سفیر الحب

اغنیة المطار

جیتک امسلم ذنوبی ، بالصداقه او بالحوار

یا حبیبی الغیبه طالت ، و انتظر یم المطار

***

ابد ما نامن عیونی ، جیت اشوفک منکسر

اتاخرت حبی علیه ، والطقس تحت الصفر

***

جیت اقدم لک تحیه ، جیت اثبت لک غرام

جیتک امرحب ضیوفی ، ساهر الجیتک منام

***

قول وادلل علیه ، قلبی فدوه اشما ترید

والزمان العذبانی ، یوم اشوفک کله عید

***

حلو وازلوفک تسرنی ، یا قمر ضیک سلام

لابس البدله الجدیده ، او تمشی ابزی الحمام

***

قلبی عندک ما نسیتک ، بالجبل یحرص خطاک

اتمرضت کله اعلی شانک ، دعنی اتناول دواک

***

جاسم ثعلبی (حسّانی) 22/05/1393/ 2014-08-12

ابوذیات التایهین

اخوی الما فگدنی او علی وده

نکرنی او خالفانی او کتم وده

علی اعنادی اجتمع باعدای و اده

اود للموت ما یرجع علیه

***

اخوی العاندانی او شال وابعد

ابفرح خالی مکانه علی و ابعد

نسیته او ما حسبته ابزلم و ابعد

ختل بیه العدو و ابیا نویه

***

اخوی الما ذکر طیبی و لا رد

علی سد بابه و اتکتر ولا رد

الگلب ما طاوع ایزوره ولا رد

بگن بسماته تذکار الهویه

***

جاسم ثعلبی (حسّانی) 22/05/1393

2014-08-12

ابوذیات مغردات

غدرنی الحطم احلامی و نذرای

یلم محصولی من تعبی و نذرای

اگله جوز لا تسلب و نذرای

لون دگ چوبی چا وسع علیه

***

هظمنی التارک ارسومه و داره

یریت ابوادی ازورنه وداره

چا ساویت بنیانه و داره

و افوخ الخلگ من ناس اخرطیه

***

دعر بیه الهدر بخته و لمنی

ابکلامه دمر احلامی و لمنی

تجیه لحظه او فرش زودی و لمنی

البخت لهل البخت جیش او حمیه

***

انبلم یلی بخت کل حید هدماک

تفردش بالغزل و اتصیح هدماک

وراک الحق تفر لاوین هدماک

تضل عریان مسلوب الوصیه

***

یدنیه اشسودنچ قری و نحبای

علیه امی بچت صامت و نحبای

دفاتر ما جمع شعری و نحبای

کتمت اهوای من ضیم العلیه

***

جاسم ثعلبی (حسّانی) 21/05/1393

2014-08-12

عید میلاد

یمحمد رضا جیناک عید الیوم میــــــلادک

الف مبروک عام ابعام باسمک نکتب امجادک

تضل تذکار هالحفلات لما توصل احفادک

احفظ هالسیره او باریهه

***

یمحمد رضا من صدگ ودیت

الک بوسة محب من بعد ودیت

اشمالک یا گلب خزنت وادیت

تطیب اجروحی من نلتم سویه

***

فرحه او الف فرحات میلادک اللیـــوم

طفی الشمع مبروک او زیل النه الهموم

***

یم رضا ابمیلاد ولدچ هل هلی

اتجمعت فرحانه اجتکم هل هلی

راسی شم بالگهوه ریحت هل هلی

الدله رنت من حضر فنجانهه

جاسم ثعلبی (حسّانی) 20/05/1393 / 2014-08-11

خروس

خروس بی محل داریم ، نشسته بام کوچمون

تو لحظه های روز وشب ، آوازه خوان خونمون

***

خروس دم سیاهِ ما ، بال می زنه وقت دعا

چشاش می بنده ناگهان ، صداش می پیچه تو هوا

***

وقت نماز وقت سحر ، می خوابه بیدار نمیشه

نم نم بارون که میاد ، یه قطره غمخوار نمیشه

***

سلطان و شاه خونمون ، ستم می باره از چشاش

پر می کنه مرغ محل ، نوک می زنه رنگ لباش

***

قفس نداره این بلا ، تاجشُ جور جور می کنه

بال می کشه روی زمین ، دشمنش دور می کنه

***

تو قصه های شاد و غم ، حرف خودش می پذیره

خنده و گریه های ما ، تو خاطراتش می مـــیره

جاسم ثعلبی (حسّانی) 20/05/1393 / 2014-08-11

ابوذیات رابضات

هله بالعایدانی ابللیل و ابراک

دخل بیت الفرح بالچبد وابراک

لجلک طفت نهر الغضب وابراک

سعیده ایامک انعاید سویه

***

الدهر محرب علی بارماح یرمای

لچم گلبی الجریح او نزف یرمای

بحر مستقبلی من رعد یرمای

او یغرگ کل سفن جارت علیه

***

علی المحبوب اجر اطوار و انغام

گطع حبل الوصل ما مطر وانغام

تاجرنه ابجفاه ما سکن وانغام

طلع بد ذات و اتجاسر علیه

***

تفرگع گلبی بالاهات شبنای

هدم ولفی الموده او بعد شبنای

لهمت الصبر مالح زفر شبنای

او حرم لذات طیب الزاد الیه

***

الدهر شتت هلی او ربعی و شلهم

ابطن دار الگلب حطوا و شلهم

غسل بیت الفرح منهم و شلهم

او جعلنا اجناب نعبث بالثنیه

***

یدار العز عذب مایچ ورد بیچ

ذهبت اویاچ ما اعوفچ وارد بیچ

کتبت اسمچ علی الفاظی وارد بیچ

طبیب اصبح نشیدچ سر علیه

***

یدار اهلی ارد انشدچ وین اهلنه

ونین الگلب زاید وین اهلنه

اهلال العید ما هل وین اهلنه

یهل واحزان تتلافه علیه

***

زهه من زار بیت اهلی واجر بیه

مریض او ما صحه امن الهم واجر بیه

عجید او صایبه افعاله و اجر بیه

یجی یوم ایتبختر بالثنیه

***

جاسم ثعلبی (حسّانی) 20/05/1393

2014-08-11

اتصل یلی انتظرت اترید تصلای

نارک بالگلب و الجفن تصلای

مریض الشوفتک یا گمر تصلای

تزیل الهم بعد لا یمر بیه

***

یمن وصلک حنان او فرح و انساب

علی الی تارکانا انعتب و انساب

العگل من یوم سار ابسفر و انساب

غریج ابشوگه ظل ما رد علیه

***

انتظر جیتک یروح الروح مرنه

عسل یمطر کرمنا ابریج مرنه

رجائاً صفی نیتک لا تمرنه

ابجفون العین فرشیت الثنیه

***

جاسم ثعلبی (حسّانی) 19/05/1393

2014-08-10

هم زین الوفاء عاشر شهر عاشور

ابو فاضل فگد چفینه بالثایه

هز کوفان ما طخ للظلم و الجور

او بگه تاج العشیره الرافع الرایه

***

دار المعرکه حید او الف نعمین

ابن حیدر شجاع افعاله معلومه

گطع روس العده او طب بالفرات المای

ترس گربة عطاشا التنده ابیومه

***

جواده احتار عطشان امتنع ما ضاگ

یحس بالمای دنگ راسه او شاله

یشوف ابن العجید ایفکر او محتار

غمد بالچف نعیم المای وارخاله

***

ما طاع النفس بارد زلال المای

چز من شوفته و اتوسد اخیاله

لزم سیفه ابغضب و اتوجه المیدان

ضرب داس الکفر و اعیونه هماله

***

کفل بنت الزچیه او دارس الهه احساب

عهد کاتب معاها من یمر بیهه

عطشانه اصبحت و اتعاتب التربان

ابدم اخوانها الصبخه التحنیهه

***

تعنه امضهضب او یسمع صهیل الخیل

قصد جیش الندامه و العلم بیده

ما فارس گربله او بارزه او عافاه

ابن الهاشمی یگربله و ایصیده

***

غدر بیه الشمر یم الجذع ملعون

گطع یمنه او یساره ابحیله سامیه

لزم سیفه ابسنانه او حارب الکفار

او بگه رمز الوفاء الکل شیمه عربیه

***

من خادم اهل البیت :

جاسم ثعلبی (حسّانی) 16/05/1393

ابوذیات صائبات

کمل عگلی ابهجرولفی و لوعه (اذیته)

جفانی او ما اجد ناصر و لوعه (اعاقبه)

لا یقبل اشم عطره و الوعه(ولو اه)

ابتلیت اویاه او حمّلنی الخطیه

***

الدهر ما کمّل ادروسه و عفنی( عافانی)

مریض او ما حمل دیتی و عفنی(عف عنی)

یولفی طایح ابشهری و عفنی( تعافالی)

الدهر طاف الگلب و انت البلیه

***

ابخبر عاجل صدر حکمی و ذمبای ( ذم بی)

ولا عرفنی بافعالی و ذمبای ( دنبی)

صدیقی الحارگ الحافی و ذمبای ( ذمانی)

انتخب موتی ولا امسه اباذیه

***

جیوش الهم علی هجمت وردت (رجعت)

تهشم تحرگ او تشتل و وردت (وردت)

هجرت ابشان اجد شانی وردت(ردیت)

لان دیرة هلی التحکم علیه

***

مسح گلبی الطلب خوتی ولاخوا (ما خاویت)

اعلنت ما ازرع الحنضل ولا خوا (خوا)

(یبو ارش )غیرک ما الی صاحب ولا اخو (اخ)

انت التفرش اتراب المنیه

***

یدار العز اکرمی امجاد و اسعاد ( کبار)

اخلافچ ما حلتلی اعیاد واسعاد (افراح)

بگیت آنه او مجنتی او جون و اسعاد (السعاده)

متی ترجع صگور العز علیه

***

الشاعر جاسم ثعلبی (حسّانی) 15/05/1393

2014-08-06

یا ریت العشگ ......

ایا ریت العشگ بیه رایت العباس

حتی انشد عشگنه او محد ایخونه

او تمنیت الیخون ابگصته ورمه اتصیر

سجل تاریخه یبغی ابراسه مدفونه

او تمنیت الیخون اتشوفه کلهه الناس

تبعد من ثنیته اتفگس اعیونه

او تمنیت الوفاء مثل الشمس ینشاف

من ابعید تربی اوصافه مزیونه

العشگ مو ورده یذبل لا وحق مجنون

العشگ مدفون وسط الگلب مضمونه

مثل لیلی المحبه خضّرت بالراس

علی المحبوب سابت من خطف لونه

اخذ اول عشگ وآخر عشگ مثبوت

الرب العالمین الحب یختمونه

الرب العالمین الحب یکرمونه

جاسم ثعلبی (حسّانی) 14/05/1393

2014-08-05