سفیر الحب

اغنیة انا احبّک

مرمرتنی   او   شیّبتنی ، او  طحت  کاتلنی القهر

اتعذّبت  ما   بیّه  اجرّن ، نفسی  من لوم  الدهر

گلّی    من    ودّاک   الیّه ، ما  شفت بس الاذیّه

الوعن ابناری الخفیّه ، ایداوی  بجروحی السهر

...

یا   حسافه   انطیت   گلبی ، لل   لی   یتدلل    علیّه

نسه  کل  تعبی  التعبته ، او  طشّر  احبابی امن ادیّه

ایمرّن اصورّه اعلی  بالی ، او شاغل احلامی او خیالی

ما  نسیته   ابعینی    بیته ، منّه    تفرگنی     المنیّه

...

انا   احبّک    یالخنتنی ، او   سافرت   ما     گتلی    اجیک

وین    رایح      سودنتنی ، او    گلبی     متعلّم      علیک

حطمت   عمری     ابحیاتک ، و  انت   لابسنی    ابعباتک

مو قضیّة شوگ عینی  ابدمعه یمطر ، او لا احسّن مبتلیک

...

خلهه سکته یا حبیبی ، مرمرت  گلبی  امن اجاک

انا   لابس   ثوب حزنی ، و انت   فرحان  ابهواک

الدنیا تفتر  مثل دولاب ابسما ء وایلف  مصایب

وانا ذایب ذاب  ضیمک  بس   علیّه   اشورطّاک

...

اجیت اودعک  هسّه اریدن ، واکتفی  بالذکریات

طلب  واحد رد علیّه ، او گلبی  عندک منّی شات

ما اعود اشکیلک  الهم ، اخاف  من گلبی ایتندم

خلنی شمعه ابگبرک اضوی ، من هموم السائبات

...

الدنیا    تمطر   بللتنی ، و انا  واگف   لک    حدر   رش  المطر

ما   اجیت   اعیونی   تعبن ، من   المعاین  او   منتظرک  شهر

خضّر الشوک اعلی جدمی ، من شکل خدّک  الیّه  او سکّنیت

اخاف  شوگک   لحد  یدفنّی   ابخیاله ، وابمزار   اعلی  النهر

...

جاسم ثعلبی (الحسّانی) 14/01/1400

 اخی الفنان اختی الفنانه الاستفاده من اثاری و الاشعار و الاغانی  بذکر اسم الشاعر بلا مانع .

اغنیة قطار الشوگ

سهرت   اللیل  افکّر  بیک ، احبّک  و  انت  ناسینی

بس  بسمک  احس  مرتاح ، او  من غیرک  یشافینی

جمالک ضل یعذب الروح ، خیالک کالعطر وایفوح

ما  اشوفن  درب   مسموح ، امر  بیک  او تداوینی

...

ابتوالی اللیل اون  واشتاق ، و احط  اصورّک  اگبالی

و احاچی  الذکریات  اویاک ، یلما  تسئل علی حالی

وین  الیا  بلد  بعدیت ، ابقطار  الشوگ و اتعدیت

انتظرتک مای واتبدیت ، امن اشوفک لیش تاذینی

...

امنهد  یوم   الغبت   سلّیت ، صارالی   الحزن   عاده

تجینی افکار نار ابنار ، امن احط راسی اعلی الوساده

او عگلی طیر صوبک طار ، یجیک ابحلمک او محتار

شمع  صار  او  یضوّی  الدار ، او  بعیونک    یغنیلی

...

طال  السفر   ما   مرتاح ، چا   یمته    تجی   واتعود

نسمه انت او تحن بالشوگ ،من  گال الدرب  مسدود

انت   البالسماء   اتلالی ، وصالک    نجمه    بهلالی

خیالک  جالس  احذالی ، او  بس  شخصک یسلینی

...

جاسم ثعلبی (الحسّانی) 16/01/1400

القواعد العربیة فی لغة الشعر

عدد حروف اللّغه العربیّه:

حرف  الضاد  تنطق    بیه   ملایین

حروف الیعربیّه  اثمانیه  او عشرین

تتبعهن ال (گچ  پژ) و العدد یزداد

حروف  الفارسی   اثنین  او ثلاثین

...

انواع الاسم فی اللغّه العربیّه:

الاسم   ام   حیوان   ام  شی ام بشر

بالمفاهیم   الاسم     ضل     ینذکر

الاسم  ثلث   انواع   یتقسّم    تمام

المثنی  و المفرد  او  مجموع ابکلام

الاسم  مفرد  یعنی  واحد   بالدلیل

و المثنی   اثنین   ما  یاجد   دخیل

"ان"   و   "ین"  آخر  مثنی  یتصل

یلصق   آخر   ینطرح   ما   ینفصل

والی  زاد   اثنین یسمونه  الجمع

امکسّر  او  سالم  ابشرطه   یندفع

الجمع  سالم   بالمذکّر   و   الاناث

طالبات  او   عالمون  او  مایغاث

"ات"  و  "ون"    اصبح     مرام

للجمع   یزداد   آخر   کل کلام

والمکسّر  تلعب  ابزی  الحروف

کالمساجد و المدارس بیه تطوف

...

الاسم فی اللغّه العربیّه من نظر الجنس:

الاسم  یتقسّم   قسمتین  ابجنس

الذکر  و الانثی   تفسره   بالدرس

الانثی  المرّأه  الذکر  نوع الرجال

ام  حقیقی  ام مجازی  بالکمال

...

علائم اسم المونّث فی اللغّه العربیّه:

تا"ة"   تانیث   المثل   هی    فاطمة

امّا  "لیلی"   الیاء   مقصوره   ابحمه

امّا   بیضاء   همزه  من  بعد الالف

الهمزه   تتغیّر  اشکال   او  تختلف

المونّث   اسم       یزداد      ابعلم

ما   یسمی  بالدول   او      بالمدن

اسم   مختص  للمونّث    کالأخت

تلفظ اعضاء الجسم بیهه او شفت

النار  والعار   او   مظالم  او تحس

بالمثل شمس او حرب بئر او نفس

...

انواع الاسم فی اللغّه العربیّه اسم المعرفه و اسم النکره:

المعرفه  ایتوج  اسم بیه  الف و لام

"ال"   اول    یجی    قبل      السلام

النکره  آخر  اسم  تنوین  او یضاف

الضمّه مرفوعه او ما تنصب خلاف

الاسم امّا اتضیف اله "ال"  معرفه

او   امّا   تنوین   اباخیره  ایشرّفه

...

انواع الاسم فی اللغّه العربیّه من نظر حرف الاخیر:

الاسم  ام مبنی  او ام معرب حسن

الغفور      او      الکریم    الموتمن

الاسم   یتغییر   ابتنوین   او سکون

حرف الاخر حرکه بحساب الضنون

...

انواع الاسم فی اللغّه العربیّه منصرف و غیر منصرف:

المنصرف   یقبل   التنوین     ابدلال

اتضوگ لفظه الکسره و الفتحه ابمقال

...

انواع الاسم الغیر منصرف فی اللغّه العربیّه:

العلم   بالجنسیه    تانیثه    افتری

الثانی اسم الدوله و  الدیره او قری

العلم   ثالث  وزن  "افعل"   رابعه

او "مفاعیل"  خامس اسماء طابعه

السادس اسم الزایده کل "آ" و "ن"

من   سلیمان   المثل   و  المخلصون

...

انواع الفعل و علائمه فی اللغّه العربیّه:

الفعل   یعنی   قاصد   انواع   العمل

فی  زمان  الماضی  و  الحال     انفعل

امّا  فی  المستقبل   اقریب    او  بعید

کل  سیذهب  سوف  یذهب  ما ترید

یبتدی  بال "قد"  او  بال "لم"  بالکلام

بعض "لما" بعض "سین" یبدی ابسلام

امّا  فی   الاخر  یجد    حرکة سکون

مثل" ت" او "تَ "  او "تِ" قاصدون

...

اقسام الحروف فی اللغّه العربیّه:

اتقسّم   ابقسمین    انواع     الحروف

الحرف   عامل  غیر  عامل  ما  تشوف

الغیر   عامل   حرف  عطفٍ  مثل أخا

واو   حالیّه     مع       حرف     الندا

نون   للتاکید  او   حرف   النفی    لا

حرف   الاستفهام   و   الاستقبال  وراه

فالجواب   الشرط   و   النون    الاسیر

بالفعل   تاجد  و  ما   بین    الضمیر

حرف عامل کل حروف النصب او جر

"لام"  نفی  الجنس  او  مجزوم ابخبر

و الحروف  التشبه    الفعل   الاصیل

مثل "انّ"  فی  کلام  البیه     تسیل

...

حروف الجر فی اللغّه العربیّه:

باء ، او تاء ، او کاف ، او لام ، او واو، او منذ، مذ ، حلا

ربّ،  حاشا،  من ،  عدا، فی  ، عن  ، علی ،  حتّی، الی

...

حروف الناصبه فی اللغّه العربیّه:

حروف الناصبه "ان " ، " لن" ، " إذن"

لام  تعلیل  و  کی و  حتّی  او   اذن

الجمله   فی   فعل  المضارع   ینزلن

الفعل   یتغییر  او  ضمّه   یمسحن

الفتحه   تشرف علی  الضمّه  یاسلام

تخذف   النونات   من   آخر   کلام

...

حروف الجازمه فی اللغّه العربیّه:

الحروف     الجازمه     لمّا    و    لم

لام  تنهی   او   لام   تامر      بالفتن

او بیهه ست صیغات  ما الهه وجود

ابصرف   لام   الامر  منتهیه  الوعود

ابجمله   و  ابفعل   المضارع  ینزلن

یجعلن   ساکن   الضمّه      یحذفن

النون  محذوفات  فی تلک الوجود

فی المونّث یجزم  او  ینصب حدود

...

حروف المشبّهه بالفعل فی اللغّه العربیّه:

إنّ ، أنّ ، کانّ، لیتَ، لکنّ ، لعلَّ

ینصبن  الاسم و ایرفعن بالخبر

...

لام نفی الجنس فی اللغّه العربیّه:

اجعلو   نفی   الجنس   قبل الاسم

و ارسموا فتحه علی الکلمه تعم

...

انواع فعل الماضی فی اللغّه العربیّه:

الماضی ثلث انواع استمراری او بعید

ماضی  نقلی  او  ینقل الّی ما ترید

...

ماضی الاستمراری فی اللغّه العربیّه:

اعلی المضارع زید کانَ یا سعید

بالستمراری  ایتبدل  من جدید

...

ماضی البعید فی اللغّه العربیّه:

علی  فعل  الماضی  کانَ لو   تزید

ابهل سهوله تصنع الماضی البعید

...

ماضی النقلی فی اللغّه العربیّه:

اجعل  القد   اول   الماضی   الملیح

یظهر الکم ماضی النقلی الصحیح

...

انواع الفعل من نظر الابواب فی اللغّه العربیّه:

ام  ثلاثی  ام  رباعی   ما  ترید

ابواب فعلک ام مجرّد ام مزید

المجرد   ثابت   اثلاث    الفعل

والمزید  اتزید   اله  زاید   ابل

...

حرکة همزة الامر فی اللغّه العربیّه:

همزة   الامر   ابفعل   ما    قصّرت

ابحین طرد الضمّه من العین اجت

لو   جعلت   ابفعل  لام  الامر دام

الفتحه  تتبعهه  او  تضل آخر کلام

اذا  ضاعت  لام  امرک  و   اختفت

حرف  اول  فعل  سکنه  و انتهت

...

الفعل فی اللغّه العربیه امّا لازم و اما متعدّی:

الفعل   اذا   لازم   یدوّر      فاعله

غیر  فاعل   ابد  ما   یقبل     صله

فاعل او مفعول او  بعده ما سواه

المتعدّی   یتبع   الجمله    ابنداه

...

الفعل المعلوم و المجهول فی اللغّه العربیّه:

الفعل لو معلوم لو مجهول اقول

هذا تقسیم  الکلام   البیه نجول

الفعل لو  مجهول  مضموم اوّله

اذا ماضی زید  کسره  العینه اله

فی المضارع زید کسره و افتحه

باقی  الافعال   معلوم    ابصفه

...

فعل المعتل و انواعه فی اللغّه العربیّه:

الفعل   امّا    معتل   او  امّا   صحیح

بالتلفظ      تقرا       للقاری    یصیح

و الحروف  العلّه هم  اصل    المطاف

الواو   و الیا  و   الاف    قاصر  یضاف

الفعل  معتل  ینعد  ابشکله  الظریف

ام مثال  ، اجوف  او  ناقص  لو لفیف

وعد ، ویعیش ، و وش ، او رابع روی

والفیف    اثنین     یتقسّم      سوی

الاولی   مقرون   مثل    الّی     شوی

الثانی   مفروق   ابادب  مثل الوفی

...

علاج الاعلال فی اللغّه العربیّه:

عالج   الاعلال    باقسامه    الثلاث

اما   یتقدّم   حرف   علّه او یغاث

الثانی حرف العلّه یحذف بالتمام

الثالث اتسکنه  او تقراه باهتمام

...

اعتذر بالتعریف یم علی المقام

ترجمه او تقریر ما دارس تمام

...

جاسم ثعلبی (الحسّانی) 26/12/1399

شال    الحبیب     و     الهموم        تکردست

من        نار       شوقهِ       التهبنی     اللهیبُ

من      غابَ     غابت      نسمات        قلبی

و    فی    وضح   النهار      أتانی       المشیبُ

قررت          بعدهُ   اسکنُ        فی     غابةٍ

ذهبتُ   ولاکن      جرحی      لم        یطیبُ

دعیتُ    فی    جوف     الظلام        منکسراً

و   ضننتُ    بأنَّ    دعایی      لم        یخیبُ

لفانی   طیفهُ     فی        منامی       وسرّنی

و  هیهات       ذکرهُ       بالعقل     لا یذیبُ

حملت   الامی      بالعتاب       بکف     ید

و     أسفا    فأنَّ      الهموم      لا     تریبُ

ماذا  فعل   یعقوب   النبیُ      یوم    الجفا

مع   یوسف      أتی       بعدهُ      کالحبیبُ

واللّه          تاللّه      غابَ      هوی     المنّی

بغیاب    عیسی      عن      دیار     الصلیبُ

ما   من    حمایل    اثقل       من      الجبل

ولکن   فقد   الابن   اشدُّ     من      النحیبُ

ذهبتُ   لکوز   ماءٍ      وشکیت      حرمتهُ

وان   متَّ     عطشاناً      فمن      المعیبُ

قررت    ان     اموت   علی   دین   محمدٍ

فلا   اشرب   الکاس      و  الماء      غریبُ

هممت   نبوع   ماءٍ  قد  اُسلّی     نفّسی

رجعت   لکتاب  اللّه  و  الصبر   مجیبُ

فیا  ربِّ  خذنی     عندی     بک    ثقةٍ

اکملتُ  دَینی   و انتظر   یوماً    عجیبُ

یا ارض ابلعی جسمی و یا کفن الهمّنی

یوم  الوداع    و    العاشقین     تغیبُ

اغیبُ  عن  انسابی  کما  غاب الشفقِ

بظهور   الشمس  و  الودیان   تطیبُ

أتاکم  ضیفٌ  معذّبٌ  یا ملوک العلی

اذاه  من  اهلهِ  و  ملوک    الرغیبُ

جاسم ثعلبی (الحسّانی) 13/01/1400

یا حبیبی اشما اکلمک ما تجب

الما تشوفه العین  ینساه الگلب

...

الما  تشوفه  العین  ابد ما ینذکر

ایبات  بحلامه  مثل  مای  العکر

ما  یفرزنهن  البیض  امن السمر

حاول اتوصّل  سلامک  للمحب

یا حبیبی اشما اکلمک ما تجب

الما تشوفه العین ینساه الگلب

...

حاول  اتوصّل   سلامک   مو   عجیب

صگد گالوها العشق قسمه او نصیب

والی  عاب  الودّه  بالحب   یستعیب

الیضرب  النّاس  ابعصی  هم  ینضرب

یا   حبیبی   اشما  اکلمک   ما  تجب

الما   تشوفه   العین   ینساه    الگلب

...

الیضرب  النّاس  ابعصی   تایه  فکر

و اشعلامک شاعت  او  ناگص عگل

اتهده یابه او  شوف خلصان  العمر

الحکمه مجموعه ابلطافه او موحرب

یا  حبیبی  اشما    اکلمک   ما تجب

الما  تشوفه    العین   ینساه   الگلب

...

الحکمه  تنسانی  او  تضل  یمّی تدور؟

الحکمه ما تقبل ابکل طاغی او شرور

الحکمه  یم  بیت العداله اتضل تزور

و   انا  ما  شفتک علی  اعنادی تطب

یا  حبیبی   اشما  اکلمک   ما   تجب

الما   تشوفه  العین   ینساه    الگلب

...

امعاند او تفتر او ما تحچی الصحیح

عذبتنی  او   تفتر   ابثوب     الملیح

اتعیل  بیّه او  تلتفت  یمنه او تصیح

اتعوف حبنه او تنقهر  وانت السبب

یا حبیبی  اشما   اکلمک   ما   تجب

الما   تشوفه   العین  ینساه   الگلب

...

اتعوف  حبنه  لیش  ما  تنشد شجاک

احنه چنّه  احباب  بس گلی اشخذاک

اتخربص ابغزلک او شوگک واشلفاک

دمّرتنی  اویاک   احس   ماکو    ادب

یا   حبیبی  اشما    اکلمک   ما تجب

الما   تشوفه   العین   ینساه   الگلب

...

دمّرتنی  واعلی  ضیمک  ما شکیت

ابعید عنّی او خاتل او بیک ابتلیت

تابعیتک    ضمّدیتک   ما    وفیت

وانا   داوی   او  محترگ نار او لهب

یا   حبیبی  اشما   اکلمک ما تجب

الما   تشوفه   العین  ینساه الگلب

...

انا  داوی  وانت  حاط  او  ما تطیر

علی   متکبّر   احساب   ابن  الوزیر

ما تخاف الصیده من نکره او نکیر

اهناک  تتورّط  او  میفیدک غضب

یا   حبیبی  اشما   اکلمک ما تجب

الما  تشوفه  العین   ینساه  الگلب

...

اهناک  تتورّط    یخی    ما   کو معین

اکل   واشرب   مای   بارد     بالسحین

اهناک  غربه او ما تجد  گلب الحنین

اهناک   تتأدب  یحل  حچیک  ذهب

یا  حبیبی   اشما   اکلمک   ما تجب

الما   تشوفه   العین   ینساه   الگلب

...

اهناک   تتأدب   یجی    یوم   الحساب

اتضوگ طبخک لگمه من لگمه  ابعذاب

نار  کبری  او  داویه   او  تلهب  مذاب

تشوی   فانی  او  زانی   والتابع  طرب

یا   حبیبی   اشما   اکلمک   ما  تجب

الما   تشوفه   العین   ینساه    الگلب

...

انا  احبّک   ردتک   اتطیع  الفلاح

الدنیا ما تسوا خطاء  بیهه السلاح

الیرمی جاهل ینذر ابهتک الرواح

چلمه  محظوره  لعند کل العرب

...

جاسم ثعلبی (الحسّانی) 12/01/1400

1. المذیّله  2- الفلکلوریّه ( او التقلیدیّه) 3- المطلقه (او المطلق)  4- المقیّده 5- المدوّره 6- المنثوره 7- المولّده 8- المضمن ( المجاراة ) 9- المقسوم 10- المخمّس  11- المزدوج 12- الالغاز 13- ذوالمقاصیر 14- المضمّن 15- المقطّع 16- الفصیح 17- المرفوء 18- المکرر 19- المحافض 20 -المجنّس 21- الملّمّع 22-المشط 23- المطرّز 24- السداسی. و کذلک توضیحات کامله عن کل واحده موجوده فی هذا الکتاب.

الاولی ابوذیّه المذیّله:

چم من سر وسط گلبی  خفت لک

دفنته  او  بینی  او بینک خفتلک

لا تخشانی  انه انساک

اضل دوم الدهر ویّاک

دوا علتی یضل ادواک

شفت روحک من اذنوبک خفت لک

الدّنیا    اویاک  گمت   اتعیل    بیّه

...

الیضدنی  لم لم   اذنابه   وذبنی

ابعذاب او نار چردسنی وذبنی

ما  ارید   الطلع   لوتی

لابن  عمّی  ولا  خوتی

اعیش  او اکل ابگوتی

الدهر دگ رمحه  بچتافی  وذبنی

او طحت بین الیضدنی ابلا تچیّه

...

الثانیه ابوذیّات الفلکلوریه او التقلیدیّه:

انتهیت ابضل قهر هجرک وجورک

او وفّیت او  تابعت  ضلّک وجورک

اطلبت  منّی  اترک ادیاری وجورک

صرت   جارک  او  ما  تنشد  علیّه

...

سلامک  و  اتّصالک  یشر  مو خال

او دریتک عدو  تطلق نار مو خال

رمیت او صوّبتنی  ابللیل مو خال

اعلی  درّاجه  ابمسدّس ترمی بیّه

...

استهم جوز  الغی   برماتک   وفتلک

شفت  روحی  اشکثر   حنّت  وفتلک

الگلب چم مرّه فک  ضیمک وفتلک

جزاء   الاحسان  بکّان   انت    الیّه

...

الثالثه ابوذیات المطلقه  او المطلق :

اضعون الهایجه  امن  ابچای یرون

او علی البیهم  وفه یا  گلب یرون

اشکثر   وگفات  بید  اسباع  یرون

یظلن   ضخر    باذهان   الوفیّه

...

بیاض  البیک  من  بدری شعتها

او روحک زاهیه ابروضی شعتها

سفینة  نوح  صارت  لی  شعتها

الاعت  والما اعت  روحی اباذیّه

...

عشت   ویّاک  زین  ابشین  وبراک

خنتنی  او  ما  قبلت انساک وبراک

العمر خلّص لفانی  الشیب  وابراک

استمع    ینشال   تابوتی    ابمسیّه

...

اشّرت   للشال   تابوتی    بلومای

عطشت او یبس بلعومی  بلومای

ابّطن  لحدی  وادفنونی  بلومای

او خل اهل  الحسد ترگص علیّه

...

الرابعه ابوذیّه المقیّده:

الترک ربّه عفه ایضربه بلاحد

السماء والارض  بانیهه بلاحد

قل هو  اللّهُ  الواحد  بلاحد

کریم  او یرحم  المابیه اذیّه

...

الدّنیا  ما  تجی   ویّای    عدله

علی ترمی ابشین او زین عدله

الیودّک  اسعی بالعیلات عدله

تری  اطباع  الزلم ماهی سویّه

...

الزمان  استوحدانی  ابنبل یرمای

علیّه  و  الجرح   مفتوگ  یرمای

اشمالک  خالفت  بالّزم   یرمای

الچنت تگطع  الابره ابعود الیّه

...

الخامسه ابوذیّه المدوّره:

انحلت ما بیّه  اجر جدمی ولا عن

ولا  گلبی  شفا   ابضیمه   ولا عن

مثل   ناگه   انگصه  بیّه    ولاعن

ابصحراء  او  لا  اکل  لا مای الیّه

...

تعال  اعزف  یمحبوبی بالافراح

الف نبعوا و الف صاروا بالفراح

علیمن  ضایج او هایج بالافراح

الدّنیا  ایّام  عود  او  یبس میّه

...

یدنیا    لا   تعازینی  هلک ون

شوفی الضیم  بدیاری هلک ون

گلبی  ضرّته   الفرگه  هلک ون

یفلش  الصخر  محد سمع بیّه

...

السادسه الابوذیّه المنثوره:

عطشت  او  مای  ما  یاجد  وارد بیه

یبس جودی او صعب دربی ورد بیه

حر و اتراب

رمل وضباب

خطر واضباع

حیایه  اسباع

منایه  انواع

صاع  ابصاع

غصن شوگی ذبل ما ضل ورد بیه

تهشّم  و  الحشر   تلعب    علیّه

...

الرماد الماس اسکّنه  من احتاج

النذل بارمال اشچّنه من حتاج

السبب شنهی او تعادینی

و   ابیا    ذنب     ترمینی

الجهل    شلّع   مصارینی

العناد       ابذل    یاذّینی

احسابن   ربّی    ناسینی

و   لا    لحظه  یواسینی

ابثوب    الذل   یعازینی

الحرامی او بایگ امن اهله منح تاج

و  انا  بالخضراء   شارد    رد    علیّه

...

السابع ابوذیّه المولّده:

سلنی علی الحبیب یا من لیس یعرفهُ

ما   اطیب  الحب  لو  لا  انّهُ    نکدٌ

طعمان   مرٌ  و   حلوٌ  لیس  بعد لهُ

فی  حلق   ذائقةٍ   مرّاً     ولا شهدُ

و یلیهه البیت:

تود  اتحب  تعال  اجلس   وسلنی

نزف دم گلبی من   ضیمک وسلنی

حلو  مر   ذایب   ابعگلی   وسلنی

ابحزن  وابدمع   و   ابعلّه  الخفیّه

...

لا یحمل الحقد من تعلو به الرتبُ

ولا ینال العلی  من طبعهُ الغضبُ

یلیه البیت:

امتحن ربّک رفع  صیتک  ورتباک

ابخطا  متفیدک  اموالک  ورتباک

اذا  تغضب   اریضنّک   ورتباک

الینال   العلی  من  عان الخویّه

...

العین   تبصر  من   تهوی  و تفقدهُ

و  ناظر  القلب  لا یخلوا  من النظرُ

ان کان لیس معی  فالذکر منهُ معی

یراهُ  قلبی  و  ان   غاب عن بصری

ویلیه البیت:

الگلب حبّک رفض  شورک و نهواک

اعتقد    میفید  تعطولک   ونهواک

ابحرگ نارک  ضم  اسرارک  ونهواک

امن  اموتن  عود  زور البیه حمیّه

...

و ما حب الدیار شغفنَ قلبی

ولکن حب من سکن الدیارُ

و یلیه البیت:

احبّک  ما  اود  غیرک    ولک در

او تحمّلت الاذء  لجلک ولک در

ابّطن گلبی الک  ساحه ولک در

تعال او خلنه  نسکن بیه سویّه

...

لن   تسطیع  سنین   البعد تمنعنا

ان  القلوب  برغم   البعد    تتصلُ

لا القلب ینسی حبیباً کان یعشقهُ

ولا  النجوم  عن  الافلاک  تنفصلُ

ویلیه البیت:

اودّک  محمل   افراگک  ولفلاک

تغرّمنی   واجی  صوبک ولفلاک

فدیتک روحی واحبابی  ولفلاک

بعدک  ما  یغییر   شی    علیّه

...

لما  رآنی   فی   هواه   متیما

عرف  الحبیب  مقامهُ فتدللا

فلک الدلال و انت بدرٌ کاملٌ

و یحق للمحبوب ان یتدللا

ویلیه البیت:

العطش طگنی انتهی ابحالی دلالی

او نبع روضک او شم عطرک  دلالی

تبعته  ابوادی  من    بیره     دلالی

سگانی  ابدمعه   مو  مای   الدلیّه

...

الثامنه ابوذیّه  المضمن (او المجاراة):

یا  صاحبی  طال  الفراق  بک  وعد

فی ذوقی  مرّک و  حلاتک   ترتفع

هل  من بدیلٍ فی  سفرک هل تجد

لاریح  بالک  فانَّ  محبّتک   تتسع

من کلماتی  ویلیها البیت:

کلامی   ایسرّک  اینجدک   بدیلک

ابسعاده او  فرح  واتعاشر بدیلک

مرّک  الی  او  محلاتک   بدیلک

و اذا  طال  الفراگ  اروی المنیّه

...

صدق من قالَ فأنَّ النّاس معادنٌ

کمعادن الذهب و الفضةَ سلالا

و  کنوز   البدر  طالت  مناظرهُ

وتلبّست  الطبیعةُ  فیهِ   جمالا

یا من  ضمیرکَ   تاجٌ   مرصعٌ

ممراً  فقط  للعاشقین   وصالا

من کلماتی ویلیها البیت:

ایدک  لا بلت  ساعدت    بالفض

او جمیلک زاد بین النّاس بالفض

ثوابک ذهب چیس انقود بالفض

یعینک  دوم  دنیه  او    آخریّه

...

التاسع ابوذیّة المقسوم:

تذم   ارویحتی – او  روحک حملها

اشتظن   ابلوعتی – رابض    حملها

ابجفاک او دمعتی – ناشف  حملها

غبتنی   ابعازتی – او   تلطم  علیّه

...

بیاض   البیک – من  عینی  شعتها

تود  اطریک – من   غیری   شعتها

تحب ارویک – رض روحک شعتها

تجینی  اشفیک- حط   ایدک  بدیّه

...

ابسکوت اغسل – غضب روحک وسلها

اتبعهه    او – طیّب  اجروحک  وسلها

الغبی      الدائم –   یاذّیهه      وسلها

امنعه  او   لا –  یمر   بیهه      اباذیّه

...

العاشره ابوذیّه المخمّس:

الالف – لف طبعک العاطل وسلبه

الباء – باهت  شفه  الباطل  وسلبه

التاء – تیّهت  درب  الحق   وسلبه

الثاء – ثابت   مطر  گلبی   وسلبه

الجاء – جرثومه  دگّت   ثایه   الیّه

...

السا – ساور  سری  اسهامک    وسمهن

العا – عاود  شفاء  اجروحک   وسمهن

الداء – داوی ابغنی  اضلوعک وسمهن

الیاء – یا  یوم   اوزع   الهن    وسمهن

الهاء    هوّد    اذا    ما    کو      تچیّه

...

الفاء – فاح   الهضم  بالگلب   ونشف

الالف – ارباک  صاب  الجسم وانشف

الطاء – طومر  عذابی  استمر وانشف

الماء – ما ارید  اعطش  الفکر وانشف

الهاء – هاون   و  ادگ  صبری   بدیّه

...

الاحد عشر ابوذیّة المزدوج :

لوین  ارحلت  منی  او  غبت  یا شاب

او  بگیت  ابحسرتک  لو   تمر  واتعید

امن  امر  بالذکریات   التهب  یا شاب

جفیت او جسمی ذابل  رخص واتعید

انصبغ  راسی  ابلون    الوفر   یا شاب

استعد  واحسب  متی  واندفن واتعید

تزامطنی   واموت    ابللیل    یا شاب

احب   الحق    یجی   ایجمّل    علیّه

...

المحبّه   جبل    بس    گلبی     شلاها

امین  او    دارس    اویاها    هوت له

غزاله   ابزی  جسم     انسی   شلاها

ورده او  یم  حفأ  اقدامه   هوت  له

حضنهه   او   ضکهه   شمّاها   شلاها

علی صخره  انحنت  عانت  هوت له

باساها  او  روی    اضماها     شلاها

عروسه   امدیرمه  او   ماعت   بدیّه

...

الثانیه عشرة ابوذیّة الالغاز:

شنهی   الما   ینام    ابعمر    بیه  حای

او شنهی  اللطم  وسط السدر بیه حای

او   شنهی  کالمدینه   ابستر   بیه حای

او  شنهی   التجری   نهرانه    ابخفیّه

...

شنهی    الینذکر    بالفرح    وّشر

سمج  صوته   یزد   بالفتن   وشّر

علی اعناد  الادب دم یصب وشّر

صدیق  الحر  او مر للخان اخیّه

...

شنهی  الجالس اببیتک وریتک

عدو صایر  لک اتبوسه وریتک

تمصّه ایدمّر  ابصحتک وریتک

او یجرّک بالغفل صوب المنیّه

...

الثالثة عشر ابوذیة ذوالمقاصیر:

انحنت والعسل ذایب من شفتها

انسحنت او تاه عگلی منشفتها

(لا هیّه  عطر  وایفور)

(لا هیّه  شمس واتنور)

(لا هیّه  گمر  واتدور)

ولا   هی  المسّحوها   منشفتهه

بلوه  او نزلت او  طاحت علیّه

...

سهت بالثوب  کشفت  من سدرها

اشتهت وانجوم بزغت من سدرها

(لا هیّه   طبیبة    شیب)

(ولا هیّه شمس واتغیب)

(ولا هیّه جرح وایطیب)

تدث  لیلو  جمرّز  من   سدرها

اعتجبت ابحسن ما مر یوم الیّه

...

الرابع عشر ابوذیّة المضمّن:

الّا – لام  الگلب   عالمحب    ونشال

الیاء – یا رب عساه ما  تعب ونشال

الاء – لیل  او  نهار  انرضخ   ونشال

الالف – اسف  اذا  راح  امن  ادیّه

...

مضر ضیّک  یناهی ابیوم هلّیت

ونین   او  زاد  عالخدّین  هلّیت

نسیم او  عطر  بالدلال  هلّیت

الگلب یرتاح  من نگعد سویّه

...

سهم طگنی او غث گلبی وعر بیه

همج  ما  یعرف  ابصیتی  وعربیه

امیر  او  گلت   اعدّیله   وعر بیه

مذر  راح  او رجع دگ رمحه بیّه

...

الخامس عشر ابوذیة المقطّع:

ها گلبی انتظر ها سرت  ها جت

ها  تعبیت  ها  باریت  ها جت

ها ذکرتنه ها ما  نست ها جت

ها سابت  او  ها  ترجع   علیّه

...

ها محرب علی ها سکت ها ون

ها غیّر  هوا  ها  کشخ   ها  ون

ها نازل  غضب ها طرب ها ون

ها  زعلان  ها    ناره     الخفیّه

...

ها ولفی  زعل ها  سکت  ها مات

ها حبل  الوصل ها  گطع ها مات

ها انجن  علی ها  فشخ ها مات

ها طگ روحه ها مات امن ادیّه

...

السادسة عشر ابوذیة الفصیح:

المصائب  لا  اری  فیکم  ترابی

لماذا   یفعل   الغاسی    ترابی

اخذ  ذهبی  او  کرّمنی ترابی

قبلته لان مسکن  جثتی الیّه

...

الامل   والمستدل  اسف   سبنّی

و فی قهر  العلل  عاصف سبنّی

علی ظهر  الجبل  لاصف سبنّی

وصلت  الغمّه  یرمنّی ابحصیّه

...

هموم  البین     لافنّی    ولفهن

ابغزل صبّیت من شرهن ولفهن

علی   متشمّتن   حارن   ولفهن

لگن   بالاف   متشبگه     بدیّه

...

السابعة عشر ابوذیّه المرفوء:

اویاک  او  یا  حبیبی الوکت بسعود

اعلی دربک وانتظر ملگاک بسعود

اخبرنّک  تری  ضلّیت   بس   عود

نفس  یصعد  او  ینزل غضب بیّه

...

اعاتب من  والومن  من واسل من

ادور  ثار  احارب  من   وسل من

طلبت الستر وانذر من  وسل من

الخیّر    حگّه    ماکول    ابخفیّه

...

یگلبی  هم  الک  ربّک  والک هم

الارض تاسع جمل غادر والک هم

علیمن  تهرس او تهلس والک هم

العمر   خلصان   وایّامه      سریّه

...

الثامنة عشرة ابوذیّة المکرر:

ارتخه جسمی او بگت روحی تعالی

و احس  اهل    الرده   بیهه تعالی

ینجمه   اعیونی   الچ  تربی تعالی

غرامچ  و الجنون     انهن    علیّه

...

التودّه  الروح  ماحن علی شبنای

رفضنی او کال  کیل  ابنار شبنای

کسر هشّم حرگ ما هدم شبنای

قصر  للحب  بنیته  او خان بیّه

...

انهلت من کثر  صب  دمعی ولامای

اعیونی   صوفرن   عطشن  ولامای

لا  ابوی   الحضر  ضیجی  ولامای

انتچیت اعلی الاخو بس خان بیّه

...

التاسعة عشرة ابوذیّة المحافظ:

یطارش  مر  علی  المحبوب وصله

واخذ  مکتوب اله بیه عتب وصله

اود  ما   اگطع  انا   اویاه  وصله

اله  نص  بالگلب  لو   گطع  بیّه

...

همت  واعیونی  دم  صبّن   ولاجن

بچن   ما  ترضن  اسکتچن   ولاجن

علی  المحبوب  اظن  هملن ولاجن

علیمن   چا   یدر    سلچن   علیّه

...

حلاة   الزین   بکرامه    وطبعه

غصن من  شجره  مثمرّه وطبعه

یرید ابکل هلی انشبهه وطبعه

افتخار  الکل  مضایفنه  الزهیّه

...

العشرین ابوذیّه المجنّس:

حلو  حالی  ابحیالک  و انت حالی

حلاة  الحیل    حولی   ونت حالی

حلاوه او حال حل  لی ونت حالی

احل  کل  حایل   ابحیل   الحلیّه

...

شملتک  شل علی    اچتافی  وشل بک

شهیت  او  راکس   ابشوگک  وشل بک

احملت  شخصک او شمّاتک وشل بک

شتمت  او    شفّرت     شمّک     علیّه

...

مذر  متگنطر   ابمالک   شمر بیک

مرارک  مر مر   اریاگی  شمر بیک

الگلب موغانی  منعانی شمر بیک

مریض  ادری  او مناخک  نار لیّه

...

واحد وعشرین ابوذیّة الملمّع:

( و ما فی فیّک من بردٍ و شهدٍ)

ویلیها البیت:

حبیبی الگلب  طایع  لک شهدلک

وفی  وایباری  لضعونک  شهدلک

اذا دربک  عسر مضطر شهد لک

شگول  ابیا  سبب   تتسمّه  بیّه

...

سئلت  النسیم  فی  وضح  النهار وأبی

این    الدیار   وبیت    العز    مهدومُ

عطر الحبیب اختفی والماء منهم جفی

شالت  غوافلهم   و    الاثار   معلومُ

من کلماتی ویهیها البیت:

ابنهر او جیت امر دارک جفالک

او گلبی ابنار هجرانک جفالک

او دمّی وگف  لرحالک جفالک

احس بس اثر  جدمک بالثنیّه

...

الثانی والعشرین ابوذیّة المشط:

ادگ   والظم   گصاید    عبر    ولهام

وازیل   الضیم  من  کل  بشر  ولهام

الادب   طرّزته  دای  ابعسل   ولهام

الی   والّی   لفاه    الضیم   واشفاه

المریض   الضاع  منّه   ادواه واشفاه

یزیل  الکدر    من    امعاه  واشفاه

الصدیج  او   عدو   وزّعته   وشرته

ابنثر    و  ابشعر   رهّمته    وشرته

الما   یعرف    لغة   همته   وشرته

الیقدّر   انا        تابعته      ومرته

او منعته من حچی  الباطل ومرته

کسرنی     اللبد     بخباله    مرته

علی  سد   الدرب   طبته   اباذیّه

...

الثالث والعشرین ابوذیّة المطرّز:

م- مریض او ما اجد طبتی صفالی

ح- حبّک مرهم  الجرحی  صفالی

م- محن تلفی  ولا  منجد صفالی

د- دماری احبابی صاروا ضد الیّه

...

هلکت  او  شبّهت  عینک  بالمچان

یلین  العگل  من  شافک   بالمچان

لوانی او گلبی در صوبک بلمچان

همت  ردت  اشبگ  الما  یهم بیّه

...

ها وین  الضعن  سایر  ولف  بیه

یحادی الدرب بیه زلگه ولف بیه

لبس  ثوب العرس وادع ولف بیه

هچع  یرگص  یهیج  اجنونی الیّه

...

الرابعة والعشرین ابوذیّة السداسی:

شد    اهموم    صدقانک     وشلهه

و  حس  ادموع  الی   عانک وشلهه

السعاده    لو   لفت   سلهه  وشلهه

ابّطن  طین  او  مطر  جرها  وشلهه

المنایا    طومرت      نزلت   وشلهه

الدّنیا   لو    جفت   خابت   وشلهه

الیموت ایموت جسمه ایضل ضحیّه

...

الحمل  خف  ما  یتعبک  منته جاره

الحدید او  ذهب   تربح  منته جاره

التسومه  ابثوبه   بیعه   منته جاره

المکان  احسن  ابحفظه  منته جاره

الخبر   لازم    تفسره    منته جاره

ابسفر  لتصیر     لزگه   منته جاره

تأدب   واکسب   الجاهک  تچیّه

...

جاسم ثعلبی (الحسّانی) 08/01/1400

ان      الاوان  و  الحبیب   در     والتوی

لاحَ  طلوع   الفجر   و الافاق   تکَشّفت

اینَ   ضمیر   الحی  و    باتَ     مغلغاً

و   قلوب   الحاسدین   کأنَ     تعذّبت

من   قالَ  سل  السیف  فی وجه  ظالمٍ

حرامٌ و حمل السلاح  للضعیف تبرّجت

لا   تحتجَ  یا   حاقدی    سلَ    الهوی

و  مفتاح  شوقهِ   للعاشقین    تبرّکت

...

هجر ولفی او حده  الحادی ومت له

یا   صوب  اتبع   اضعونه    ومت له

لسع گلبی  او  حرگ روحی ومت له

همت  وارکض  وراه   طب   یا ثنیّه

...

لا تهتم حبیبی  حایر  اشبیک

فدوه ایروحلک کلمن یاذّیک

ما اعوف الذّی غالی علیّه

اضل ویّاه  للتالی  او الیّه

من تنخانی احس گلبی یداویک

لا   تهتم حبیبی حایر اشبیک

فدوه ایروحلک کلمن یاذّیک

...

لا تتعب او گلبی اویاک موجود

بعدنی اعلی العهد ثابت بالوعود

تدری الّی یعذبک ما وصل لک

ما خرّب  سمعتک  من یذمّک

اذا تعطش یحب بدموعی اسگیک

لا تهتم  حبیبی  حایر اشبیک

فدوه ایروحلک کلمن یاذّیک

...

کسرت الحاجز او بس صلفه  العیون

فرد    مرّه    ضفتهم   ما    یعزبون

ابکذب گالولی نتخایر سویّه

طلبت ایدک او ما ردوا علیّه

اعتقد غیر ایدی ما واحد یحنّیک

لا تهتم حبیبی  حایر  اشبیک

فدوه ایروحلک کلمن یاذّیک

...

تدرینی    احبّک    مانی     ناسی

حطنی اعلی الجرح مرهم واشافی

الما عدهم رحم خلهم  یمنعون

اباخر لحظه تسمعهم یندمون

یفز گلبی او یحن من یفز طاریک

لا تهتم حبیبی  حایر  اشبیک

فدوه ایروحلک کلمن یاذّیک

...

اذا عمرک طویل انت او تجینه

خل   الشامت  ایفسّر   حچینه

الحب بالسلف مسموع

من هو  الگال ممنوع

نضل للشیب بارینی واباریک

لا تهتم حبیبی  حایر  اشبیک

فدوه ایروحلک کلمن یاذّیک

...

جاسم ثعلبی ( الحسّانی) 10/01/1400

یولفی  حملی  بهمومک ولک مال

او فدیت الگلب واعیونه ولک مال

تعبته او شاهت اضنونه ولک مال

انتهت  ویّاک  های   آخر   وصیّه

...

اگول انساک بس ما اصفّی نیتی

لان انت  الگلب  وانتَ  هویتی

اتحاچینی واحاچیک

او ما اگدر  امر بیک

تلف واتدور بس  منّک اذیتی

اگول انساک بس ما اصفّی نیتی

لان انت  الگلب  وانتَ  هویتی

...

امن افهمّک بالصگد تبچی اعلی حالی

الحد   من    و انا    سهران     اللیالی

تحسّب روحک اهوای

و انت  امقصّر اویای

اشتگول  الربّی  لو وصلت منیتی

اگول انساک بس ما  اصفّی نیتی

لان انت  الگلب  وانتَ  هویتی

...

تتکبّر   علی     و    انت   الردتنی

چنت طیر ابوکر شجره او صدتنی

ابملح واترش بالجروح

وانت  امعذّب الروح

الوعد  چا   وینه  واتنوّر   ثنیتی

اگول انساک بس ما اصفّی نیتی

لان انت  الگلب  وانتَ  هویتی

...

ردت انساک ما ارجع وامر بیک

اجمع اصورّک  ابنارک وادوّیک

لان عینک جویّه

ما  تنشد   علیّه

اصیح ابصوت من ظلمک شچیتی

اگول انساک بس ما اصفّی  نیتی

لان انت  الگلب  وانتَ  هویتی

...

عساک  ابخیر  روح  او  اللّه یبلاک

امودّع و ابعذابی او ضیمی یلفاک

ما  تلگه  السعاده

مثل گلبی ابوداده

دویت  ابنار  احس  منّک نهیتی

اگول انساک بس ما  اصفّی نیتی

لان انت  الگلب  وانتَ  هویتی

...

جاسم ثعلبی (الحسّانی) 15/01/1400

السئل  عنّی  دخل   گلبی   وسر بیه

غالی   ابثمن   ما   اسومه   وسر بیه

امن اشم عطره  اضل  هایم وسر بیه

یداوی   اجروح     دلالی     ابخفیّه

...

عساک ابخیر  یلتنشد علیّه

لا منّک خبر  لا جت وصیّه

تگطع   بیّه    للتالی

ولا تسئل علی حالی

الدرب مسدود چا وان اشبدیّه

عساک ابخیر  یلتنشد علیّه

لا منّک خبر لا جت وصیّه

...

واگف  عالدرب  واربی  علیکم

الدرب ممنوع ما اگدر اجیکم

احس بیکم تجونی

من  رفّن  اعیونی

امقدم الکم ورد ما بین ادیّه

عساک ابخیر  یلتنشد علیّه

لا منّک خبر لا جت وصیّه

...

تعال  او  شوف  حبّک  مرمرانی

مریض او گوه احرک من مکانی

علی   درب   الیمرون

و انخه الّی یضمدون

افراگک صعب راوانی المنیّه

عساک ابخیر  یلتنشد علیّه

لا منّک خبر لا جت وصیّه

...

فرد  یوم  الرحت  عنّی واعن بیک

احسّب سنه اتعدت مانی ناسیک

شوگک    مرمرانی

دهورنی او سبانی

صبرت او گمت  ابلع  بس   اذیّه

عساک ابخیر  یلتنشد علیّه

لا منّک خبر لا جت وصیّه

...

تواعدنی  تجینی  او  عندک اعتاب

اچندوب انتظر واگف علی الباب

تمر لو  ما   تمرنی

بطیت او عذّبتنی

انتظارک صعب راوانی المنیّه

عساک ابخیر  یلتنشد علیّه

لا منّک خبر لا جت وصیّه

...

تابعتک و  اریدک گلبی یهواک

حبیتک او تدری مگدر انساک

انکسر گلبی ابدلاله

متردلی      ابرساله

توّرطت او شفت کلّک  بلیّه

عساک ابخیر  یلتنشد علیّه

لا منّک خبر لا جت وصیّه

...

جاسم ثعلبی (الحسّانی) 16/01/1400

رفیقِ   خوب   مانند  طلا   هست

درونِ   قدمتش  گویا   وفا هست

گهر   بارم      گهردارم      کجایی

خدا یارت و دیدارت شفا هست

...

دلم   لبریز   شد    از     دوستانی

ادعایی    می کنند   شیرین  زبانی

ولیکن می زنند چون نیشِ عقرب

شبیهِ    نیزه    می زد     یادمانی

...

به   دلشوری   زعشقم   دل بریدم

فراق  و    دوریِ   یارم    کشیدم

که چون دل  بندگی ها بی ثمر بود

کمر  خم   شد   زهمراهی   بریدم

...

تو     لیلایی   و  یا   لیلا    تباری

به دل داغی چرا باران می باری

مگر   ارزانی   اشکت  شبح شد

تو   معماری  و  یا آدم  دماری

...

تو بد وقتی  دل و جانت جفا کرد

دلم در دشت و سنگستان وفا کرد

صلاحِ  ماندگاری   خوی   خوشتر

پرندم در  قفس  خوانی صفا کرد

...

ز عشق و عاشقی دل در کمین است

و دل بازی  تو ماه و در زمین است

تو خود  خواهی  تو  جلّادی تو دیوی

بنازم عشقِ  سربارت همین است؟

...

اگر   دردت   یکی  درمان  یکی بود

مسلمانی    شدی   قرآن   یکی بود

اگر  ظالم شدی  مظلوم یکی هست

اگر لقمه  شدی  دندان   یکی    بود

...

بگیر   دستانِ   گرمم  را ، بدر  کن  عشقِ پنهانی

بدونِ  من  عزیزِ  دل ، بدان   زنده    نمی مانی

کنار   تو  قرین  تو    ، دل  آویزم  نه   مهمانم

خدایی کن دلم پیشت ، و قدرش را نمی دانی

...

عزیزم  دل بکن  از من ، دگر   با تو  نمی سازم

بگو دیوانه ای در عشق ، به دل سازی سر افرازم؟

بیا  در  دیده ام  بنگر ، ببین  مهتابِ  رویایت

اگر  عاشق  و سر مستی ، به غیر از تو نمی بازم

...

جاسم ثعلبی (حسّانی) 26/12/1399