ابوذیّات مختارت من الشاعر الاهوازی الادیب المرحوم ایفیر البحیر السلامی
جدّت ناگتی للسیر ونوت
عیّت ما تچن ابعرب ونوت
سئلت الدوح گال اهجست ونوت
ابهدوه و الصداع البان ضیّه
...
بعض دمعی غطاء وبلل وعالی
الدارس من سمع ونی وعالی
لفانی الوصل وانا اتهل وعالی
الوصل شیفید اذا اگربت للمنیّه
...
بت امنع جوادی البتهیمّه
او علی من گاطعات البتهیمّه
صرت بزّون جامع بتهیمّه
البوگ الذاک والصایح علیّه
...
جواد الکون ابزّنه ونعله
و اسبّه الحچه بالغبره وانعله
جبل حمرین هم عالی وانعله
اتوطّیت او جرن نهران بیّه
...
انت الّی تهاب اعداک منّک
و اظن ایزود بالگبّان منّک
اسئلک عن حبیب الراح منّک
رجع لو غیبته صارت بطیّه
...
النذل لا تنزل احذاله اوتراچی
او علیّه یوحی اچلابه اوتراچی
امدللکم ترا اطان تراچی
ویگمعه النذل بالصوط لیه
...
رجال المضوا بیهم ستر ولفای
او هذوله موش ذره لصاحب والفای
مبیهم گاطع الشدات والفای
ولا شالوا حمل بالموزمیّه
...
گضه گیضی او گمت افتکر بشتای
او بچیت او من اعیونی ادموع بشتای
ایهال الطیّحت من چتف بشتای
ونامن للعسر ماشیل ادیّه
...
جاسم حسن السلامی یقول:
الدهر مثل الرساله دوم یجره
سطرنی او خله دمع العین یجره
اخبرک باللذّی محتوم یجره
الحذر ما یرفع الکاین علیّه
...
کفو من گال لضیوفه یحیون
نمر و اعداه من عنده یحیون
اسالکم علی الماتوا یحیون
اشخذوا غیر الچفن تحت الوطیّه
...
یحیت الرابیه ابغفره ولاحیال
او منّک تاهن افکاری ولاحیال
یصایغ صوغ خوصتهه ولاحیال
ابمنّه او شرف و الکروه علیّه
...
یصایغ صوغ للزینات چلچل
وغویی من طردهن عاد چلچل
انا اخطرت یوم الزلف چلچل
تهت لا اشوف نجمه او لا ثریّه
...
علی من غیر ایویده شیخ شومان
ترکنی او لا بعد بالراس شومان
بیّامک اسلوگی صار شومان
و اوّل صیدته المعضوم بیّه
...
یقاتی همس نایم وندهه
او مسچ یمطر من اجعوده وندهه
جوادی اشما ارد اهمنّه وندهه
حسر و اضعونهم مرّت علیّه
...
یصایغ صوغ للزینات زمّن
انهوده من وراء الثوبین زمّن
الکدیش اخیالتی والوذّن زمّن
غدن منّی او بگیت اصفج بدیّه
...
ارکبن و ایلاعب الهودج علمهن
ابعدن ما یاش طارشهن علمهن
نغل خلیتنی جاعد علمهن
ابأملهن والشمس طلعت علیّه
...
ارد اگوم او ما من حیل گوّه
و انهوده شایلات الثوب گوّه
حسافه یا لحانه نبت گوّه
او بعد بنفوسنه لعب الیاهلیّه
...
غیری لو یطب بیتک حیتّه
ابحفظ الطافته العالم حیتّه
انت غیث کل میّت حیتّه
او من صوبی تصب نگّاط میه
...
علیّه یا سنین الخیر بطّین
انبط گلبی او صارن بیه بطّین
احمار الیاب روحه او برک بطّین
الف تنکه الیطلعه ابعین ابیّه
...
الف طاحوا علی اصماطک والف دان
و الف منّک رمی ماتو والف دان
اییتک لا برز عندی والف دان
بجهیره او علیک اگطعت بیّه
...
ارید البس لعند العصر مندل
لبو ازلیف الچل عثوگ ابریم مندل
انا ابن الدلیل او صرت مندل
غدت شمس ا لضحی هندس علیّه
...
اسمچ یانس الحکّام باللیل
عسجد لجل قتلی اشترک باللیل
دفگ دمعی عبیط الیل باللیل
ثگل چایه او تحدّر سیل میّه
...
اشمرید انام عینی من رجلهه
مشت والگاع تزهی من رجلهه
تهت معرف حماها من رجلهه
شبش و احسابهم یکلف علیّه
...
مهر لا اطاوع ابرشمه ولا عان
اسب الیفّلک منّی ولاعان
اثر لا اشوف لضعونک ولاعان
ابحصوا وغدن سوانیهم علیّه
...
انا الچان ریلی تهمز وادب
اکلنی بنکال سجن و ادب
شفت خالک او شفت الثور وادب
ثالثهم ابو اکنیهز سویّه
...
یبو انخیله علمتن منتوله
او تصبح لحیته امنسّله منتوله
انچانه هل شعبه صدگ منتوله
اشحال لو نشبع طبیخ امحمّر
...
الیود البیض کل الدهر ینحط
او علی حبل الحکم کل یوم ینحط
شیفید المیت عگب الگبر ینحط
تظن یحیه او یمشی اعلل وطیّه
...
مشیت او لا تصح لی عاد صدره
ثگل همی ابضخن الورگ صدره
صحیح التعب جدمه فرح صدره
هیبل الیطلب الچاسب حذیّه
...
الرب ینطی لکت یبطی نواله
او گمت اطلب من الطیّب نواله
الدنّیا خلت المتنی نواله
احورچ و الجروح اتصیح بیّه
...
ابهیده لا اطر البلم دنه
ابساگه لایج الخلخال دنه
ابحوش اهلک یقاتی دمش دنه
نبی انزورک یبو ازلوف الابیّه
...
حده حدّالهن و اعیلن بسوق
ظلمه او بس دوی الخلخال بسوق
ایا خشف النحرنی الیوم بسوق
ابن گوه انطرح وانا شچیّه
...
یفر گلبی علیهن مثل یعگوب
الهوی جبری او خنتن لیش یعگوب
اظل ابچی وانوحن مثل یعگوب
علی یوسف و ازود الغاط میّه
...
ایا احباب گلبی من یعلهم
یسرونی ولا یصحلی من یعلهم
رسول البین شخبر من یعلهم
جفو یا فرحت الشامت علیّه
...
وحق الّی تعبده النّاس واحد
علیک البس اثیاب الحزن واحد
مثل العبّرت واحد او واحد
حالت بینهه او بین المنیّه
...
حده حادی الضعاین ونحبلهم
جفوا واصرخ ابعبره وانحبلهم
یحبّون المفارگ ونحبلهم
اشبعد یردون رادتهم علیّه
...
یبت غویی ابتالی الظعن چاغر
حبیبی لو یودنی صدگ چا غر
همّی لا یطگ البحر چاغر
السمچ والحوت جوهه ابغیر میّه
...
یبت غویی ابتالی الظعن ماطر
صب دمعی علیک ابکثر ماطر
همّی لو یطگ الوغش ماطر
نحت ریشه او سکن برض الوطیّه
...
اقسم بالنبی الهادی وعالی
او منّک خزّن جرح گلبی وعالی
نخیت البالگبر نایم وعالی
انکسر گلبه او نشدنی اشصار بیّه
...
لبسنه اکشال ماردنه منک شال
او جرح الگلب مایرهم منک شال
لونک زین ما یارک منک شال
ولا شبرین عنّک گطع فیّه
...
ابیوت اهل المجد ماهن بعد تمّن
او صوانیهم لعد الضیف تمّن
بعد بالک یا گلب بالدهر تمّن
چثیره احیود وسدهه المنیّه
...
وسفه راحت الضنّه وینسه
او علی الما عرف غایتهه وینسه
الرجل یمضی غلی قوله وینسه
او یدری اشما لفظ وعده الخویّه
...
طابوثه او تنشعل باللیل ونهار
او علیه اگطع فیایی الخطر ونهار
انا مشرب من ادویل ونهار
افوت اعلی البحر وضّوگ میّه
...
ابهیده ریّض الجدمک ومش عل
او منّک خزّن جرح گلبی و مش عل
توالف نگنص الحطری ومش عل
اختلف ریح الهوا او ما مر علیّه
...
دوک النفس سلیهه وشدها
او فرغ الگلب من همهه وشدها
اللذّی ما عصّب اجروحه و شدها
یتحضّر او یتگرّب للمنیّه
...
اشکثر نشتم هوی الشمّیل ونشگ
اشکثر ننشد علی الخوّان ونشگ
ما تدری ابهدمی انملخ ونشگ
تگلّی الشیخ ماوده هدیّه
...
عتب مامن علی هالنّاس ولحه
صبیهم ول علیه او غار ولحه
اویلی من تصح اعلیک ولحه
یاذیک او تدش نار السریّه
...
اردوف امهفهفه ضامر ندامه
ابارض غفره ولا واحد ندامه
گعدت اویلمحب اشرب ندامه
سکرنه ابهل هوا قبل المنیّه
...
ما بطّل دمع عینی من الهل
رشفته او طعمت اریاگه من الهل
مثل رمضان اعاین له من الهل
ایا ریم اضوه من الغیم میّه
...
ما بطّل دمع عینی وهل بیه
علی شفته شرک لابس وهل بیه
تلگوه سیّر الناهی وهل بیه
بدوته صخی شوف اشعمل بیّه
...
اجعودک یا شریچ العگل فیهن
من الطرّن علینه او کسر فیهن
زهت بینه المنازل یوم فیهن
اباحت بل وصل یا صاح الیّه
...
اهیم انا ابارض شمّر ولحمر
علی الی لابسه الخضر والحمر
لاهی ثور ابدّلهه والحمر
شامه او بالوجه لزگت علیّه
...
ایفیر التاه رایه و خف عگله
او علی راس المصر بل حفر عگله
صرت مثل عزر الیهودی الفتل عگله
یگول البل الی واتعود الیّه
...
ابزی ما هود ماتخیّل ولاشال
او مدحنه ماثمر عدکم ولاشال
مرکبک بس عسر منی ولاشال
نگل کل الخلیج او دار میّه
...
النواظر هم دریت اعلیک شبچن
دمه واچفی ابچف الدهر شبچن
علی صوّل زمانی او نصب شبچن
شبچ ضدّی او شبچ فرکاک الیّه
...
ارید اشرب من المشروب ورده
او سیفی من دموم اعدای ورده
یغثنی امن الصدیج اصواب ورده
حلو ضدی ابطبر لو نح علیّه
...
سرّک لا تبیعه النذل والرای
ولو تنطی ملک الروم وارای
یدورک هبایه اببحر والرای
نغل وایدوّر اعلیک ابهبیّه
...
افریشی الگاع و امقطه و علی بال
او من رادات الوفگ چلبی علی بال
اعتقد همی لو افضّنّه علی بال
تفلّش او کل وصل صار ابنویّه
...
وحق القاف للمصدر من الذل
سعید الرجل لو یسلم من الذل
قشیم الیکتل الحیّه من الذل
یشوشها او تگرصه ابلا وعیّه
...
انا غویی یطوی الغابات والبد
او عیب اشرد من الکلفات والبد
اکره کل حچی من غبر والبد
واحبّن کل صدیق البیه حمیّه
...
اشعلامه الدهر سل سیفه نوالای
او یرید اطلب من الیطلب نوالای
منی حمل حتّه اجمل نوالای
میدری اکحیل سبجی ابکل قضیّه
...
العنب ماهو ابروا خدّه ولاتن
اجعوده التفّت ابساگه ولاتن
یخی وصلن جریب النه ولاتن
ایفلن من شافن الشیبات بیّه
...
فاض بحر الجود مالمه یرف
او گام کل شاعر علی بابه یرف
طیری الشنغار بجناحه یرف
ایطیح عند الصید وابچفّه المنا
...
او هایب یا بحر کم نشف وشّل
او یزگم عندی اتخیط افتوگ وشّل
اخبرنّک بعد یومین وشّل
ولی عود بصاحب یترجون بیّه
...
ایفیر التاه من العگل دهدوه
او جنین الچبد من النهد هدوه
رگاهه الفحل وانا اصیح دهدوه
الفحل مسیون والطالب شهیّه
...
عسی عین التنظر العینک عملها
ابجفاکم چن العریضی عملها
تموت الروح واتلاجی عملها
العمل منک یبو ذات الردیّه
...
اکد ما طول بیه انگل قدامای
واحس بسیل واحسبهم قدامای
همی لو یطگ مرمر قدامای
فاض وسال بارض اللّه السعیّه
...
اکد یمین ثاری الضعن یسره
بارض عوسج وحافی جدم یسره
الجلیل یگول بعد العسر یسره
العسر شفته الیسر ما مرعلیّه
...
امعجّد شور البگلبی وحلبه
صریم او شوک انا ابدربی وحلبه
یمته ایدر الی ثوری وحلبه
ایر ابخصاء من قصبن علیّه
...
کل ساعه ابسهم هالروح تنصاب
او عگب عزها علیهه انذول تنصاب
مصایب علی صبن لون تنصاب
او علی ایام صارت لیل الیّه
...
اون او من ونینی الگلب ینطر
الحاشی اشلون منه الولف ینطر
سفیه العگل طول اللیل ینطر
الحایف ما یکضه جید نیّه
...
امنعد احباب گلبی منک ابده
وابد ما یصح واحد منک ابده
الحمزه انچان گطعوا منک ابده
افراگگ گطع ظهری او یوز ادیّه
...
امدلغم لا هو امصخّن ولا شاچ
ولا صول انفگد منّه ولاشاچ
ازرعت بستان لا طوفه ولاشاچ
دفذا لا تحوش لک ردیّه
...
الکواسی وین عن الرفش یلّو
او بعد ماکو حشم لل یار یلّو
احسبت نارک عراد اطلعت یلّو
خفت ما عملت قلیون الیّه
...
ملچک ما یحب یا میر ملچای
هما هیبتی او بالضیج ملچای
توازینی وایمر سعف ملچای
الگص ابزورته ما ثخن فیّه
...
زلمه الما یشیل الراس شلبه
او عسی الیناز گبل الفجر شلبه
الک جدا نطه نهران شلبه
وانت بستکان اتمن علیّه
...
نحل جسمی او حیلی باد ورگاد
ابسبب لن الهموم اتوال ورگاد
سفیه العگل نام اللیل ورگاد
وانا حسبات گلبی اویرن بیه
...
العدل یمعش من الدنیا معاشای
المیّت ما خذه الگبره معاشای
یا راعی النعم لا تگطع معاشای
یوالی الغیرکم کلفه علیّه
...
ثجیل او خففنّه البیض وزنی
احلفت مابوگ طول العمر وزنی
اسویه واگول ابلیس وزنی
الذنب ذنبی واحط ابلیس حیّه
..
وهب یبنی تلگه الضیف حی بیه
تری زاد المغد اسموم حی بیه
یا هو الجمع ماله او راح حی بیه
بس الشارک ابعگله الخویّه
...
وهب یبنی تلگه البی حیابیه
ایتعرّف و اشکثر وجهه حیابیه
اشمقیسه گوس الفرنجی حیابیه
شگص بیه او منزی ایرد علیّه
...
وهب یبنی تلگاهن حیلهن
چم ناقون یتراطن حیلهن
دوک البیض بالک من حیلهن
من گبلک هواهن فتک بیّه
...
انتلاگه الطلب ونگلّه سلامات
اظهور اخیولنه انشبهه سلامات
یهل تسئل علی صلبی سلامات
اخیار النسب و اوسع کل ثنیّه
...
شال ابللیل ظعن الغید والفای
او علیه اگطع ادروب الخطر والفای
ابیوم اسعید اطب ابلاد والفای
انام او نومتی ابعینی هنیّه
...
رکبت ام ساعدین الوبش ویسار
او من مثلی رهین الدهر ویسار
علی الزینین اگوّی العین ویسار
او من الدگمان چنه اتصیر بیّه
...
کل مصباح ابرّی الغوی بل بر
اکدّه واتبع الکلفات بل بر
اخذنب اویاه او ذبنی نغلبل بر
مثل یوسف وخوته عمل بیّه
...
اقسم بالنبی الهادی وعالی
والک خزّن جرح گلبی وعالی
نحت و البالگبر نایم وعالی
انکسر گلبه او نشدنی اشصار بیّه
...
انوح اعلی النواهی او علی ینحان
لما یعمه البصر و الظهر ینحان
لون اللّه خلقلی اثنین ینحان
اطیر ابساع للعنّوا علیّه
...
یدهری اشلون لچنی الدهر ونته
اون او اثرّت بالصخر ونته
بعد مملکت زمان الفات ونته
صرت ناعور اله تحت الوطیّه
...
عله گلبی لدگ ابصخر یاشیب
یفّلت الحطاری لیش یا شیب
عش اغراب بیک .... یا شیب
یا ذیل ......... شعملت بیّه
...
انترس گلبی یخلگ اللّه تراهم
عله المن چان الی اویاهم تراهم
هذولی موش ذولاکه تراهم
هذولی ثراء او ذولاک الثریّه
...
کتلنه الدش نظرنه او دخل بالدار
ابلاش امنی تعادل وزن بالدار
انهیم بیتک یه خدهه نور بالدار
ابتل بومه او ضوت للکایدیه
...
صایبنی اسلال الخیل بسلون
نسل جعده او خذاهه المشط بسلون
لا تحمد امبرگع ولک بسلون
احمد نادره او ثبته و نقیّه
...
متگلی یصاح اشبیک من من
او عله الخلّه مرض بحشای من من
دشوف الما کسرله عود من من
علی السر جنه بالموزمیّه
...
نشف شط العماره او شطر شظلک
بحر یل تعب الفوّای شطلک
یگلولی الرفاگه الشیخ شطلک
شگل الهم یبو اچفوف السخیّه
...
الغبر لا تگعد اگباله حواله
اگربه او شوف ملگاته حواله
عله المقرون تکتبلی حواله
عصعص صخل چیف ایصیر الیّه
...
النواظر هم دریت اشبچن وکتن
دمه و صرّخ یحادی ظعن وکتن
اعالج بل نفس ضلّیت وکتن
ابجافکم شاهدت حتف المنیّه
...
الوکت بالک من افعاله وغدره
هناک او شفّت ابحوره وغدره
الرجل لو گله عتباره وغدره
النجه بیده وارض غفرا او سعیّه
...
ارید اتبع سفیه العگل لوتاه
واحلّه امن الحبل سبعین لوتاه
انا خوفی من المربوط لوتاه
یصیر اکلف من التایه علیّه
...
چلّت ناگتی او عسرّت بالسیر
اموت او لا اورج اعدای بالسیر
ادهن والدهن مافاد بالسیر
یابس ما یصیر احزام الیّه
...
یاهو الداعچک عالبخل وعداک
جنابک تمدح الخلّان وعداک
تواعد بالوعد چا وین وعداک
انته و النده مایک سویّه
...
عمامی الّی بدو بل غبر ملهم
انکروا طیبی او علیّه طیب ملهم
الو زینین گلبی اشلون ملهم
عمن غمّان وابقوا بالردیّه
...
العلوا انزلت و النصّه تعالای
او من یور الوکت روحی تعالای
یمن یو باللحد بیتی تعالای
انتگابل و اللطم کله علیّه
...
الکره اعله اچبایش ابصیف یرحن
او سچاچین الدهر بحشای یرحن
اشکثر زینات بدگمان یرحن
غدیر ابصبخ یا هو شرب میّه
...
اسف و اتلومنی المخلوگ چیهای
التعرفه شری کیف ایصیر چیهای
الو همی علی حمرین چیهای
ارتفع بین السماء او بین الوطیّه
...
غویی ما یضوگ الدغل وسفه
او عدوی ما گضیت اویاه وسفه
الدوله اطیح عد احچیچ وسفه
الزین امکسّره اعضوده الدنیّه
...
ابحبل اجفاک چاتفنی و انامیت
گرت عین کل شامت وانامیت
ترانی النّاس حی امشی وانامیت
لچن ثوب الصبر ساتر علیّه
...
یون اهدیب ماظن یون خالی
یزر جسمی او یظل العظم خالی
تجابلنی او تگلّی شلون خالی
عساها ابخولتک گشره علیّه
...
باشه القیس مرهانه وردگام
او شفت شی لمع بزیاگه وردگام
گتله ابرخصه اشم خدّک وردگام
خزرنی او خزرته صارت منیّه
...
شوف الوکت یا صاحب تمرغل
او علی الصاحن فرد صیحه تمرغل
ابمکان السبع یا واوی تمرغل
ابدال الوذن شدوا عل وطیّه
...
ردنک شال ماردنه منک شال
لونک زین ماجارک منک شال
انت الچان ملبوسک منک شال
شجاک اشغیرک خزعل علیّه
...
بعد مای علی دنیای شرهه
یزت منهه او ارید کفاف شرهه
اشو ربّک عله دگمان شرهه
و انا ا بخطی الصبخ یطرد علیّه
...
ریت الدهر بجیوشه حطبهم
او عسه نیرانهم تاکل حطبهم
اتمنه ابلیس ریّسهم حطبهم
ولا عدهم علی الصاحب حمیّه
...
اریدن لی شریک اویای بالرای
یداوینی او یطیب اجروح بالرای
بگیت انا سفینة بحر بالرای
ابظلمه و المخیف اصعب علیّه
...
هنیاله الینام اللیل وقفا
اعتصر وطفحت بالگلب وقفا
یمته ایشیل ضعن الولف وقفا
انا ابیا حال یلتنشد علیّه
...
گلی اشبللک یا جفن ونداک
عده او ما یسمعون ابچاک ونداک
الو همی ابجبل حمرین ونداک
تفشکل کل رکن راح ابنویّه
...
عسل لناس ابوک اسماک یابر
او روضک یکسر المیبور یابر
ما تزبر چلبکم لیش یابر
بوزه ما یرفعه جید نیّه
...
اشکثر روحی علی الفرگه منلهه
او دمع العین ما بطّل منلهه
الچلب لو گطع یاسوره منلهه
من جوعه او بخلهم گطع فیّه
...
اشعلامه الدهر سل سیفه نوالای
او یرید اطلب من الیطلب نوالای
منی حمال حتّی احمل نوالای
میدری اکحیل سبجی ابکل قضیّه
...
عله صحن الخدید الدمع هلل
او علی حبینه البدر هلل
الشامت یوم کف الضعن هلل
لبس ثوب الفرح واگبل علیّه
...
غویک رابی ابیا خور والفای
وابد ما گطع باللیل ولفای
عاگه اشعلّمک للغوص والفای
او جدمک ما تبلل جید نیّه
...
همه الوکت ما خله ولاباس
او ثوب الحزن فصل لی ولاباس
علی الزینین امد ایدی ولاباس
ولا خوان ما بیهم حمیّه
...
یضمر لو ولیتن عاد نصفن
او نص احچن علیه ابزعل نصفن
انا اویاچن جسمت الشمس نصفن
النور الچن و انا النیران بیّه
...
شجاچ اتهزلیتی ابعجل یعبای
او صار اتهزلچ من صوب یعبای
اشل الراس صار الذیل یعبای
اشمشلّن والفتگ زاید علیّه
...
یدنیه اشلون لچنی الدهر ونتی
اون او اثّرت بالصخر ونتی
بعد مملک زمان الفات ونتی
صرت ناعور اله تحت الوطیّه
...
فرخ البوم اصجرنّه شلی بیه
اخلال السوس اجربنّه شلی بیه
اخوی الما سعه ابهمی شلی بیه
امن اموتن جنّتی او ناری علیّه
...
باطل ما حچیت اویاچ والبد
او بس انتی من الخلّان والبد
من عیبی اضم النفس والبد
هویت الچان نفسچ هوت بیّه
...
اهنا یمدرج المتکار سکنه
ابهیده او لا تغث الویل سکنه
انشدک هل شجاع اعیون سکنه
مهن لایت یشع برض الوطیّه
...
مثل لیلو الجره بل تام شفته
علیه ما خفا امن الجسد شفته
اشمرا ما اشیشتهی شیرید شفته
احتکه لو یفل دعوا علیّه
...
اشمگله اگرب یگلی هاک یدای
ایفلت و ابیوم لیهه اسبلت یدای
انجرح گلبی او عله الصوبین یدای
هل اشعل هیم بیته اشعمل بیّه
...
بحرک لچّعب مایه ولابط
او فتگک ما تخیطه انته ولابط
طیرک لا فرخ بومه ولابط
عله العگروگ بس نفسه دنیّه
...
وحگ التین و الزیتون وضحی
طلاسم کتبت لو رشین وضحی
لصومن لچ رجب وافطار وضحه
نذر للّه من ترجع علیّه
...
یهل گاعد علی الحرثه ولک گوم
ونینک فشکل اعضامی ولک گوم
اخبرک هلی او اهلک ولک گوم
انگطع حبل المودّه او خان بیّه
...
وحق من طوع الکفار والجن
الک نیران بدلال والجن
صدگ وعترف یا ترف والجن
کل یوم ابسنه فرگاک الیّه
...
الوجنه شذر و الرگبا منلعای
الوی و مسحر انّایم منلعای
تبعت الضعن ما اوچد منلعای
اشعمه حادی الظعن مارد علیّه
...
یهل واجف علی التنور بیه نار
ذهب وایویّن الوجنات بیه نار
عسی العریضی کون احترگ بینار
ابشماله او لا تخلیله بنیّه
...
جاسم الحسن السلامی یقول:
النّاس ابشده وانا انصبت شدهن
واجروحی الما حصل بیطار شدهن
یفر عمی لعندی الولم شدهن
تراهن کثرن الویعات بیّه
...
ما تسلک سفینه ابغیر کلفات
او علیه یا سنین العسر کلفات
ثلاثه ایبینن بالرجل کلفات
العسر والچذب والینکر خویّه
...
چنت متهنی ابهیمه وراضی
هسه امحلت دیانی وراضی
.....................................
اشحال انا بقیت ادویرسیّه
...
اغیار الوکت یمک ضال ینباک
دلیلی او عگلی المازون ینباک
محاسن یوسف الصدّیق ینباک
وانا یعگوب صار الحزن بیّه
...
انا الوم او علیه النّاس لامت
او صرت مثل البعشه هدوم لامت
المین شنهی اخذ ویاه لامت
یاخذ چفن و افعاله الردیّه
...
انتجوهر لو نضل ابطرج یاهل
وانه للضیف حاضر ولف یاهل
المایدرک کلامه کون یاهل
شبه مزبان ما یلفظ ردیّه
...
احب درب الحسن لو چان ترکای
مشبچ بالنخیله او یوز ترکای
یروحی من هوی الصباء ترکای
او خلیلچ وکت للاخریّه
...
مساجلات شعریّه
طعان ابن علوان النبهانی یقول:
اشکثر تنهه الواذل منتهانه
غضب واهواک واصل منتهانه
اشمدش الحوش اشوفک منتهانه
احن واحزن وارد انتش بدیّه
...
اجابه ایفیر البحیر و قال:
یناهی اشعبت گلبی منته هانه
اشمدش الحوش ونشد منته هانه
انتوالم حدر سدرة منته هانه
لعد منکر ننشر دعوه او قضیّه
...
ثم قال ایفیر:
حایر ما عرفت اعیار منی
معسر و الایواد اترید منی
لون ینگص لحم ضرعان منی
طعمت الجار والمجبل علیّه
...
رد علیه الشاعر مزبان الامیری و قال:
عله دون امتنان ایزود منک
و انت بحر نطلب علم منک
اشیکره انته تگص ضرعان منک
معروف انت یبو اچفوف الصخیّه
...
اجابه الشاعر شیخ مطلب و قال:
جبت طیری اعله طیرک یرف بیه
او کل فتک الیگع مطلب یرف بیه
یفر طاح اببحر ماله یرف بیه
عمه او ما یندل نجاته ابیا نویّه
....
جاوب الشاعر ایفیر البحیر و قال:
مطلب لا فتگ خیّط ولابط
او بحرک للچعب خرته ولابط
حباره ما یکظ طیرک ولا بط
فرخ بومه و لا له قابلیّه
...
اجابه شاعر عراقی و قال:
لبس خصر العتیق و خصر رمیک
وحچی اویاک بین النّاس رمیک
یا بزر السفاهه او بزر رمیک
یبو الویوی او عجباتک سریّه
...
اجابهُ ایفیر و قال:
چنت امعلّگ ابعیطه وناسل
ونه نسناس بعضامک وناسل
انا معنگ وابن معنگ وناسل
وانته ولد ظلحه الحمبلیّه
...
اجاب الشاعر شیخ حسین الباوی و قال:
اشکثر گلبی علی الراحوا منلهه
او دمع العین ما سچّب منلهه
شجاه الچلب و تگوطر منلهه
بوزه ابچهم غیر او جید نیّه
...
اجابهُ ایفیر البحیر و قال:
اشکثر روحی علی الشالوا منلهه
او دمع العین ما سچّب منلهه
الچلب لو گطع یاسوره منلهه
کثر جوعه او بخلهم گطع فیه
...
اجاب الشاعر صافی الشاهین العراقی و قال:
دوالیب البصدری من یفرهن
قطامط نار گلبی من یفرهن
یفز گلبی الچوامل من یفرهن
اظهرن لو بعد مدّتهن بطیّه
...
اجاب ایفیر البحیر و قال:
طیری راد فاشل من احیله
و اظن اسبوگ ریشه من احیله
المثّلّک یصافی من احیله
بحر موسی البلد محضرته میّه
...
الشاعر الحسّانی قال:
جوادی مره اکده مره ابیعه
گفل یا روض صدره مره بیعه
اریدن لی اخیاله من ربیعه
اخیاله التندعی اباوّل سریّه
...
اجاب ایفیر البحیر و قال:
جوادی مره اکده مره بیعه
او زعل معرف مشیته مره بیعه
جمیع النّاس چلّت مره بیعه
اندعه بیهه الحساوی والدعیّه
...
جاسم الحسن السلامی قال:
هویت او لم یزل خطی ودالی
وجعده سف علمتونه ودالی
سهیت انا رشه بیدی ودالی
مدریت او یعمّی اشصار بیّه
...
اجاب ایفیر البحیر و قال:
تغطرف رابیه بالخضر ودل
اشکثر روحی علیهه ازهفت ودل
مانی ابکیف شرب المای ودل
خذت عگلی او مشیت ابلا وعیّه
...
ثم قال لیفیر البحیر:
شهگ طیری وادگ چفی وشالی
او راح الیچسی اببته و شالی
مامش للبحر مصرف وشالی
انهدم جرفه او تخومه او غار میّه
...
اجاب مزبان الامیر و قال:
شهگ طیری وادگ چفی وشلبی
او فتگ الدهر لاهینی وشلبی
یهل تنشد للبحر مصرف وشلبی
تخومه عامره او ماغار میّه
...
اجاب عبود الحاج سلطان الزرگانی و قال:
ترف هذا جبینک لا یحسنه
بحسن الزی قوامک لایحسنه
ما هذا الوعاید لا یحسنه
الوعد تعطف علی گبل المنیّه
...
اجاب ایفیر البحیر:
اشعبت دلالی یوم الصحت حسنه
بدر وایشع علی المخلوگ حسنه
شیب المایحب البیض حسنه
ثلث لیطات و اطبچهن سویّه
...
اجابه عبود الحاج سلطان و قال:
یضف اثمار البصدره من یزار
زیجه او یغث دلالی من یزار
علی بیض الصفاح اهون من یزار
لحاظه الماضیه لا السمهریّه
...
اجاب ایفیر البحیر :
گلب ایفیر لم اخزان ینزار
واجب بیتکم کلیوم ینزار
اشلون القابچی اعله الزیج ینزار
اخاف ایمرد انهوده القویه
...
ثم قال ایفیر البحیر :
تو درک راس النهد ولحگ
او گبّگ یشبه الفنجان والحگ
بخدیده زرعت الورد والحگ
ال ازرعه ما یحرمونه علیّه
...
ثم اجابه عبود الحاج سلطان الزرگانی:
نخیتک یل سکنت النجف یلحگ
علی الّی کلامه اویای یلحگ
هاذه و النهد ما بعد یلحگ
اشبصرک لو لحگ شیصیر بیّه
...
ثم قال الشاعر عبود الحاج سلطان
اشکثر اطروش اودیلک وعانی
او دلیلی یربی الدربک وعانی
انام او من یمر ذکرک وعانی
و لا تنشد علی گبل المنیّه
...
اجابهُ ایفیر البحیر و قال:
علامک ماتودی اطروش وتعن
او علی بل نوم ذچرک یمر وتعن
الو ترگه ابظهر وذناک وتعن
تصل وتشوف دهری اشعمل بیّه
...
ثم قال عبود الحاج سلطانک:
الذّی ما ینظر الصاحب ویرعه
ابهیمه و یالوحش سارح ویرعه
الشری من زین اشربنه ویرعه
عسل من چف نذل یصعب علیّه
...
اجابه ایفیر البحیر و قال:
العنده رجال کل اکتار یرعه
شری اویل یگطع الزردوم یرعه
خطر ما ینزحگ من غیر یرعه
الجبان ایموت نار ابعین ابیّه
...
رحم اللّه شعراونا الابطال
اعداد تقدیم : جاسم الحیدری
تدوین و تحریر و تنظیم و طبع : الشاعر جاسم ثعلبی (الحسّانی)
:: بازدید از این مطلب : 66
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
