سفیر الحب

مجازر حدثت ابغزه و لا عـــــید

او ذهب گلبی ابحلم ناصر ولا عید

بعد ما افرح ابسفره و لا عیـــــد

اعید یوم ربی ایحن علیــــــه

***

الولف دمر ثنایا الحب و عیده

او گطع حبل الوصل بیده و عیده

فضل ماله علی واهتم واعیده

تعمد بالخطاء او یضغط علیه

***

وحق بیت القدس وارضه و ناسه

ابحزن غزه انختم عیدی و ناسه

تضل تذکار حسراته و ناسه

العرب ما تخشی صولات المنیه

***

ارید انزع حزن گلبی واحیله

ابحساب العید ارحبله و احیله

اظن گلبی النصر ضافه و احیله

او یضل تذکار عیده ایسر علیه

***

هله ابعید الفطر سرنه و جانه

ابنار الفرح سهرنه و جانه

اشتظن ایامه بهجه النه و اجانه

یلم احباب ما تلتم سویه

***

هله ابعید الفطر من هل و هلهل

او جعل دار الفرح محفل و هلهل

ابمضایفنه الستر حلحل و هلهل

او یطفی النار برموشه الزهیه

***

جاسم ثعلبی (حسّانی) 03/05/1393

2014-07-24

احب اویاک اسولف و اکشف الهمه

و ابن العم یداوی اجروح ابن عمه

اذا مفتاحه غیرک ما یصح ذمه

احدیده الطنطل نش بیهه

***

الخیانه حیل تنزف دمعة اعیونی

اضل اوفی الصدیقی لو یدفنونی

ابوکت العازه اوگف لو یگطعونی

یتمثل بیهه الحسانی

***

وگفت اویه الصدیق اهوای ، من طلبیته عافانی

بعت صیتی او حلالی اعلیه ، او یم اعدایی ذمانی

ابوکت العازه یلفی اردود ، یتبکبک او بچانی

او لو صارت شده ایسد بابه

***

جاسم ثعلبی (حسّانی) 02/05/1393

2014-07-24

اغنیة: اجانه العید و اهلاله

اجانه العید لابس بدلته او فرحان

طاف ارض او سماء و ایغازل الخلان

بالکوفیه هوس باشر الشبان

الاهواز انتفض دنگله او شاله

اجانه العید واهلاله

***

اجانه یعتذر خطواته من اسنین

ردد بالاغانی والله ما ناسین

اسمکم بالگلب قاصد اوفی الدین

ولاکن کل وطن مهیوب بارجاله

اجانه العید و اهلاله

***

تلگته الزلم طگت حواشیها

یا دار الیطبها الدمعه یجریها

عریانه المضایف من هو یچسیها

والموگد ترک فنجانه و ادلاله

اجانه العید و اهلاله

***

اجانه العید کاسر شوکت الندمان

باشر یستمع صوت الغصف والدان

والعگال انشتل مرسومه بالمیدان

جیل اسباع لازم بیده محچاله

اجانه اعید و اهلاله

***

جاسم ثعلبی (حسّانی) 01/05/1393

2014-07-23

اجانه العید مسرع لابس اشماغ

یهنی اهل الصبر واهل الحمیه

لگاها احروب تتحارب بالگلوب

او لگه اهلال الفرح واگف تحیه

لعب بینه الوکت و اتحزم احزام

خبص دیران اهلنه ابحرگ البیوت

المضایف وسدت باطراف الایشان

او بگه سیف العشیره ایکارب الموت

النار آخر خبر تعطیک الاحلام

دوت بردیة اهلنه و الگصب شال

و الصیاد ذب مشحوفه بالهور

او بیت العز خدر مطگوعه الامال

العرب مشروع صارت بید الاشرار

او غزه اتهدمت نایم ولیهه

مصر مفگاسه صلمه او ترمی باسهام

او حماس اتهوج و ایفلش رمیهه

ابن صهیوم ما هود و لا نام

زحف للموت خله امهنه ریته

لگاها اسباع ما تلبد بالبیوت

انکسر بید الاماجد خلع صیته

و العراق الجریح الینزف ادموم

ما ضل بیت سالم من الاشرار

برامیل او قتل مگلوبه بالگاع

و ابن حامی العزیزه حمل او طار

خدم صارت جنود الغایب اسراب

المراقد ما تمسهه العنجهیه

البلد دیوانه یزهی امحمل اسرار

من البصره او مصیره القادسیه

و اهل الشام صارت مثل للناس

ملعب للعداوه و التحالیل

اختبر فیها الگدر بسلاحه کل یوم

علی السمراء الحزینه یا دمع سیل

قصور اتهدمت صارت متاریس

او مداینهه امحلت عطشانه للموت

او فتک بیها القصف یحصد بالرواح

اجساد امسیسه او خل تشبع الحوت

او لبنان المزهیه اتراهن الخیر

وصل لیهه الحرب ودع خواته

یرید ایدوس باقی مچمن الطیر

یگصص بالشجر حایف خواته

او حزب ا... البطل طیار الاحسان

کسر طوفان ابن صهیون بیده

تحزم للجنود او گطع ارگاب

احس حرب الیهود اردود عیده

الیمن لابس عبایه اتستر اعیوب

کر او فر حرب مجبل علیهه

عمام او لیش تنزف دم بالضلوع

یا عید اعتقد شایل ولیهه

تونس حررت کل المساجین

اجاها الغیم و اغطس کل سماهه

الشفاء من ا... واجب والدمع عار

اظن دخان ابن حوکه العماها

الجزایر هودت و انتظرت الکاس

البرازیل انتغم و ازعل علیهه

بلدهه امکسر ابصولات الاجناب

تحن واتنوح ما نعرف حچیهه

بعد شترید اگولن وانظم اشعار

و البحرین تنشد وین الاحرار

شعب عنده عقیده او راید احقوق

الشعب راید ستر یتواگد ابثار

او شگول اعلی الگلب راسه او مشه ابللیل

الخیانه الزفته او حرگت ثنیته

اطفاله امیتمه او تتناول الموت

جبل حمرین اجل یکشف قضیته

کاتلنه الفقر و الدنیا دولاب

ابطن بحر الصبر راکس هوانه

ابونه مات و امنه ما تحب غیر

ترید اتربی اطفاله اببچانه

بعد یا عید اریده و اشکی الهموم

حتی العید یتفرج لگیته

الصدگ تابع الغیری وآنه مطروح

العتب ویاه لفلفته او رمیته

جاسم ثعلبی (حسّانی) 30/04/1393

2014-07-21

در کجای این جهان ، کودکان طعمه ی جنگ

خونه ها ویرانه شده ، گوشت و خون و تیکه سنگ

***

همه جا صدای بمب ، همه جا دود و دمار

ساقیم تشنه بخواب ، فکر من در کارزار

***

عشق و آژیر و خطر ، جشن دامادی رسید

لاله ها رقصان شده ، روی قبر هر شهید

***

غزه میعاد ثنا ، غزه روح قدسیان

با جهاد و افتخار ، مرقد صلح جهان

***

ای خدا با دست باز ، میشه دریا رو شکافت

جنگ موسی با یهود ، زخم دلها رو نبافت

***

جاسم ثعلبی (حسّانی) 30/04/1393

2014-07-21

علی علیه السلام شهید المحراب

خوان العراق الخان ابو الحسنین

او خان احسین گطعوا راسه بالکوفه

والعباس اخوه الما یطخ الراس

ناسین ابن حیدر وفه معروفه

الالاف الرسایل تطلب التحریر

مرسوله لبن حیدر یطلبونه

یعین الدین و ایساعد لوا المظلوم

اجنود اویاه بالحومه ینادونه

قبل سید الاسود او هاجر اویه اسباع

معاه اعیال بیته او ربعه واخوانه

و اجت زینب کفلهه ابساعد العباس

مع اصحابه سرت ویاه جیرانه

وصل دار المعاره او شاهد الترحیب

جیوش الغدر من کل صوب حادته

نست دفع الرسایل والی باع انزاح

شیوخ اهل العرب بالحومه عادته

او صار الصار تدری یا عزیز الروح

ضل احسین وحده ایعاتب المیدان

فردوه ابخیانه او شاهد الطف بیه

او گطع راسه الشمر و اهداه لبن مرجان

علی من بعد تکریم  الرسول احتار

یقبل بالحکم لو یبغی مستاعد

اجته او بایعته الاف من کل ناس

انت انت الخلیفه الرابع او جاهد

ما حب الحکم لاکن بلته الناس

تقدم یا علی والکوفه تبرالک

تعذر من عربها او ما عذر نجاه

العداله انت یصهر النبی او تحلالک

قبل قاد الخلافه او بارزته اسهام

ما تقبل عداله او لا تحب عونه

ترید الدنیا و اتدوس اعلی صدره ارکاد

او ترید ابزور تفگس فتشت اعیونه

علی عالی مکانه بالگلب والروح

کل مسلم یحبه او ما یحب دونه

ابو الحسنین سیفه ما تمره اسیوف

من صغره ابضرب سیفه یحمدونه

او غدر بیه الغریب الما اله عنوان

لا دین او عمام او لا ابن ناسه

ختل تحت الظلام ایخاف منه اگبال

بالمحراب ابن ملجم طبر راسه

سقط بین السجود او سال منه الرای

العداله اویه ابن ملجم لازم اجریهه

اذا انه عدل بالکفه و المیزان

اجروحی البالفرق اعفی و اداویهه

و اذا ربی قسم رحت الدیار اهوای

اوصی ابنی الحسن یاخذ ابتوصیفی

فرد ضربه یضربه او لا یثنی اردود

و اذا عف عنه هم راضی ابستر ضیفی

العراق الباع دینه او ما حفظ طیبین

لا تامن دیاره او لا تحامیله

یخونک مثل ما خان ابعلی و احسین

یگص راسک صدیقه او لا تتچیله

بعد ما احب اداوم و اکتب اشما ارید

احس خارج کلامی من شواجیره

احب ال النبی و اولاده الاطهار

زودت ابکلامی او کافی تفسیره

شاعر اهل البیت :

جاسم ثعلبی (حسّانی) 28/04/1393 

2014-07-17

شبِ قدر

ای چشم من بیدار بمون ، وقتِ دعا وقتِ نماز

لیلة القدر اومده ، با صیقلِ دلها بســـــــاز

***

مسجدِ کوفه نیمه شب ، محرابِ اون خونی شده

شیر خدا دستِ گدا ، قربون مهمونی شـــــده

***

زخمِ سری قطره چکان ، عدل حسن می طلبه

قلبِ امیر مومنان ، در حسرت خود می تپـه

***

فرزند ملجم بی خبر ، فریادِ کفرش اومــده

در رکعتِ یار رسول ، ضربه به مولا رو زده

***

شبِ نزولِ سوره ها ، شبِ صعودِ هر دعــا

بر سینه ی پاک نبی ، قرآن فرستاده خدا

***

یه شب ثوابش می کشه ، از هر هزار ماهِ  دگر

قرآن بخوون یادِ جزا ، بیدار بمون ای رهگذر

***

جاسم ثعلبی (حسّانی) 27/04/1393      / 2014-07-17

عید فطر آمد

مریدان عید فطر آمد ، خوش آمد وقت دلداری

نماز وروزه گل باران ، کویرش درد و غمخواری

گناهان زاده ی مرداب ، که آبش شور وبد طعمی

لیالی القدر سحر خیزان ، سفیر خواب و بیداری

به گرگیعان گرم آواز ، به طبل و کوچه و دینار

رسوم عشق خود گردان ، نمای سنگ دیواری

سفر در آسمان سهل است ، دعاخوانان شب بیدار

تلاوت می کند آیات ، بدون اشک و آزاری

من و اعمال روز افزون ، و ماه روزه و امساک

خدایا باغ تو زیباست ، اطاعت رمز گلکاری

صفا در کنج دل پنهان ، شکیبایی کلیدش را

هواپیمای سر پرواز ، صعودش ذکر و پنداری

دل و جسم و تنی کم سال زر افشانی نصیبش شد

کنار قبر احساسم ، شدم شمشیر سرداری

تمنا می کنم شادی ، بیا در شهر ما بنشین

رضای حق در این وادی ، طنین عشق و دفکاری

برقص ای دلربا امروز ، هوای خانه شیرین است

سحر تابیده در افطار ، طبیب مرگ و بیماری

جاسم ثعلبی (حسّانی) 26/04/1393

2014-07-16

اکتب یا قلم و اکشف ظلم مستور

العالم محتضر ما یقرا الحانی

القتل هاجم شرافة کل بلد مامون

یذکّرکم عجل جاسم الحسانی

الوحش دخلت مدن ساندهه الاستکبار

او تکنس بالصلح و امجنزره المیدان

قراء صارت مقابر و الشجر مبتور

تبدل روعة الفرحه ابکدر واحزان

العرب محمیه صارت و الضباع اتحوف

من کل صوب موجود الخطر بیهه

الغرب والشرق یرغب ینتهز لحظات

یتصرف مناطق حتی یحمیهه

فلسطین الابیه طومرت للموت

ابن صهیون جند جیشه و ارجاله

یرید القدس مسبیه او حماس اتزول

بامر من انگریز الکمل اماله

العالم کله محتل للخمس دولاة

زاید واحد او باقی ذبح کالضان

او مجموع الدول خدام الامریکان

اذا خالف سیاستهه تدکه ابدان

اذا عدهم عداله اتحرر المظلوم

کثیره اشعوب تحت الذله موجوده

لماذا ما تحسب تنجی المخنوق

لان عازات الاستکبار معدوده

الوتو طمعه تکتّم سطوا الاستکبار

الروس او انگریز او چین و امریکان

تساندهم خفائا افرانسه و الالمان

کبار الحرمنه ابقتل البشر بالدان

مو بس القدس مطلوبه للتحریر

کل حکامنه لازم نذکرهم

کلمن طاع طاغی ما اضنه انسان

هذوله ارماد ما یمکن نحررهم

اتحدوا یا عرب یا مسلمین اللیوم

زیلوا کل عداوه الی تعادیکم

الامریکان جر احروبه للتدمیر

ابمکه او کربلا بکرا یداعیکم

جاسم ثعلبی (حسّانی) 24/04/1393

2014-07-15

وین ، وین ، وین ، وین ،

لاوین الاحرا ، ابغزه شبت نار

شن احروبه جیش الفاشل و ایسدد صوبین

بحر او بر او جو وایهدم ببیوت افلسطین

یقتل، یسلب، یسجن ، یذبح، لا ناصر لامعین

العالم نایم من افعاله او یتواعد بالثار

 وین ، وین ، وین ، وین ،

لاوین الاحرا ، ابغزه شبت نار

***

یا شعب انهض والزم دربک و اتظاهر بالکیف

یومک ظاهر بیک الغیره اگعد هز السیف

غزه اتنادی یبن ابلادی و اتحارب کل طیف

تبغی امقید بید اسلافک ذله او وسمة عار

وین ، وین ، وین ، وین ،

لاوین الاحرا ، ابغزه شبت نار

***

یا مسلم تتفرج یا حد اسمع صوت الدان

من فوق الطیار ایسدد و العالم فرحان

و ابن العم نایم بفکاره من خوف العدوان

صامت صوت الحق واینادی من بیت المختار

وین ، وین ، وین ، وین ،

لاوین الاحرا ، ابغزه شبت نار

***

دگ اجبالک واصنع طلقه صاروخک سجیل

و الضفه الغربیه اتهلهل اصمد شد الحیل

او غزه اتغرد بالجو هیبه اتبوس انجوم اللیل

موجوده اسباع ابکل دیره و تتواجد بالدار

وین ، وین ، وین ، وین ،

لاوین الاحرا ، ابغزه شبت نار

***

جاسم ثعلبی (حسّانی) 22/04/1393

2014-07-13

هدیه الی اهل غزه