ابوذیّات لوعات الدهر
امفتّش بالّبن واعی شکح لک
او گلبی امن الهجر لامک شکحلک
اعیونک مثل ریم اشگر شکحلک
تکحل اعیونی من اتمر علیّه
...
هله ابریم الگصد حینه و مرنه
او دخل بگلوبنه او سرنه ومرنه
او ضاگ اسلوب گعدتنه و مرنه
گمر و اینور ابو اطباع الوفیّه
...
الدهر غافلنی شچ الرمح بچلای
الوزّه ابفتن ذاک الختل بچلای
الچنت ویّاه شریک انذکر بچلای
عبر ضیمه او حفر حدری ابردیّه
...
یدهری اشما ثگل حملی حلالک
اشتظن عمری او نبض شوگی حلالک
الکنزته ابتعبی و ابلوعی حلالک
اشو حتّی الفکر منعیته الیّه
...
احس وسط العمر گلبی دوالی
مریض او ما اجد طبتی دوالی
یشامت انت کل علتی دوالی
عساک ابنص ربع ضیم العلیّه
...
ابعسر طفت اللیالی ابکدر یومای
کسر ضلعی الدهر بجفای یومای
یضارب دم یجر الجرح یومای
اشو تجرحنی و اتعربد علیّه
...
انوب اعلی الیودنی ابأمر واشفای
او مثل ناگه اون بالعسر واشفای
گلبی ایدر عسل للیطر واشفای
وابوس البیه وفه و البیه حمیّه
...
احبّک حب طمع ما بیه ودارک
احس بوصافک ابذهنی ودارک
احب بس اگعد اگبالک ودارک
الگلب مدمن علیک انا اشبدیّه
...
فکری او عقلی شت تبعاک بلواک
ابتلیت ابحبّک او فرگاک بلواک
انکرتنی و احس گلبی احذاک بلواک
طعت للغیر . لیش افلکت بیّه
...
علیک اللّه ارتهم ویّای بلوای
اعلی شانک گلبی شب ابنار بلوای
امتحنت ابعشرتک ویّای بلوای
تروح او ترد و اتحشّم علیّه
...
الزمان ارسم جماله اویاک بالحاک
الکبر یرجع شباب اشلون بالحاک
تحب تطبع سواد اللیل بالحاک
تضوگ السکره من تلفی المنیّه
...
بیّن شیب کبری اویای بالحای
او صرت زهره ابحضن بستان بالحای
ابث عطر الیریح المار بالحای
امنوّر و الیحبنی ایگص بدیّه
...
جمالک شمس واخدودک شملهه
اعیونک نجم و انفاسک شملهه
العشره اویاک لو جنّه شملهه
تخل بالروح من تجبل علیّه
...
انهلت ما بیّه اشیل الجدم و ابرک
او کل یوم اعلی یوم انهدم و ابرک
بعد میفید احجم الجسم وابرک
تطگ بالعظم من تضربهه بیّه
...
السعاده و الفرح گوطرن یفلن
ابفکری الخائبات ابعسر یفلن
تحب تزرعنی فات العمر یفلن
انجمد گلبی ابارض ما بیهه میّه
...
جاسم ثعلبی (الحسّانی) 18/03/1400
:: بازدید از این مطلب : 1781
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
