سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

غزل عمیل اسمک عرفته

غزل عمیل اسمک عرفته

عمیل اسمک عرفته او تطرب اویه اعدای

یا اخوی المذله اتجلب الوانی

لا تنسی اللبن من در ثدی امک مای

ما هزک ضمیرک یوم ضرانی

مثل جرف النهر داریتک ابممشاک

یا روج الکسرنی او هدم اسنانی

فرحت ابدشتک و العبره بالبلعوم

خنگتنی او فرحتی اتعذب السانی

رفعتک للنجوم او رحبّت لک حیل

نکرت او ما گلت فد یوم ذمانی

تذکر غلطتک یوم الرکبنی الشوم

تتحسد عبث بس الله نجانی

الرزق من ربی حکمه او ما یرده العوز

او علی درب الصراط ابروعه مشانی

الکذب ما یبنی بیت او لا یعلی الصیت

صدّگ طاعت الرب بیهه عنوانی

خاتل لی ابکلامی لو سکرت اویاک

تجمع بالغلط ما تلزم اعنانی

ترید اتذم خویک لجل طاسة فوح

تشربها او تغرّک و انه تنسانی

ولک آنا عضیدک یوم طگ الدان

تلوذ ابسد چلمتی او نکهت الحانی

تفاخر بالیکرمک و الیود طاریک

وصیتک وصیه او ناکر امتانی

مثل ما هددتنی ابطلقه تکتم صوت

کل هذا العملته او تفتخر جانی

ارمی اولا تندم خلنی طعمة غیض

فاتح لک سدر جاسم الحسانی

متریگ چنت بیه ابسجن دخلیت

و اتغده ابخلفتی او عاشر احزانی

لا تنکر عرفتک من صرت چتال

الیاخذ ثار چتلی ابدربک امتانی

جاسم ثعلبی (الحسانی) 29/04/1394

 

20/07/2015

:: بازدید از این مطلب : 2053
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 29 تیر 1394 دیدگاه‌ها (0)

قصیده انت السبب

قصیده انت السبب

ملیانه روحی امن التعب

متحیره بیک انت السبب

عندی عتب نار ابذهب

شافونی اون لر و عرب

***

حتی الجبل ون وانتحب

حسیت اضن موتی گرب

مجروحه روحی او دم تصب

تلچمهه و اتچمل ذنب

***

ترعد علی وآنا ابتسم

تمطر علی و آنا افتهم

تغضب علی و آنا ابسلم

متروکه سالفتی الشعب

***

تتحلم او ترسل شعر

باستنی عینک تفتخر

لامسنی گلبک محتضر

عطشان و ابدمعی شرب

***

طلبیت الاقیک او سبت

و متواعد الغیری او تبت

دورتک ابلحظه او غبت

متسلح ابعار الهرب

***

تحرگنی و ابنارک اگب

و اتدور اویای الغلب

و ابراسک ایدور الحرب

مفتون و اقوالک رعب

***

جاسوس و اتدور الصلح

ما غزر اویاک الملح

لو صادج اشویه انطرح

یستانس اویاک الگلب

***

لو صادق او تصدق علی

گلبی ابمحبتک مبتلی

لتخاف احرصک من هلی

او حبک ابدلالی انکتب

***

من کلمات الشاعر:

جاسم ثعلبی (الحسانی) 26/04/1394

 

18/07/2015

:: بازدید از این مطلب : 2078
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : جمعه 26 تیر 1394 دیدگاه‌ها (0)

غزل ما اعاید

غزل ما اعاید

ما اعاید اذا تنسانی یوم العید

البس ثوب حزنی او ما اذبنه

اذا نشدونی ربعی عذری ابوی المات

اطلعه امن الگبر واردود ادفننه

هیچ اویاک صارت عشرة الملچوم

ترید الراح منی امنین اجیبنه

ترکت ابذکریاتک چم عسر و اهموم

اطباعی اتبدلت بذنوبک اتهنه

تذوب الفرحه بیدک تعزم الهه اطبول

و انا اببحر الحزن نایم و اغرگنه

تشهد الناس عاقل ما یهزک ریح

منّک ایست و انگطعت الضنه

ارکب فوگ فانوس الفلک باللیل

الگمر یترجه بیک او ما ترد منه

علیمن هالزعل و امطفی نار الشوگ

ما اضیفک ابد و البیتک اتعنه

التکبر ما یعلی الراس للطیبین

هذاک الشاد خشمه او بالبحر سنه

ما تحتاج ادرسک و انت ملک الموت

تزامطنی او تگلی الموت اموتنه

چا گللی شسوی و الگلب یهواک

تقبل بالشماته اردود احرگنه

ولک ما ضل طبیب او ما رحت له او گال

گلبک ملتهب محتاج اگصّنه

ابدله ابگلب قاسی ما یعرف الاه

و اببین الضلوع اثبات ادگنه

و امحی الذکریات التسحر الدلال

و احط کومة صخر و ابطین اترسنه

و اهز احلامی بیدی و الزم المسحاه

و اجر خاین الصدقه ابصحرا اطمنه

و افوخ الناس من کل بد وفه او بد ذات

و اشتل بالمگابر جثث و اتسنه

هدول الما یمثلون العشگ بالراس

یمثلون العشگ بالصره و اتدنه

علیهم حکم قلمی حفر عشر امتار

و ادهسهم دهس و العار اطوفنه

تضل انته یگلبی ابامر عزرائیل

تقبل من یعذبک بیدی اسمنه

تقبل من یعذبک بیدی اعدمنه

جاسم ثعلبی (الحسانی) 25/04/1394

16/07/2015

 

 

 

 

:: بازدید از این مطلب : 2154
| امتیاز مطلب : 13| تعداد امتیازدهندگان : 3
نویسنده : jasemsalabi تاریخ : پنج‌شنبه 25 تیر 1394 دیدگاه‌ها (0)

غزل عیدک امبارک

غزل عیدک امبارک

عیدک امبارک حبیبی او بکری عید

ما منعنی الصوم و اتعنیتک

درب ما ممشی او صریم او شوک بیه

لا تعجب حافی اجیت البیتک

من وصلت الدیرتک طگنی هواک

نسّم اعلی الگلب وک شمیتک

احاه یا ریع الزرع و ابعرجه مای

ینزل اعلی الصدرنکهت ریحتک

خبلتنی او ما شفت دربی ابسماک

سکّرت روحی ابملامح صیحتک

شفتک امفرع او کاشفلی الزلوف

ابگلبی اتربیت احس من طیحتک

من تلگیتک او شلتک عینی فوگ

اثنین ادیه او سدری یشهد میلتک

گتلک امبارک حبیبی او بکری عید

جیتک امقدم التهانی العیدک

والله احبک محتصر و اشتم بدیک

اتطفی ناری البالگلب من هیبتک

هاک عینی هاک دلالی الحزین

لو تقبله او لو ابد میعید لک

روح خیط اجروح ملیانه ابعذاب

هذا طبعک لو تحب میفید لک

جاسم ثعلبی (الحسانی) 25/04/1394

16/07/2015

 

 

 

:: بازدید از این مطلب : 2091
| امتیاز مطلب : 2| تعداد امتیازدهندگان : 1
نویسنده : jasemsalabi تاریخ : چهارشنبه 24 تیر 1394 دیدگاه‌ها (0)

غزل عید و حب

غزل عید و حب

قبل عید الفطر جیت انه اهنیک

اعتنیتک و انت ما تنشد علیه

عطشت الشوفتک و ادموعی اتسیل

هدیتک گلبی و الورده بدیه

دخلت اببحر حبک و انه خجلان

او مسحت الزعل من روحی النقیه

لیش اتغیضنی او بهمومی مدفون

امچفن بالفکر و ارجی المنیه

اون باللیل بلکت یسمع الغاب

ما منّه خبر لا کو وصیه

انجرحت او مددتنی ابدرب الخباث

رمش عینک ذبحنی ابعنجهیه

مو مسلم کشفتک و اهلک ایهود

لا عندک وفه او لا لک خطیه

اخذ روحی العزیزه او خلنی ارتاح

او طمنی بالگبر وانت البلیه

ما مرتاح منک یا ضوه البیت

طبعک مرمرانی ابکل زویه

دلال البیک حطمنی او صحت آخ

تلمعنی ابذهب باذنک شهیه

تعلّگ گلبی فوگ اخدوک البیض

مهتم بیک  یالذاتک ردیه

انطر عالزلف لو عالسدر جاف

اوجبت عمری اناصرهالقضیه

عساها اببخت کلمن عرفانی اویاک

او علمنی العشگ و احلامه وحشیه

تبت و اگلیبی شاهد لو یعود ابلیه

اگصه امن العرج و اشلع چلاویه

جاسم ثعلبی (الحسانی) 25/04/1394

16/07/2015

 

 

:: بازدید از این مطلب : 1841
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 24 تیر 1394 دیدگاه‌ها (0)

غزل الحب مدرسه

غزل الحب مدرسه

لا تجافی من هو گال الحب حرام

جنه جنه الحب شفا او حبینه

باسم محبوبی انام او اصحه نوم

من هو گال امن العشگ ملینه

یا عذاب او یا مشقه او یا خساره او یا ندامه

الحب جمال الخاطره اشتمینه

و الخیانه اتبلل ارموش الشباب

الحب مدرسه ابصفها و اتربینه

الحب شطاره الحب اماره الحب عتاب

الحب فرد مفهوم عده او زینه

کافی گلبی ارجوک کف من الجدال

الدنیا ظلمه الحب گمر یرویلنه

لا تبرهن صنعوا الحب ابمرار

قدسوه و اشترکوا ابتضمینه

اگلوب ما نامت تفکر بالدلال

ابذکریات احلامها اتهنینه

حکمه عند العاشگ ایشوف الحبیب

گلب یدری ابگلب من یحچیلنه

های نبذه امن العشگ یلی چویت

لا توفی الطلب خلنه ابدیننه

جاسم ثعلبی (الحسانی) 24/04/1394

 

15/07/2015

:: بازدید از این مطلب : 2295
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 24 تیر 1394 دیدگاه‌ها (0)

غزل راضی ابکل جرح

غزل راضی ابکل جرح

ارید اگعد اگبالک لحظه عین ابعین

و ارید احچیلک الصار او سده اعلیه

ملیت او کتلنی الحزن والتفکیر

او وگعت او ضمدت بجروحی یومیه

احس بس انت تشفی و الدرب مسدود

طبیب اتصیر الی مثل الابوذیه

تکسّر بالقوافی و الکلام اوزان

او تعافی ضیم گلبی ابکل بلاویه

ما اریدن قفص و ابغی ابسجن مسجون

ابوجودک روحی اظن ضاگت الحریه

غسیت اویای گلبک ما یود اهواک

لا عنوان عندک و اسکن ابفیه

عساها اببخت کلمن عرفانی اویاک

مریض او مرضانی او شوفتک دیه

سبت یم المگابر و اندعی المیتین

جاوبنی الندبته اباذنی ترچیه

جرا دمعی او کسرنی هم اگول اشگال

تالیت الیحب بالمگبرا اربیه

تیهنه الامل خلانه حسره ابموت

او لهمانه الصبر و اکمل معانیه

ما صکینه باب او لا جفنه ارتاح

دمعنه ایصب غضب من العبودیه

وکح طبع الوکت ذلانه گام ایعیل

او گضّینه العمر بالروحه والجیه

یواعدنه النحبه او یخنس اویه المای

یجر بحزانه ذبنه اویه الحرامیه

راضی ابکل جرح یسگی ابنهرعطشان

اعلی شانک جیت ابیع ، الروح منسیه

جاسم ثعلبی (الحسانی) 24/04/1394

 

15/07/2015

:: بازدید از این مطلب : 2339
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 24 تیر 1394 دیدگاه‌ها (0)

غزل یالشایل ذنب

غزل یالشایل ذنب

یالشایل ذنب لا تستحی امن العار

شو راکب جمل و الراس طخیته

تتظاهر عفیف او تقضی بالکلفات

ما تدری الیغش مگلوبه خاچیته

یصلی بالمساجد یحضر ابگعدات

او چاوی الگصه نیشان العبودیته

اذا طگ التفگ یتحزم ابطلقات

یهذی ابحق لسانه او فوضه شاریته

لا یعرف عمام او لا یعرف احباب

یهوس معتنی بالغبره عوچیته

ما یعرف احساب او لا رجل محراب

یسد باب الصلح و املطف الحیته

نسه یوم القیامه او حکم ملک الموت

باقی اعلی الجهل مذمومه تربیته

یدوس اعلی الجماجم محترگ بالنار

او من یطفی الزعل بایع رکن بیته

لا ترفع دعا السالب حقوق الناس

مطلوب الجماعه ابذمه ترچیته

تاه امن الثقافه اولا یضل محبوب

کلمن ضر له مسلم و الغی تثبیته

کتاب الله شرفنا او کلنا نتفداه

قانون البشر بایاته شهدیته

ذاک الباع بخته او من وصل عاشور

یتظاهر امامی او فکره حوریته

ملینه او زعل منّه العلم و الدین

سیف الحکمه یلمع بالگبر صیته

جاسم ثعلبی (الحسانی) 23/04/1394

14/07/2015

 

 

:: بازدید از این مطلب : 2192
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : سه‌شنبه 23 تیر 1394 دیدگاه‌ها (0)

غزل ارید انساک

غزل ارید انساک

ارید انساک اسولف وحدی نص اللیل

یعاتبنی ضمیری اشلون حبیتک

صعب لازم افکر و العشگ چتال

گضیت اسنین عمری ناطر البیتک

شفت منک عذاب ایفلش الدلال

اشوف اتهدم ابگلبی او کرمیتک

کرهونی اعلی مودک حتی اعز الناس

او مثل الطفل شلتک بیدی باریتک

انطیتک روحی بس لا ما وفیت اویای

احچیهه ابصراحه او گول عابیتک؟

وزنتک ذهب فوگ الذهب صدمات

او بعت بیتی ابمقابل سعر ترچیتک

متت و ارکض وراک و انت نایم لیش

یا یوم الصحت لی ابگلبی سبیتک

اتگللی احبک مبتلی یابه ابتلیت

وانت ما تدرک بحر حنیتک

مستانس ابروجک غرگ البلام

عمت عین النهار الفضح بوشیتک

الیتیم الربّه حبه او عابد الدمعات

باضلوع الشجر متهدمه چالیتک

ولک الله واکبر هدمیت الروح

یگلبی الله یهجم من هجم بیتک

جاسم ثعلبی (الحسانی) 22/04/1394

13/07/2015

 

 

 

:: بازدید از این مطلب : 3645
| امتیاز مطلب : 5| تعداد امتیازدهندگان : 1
نویسنده : jasemsalabi تاریخ : دوشنبه 22 تیر 1394 دیدگاه‌ها (0)

غزل یوم العید

غزل یوم العید

تشیل ارموشک او ترمی عبث یهوای

تزامطنی او تگللی روح ما اریدک

السبب شنهی او تطالب بالهجر ترتاح

وضح لی ابصراحه او گول ملیتک

یوم العید کنسلت الاهل و الناس

عایدت الگلب و انطیته عیدیتک

ادگ بالباب حایر لا یشوف الجار

ایتراوالی ابخیالی لمع ترچیتک

حضنتک و الدمع مترادی عالخدین

باحسن امنیاته او قاصد ایصیدک

او تذکر یوم گلبک خرمشاه البین

اجیتک ملتهب بس ردنی تردیدک

ما طالع ذنب منی او کرهت العید

لا تتهم حبیبک باچر ایفیدک

روح اسئل ابگلبک و اقرا تغریدک

جاسم ثعلبی (الحسانی) 22/04/1394

13/07/2015

 

 

:: بازدید از این مطلب : 2741
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 22 تیر 1394 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید