میعادإلأحباب
حیلک إو عینک و إلفرح و إلشوگ ثابت رایه
إنطر درب بیه إلمحب و إتعنّه لیه زیزایه
إلواهس یجی إبوکت إلضحی و إلعمر یطحن بإلرحاء
لو ما تحن ما تمتحن خاتلتک إلرمّایه
***
إتمحّنت محنه إویاک أنا عگرب إو تلدغنی إبللیل
أصرخ إو لسعاتک جمر تچوینی أصیحن یا ویل
تیّهت دربی إتمرمرت سابینی بس إتعذّبت
إتمرّضت و أدری أنت إلسبب شرحیت إموری إبتفصیل
***
ما فاد ویّاک إلعتب متکبّر أنت إشمالک
گلبک صخر ما ینکسر لو ما یحن دلّالک
وجداناً إحچی لی إلصدگ أنا ألحم إو أنت إلتشگ
چا یمته یلتم هل فتگ لتضن أنا چتّالک
***
إمتابعنی أشوفک کل وکت بعیونک إتحاچینی
طلبیت حبنه سر یظل أواسیک و إتواسینی
قبلیت بشروطک أجل أنت إلنفس و أنت إلأمل
لاخر عمر تبقی إلی أباریک و إتبارینی
***
حبّیتک إو ما قصّرت و أنت إلسبب ماذینی
شترید گول إطلب علی یا بعد روحی إو عینی
إمگابل إو گتلک فدوه إلک و إبّطن گلبی إمدلّلک
إشمالک عزیزی مختنگ بس بسمتک تشفینی
***
إبمیعاد حط إیدک بدی و أقسم قسم للتالی
ما تحب غیری لل أبد ردتک محب یل غالی
عمری أظل یمّک سند أبقی حبیبک لل أبد
لو تنتحب عینی تصب و أتخیّلک تبرالی
***
نوبات أشوفک بل حلم نوبات أذکرک مانام
مثل إلغزاله أتصوّرک تدری إعلی شوفک محتام
عینی إعلی شوگک رفرفت ورده إو علی إلشاطی زهت
محتاج أزورک من گرب یل بإلثمن ما تنسام
***
چا لیش تتدلل علی چنّی غریب إگبالک
تتمایل إبزی إلهوا یا ما حفظت أسرارک
للموت دافنهن دفن إمخیّطهن إویای إبچفن
مکدر علیّه إو ما تحن تحرگ بدیّه أطوارک
***
ما أبیع للبایع ورد إلبایع ورد چتّالی
إعیونه تکتل من تصد یرمی إبسهم دلّالی
إترید إلورد کلّه إلک لا لا خطیّه أرحم هلک
خل عطره للشم بل هوا ممکن محب یبرالی
***
روحی إبسفر لو سافرت ما تعرف إسم إلإحساس
لتگلّی أجیلک من گرب و أجتمع بیکم لابأس
غربه إو تهالیل إلوکت و إلجو لهیب إو تنّگت
چا وینک إلحگلی إنصبت من ثگل شوگک بإلرأس
***
إلأهواز نجمه إو بل سماء إو بتهه إلخفاجیّه إحذاک
إستاد مبدع بإلشعر تکتب قصاید لهواک
آه إشکثر گلبک یحن یا ریت أسمعه من یون
تشری إلورد و أنت إلورد ما أبیع من هو إلدلّاک
***
من باع للغربه ورد شوف إلغریب إیأذّیه
إلورد بس لهل إلورد و إلساجی و إلّی إمربّیه
إتحب إلورد هذا إلدرب للّی یحب ما هو صعب
موبس حچی کافی إلبچی لازم تزوره إتباریه
***
ما أریدن إلیبصم بصم و إیگلّی أریدک و أهواک
إسبوعین غایب و أنتظر و إیگلّی جف مانی إویاک
إیگولولی تاجر بل محل بایع ملابس نسوان
نوبه یجر طوره إبحزن نوبه یصطّر غمصان
هسّه وعه من نومته و إیگلّی عطشان إفلان
ضلّیت بس أضحک کذب ماکو عذر بعیونه
مرن أیّام إو صعبه إلی چا وینه إلمجنونه
أصیحن إو محّد یعتنی کلمن لگف ماعونه
فوگاهه متحزّم علی یرمی إبغضب من وزّاک
ما أریدن إلیبصم بصم و إیگلّی أریدک و أهواک
إسبوعین عایفنی إو گلب روح إو بعد مانی إویاک
***
أرد أزعل أرد أحچی إلصدگ حبّک بعد ماریده
گلبک کرهته لا یدگ لا یلفی إلی ما أفیده
إففییه هسّه أخذ نفس بای إلعشگ بای إو بای
إلوحدی و أسافر بل هوا نوبه إببحر نوبه إبمای
لا لا إو لتسلّم علی ما تسوا أسمّیک إهوای
إطیور إلکراسی إتلوگ إلک طیر إلحر إحنه إنصیده
حبّک بعد ما أریده
***
ملّیت تیّهت إلدرب مو کل محب یرغبنی
ما أریده إلیمصنی إبمکر یشبع شرب و إیذبنی
أود إلحبیب إیکون إلی بإلفرح و إلشر موجود
إیتابعنی إو یسئل علی ما یحط للشوگ إحدود
مو تافخ إطمیعی إو رخی إیواعد إو ما یوفی إیعود
عفریت هذا مو ولف یا گلبی لتعاتبنی
***
إچّندوب أسامح و أعتذر یا ولفی لتأذّینی
ما أرید حب إلبیه رجاء حب إلوطن یکفینی
تابعتک إو ما قصّرت تافخ علیّه إشمالک
أتگرّب علیک إو تبتعد شفت إلسبب بذیالک
کل یوم تصبح لی إبشکل إتسامر شخص یهوالک
لا گلبی مو هیچ إلیحب یا بعد روحی إو عینی
***
تواعدنی إبصبر و إلصبر مو کافی
ترید إردود بیدک تحرگ إلحافی
صبّرت إلصبر و إلصبر دگّیته
إبمواعید إلأکل کل یوم لهمیته
ما داوانی عفته إبعید ذبّیته
دعیتک و إعتنیتک و أنت متعافی
***
إملثّم إبثوب أحباب مو حیف أحاچیک
إشمالک دویت إبنار و إتسب مرض بیک
***
إتواعدنی أشوفک یوم چا یمته توفی
تکذب تسلّی إلروح خلنی إبظروفی
***
جاسم ثعلبی ألحسّانی 06/01/1402
:: بازدید از این مطلب : 1174
|
امتیاز مطلب : 3
|
تعداد امتیازدهندگان : 2
|
مجموع امتیاز : 2
عضو شوید
عضویت سریع
آمار مطالب
آمار بازدید
