوم و إیفکنی منّک

...

لو ما إنصحه  إیفوت  یردمله  إبطوف

إو تالی علیّه إلضیم ایشبّگنی إبصوف

...

أعدل و أعدل إلعال و أعلن لما أموت

ما أخلّی  کلمن  ساف  یهدم  بإلبیوت

...

جاسم ثعلبی ألحسّانی 16/08/1401

 

 

 

 

 

:: بازدید از این مطلب : 1056
| امتیاز مطلب : 6| تعداد امتیازدهندگان : 2
نویسنده : jasemsalabi تاریخ : دوشنبه 16 آبان 1401 دیدگاه‌ها (0)

أبوذیّات رنین إلخاطفات

أبوذیّات رنین إلخاطفات

أبیعه إلما رحم  حالی  وطوره

ذهب لن بایخ إبدگته  وطوره

أرید أصلح نبض گلبی وطوره

و أخلّیه یکشف  إلذاته ردیّه

...

جمالک طولک إو طبعک کتلنی

إو من شفتک صقط حایر کتلنی

من فمّی و أحس  حسره  کتلنی

ورمه إو من  لحم  نبطت  علیّه

...

عمر   عدّیته   وی   غرباً     ویربن

إو کشفتک جیت إلی سعداً ویربن

غزال   إعیونک    إیخبلن    ویربن

إسهام  إیطگّن   أشگف  بس بدیّه

...

أسیر  إو   جالس  إبگلبک   وشفتک

عزیز  إو   عاجز   إبوصفک  وشفتک

ذهب صدرک و أمص  خدّک وشفتک

و أذوب   إویاک  من  نجلس  سویّه

...

إبکل  ساحه  وإلک  ذکره  ولک غار

إشتجازی إلعاف  من  عانه ولک غار

أسئلت گلبی نطق و أفتی ولک غار

إنتهه   ویّاک   سَد    بابک    بدیّه

...

یگلبی إشمالک إمخزّن ولک طیب

إلک  ملچاء إلیبارونک  ولک طیب

ولک  ناس  إلیحبّونک  ولک طیب

وإلک عالم و  إلک  تحفه   أآدبیّه

...

زارع    ثنیّة   بخت  عندی  إلأمل  یاهلی

إو لو غار بیّه إلوکت و أرکس بعد  یاهلی

هوّس إبضدّی إلعدوا  وأعلن حرب یاهلی

إلحسّاد  صندید  ما تقبل  یدگ  ثایه إله

بستان   إلأوهام  ما   یثمر  أبد  ثایه إله

إشما تدفن ألغام  ما  توصل  زلم ثایه إله

و أنا إلورطت إبزلم ثولان  إبعجز  یاهلی

...

یون   بوم    إلخرایب    ونتهنّه

علی   صیتک    یغایب   ونتهنّه

یمته    إنلم    شملنه     ونتهنّه

إو نعیش أحرار و إنعدل إلثنیّه

...

صدیقی و أفتخر بإسمک ودارک

کریم إو تچسی  خطّارک  ودارک

یخی أذکر  فضل  طیبک  ودارک

یعن ذچرک  علی صبح إو مسیّه

...

ثگل حچی إلعتب وإلتهب کألمات

إشما أرهمه یطگ بإلذوق کألمات

إلما یمّن إبگلبی إو  فات  کألمات

دفنته  إو  طاح من عینی إبزویّه

...

إلیرید  إلخوّه  یفدی  إلمال و إنعال

ولا  یثگب    إبنار   إلعال    وإنعال

سدانه إلخذه حچی إلغرب وإنعال

یلبسونه   إو   تِرک   بیه   سرسریّه

...

إلدهر  شادهنی   بضباعه وخیله

یمرعد  یخبص   إبذهنی   وخیله

إلزمان  إویاه  إمبریدنی   وخیله

إبصمودی إو ما طعت للجار بیّه

...

أرید  ألبس   کفن   موتی   وعدبیه

خلص عمری إو گرب یومی وعدبیه

إلی  ربّی   إلخلگ  روحی  وعدبیه

إلأمانه   إلجسم    یرجع    للوطیّه

...

أحن   للّی   یحن  لی ورعبیته

إلخان  إلخوّه   أذمّه   ورعبیته

إلیضر  إلبشر  یهلک  ورعبیته

إو بیت إلمؤتمن جنّه إو زهیّه

...

إلدهر عذّبنی   بحزانه   وعت بیه

إمعذرب حتّی شمّاتی   وعت بیه

أجعده و أکشف أسراره وعت بیه

إلعتب  وی  ظالم  إصخام إبجلیّه

...

إستهم لم حملک إو هاجر شداویک

عزیز  إو   نارک   إتضرنی  شداویک

إذا   أنت   صخر   گلبک   شداویک

إلصخر   لو   لان    یتکسّر     بدیّه

...

إبعتابک  و   إرضی  أحبابک  سترحل

إو صفّی إحسابک  إو نیتک سترحل

یجی   یومک   یبن   أادم    سترحل

إو تعوف إقصورک  إو مالک فدیّه

...

إبلیالی  إلدّنیا   غارتهه   ویمهه

إبمصایب   سرچلت بإلهم ویمهه

إنحنت بجبالهه   إو برهه ویمهه

لبو إلشیمه  إلوگف بإلحد تچیّه

...

أنیس   إلفات  یم   قاصر  وسلّم

إزهده   إلعون    للظالم     وسلّم

یوازینی   أنزع    إثیابی    وسلّم

و أصیح إدخیل های  إبعیده إلیّه

...

تخل  تلدغنی  إبمکرک   ونعداک

تکذّب و إتون  إو تنعی ونعداک

أحبّک گلت  و  إتواعد  ونعداک

صرت طنطل گمت تلعب علیّه

...

بُعدی  إویاک   من  فمّی   بُعد نای

أصوصی و أشفی  بجروحک بعدنای

إطباعک    مرمرن   خلگی   بعدنای

عنّک  و   أنت    خاتلنی     إبزویّه

...

کِذب   تلفظ   أود   ولفی  وریده

إبشطاره أرسم ختم مکرک وریده

إلحب مات   إنذبح  بیدک  وریده

گبرته   إندفن    گلّی    إبیا   نویّه

...

إجیت إو  رحّبّت حیّییت وشفیت

کرمتک  عالجت  تعبیت  وشفیت

طلب واحد ردت  چزّیت  وشفیت

تبرطملی   إو  تذب   جورک  علیّه

...

إلهدف    بإلعزم   یتکامل    ولیثار

إمفرهد   ما     أذل   قاصد  ولیثار

إلزمان   إمچعّم  إچعوبی    ولیثار

إبطوبه إو  هان کل صاحب  ثنیّه

...

یبس جسمی إو ذبل عودی ونامیت

إو حییت  إلیابس  إبدمّی  ونامیت

أون  إو  ما  غفت   عینی   ونامیت

أمّنت   بحبابی   تالی   أنکتوا  بیّه

...

ودّیت لک  طارش  تجی   إتبارینی

مجروح  گلبی إو شل سبب ناسینی

ردتک  تضمد  إجروحی  و إتسلّینی

إتخابرنی  ناکر   طیبی  لو    تتعذّر

...

روح    إبطریجک  و  أنا أبد ماریدک

تنکرنی و    إبضیمک   ترد   مافیدک

همّک عذابک یلفی إلک من إیدک

إشدعوا یطاغی  إعلی إلخلگ تتکبّر

...

یون  گلبی  علی   إلدایر    مداره

إو کاتلنی   إلحکم  مجلس مداره

یتفخ   خیره  ما   أشوفه   مداره

إیتحنبط یکشخ إو ما حل شچیّه

...

إنفجر  گلبی   علی   إلطیبین ونشد

علی   بعدوا    بطوا   لا  وین ونشد

إنگطع حبل  إلوصل و إنعجد ونشد

جفونی  إو   وین    شالوا   یا نویّه

...

إلگلب ما نام لیله إو هاد یربای

علی  إلبیهم محنّه إو فخر یربای

إلدهر  بعّدنی  منهم وجر یربای

إو کل واحد  سلک  دربه إبنویّه

...

إلفرح و إلسعد من طرواک یفلن

إعیونک من   تصد  بإلگلب  یفلن

إنغدرت  إشورّطانی  إویاک یفلن

أنا أحبّک  إو  أنت  إتعل   علیّه

...

دعیت إلّی  یحن لی إویای هاون

إعلی  دگّات إلزمان إبحلگ هاون

إلمصایب   دوزرن  بإلگلب  هاون

إو گلبن  طوبسن  کل  أمل    بیّه

...

یدهری   إتخطط   إلچتلی  ولمعای

إبسماک أرعد شفت  صوتی ولمعای

لون  طول    إلعمر  جایع   ولمعای

مطیع   إلذلّه  و   أکل  لحم   إدیّه

...

گلبی  ما    ون    إلغیرک     ونویاک

إو عرفت  أحلامک  إو سرّک ونویاک

عزیز   إو  عایش   إبروحی   ونویاک

حیاتی  أنت  إلهوا   و   إلمای   إلیّه

...

حلو  طولک  حلو مشیک وجیلک

إو  گلبی ما  حن  إلغیرک  وجیلک

لون  تندبنی حافی أرکض وجیلک

أصیرن  لک  جسر  و  إعبر  علیّه

...

جاسم ثعلبی ألحسّانی 04/06/1401

 

 

 

 

 

 

 

 

 

 

 

 

:: بازدید از این مطلب : 1069
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : سه‌شنبه 08 شهریور 1401 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید