سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

ابوذیات وهوسات قاذفات

ابوذیات وهوسات قاذفات

ابوجودک ما یسّل الگلب و یهم

یحاول  یترک اهل البلد و یهم

تود اگطع وصالی اویاک ویهم

تگلی او خاطر اعمل بالوصیه

***

عهد عدنه او کتبنه اعلی السدر لوح

ما بعنه الوفی ما نقبل انعیل

نضل مرود کحل متعلی بالعین

یشافی الدمع صبغه او بارد ایسیل

***

التکبر ما یلم البشر و ایخل

او بالک تشب نار الغضب وایخل

تندم تشبش المی عنب وایخل

تشربه اشلون لا تزعل علیه

***

ما هود نغم گلبی ولا مال

و الا احب الترک صیته ولا مال

الذهب ما بدل اطباعه ولا مال

یحن لهل الوفا ابلوع او اذیه

***

ابوی ادری او عمامی وامی انت

الیکرهک هددانی امی انت

اذا غرگیت انصحک امی انت

انجحک لو بحر مغضب علیه

***

من هو الگال ملک الموت ینشاف

او دمع العین وکت الهجر ینشاف

الگلب ودع حبیبه او جفل ین شاف

یباریله السلب ولفه اباذیه

***

والله ملینه او تعبنه من هالعیون الخضر

ابیا فریج ابیا مدینه گلی وین الگه الستر

اسهامهن ترمی علیه کل شکل بیض او حمر

لو اسود خالقنی اشوالی

***

والله هیعونک یالسمر ما یدش بیتک غریب

کلشی المکتوب عنک یرجع القسمه او نصیب

آه من حلو المعانی گاضی عمره بالنحیب

کل ساعه ابطوب ایدگونه

***

جاسم ثعلبی (الحسانی) 18/04/1394

09/07/2015

 

 

:: بازدید از این مطلب : 2158
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 18 تیر 1394 دیدگاه‌ها (0)

ابوذیات قاذفات

ابوذیات قاذفات

اخوتی همه الیه و انه الهم

جسد کامل احسهم و انه الهم

ابصبر دگیت املهم وانه الهم

یداوینی او یرد روحی علیه

***

شعاتبکم یخوتی العتب میفید

اعایدکم قبل لا یوصل العید

انتظرت اویاکم اجلس و البس اجدید

اود اجمع شملکم غیره ما ارید

***

زعت کل هم لفانی واصله منی

او سلامی للیودنی وصله منی

الابر و الخیط منک وصله منی

نخیط الجرح و انلم الخویه

***

اطفی ابنار هجرک و انت داری

ابخطه او لعب ناوی و انت داوی

ارش ابمای اخمدک و انت داوی

اخاف اتموت و اتاثر علیه

***

امکسر ما یلمنی السمر و الضب

جفن عینی انمله بالرمل و الضب

تهت ما بین حفر الذیب و الضب

بالاسفل عگربه او بالباب حیه

***

تجرنی اعلی المصایب و انت داری

تگول اشلون اعوفک و انت داری

انت احزام ظهری و انت داری

احرکتنی ابنارک او عینک جویه

***

جاسم ثعلبی (الحسانی) 18/04/1394

 

09/07/2015

:: بازدید از این مطلب : 3090
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : پنج‌شنبه 18 تیر 1394 دیدگاه‌ها (0)

غزل یا علی

غزل یا علی

حبیت اشکثر و اشکثر ما حبیت

بس حبک یبو الایتام خبلنی

علی واسمک یضمد کل گلب مجروح

دریتک یا وفی ابشداتی تحضرنی

یا بیت السفینه یا حماة الدار

او یا روج البحر برموشه سهرنی

یا مندل ثقافه او یا اگماط اسرار

یا رهبه او خلافه ابنوره حررنی

بغی اسمک مثل مضروب بالتاریخ

عادل عالم ابمنشوده حیرنی

ابو الحسنین تستاهل گمر للناس

غیابک وارتحالک والله مرمرنی

ابن ملجم لعین و العن الوزاه

لان ساسه ردی واصله المدهورنی

علی ضربوه غفل وابمسجد او محراب

بس بینه الطبر ظاهر امعذبنی

خل ملجم وابنه یقتل اشما راد

او خله ابالف مسجد بیده یفجرنی

ندافع عالوطن و الامه و الایمان

المعادی الیا طریقه ایرید ینسبنی

القلم بیدی سلاحی و العلم مرفوع

اطهر کل شبر یخسه الیزامطنی

ادمر کل صنم یخسه الیحاربنی

جاسم ثعلبی (الحسانی) 17/04/1394

08/07/2015

 

 

 

 

:: بازدید از این مطلب : 2259
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : سه‌شنبه 16 تیر 1394 دیدگاه‌ها (0)

اغنیه بعد لتگول عاف او عم علیه

اغنیه بعد لتگول عاف او عم علیه

من مثلی علی المحبوب ینحاب

ولا اساوم ابموته ابوکت ینحاب

مو کل محب وسط الحلگ ینحاب

ذاک البیه وفه او یحمی الثنیه

***

عرفتک من کبر سنک و دارک

الگلب ضاوی ابشمع نارک و دارک

ثمین او ضایعه اخبارک و دارک

اضمک وین خاطر تبغی الیه

***

بعد لتگول عاف او عم علیه / تالیت الزعل ضیم او اذیه

شنهی عتبک اویای / منعت الزاد و المای

الگلب عطشان الک و انا اشبدیه

بعد لتگول عاف او عم علیه

***

تعال او شوف گلبی حرگته النار / او نار الشوگ تلهب تطلب ابثار

مجتاجک تجینی / تساعدنی ابونینی

ابدون اهوای متحمل اذیه

بعد لتگول عاف او عم علیه

***

عفت کل شی الطلبته او تارکیته / تبعتک للصدگ بس ما لگیته

تواعدنی ابحنانک / او جارحنی ابلسانک

ابشعر راسک ترید اتشد ادیه

بعد لتگول عاف او عم علیه

***

یجر دمعک علی تفتگ بالجروح / تگول اویاک ابد کل سفره ما اروح

اجیتک و ابغی لحظات / و ازورک عینی ساعات

تقصدنی او تراوینی المنیه

بعد لتگول عاف او عم علیه

***

تگللی لا تمر واتکتر ابعید / من بیت الاهل تغصبنی اترید

سر مشتاق الک بیه / لا تشرح ابطاریه

ادفنه بالگبر صبح او مسیه

بعد لتگول عاف او عم علیه

***

للشاعر الشعبی: جاسم ثعلبی (الحسانی) 17/04/1394

 

07/07/2015

:: بازدید از این مطلب : 2248
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : سه‌شنبه 16 تیر 1394 دیدگاه‌ها (0)

علی (ع) صوت الحق

علی (ع) صوت الحق

الامل رحب بالعواطف یا علی

و المعانی تدعی طایف یا علی

من کتب بالگمر شایف یا علی

انظر ابدقه او تشوف ارسومها

***

من ضرب حیدر ابمیعاد الصلاه

اببیت ربه او جاله متعنی الوفاه

وعد مکتوب اله او ما خالف هواه

دگت الساعه او هذنی اعلومها

***

یا علی ردتک شفیعی او یا علی

یا علی او حکمک شهدلی او یا علی

بالسما السابع تعالی او یا علی

باوع الهه او تشهد النه انجومها

***

انت عالی بالعلم بعد الرسول

انت بیرق للخلگ و ابراحه اقول

یا علی زینب شچت و امها البتول

انت قاید شیعتی او فرسانها

***

جربیتک یا علی او شفت الجواب

انت جنه یا علی دون الحساب

حاب تعرف یا بشر وین العذاب

عادی ابو الحسنین تلگه احزانها

***

یا علی حبک ابگلبی ما یغیب

یا علی اسمک یداوی کل طبیب

انجرح گلبی یا علی ما ضن یطیب

تنشر القصه هلی ابدیوانها

***

ابن ود العامری من طبره

باب خیبر من هو غیرک کسره

من هو کض اید الرسول اوناصره

او بالعواصف تشهد ابایمانها

***

اتلقبت بالمرتضی او اسم الشهید

سگط بالمحراب دمک یا عجید

اشلون اعید والبس الثوب الجدید

و الروایه السود بید ارجالها

***

باسمک اندب یا علی وکت الرحیل

خلنی اگولن لو زعل رب الجلیل

گلبی حبک للابد ما ضن یمیل

ما تهمنی لو سمعت اقوالها

***

شاعر اهل البیت :

جاسم ثعلبی (الحسانی) 16/04/1394

 

06/07/2015

:: بازدید از این مطلب : 2005
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 15 تیر 1394 دیدگاه‌ها (0)

هوسات بارعات

هوسات بارعات

انا سیف المایعانی الشرف یشهد و الرجال

ما افاوض ضد اخوتی تشهد اولاد الحلال

لو سمع گلبی المصایب ینسه غیضه والدلال

و اتقدم بالطگ جیدومه

***

ارد انصحک یالخنتنی او لا تطول بالکلام

خلنی شمسیه اعلی راسک خلنی مظهر للسلام

زین تعرف من هو انته ضایع ابصیتک حمام

من تصفج کلهه اتاذیهه

***

ما اسومک یا هو انت او لا اذمک مستحیل

عوفنی بس کفنی شرک هذا من اکبر دلیل

او بالسماء السابع یعرفه ربک ایذل الیعیل

بسکوت ایکسر جنحانه

***

جاسم ثعلبی (الحسانی) 16/04/1394

 

06/07/2015

:: بازدید از این مطلب : 2036
| امتیاز مطلب : 78| تعداد امتیازدهندگان : 18
نویسنده : jasemsalabi تاریخ : دوشنبه 15 تیر 1394 دیدگاه‌ها (0)

اغنیه مخطوبه

اغنیه مخطوبه

دخل ضمیرک قلبی فی ضلام دامسٍ

فوجد البضایع به والدلیل مدلولُ

املاف مسجونین تتواری فی العرای

من ذا الذی تاجر و رب البیت مسئولُ

ما ذنب من صلبَ فی جرم من حبب

ما معنی من عشقَ و الحبل مفتولُ

***

هواک اشعل ابگلبی النار و احتار

دوا ابناری الطفت بالعار و احتار

شوونی اهل الغدر و احبار و احتار

او خذوا ولفی الظهر من بین ادیه

***

لا تکلمنی بعد مخطوبه

کله منک جننتنی او سافریت

انتظر ترجع لی حبیبی او ما اجیت

مرت اسنین ابجفاک اتعذبیت

او یا حسافه مانی الک منسوبه

لا تکلمنی بعد مخطوبه

***

رحت منّی او ما تراسلنی ابکتاب

الدمعه بعیونی زهت وکت الشباب

من هو الیسکت عمامی ابکل خطاب

او طلعت الروح اعتقد مطلوبه

لا تکلمنی بعد مخطوبه

***

لا تکلمنی بعد کف العتاب

هذا آخر ملتقی او آخر جواب

شو طلع مگلوب الی حبک سراب

او تدری العاشگ تری بیه حوبه

لا تکلمنی بعد مخطوبه

***

روح لا تنشد علی مانی ابلواک

روح تابع کلمن ابگلبه هواک

ضیعت حبی ابگیضک و ابشتاک

های تالیت الخدم محبوبه

لا تکلمنی بعد مخطوبه

***

ابتعد عنی والسبب انت الخطیت

گلبی بیدی جبته الک و انت انکریت

ابدمک ابصمت العهد لیش او نسیت

او بالجراید کتبت المندوبه

لا تکلمنی بعد مخطوبه

***

من الشاعر الشعبی :

جاسم ثعلبی (الحسانی) 15/04/1394

 

05/07/2015

:: بازدید از این مطلب : 1813
| امتیاز مطلب : 5| تعداد امتیازدهندگان : 2
نویسنده : jasemsalabi تاریخ : یکشنبه 14 تیر 1394 دیدگاه‌ها (0)

غزل بث مباشر

غزل بث مباشر

احلفک والله احلفک لا تضم اسرار

اکشف لی القضیه او لا تاذینی

هم عندک ضمیر او عندک احچایات

هم صادقت غیری ابحکمه دلینی

هل ثار الغرام او کلفیت الناس

هل گلبک یدر و ایدهور اسنینی

قبل لا شیل ثوبک و اکشف المستور

قر لی البث مباشر للیداعینی

انتکلت اعلیک حلفت الگمر باللیل

قسم باعیونک الحلوه التدلینی

احس فیّک دلال او یربی للیمشون

و احس مایک زلال ابحره یسگینی

ما اتانی الطروش التکشف الحسرات

ثبت حبک ابگلبی یا بعد عینی

عرفتک من کلامک بیرق المهیوب

اشیلک بالکلافه ابزودک اروینی

الگلب مشتاق الک و اتعنه لیکم جای

شال امن الجسد عدکم یهنینی

یگللی ما اعودن للجسد مسجون

یزامطنی ابنبض دمی او یحنینی

یریدک یبغی عندک للابد یفلان

امنهد من یوم زارک والله ناسینی

جاسم ثعلبی (الحسانی) 14/04/1394

 

05/07/2015

:: بازدید از این مطلب : 1911
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : یکشنبه 14 تیر 1394 دیدگاه‌ها (0)

ابوذیات الحب و الحیاة

ابوذیات الحب و الحیاة

شعاع اعیونک ایدث عتب و ارماح

ابدلالی و احس بالگلب ورماح

تدلل بالگلب و استچن ورماح

دخیلک و الوکت مظلم علیه

***

تدگ تنثر گصاید صبر مهلاک

الغزل دمّر ثنایا الحبر مهلاک

لون تدری العشگ من یمر مهلاک

یدوی النار بگلوب الوفیه

***

اعانی امن المحب لا در ولا مر

ضگت منه الشهد لا سر ولا مر

ولا فاده وفه الحایر ولا مر

غمزلی او گال بس الزود الیه

***

تلم و اتحشد ابگومک ولک در

تچمل بالگلب نوحک ولک در

لزمت الکاس یم فمک ولک در

اشربه او لو تشربنی المنیه

***

هواک العم علی وانحبت وابچیت

او تدردش بالرسایل شبت و ابچیت

او تشد گلبی ابچفن و ابزفت و ابچیت

او تغرگنی او تضل تلطم علیه

***

حملتک ما تعب جسمی ولا مال

او هزاهز دولبن گلبی ولامال

الگلب ما سامک ابلیره و لا مال

یسومک من تشمت اعدای بیه

***

جاسم ثعلبی (الحسانی) 14/04/1394

04/07/2015

 

 

:: بازدید از این مطلب : 2194
| امتیاز مطلب : 9| تعداد امتیازدهندگان : 4
نویسنده : jasemsalabi تاریخ : شنبه 13 تیر 1394 دیدگاه‌ها (0)

غزل الانتظار

غزل الانتظار

یا لیلو جمرز یا تمر گنــــــــــــطار

مل صبری او کتمتک دمعه بعیونی

انتظرتک لحظه لحظه و الگلب شب نار

دوت بضلوعی جمره او لا تلومونی

اصورک بالخیال اتفاسر انه اویاک

ابکتر ثوبک محنتی او لا تهیجونی

جمعت اهات سدری او جاورت طرواک

بیک الفکر غایر ما تشوفونی

ادگ طبل اللیامه و انحدر حدار

و افز من المشاکل دمی بسنونی

جمالک شع علی و ایعاتب الگناص

شمس یحرگ هواک او دمر امتونی

اشیلک کالطفل و اتناغی بالدلال

او من ثدی الغرام اتساگی بضنونی

طلبته و اندعیت او نذری واجب صار

اریده او گلبی عنده  او لا تمنعونی

جاسم ثعلبی (الحسانی) 13/04/1394

04/07/2015

 

 

:: بازدید از این مطلب : 2038
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : شنبه 13 تیر 1394 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید