ابوذیّات مختارات من الشاعر الاهوازی الادیب منان شبیب الزبیدی
هلی دیوانهم عاچل مینطر
وراغی ادیارهم لیله مینطر
هلی بالشین طرواهم مینطر
هلی الزینات بس الهم ثیاب
...
اصبحت مفلس و اطگ الراح بالراح
ولا ینفع الچان او چنت بالراح
اهی گوّنت و النبض بالراح
او علی ام دولاب کورنه الذهاب
...
هلی یا مرکب البل بحر مامال
اهدیب او گلّطوله الحمل مامال
گصه بینه الزمان ابکثر مامال
او خلانه دحایس ما بین الاجناب
...
هلی یالراکبین الرمک منخی
والهم طعن الیفک الزرد منخی
ابهم لیث البیوم الکون منخی
جرنه حوت لرماح العدی
...
هلی گلّات گلّو منگلینا
او نحن من الخضیره منگلینا
اذا ثار المکنزی منگلینا
او صبینا ما نظر بنت العرب
...
هلی عوج المناسف من دللهم
درب الکرم سایج من دللهم
اکروم النّاس تشرب من دللهم
هلی کندس علی اخشوم العدی
...
هلی حلوین ما من مرّه بیهم
اصبی العین مولح مرّه بیهم
یشیال نعشی مرّه بیهم
اخاف ایجیسنی منهم عتاب
...
اهنا یا طارش الخلّان بسروح
واتبع ریمت الودیان بسروح
بگه بس روح وانا ابگیت بس روح
ااضاضی فوگ صندوق الحشاء
...
ابهامات اللیل صاروا وندبلهم
و ادوّر بالمحاری وندبلهم
ارید ارکب اذلولی وندبلهم
وحرّم عن صمیمی وذهاب
...
اغراب البین هل ینقط حوالی
مشوا و ادیارهم ضلّت حوالی
ویم اشبوله الچانت حوالی
انام ابزودهم عالی ضحاء
...
هلی یالعلّگوا للخیل تمّن
و احچایاهم الواد الولد تمّن
یمطلوب الرجال اشلون تمّن
ینصبولک شبچ جو التراب
...
هلی او لا یوم الغادی ابغداهم
ولا مطرودهم منهم غداهم
هلی بالیوخ وگّادت غداهم
هلی بالرض الحساء علو اطناب
...
علی الخوّان ادگّن راح الیه
او علی زمزم ضعنهم راح الیه
یچم صبی امشورب راح الیه
او ذکرهم یوم ملگات الاحراب
...
طویل اللیل احسب اهموم دنیای
واجرّب یا سفیه العگل دنیای
یمّرت جافله و دراگ دنیای
فاتتنی کما نسمة هوا
...
اون ما یون الدلم بالزور
او خوالی یشبول العصت بزور
عمامی الیاخذون الثار بزور
او هلی بذول رادات جواب
...
ارید اصعد جبل حمرین شظّو
هلی فوگ الحمول اعدول شظو
خرب کیف الرفاگه ابیوم شظو
عصه المطلوب والیطلب ایهاب
...
علی الخوّان اجر اجریر حادو
نفس جرناس مانی فرخ حادو
الماعنده عمام الزلم حادو
علی حگّه او یسطرونه الضحاء
...
یحگنه ابفی الغرب سعنا
لبو اخدید الیشابه ورد سعنا
حبیبی انچان هودجهم یسعنا
علینا ذاگت افچوچ الابواب
...
لیل العسر للذل ماگدنّه
او ثوب الدغش والغش ماگدنّه
مثل ما چان یبقی ماگدنّه
یتلاهب کرم بمضیف الاطیاب
...
الشبیلی لو یطوف ابللیل مفرد
او علی الخوّان اجر اجریر مفرد
الماعنده عمام صحیح مفرد
یسطرونه الرجال ابلا عتاب
...
من السنبج طعم ثغری بهادو
او شاخ البل کرا خوّر بهادو
المحاجر کل ظبی ربرب بهادو
زجر وترن رن ابهدوت عشاء
...
عرب بینین اهلنه من عگلهم
او یطیبون المسودن من عگلهم
یشربون الضمایه من عگلهم
الهم مای الیعوب اعلی شراب
...
بیدی احمس الگهوه او بیدی گلّیت
حسافه مجلس الزینین گلّیت
چم حید الی لبراس رمح گلّیت
او غدوا حدر ثجیل من تراب
...
یحگنه علی الموگد هلینا
ابحزن من یوم فارگنه هلینا
چثیره ادموع علی الوجنه هلینا
او بللنا مجادین الاثیاب
...
ترانی من طویل العیط بلعین
علی المن کاعّین الرمک بلعین
بعد وایحوس طول اللیل بلعین
شبه ساک النفو لا من الضنّه
...
هلی باللیل شالوا ماهدلهم
ولا الخرّید دلهم ماهدلهم
هلی طرغل او ساجر ماهدلهم
ابحین البان کل الوغش غاب
...
ابات اللیل وضع الملح والشب
ابعینی او نار گلبی اشعلب والشب
لفانه الکبر یا بن ابوی والشب
ولیة البختیاریه علی الاعراب
...
دلیلی و الذلول الیوم یا دال
لبو ازلیف الچعثوگ ابریل یادال
تحدّر بالسریع ابساع یادال
وخذ هل لشّه المبهارجه
...
عرب جیش ما ینفع من الحوش
او حمل اللوک ماشاله من الحوش
گالوا حمّلوا شالوا من الحوش
او تم الحوش خالی من الاحباب
...
هلی غزواتهم للصین وصلت
عدوهم گطّعوا ابسیف وصلت
هلی نیران ویل احرگت وصلت
هلی اصل العرب ماهم اعراب
...
علی یا نور عرش اللّه والافلاک
او لجلک ثبتت الدنیا والافلاک
علی قاتل من الکفر میّه والافلاک
او غیر ا لمختفی حدر التراب
...
ارید اصعد جبل حمرین ورگه
وارسل لل احباب اثنعش ورگه
متی ما خضّرت بالملح ورگه
ذاک الیوم یلفون الاغیاب
...
هلی لو ضاگ الیار سلوه
جدّام الدخیل السلف سلوه
چم ضیغم ابعی الرمک سلوه
لهم طبرات برگاب العده
...
امریش لا حلی بالضعن ونشد
واسئل طارش الربذان ونشد
اجا او حط هذا البیت ونشد
ضوه البیزوز ما ضمّه الحجاب
...
دموعی التچیل والیدگ یبره
او بعد ما ظن دفین الصدر یبره
کسری الصار مالی حیل یبره
حملت او تاه فکری بل هوا
...
هلی دیوانهم یشطر من الجود
عرب وانسابهم طیبه من الجود
هلی دیبه او علی العایل من الجود
زلال غیظهم عند الاحراب
...
ناده القطرفان او صحت یا میل
او شدوا للمدلل فوگ یامیل
ابهده لا تطرف العینین یامیل
تهدّه وانسمح بین الاهداب
...
اغراب البین هل ینقط حوالی
مشوا و ادیارهم ضلّت حوالی
وین اشبولت الچانت حوالی
انام ابذرهم عالی الضحاء
...
نص اللیل حنیتوا یخلّای
افکّر والدمع جاری یخلّای
سئلت الموح شی وردوک یخلای
جاوبنی الکهف خلّک اغیاب
...
هلی ما لبّسوا خادم سملهم
و ابصدر العده بایت سملهم
نجوم النّاس وانا اهلی سملهم
او کثیر امن انجّم علّا اوغاب
...
ارکایب من سرن بعضای ونحن
جفونی او راس گلبی انصدع ونحن
ضلعی او بس بگیت انتحب ونحن
علی الضلّت منازلهم خلیّه
...
هلی مالبّسوا خادم خلگهم
ولا یور الوکت ضیّگ خلگهم
هلی گبل الخلگ ربهم خلگهم
گبل لا تنبنی ارض او سماء
...
هلی مالبّسوا خادم من الصف
ولا جسموا ذبیحتهم من الصف
هلی یا بیضه النزلت من الصف
او کلمن ذاگهه عاف الشراب
...
ابات اللیل و اهمومی علیّه
غریب او عنّت ابلادی علیّه
باللّه یا گمر ضوّی علیّه
زیتی خلص و اسرای طفّه
...
علامچ توحشین الخدم یادار
هلی چانوا خزاین مصر یادار
شوف الفلک بل مخلوگ یادار
بوم ایصید و الحر ابرجه
...
ابات اللیل عینی چنه بیهه
اسفاهه ویهال تطلب چنه بیهه
های ادیار اهلنه چنه بیهه
تهدّم ساسهه وامست اتراب
...
هلی بالمرکب العالی یشبّون
او دوم اسراج بالظلمه یشبّون
هلی ماکاد و العاطف یشبّون
خلوهن حیل لطراد الضحاء
...
هلی نزلات المشرّح وهل عود
او هل خیل الرمک سبّغ وهل عود
اهل دلّه و اهل عبد وهل عود
علیهم یوم لگوات الاجناب
...
النمیمه قتل غیری موشفتلی
اکشفولی اکتاب غیبه موشفتلی
اخو غیر الجگاره مو شفتلی
اشبهه ابنار و اتبرّد علیّه
...
اموی او اظن خف عگلی من المای
او حیاتک لا تظن مغرم من المای
طحت ابیر متلاطم من المای
اشما اکض بالیرف ینهدم بیّه
...
الهتیمی دونک الریمه ورالتل
غدیر امدلّی العانه ورالتل
خدید او یا حمد شبه الورالتل
فرن وجایسه طل النده
...
الدنیّا امحان عشرتها ومرها
امشربتنی ابمصاعطها ومرها
علی العدوان اسندها ومرها
واگولن بلکت ایعیلون بیّه
...
الصباء گوطر ولا ینفع ندامای
ابعدو او لا بقی منهم ندامای
یهل تسأل علی الدنیا ندامای
ارحلو و ادیارهم تمت خلیّه
...
اباتن بالندم و صبح بلامای
مثل هرش الکبر یزهی بلامای
دوانیج العشگ صارن بلامای
مرادیهن هوا او شطهن سراب
...
اشما اسئل علی الزینین راحو
ولوهم بالوجود الگلب راحوا
شفت سلمه تدیر ابچرخ راحوا
خذت یایاب من بیهم اطیاب
...
گلبی بین جاذبتین تازو
امحمّل من اصناف الدهر تازو
یخوتی ثالثولی الحمل تازو
والمجامر علی اگلوب الماضیّات
...
اهنا یا طارش الخلّان عانی
سلّمنی علیهم حمل عانی
الو هل طیر یفهم لل معانی
سریع ابعجل ردنه جواب
...
حزینه الدار و الدلّه علیهم
اکرام او ینشد الخاطر علیهم
یگلبی زید بحزانک علیهم
او علی خلانه الراحوا اغیاب
...
وحق البیت و الراحوا یحیّون
کرام او دوم للخاطر یحیّون
لو ادری بهل راحوا یحیّون
بیدی چان خففت التراب
...
اشکثر منشد علی الزینین ماهم
ولو هم بالوجود الگلب ماهم
ایا وسفه تبدّه کوز ماهم
او علیّه جود لمّه امنل تراب
...
عگب طیب اللیالی مر بهنّه
و اله حسبات روحی مربهنّه
یطارش گل لخونه مربهنّه
سلونا لو بعد بیهم رجاء
...
هلی یا رایت التنشال وزّوم
او یا صور العضاره ابیوم وزّوم
رجال تسلم امن سیف وزّوم
ابد مالهم مجله و لا هیاب
...
ذلولی ابهیم بالممشه سنلهم
احیود الغدت یطرد سنلهم
حسبت ایّامهم صارت سنلهم
فلا گلبی ارتاح و انتم اغیاب
...
اون ونت الوصل بادن
چیزان التهز الگاع بادن
بعد ما اشوف للی علی بادن
البعید اضراع یا بنمی غده
...
اویلی اعلی اللیالی السود کلفات
السفینه ما تسیر ابغیر کلفات
ثلاثه اعلی الرجل یا خلگ کلفات
العسر و الضیج و الینکر احباب
...
هلی یل شید و حمر للگواطع
او سبایاهم علی ساگه گواطع
حدید النّاس و انا اهلی گواطع
او یفصمون اشبیلی لو عصاء
...
مرّنی اللیال او ضگت مرهن
او خلونی ابدار ذل مرهن
امس ضعن لحموله مرهن
وستکفوه لحوادث برچاب
...
عساها الارض تتزلزل بهلها
او دمعتی بللت ثوبی بهلها
ایا گهوة هلک فاحت بهلها
الضحاء و الضاگهه من المرض طاب
...
احباب الگوطروا عنّی بعیدین
ولا لی هون فرگاهم بعیدین
یوم اسعید الاجیهم بعیدین
عراجه او بس ابطرگ الاثیاب
...
اخبرک راعی الشیمات ولعی
اللبن ثگّل اعضام الرمک ولعی
مضخری یوم صار اغبار ولعی
او تصیر اجناح حوم بل هوا
...
اشکثر منشد علی الزینین همّات
ولا تنگل ابحسب الدهر همّات
اذیاب الفعل ضاگ الفعل همّات
هدم قصر الزناتی او زال فیّه
...
هلی رکبوا جیاد الخیل بلهم
و لا چلت بسر درب بلهم
هلی بشن عیب شغلو بالهم
هلی لزّین یفدون الرگاب
...
هلی اویاهم یلذ العیش ویطیب
او نسامیهم تمر بالجرح ویطیب
هلی یالعلّمونی الوفاء ویطیب
هلی اهل المضایف و الدلال
...
هلی ابهاون گهاوی الکرم دگّوا
او غصبن عل خصیم احدود دگّوا
هلی المطلوب ظهر الحمر دگّوا
عساچر فلّشوا حدر التراب
...
هلی الصاحب تعنّوله ویوله
او غدت یمّه الیزل حوسه ویوله
هلی احسن حطب بلحی ویوله
هلی غالین بوجود الاحباب
...
هلی عثگ الکرم للضیف دلّوا
هلی للتاه دربه ابعجل دلّوا
هلی عدهم رسم معروف دلّوا
مضیف او سیف ما یخمد بالگراب
...
هلی یا لوا ما فد یوم دلّو
اچم تایه ابدرب العدل دلّو
هلی سیف او مضیف او عزم دلّو
الحلی فنجانهه بید الاطیاب
...
امریّش لا حلی بل ضعن ونشد
و اسئل طارش الریذان ونشد
اجا او حط هذا البیت ونشد
ضوه البیزوز ما ضمه الحجاب
...
هلی امن الیمن مرجعهم وصلهم
عرب و یعنّز الخاطر وصلهم
ابیوم الکون حیّتهم وصلهم
ایتجالب بی اشد سم العذاب
...
هلی یا بحر المحیط او جود عبره
او علیهم بالگلب عبره
هلی داو ابدکل عبره
او چثیره ناس بور عالوطیّه
...
رحم اللّه شاعرنه المبدع و الادیب الاستاد منّان الشبیب الزبیدی
اتمنی من اهلی الاهوازیین ان یبنو لکل شاعر تذکار حتّی تبغی ذکریاته للجیل القادم
اعداد و تقدیم : الاخ جاسم الحیدری
تدوین و تحریر و تنظیم و طبع : الشاعر جاسم ثعلبی (الحسّانی)
:: بازدید از این مطلب : 62
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
