سفیر الحب

یوم ألمرأة ألعالمی

إبیوم أمرأة أخصّچ  و أنتی بدر إلکون

إختنه  إلماجده  إو  کل  إلفخر    بیهه

مثل  شمعه  إبظلام  إمحجّبه  إبقندیل

شعاع       أفعالهه    إیصوّر    معانیهه

ثقافتهه   إلأمانه   إتربّی   جیل  إبجیل

صافی   إو   مای   زمزم   من   یبدّیهه

 هلهولتهه   قصّه   إتسر  گلب  محزون

إبیوم   إلضیج  تفگه   إتطگ محاچیهه

کریمه   إمأدّبه  و  إلغیره عدهه إثبات

سلیمه   إمعدّله   و    إمحلیه    والیهه

ربّت   جیل    والی    إیبارز   إلفرسان

من      إبعید       مشهوده     مبانیهه

رفعت   رأس   أهلهه   بإلعلم  بإلصیت

إلعمام  أطفالهه   إو   کلمن    یواسیهه

عَلم  صارت  ترفرف  بإلفکر   و إلدین

حسافه   إلفقر   و    إلمأتم     یعانیهه

لبست  ثوب  أهلهه  إتوسّطت  دیوان

إو شربت  گهوة  إلعز   روعه   یرثیهه

شیّالت بخت  و  إلبخت عدهه إعیون

ما   طمّت  بختهه     إبکل    مأاسیهه

حملت  ضیم  أهلهه إو طالبت بإلعوز

سفینة    نصر      بحرت     للیعادیهه

عبایتهه   ستر   و  إلثوب عدهه إلثام

تناور   بإلمجالس       سرهه    یخفیهه

ما  تبعت  غبی  إو لا عاشرت بد ذات

خیّال      إلتطلبه     إبعینه     یفدیهه

ذهب صافی نظرهه إتداوی جرح إلبین

طبیة    نفس     متنجبه       إبتهانیهه

إلعیبی إو بإلسدر  متوسطه عید إبعید

بس   إلبیه  وفه   من   حقّه   یشریهه

طلّابة     سترما     خنست     إبدیوان

و   إبیوم    إلبراز     إتجر     سوانیهه

إم   إمعدّله    إتحارب  ظلم و إلجوع

ضد    کل   معتدی  ثار   إلعزم   لیهه

ألف  مبروک    إلچ یومچ نصر مکتوب

إلچ  طول  إلعمر   بإلملحمه    أرویهه

جاسم ثعلبی ألحسّانی 18/12/1401 

ألحب إلفاشل

تیّهت   إلگلب   و   أنعیته   قبل  إلموت

عندک   جاذّبیه    إو     خبّلت      حاله

ربطته  إو  گعّدیته   إویاک  ما  رحمیت

او   جبریته   إبسکوتک   یگطع  إحباله

رجع مثل إلحمامه  إلذکرت أهل  إلطیب

 إو  گعد  بین  إلضلوع  إو  خبّر  إرجاله

کشف  کل   ذکریاتک  و  إلخبر  موثوق

إبمستقبل  إو  ماضی  إبشاطی  و إرماله

عاتبته   عتب    گتله    إلتحبّه    إیخون

یا    گلبی    إعتبر      مشغول     بأماله

یحب إلفلس   یچمد   ما   یعرف إلنّاس

علی    شان      إلقران    إیطشّر   إعیاله

کشفته    قبل   لا   ترسم   علاقه   إویاه

کل مشیه    إبطمع   و   إعیونه  محتاله

گال   إسکت  بعد   لا    تنطق   أترجّاک

إلولف ولفی و  أحبّه  إبعنبه  و  إسلاله

أعذره  إشما   فعل  چفّیته   فوگ إلراس

و أبلعه  إبکل صراحه  إسمومه و أعماله

عفیته   من   نسانی   و أنا  ضیف إحذاه

ممکن   یعتذر    و       إعیونه     چتّاله

عزیز   إو   ما   أترکه   إعیونه نور إو نار

إمن   أودعنّه   تظل     إعیونه     همّاله

لا   تتداخل    إبحریتی   حقی       أمتاز

إلحمل   لو  طاح  أحس  بس هوّه شیّاله

گلتله    إتهدّه    گلبی    گبّص    أترجّاک

أنت   إبجسد   ساکن     عگلی      دلّاله

روحی إو عینی و إذنی فکری و إلإحساس

جمعیّه         إنتشاور      کلنه      خیّاله

إذا  قصدک    تفردش    گومنه    إبتنکیل

یتفردش مضیفی     إو    چایه    و إدلاله

ریم   إلّی    تحبّه      فاشل        إبملگاه

متکبّر      خبیث       إمقرمز     إخشاله

ما یسوا   تکرمه    إو   تحترم       ملگاه

عوفه إو شوف غیره  إبوعدی  تحلاله

إلما قدّر   ظروفک   تافخ      إبممشاه

لتسلّم   علیه   و     إعیونه      میّاله

أدوّر لک گمر یضوی إلشمس و إلگاع

متخلّق   حنین     إیعرّب        إجیاله

لأن من  هانک  إینزّل سمعتی إویاک

و   إلهانک    لئیم    إمّرمر     إخیاله

أنت إولیدی أحسبک و أفتخر بصباک

و أحس  کلمن  یضدّک   گومه  ختّاله

گال   إلگلب   أمرک  و  أنا عد عیناک

إبخدمتک و أجتنب من ضرّک إوشاله

أدری   إلعاندانی   إیعاندک   فد یوم

هدف   عنده   یطشّر   بینه   بأمثاله

مُشیر أنت و أعرفک  تجمع   إلخوّان

إو تعرف إلبیه محنّه إو  عینه  سیّاله

إلما رادک مریده  إشما   یرید  إیصیر

عدو  محسوب  ساء  إخباله   بذیاله

ختم   بلوا إلطلابه إلعگل ویّه إلروح

خلونه    انتکاتف   و    إلشعب ناله

نال   إلمعرفه   و   إلنصر   و إلترقیب

ما  نخلف   نظر و   إرسومه   شلّاله

نزرع حب  عشگنه   إنطوره  بإلتهلیل

إلعشگ هوّه إلوطن برموزه و إجیاله

جاسم ثعلبی ألحسّانی 17/12/1401

تجلیبیّات و أبوذیّات طور ألحبیب

مو فد ویه  أدگ و  أنتحب  ویهین

علی ألفاگد شعوره  إو یغث ویهین

کتلنی إلیحچی  بین  إلعرب ویهین

خضر  یابس     یحرگه    إبعنجهیّه

***

إشمالک خبیث  إو  من صخر دلّالک

لیل   إو    نهار   إمعذّب    إلیهوالک

إمسدّد إدروبک عنّه لیش إتغث  بیه

تشلع  إبگلبه   بل کذب   و  إتباریه

إتراویه   ذهب  ذرّة ذهب ما تنطیه

کل ضنتی عافک   ما   یمر   بذلالک

***

کل ضنتی عافک و إلسبب ما طخّیت

لّلی   یحبّک   بل    حقیقه     إتبرّیت

منّه   ولا    چنّک   خفت   بیه  حوبه

إیضرّک   یطاغی  إو  لا  تشگ إبثوبه

إلدّنیا   لبو   أفعال   إلبطل    مگلوبه

من ثگل حبّک سایب  إو عاف إلبیت

***

من   ثگل   حبّک   دم  نزف من گلبه

خضّر   ورد   یم   جدمه    زاد   إبحبّه

شوفه   إشحلاته   شمّه  عطر إلریحان

إمنوّر   عمامه   بل  نظم   و إلدیوان

إشمالک زهدته إو ما تجاوب خجلان

بل سکته بل خنسه او علیش إتضربه

***

تجلیبیّات چا یمته أشوفک

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

چا   یمته    فمّک   ینطق     إیسر   بیّه

تلدغنی  لحظه   إو   غبت   چنّک  حیّه

و   أنا      إبعذابک     محترگ     یومیّه

چا یمته  ترضی  إو  تقترب   یا    زعلان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

چا یمته  أشوفک  و  إلعمر فات  إسنین

واحد       إبواحد       بإلصبر    منتکلین

صبّرت     صبری     و      إلصبر    عافانی

إبحبّک   ضحیّه    إو     منحدر   شافانی

إلوحدی   أون      محّد      إلی    یدنالی

هم   شفت   مسجون  إو    یوّد  إلسجّان

أجلب لک أشعر لک  إو  أنت   إلسکران

إتحب إلیمدحک و أنت  ساکت  خجلان

***

ملّیت   منّک   و   أنت  ضاوی  إبعینی

و  إشما    أکلمک     ناوی   متحاچینی

یا   ما   سهرت   إعلیک   یا   ما تعبیت

یا  ما   حملت  إهموم  إلک و إتأذّیت

مجروح   گلبی  إبدم  حنانی   إتحنّیت

أنت   إلفزت  یا  وسفه  و أنا   إلخسران

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

أنت   إلفزت   و   أنا   إلمتت   بعنادک

تدری   إلزمان    إیصیر     إلک   جلّادک

یکسر       غرورک     تاکل      إلطبخیته

إتطخ   رأس   إله    إو   تتوسل  إلترکیته

تحتاج   إله   و     إتعود   إله    إلذمّیته

و إتعلّی  شانه   إتکلمه  یا  عینی  إفلان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

تلعب   فلم    من     تلبس      إلبوشیّه

تکتم     خطاک     إتفضحک      إلترچیّه

تکشفهه   لل   طایح   إبحبّک  و إلشات

تحرگ   إبگلبه    لیش   یا    بد    إلذات

ما    یغفر     إلرب      للیعذّب   هیهات

یغفر  إلطاح  إبشوگک   إو    ظل  تعبان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

حاور   صدیق    إبکل     ظروفه  إتهمّه

لا     تاخذ     إمراد      إبگبور     إلیمّه

لن     إلمراد     إیرید    گلب     إلصافی

مو  مثلک  إمدوحس  إو   بدرک   طافی

ناکس       عهودک      بإلوعد     متوافی

إلیاخذ   إمراده  إیکون  بل  حب  ولهان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

چا   لیش     ساکت    جاوب    إلیبرالک

إو   یسئل  إلرایح  جای  إلک  عن حالک

إلسکته   تکتل   تحرگ   إبیوت    إهوای

إتدمّر   جسد     تتمرّض   إنطق   بهدای

جاعد   أنتظرک   کل   وکت  بعد  إچلای

سل   رمحک   إتگرّب   إو   هذا  إلمیدان

 أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

کافی   بعد    لترضّی    حب     إلروحک

ذاک   إلهویته    ما     یشل    بجروحک

ما یطفی   نارک   من   دویت   إلتهبیت

مثل  إلصنم  مشتول  إلک  وسط إلبیت

لو   کان    مهرک    بإلطرد    ما    سلّیت

مثل    إلبهیمه   إو    منشتل   بل دیوان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

عندک     عقل    لا    تعتقد    بإلقسمه

إلعاشر   غبی   ما  هو  فتگ  و إیلحمه

لاخر   عمر   لو   گلت     إیه    إتاذّیت

تاکل   إبدردک   و     إبعذاب    إتهنّیت

بإلصحرا   چن   مای   إبظرف و إتبدّیت

زین   إخلف    أامالی  إو   طیع  إلدفّان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

إمجرّب   أنا  هل   وضّحت  لک   شترید

حطنی إعلی  راسک تاج إلک  یوم إلعید

کل   شاعر    إلضاگ      إلمرار     إبیومه

لو   ما   عذابه   ما     یشگ     بهدومه

إبگلبه      إلمرار     إلینطق     إبزردومه

ما   یفرق   إلهامه    إبمَدن   لو   معدان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

أنا      بشر    ما        أریدن      إلناسینی

إلیحبنی     أحبّنّه   و     أحطّه     إبعینی

أفک   باب  گلبی  إو   یدخل إیظل ویّای

ذکره    إلأکل   حبّه    ألهوا   عطره  إلمای

ما  أریده   یتسمّی    إبضمیری   إلودّای

إو  لا  أود  أشوفه   معتکف  لو  حزنان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

حرر   ضمیرک  و    إنتفض   بس   کافی

و   إلسکته   موتک  و  إلسکت  متعافی

ثور   إویه   طور    إلمعرفه   و   إلعنوان

و   إلحق   کرامه  إو   ینوخذ   بإلضرعان

إبحکم   إلنبوّه     و   إلنصر     بل قرآن

إچّندوب   متهلوس   إو    دایم    منهان

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

وینک   غبت    ما     تنشر     إبتغریده

خفت   إلویاک   إللشّه  و إیدک   بیده

کض   إذنک  إو گول  إعترف  بل طایف

مانی   کفو   للحب   و  أحسّن   خایف

عوف   إلنظم    چنّک   شعر  ما شایف

طیع    إلقدر   و   إرسم  حدودک بیده

إو   تابع    مصیرک   بإلبحر  و  إتصیده

إفرح   إبفرحه   إو   عیّد   أنت إبعیده

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

أدری      بإلیشعرون     همّ    إلغاوون

ما    تابعاهم     بشر     بس    إلمجنون

أنت   إطلعت   منهم   شخص   متعافی

إتزامط  إو   تحچی  إتواعد   إو  متوافی

إمن  إبعید    أحس  تسرق  ترید إلحافی

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

***

لا   تسرق   إلحافی   إلعشگ   ما  أریده

حیل   إویه   گلبی  إلصار بیه   من إیده

لیون   بعد   لوم    إو     هجر   میفیده

حگّه   یظل   کل    عمره   تالف  سهران

أجلب لک أشعر لک  إو  أنت  إلسکران

إتحب إلیمدحک و أنت  ساکت  خجلان

جاسم ثعلبی ألحسّانی 12/12/1401

اُغنیّة إجیت إلخاطرک

وینک   یحب   روحی   ترید  إتشاطرک

طلبیت  أظل  یمّک  و  أجیک إلخاطرک

ما   أنام  لیلی   إبشوگک   أنا  إتعذّبیت

مشحون گلبی إبسر خفیته إو ما حچیت

ردت أگعد إگبالک و  أزورک  ما  رضیت

شنهی إلسبب رفضیت،  حضّی إلصاطرک

وینک  یحب   روحی    ترید   إتشاطرک

طلبیت أظل یمّک  و   أجیک  إلخاطرک

***

ما أرید مال إو  بس  أهیم إبشوفتک

بس أگعد إگبالک  و أطوف إبحوبتک

إتکتّرت منّی إتعذّرت  و أنت إلهویت

تشعل إبنارک  بإلگلب  و  أنا إلدویت

مجنون ما عندی  فکر  و  إتدهورّیت

إشما صبّرتهه روحی  صلفه  إتعاطرک

وینک  یحب  روحی  ترید إتشاطرک

طلبیت أظل یمّک و أجیک إلخاطرک

***

هم  گلبک  إیون  مثلی  إلک  نص إللیل

هم دمعک إیصب عل وجن دم و إیسیل

أحس  صخر   گلبک    ما   یحن    للتالی

رافع   لی    خشمک  و   إنشلع   دللالی

دلینی    تیّهت     إلدرب     یل     غالی

غیّمت  عینی  ضب  ضبت   و   إتماطرک

وینک   یحب   روحی   ترید   إتشاطرک

طلبیت أظل یمّک  و  أجیک   إلخاطرک

***

عندی  عتب  وی   ولفی   إلناسینی

مثل  إلبدر  یزهی  و  أشوفه إبعینی

إشما   أقترب   لیه   یبعد   إو أذّانی

بیده  رمح   وسط   إلگلب   شچّانی

حیل إویه  گلبی إهوه إلسبب دلّانی

ذاب إبجفاک  أحلف  علیه  إلناطرک

وینک  یحب  روحی  ترید إتشاطرک

طلبیت أظل یمّک و أجیک إلخاطرک

***

لو  ما  تحب  گلّلی إبأدب ما أریدک

لتضم  علیّه ، إبیا  سبب  ما   أفیدک

شیّبت   راسی  إبحسنک   إبّبسماتک

عطرک   یشع   ویّه  إلهوا إشمحلاتک

مجروح  گلبی   إمصوّب    إبنظراتک

تقبل   یترکک   ما   یعود    إلناظرک

وینک  یحب  روحی  ترید إتشاطرک

طلبیت أظل یمّک و أجیک إلخاطرک

***

جاسم ثعلبی ألحسّانی 16/12/1401

اُغنیّة خلّینی بعیونک سهر

حبّی  إبعینک   أصبح   کحل   وسماک

إعلی شوگک و أنشرح بإلصدر وسماک

إو جعل إسمی ذهب  منطلی وسماک

إبّطن  قاب   إلگلب  شچ  رمحه  بیّه

***

حبّک   دفنته    بإلگلب / لأخر    عمر   ردتک   إلی

مشعل إو داوی إو  ملتهب / شوگک  وعد  ما  ینتهی

خلّینی   بعیونک    سهر /  تدرینی   أذکرک    بإلمطر

إمبلل و أحس حبّک بحر / إبگلبی إنرسم ما ینمحی

***

شتگول  توگف  بإلعهد / لو  بل   عهد   ما   توگف

عدّک نظر  تلعب  علی / شو    مبتعد   ما   تنصف

فکّر إو ردلی إحچایتک / إو علّمنی  شنهی  حجّتک

ذمّیت روحی إلحبّتک / لجلک عفت ربعی  إو هلی

حبّک   دفنته   بإلگلب / لأخر   عمر   ردتک   إلی

مشعل إو داوی إو ملتهب / شوگک  وعد ما ینتهی

***

إمتابعنی حط إیدک بدی / و إلدّنیا  وسعه  إویانه

نبعد  علی  إلبیهم  رده / إو  خل   إلخلگ  تنسانه

نرسم  عشگنه  بإلذهب / و إنعاشر  إلنّاس  إلغرب

نشتل ورد و إنشم عطر / و أنسه  إلعذاب إبمندلی

حبّک   دفنته   بإلگلب / لأخر   عمر   ردتک   إلی

مشعل إو داوی إو ملتهب / شوگک  وعد ما ینتهی

***

ودّیتک  إو  ما أنسحب / إو  ما  أنسحب  ودّیتک

أنت    إلعزیز   إبغربتی / إبّطن   إلگلب   خلّیتک

إتشافینی عینک  من تصد / أرجوک  بس  لا تبتعد

حبّک عسل حبّک  ورد / إبعگلی   نبت  ما  تنّسی

حبّک   دفنته   بإلگلب / لأخر   عمر   ردتک   إلی

مشعل إو داوی إو ملتهب / شوگک  وعد ما ینتهی

***

إشما  أراسلک  مترد  علی / متکبّر   أنت إشمالک

إتعاملنی  چن  مانی  بشر / غرّتک  حیل  أموالک

تتوسّف أدری إو منغدر / و إتبوس راسی إو تعتذر

تدرینی أحبّک  من  صغر / و أنا  الوصالک  منتمی

حبّک   دفنته   بإلگلب / لأخر   عمر   ردتک   إلی

مشعل إو داوی إو ملتهب / شوگک  وعد ما ینتهی

***

یا ریت تندم  من صدگ / و إتحس إبدلالی إویاک

گلب  إلیودّک  دم   نزف / مانام  لیله   إو   یهواک

یمطر حنان  إو   عاطفه / خانه  إلزمان  إو   هدّفه

وینک و أریدک عل عهد / ساعد إلبیه غیره إو وفی

حبّک   دفنته   بإلگلب / لأخر   عمر   ردتک   إلی

مشعل إو داوی إو ملتهب / شوگک  وعد ما ینتهی

***

خایف   إشخیرک   مبتعد / متندّم   إو   ماناسیک

لتخاف و أنا إحزام إلک / ما   أخلّی  شر إیمر بیک

طلبیتک أنت إبرادتی / أنت  حیاتی   إو   مهجتی

روحی إلک فدوه و إلعمر / إلغیرک  أبد  ما تنثنی

حبّک   دفنته   بإلگلب / لأخر   عمر  ردتک   إلی

مشعل إو داوی إو ملتهب / شوگک وعد ما ینتهی

***

جاسم ثعلبی ألحسّانی 01/12/1401

أبیات و ونّات و حوار بین ألحبیبین

#یمسافر

یمسافر   فلا    لحظه    أنا    ناسیک

بید    أللّه    إو     رسوله     ودّعیتک

إبسلامه إو ترجع إلنه إو تفرح إلروح

عمر   عایش  إبگلبی  إو  یبغی بیتک

لا  تبطی  علی    ما     أنامن     إللیل

أعد   إنجوم   لو    لحظه    إشتهیتک

خلّینی   إعلی   بالک    گلبی   یهواک

إو   تدری   إبنار  گلبی  من   هویتک

طیر   إبذکریاتی    إو   فرفر   إحذای

مثل   سر   إبنظر    عاشگ    خفیتگ

تعال  إرجع    علی  لا   تبطی   أنهار

تتوسّف     أموتن       من     أذیتک

***

#مانی ناسیک

یألذاکرنی     إدرک      مانی      ناسیک

أحبّک   و   أللّه   أحبّک  و   أنت  إلیّه

أنتظر    رقم     إتّصالک    یدگ   رنّات

إبجوّالی     و      أحس     تگرب   علیّه

صوتک    یشفی     گلبی    من   إلألام

دوای      إیصیر     مشحون     إبحمیّه

خبر عندی إمن أجی و أرجع لک إردود

ضمیری   إیگول    إلک   حامل   وصیّه

***

# چا یمته تجی

واگف   و   أنتظر   یم  عتبت إلباب

چا   یمته    تجی     طال    إنتظارک

أحس   خضّر   ورد یم جدمی بإلگاع

علیّه   إهموم   فوگ   أالامی   نارک

تدری   إبواهسی   حبّک و أحاچیک

لو   عطشان        یروینی     حوارک

أنت   إلدّنیا   إلی  و   إلمای و إلزاد

أموتن   لو   وصل   گلبی     شرارک

خلنی إویاک أعیشن عمری لحظات

إبّطن گلبی و أحس بیه  هوّه دارک

***

#إعیونک من تصد

أحبّک  حب  فلا  بل  دنیا موجود

لإن  ما  لحظه   ناسیک  إبوجودی

گمر  بعیونی أشوفک بین إلنجوم

بصمت  إبدمّی  ما  أزلف وعودی

عندی إویاک چلمه إو خلهه تذکار

إو گلبی إو گلبک إتنخّوا شهودی

شامه إو بإلصدر تغذف  صواریخ

إعیونک من تصد  تدخل حدودی

أظل إمزوهر  أفتر  عطرک   أنبال

یسکّرنی  إو  یخل  دایم  جهودی

***

#لحظات إلوداع

أحن  و أشتاق  إلک من یگرب إللیل

و أحس وحدی عفتنی  إو شایل إبعید

یراوینی    إلدهر    لحظات    إلوداع

تدوهنّی   إبخجل   کل  جسمی إیبید

صگد   رایح   بعد    متعود    بإلذات

إحچی   لی   إلصدگ   ما  بیهه تردید

إلک   ناذر   نذر  بیه  حفنه حسبات

و أفشی إبسرّی إلک من یوصل إلعید

أحضنک   یوم   میلادک   و   أهنّیک

تغازلنی  إو   تسر  و  إبثوبی إلجدید

***

#ملبس ذهب

إذا   أنت  تحن    أنا   أشتعل    نار

إبدلالی  إمن   أذکرک   یل   هویتک

ما   مبعد   علی  کل   وکتک  إویای

إبطن   دلالی   ساکن   گلبی   بیتک

حبّیتک   طلبتک    جبتک    إحذای

و لا    لحظه     إبزمانی    عذّبیتک

أنت   إلروح  لو  شاهت  أسل دوم

مثل     ورده    إبغصنهه    شبّهیتک

عزیز   إو   بإلشفایف   حبّک إینور

من     إلعذّال     بعیونی    خفیتک

ملبس من ذهب و  إلشذره   ألماس

إگلاده  إبسدری  یم   گلبی حمیتک

من هو إلگال أعوفک یا ضوه إلعین

ما   یاجد   وداع      إو     ودّعیتک

حبیبی إلروح  إلک  فدوه و إلعیون

نظرتک   نظره   وحده  و إشتهیتک

ما أنامن   إللیل   إو    أنت  زعلان

أظل   سهران    و   أتفگّد  هدیتک

تشیل إلضیم  منّی   إتزیل  إلهموم

خصوصاً  من  گلت  چلمت فدیتک

فدوه إلروح إلک  یل منصح إویای

أفتخر   برموش    عینی    دربیتک

***

#شلتک بین إدیّه

إبطیف  إو  عاتبیتک  منتصف  لیل

مدری  صدگ  حضنک مدری حلمان

إشما  أشمّک  أظل  ساکر    بإلعیون

إبحبّک  و    إبجمالک   حیل  ولهان

نشدتک  و  أنت  نایم  فوگ إلزنود

و أحس  گلبات  جفنک حیل  تعبان

نزعت إثیابک إلسود إو همت  بیک

شفت روعة   هواک  إبگلبی  حزنان

شلتک  بین   إدیّه    إلمرکب   إلنّوم

إو لمست   أنغام   حبّک   بیّه دیوان

گلبتک   و  إبتدت  لحظات  إلوداع

أثاری   حلم  شوفک  منّی   خجلان

***

#فارس أحلامی

بدت روحی علیک إو  سابت إبللیل

صدقت إبحلمک إو گلبی إشتهالک

یا  فارس   أحلامی   إو  یمّی  خیّال

لأأن   حبّک   ذهب   چا   ماوفالک

إنغمدت إبلیله  ظلمه و إلمطر  داث

و أحس   یفتر    علی   دایم  خیالک

بگیت   إشما   أناظر و أنت  موجود

إو ذکرت  إشما  گلت  و  أذکر دلالک

بدر  عندی   تضوّی  إنجوم   إلأحلام

إو  لتلوم    إلگلب      لو      رحّبالک

سرب   بإلمای  و   إلطین  أعسر  إویاه

ما حس   بإلخطر   حافی   و  إجالک

***

#ذهب و ألماس

أصدگ  إشما   گلت  و  إلشاهد إلعین

لأن  حبّک  ذهب  و  أنت  إعلی  بالی

تبعتک   لن   دمعتک   زهره   و إبمای

لأن   شوگک   أمل   ما   هو    خیالی

أریدک   حیل   أریدک   مانی  ندمان

گعد  فی   گلبی   حبّک   و   إشتهالی

جمیل  إو  صادق   إو منصح بإلأعمال

طبیبی  إلجرحی  حبّک  و  أنت غالی

سلیم   إو   ما    تدوّر   ورطه  لهواک

ذهب و ألماس أوصفک  و أنت عالی

***

# ألوطن

بعد   کافی   عتب    لتخجّل   إلروح

تعال   إویای    خل     نگعد    سویّه

لا   أریدن    شرب   لا   أکل   لا مای

أریدک    أنت    حط     إیدک   بدیّه

خلّینه     إنتعاشر   و    إلعمر     یوم

عوفه   إلبد   وفه   و    إلبیه     أذیّه

خلنه   إنطیر   فوگ   إلسماء و إلگاع

إو   نزرع   وطن  و   إنثبّت     هویّه

إلوطن   محتاجنه   إنعربه   إبمقاییس

گبل   لا     توصل      إویانه    إلمنیّه

نبصم   نصره   إبدم   و  إحنه تاریخ

إلوطن   لو     یزدهر     راید    فدیّه

نفدی إرواحنه إلنجمه إو  علم صیت

إو  یذکرونه    إبوکت   أهل   إلحمیّه

أنت  و  إشتگول    إخبرنی    یا   حید

أشوفن   گعد   حلمک     بین    إدیّه

عهد   ویّاک    أظل  أنجبلک   إسباع

إو تظل  أنت    إلمناضل   و   إلخویّه

لو   یتّحد   حبنه     إنکون     حبّین

ألف   حب    ینتزع    منّه     إبخفیّه

إشجار    إجبالنه   و    إلنخل و إلهور

یصیر   أعلام    لو     تلفی    إلوصیّه

***

# نجمة إسهیل

إبغرام    إتورّطت   یا    نجمة    إسهیل

لأن      شفت      إبجمالچ     تضحیاتی

و أحس  أنتی  إلثبات  إلبیه  ألف طور

حلم  و    أقراء     إبمصیرچ    ذکریاتی

إعیونچ  وطن  و  إدموعچ   نجم  شات

إو    خیالچ    بحر   مرسوم    إبصفاتی

عزیزه   و    إلمفارج     ما   کسل   یوم

أحبّچ    حب   غثه      شوگچ     لغاتی

ما   أنساچ    أظل    ذایه    بل   إبیوت

إو   هذیر   أطوارچ     إتقوّی    إبثباتی

مایچ   شطّچ    إو   نخلچ    شعر   راس

سعف    مسگوف       للعاطل    حماتی

کریمه إو بل کرم  زدتی إعله  کل  شاخ

وجودچ    ذهب    ما    أهم    إبشتاتی

یا ورده   إو    جمیله  إو عطرچ إیفوح

ألأمل       نتسمّه      بسمچ      تمنیاتی

فدوه   إلروح   إلچ    یل     کلّچ   أامال

مریض    إتجرّحت    ذکرچ       شفاتی

ما    أساوم     إبحقّچ      أبد     للموت

إلنصر    مطلوب    و   أبعث    تهنیاتی

#إشلون أجبن

إشلون أجبن  و أسلم إلحبّته إلروح

إلولف  بإلدار  و أنا   أسهامی یمّی

من  حقّی   أحارب   غازی    إلدار

لأن حبّی  إلإصاله  إو یبغی حلمی

أشیله إعلی  إلچتف لو ملّت إلإید

أشترک  ویّاه  إبهمّه  إو همّه همّی

حبّانی  إو  تبعنی   إشلون  أجازیه

لأن حاسب  إحسابی إو  دمّه دمّی

أموت إویاه طبگ و أفدیله إلروح

أبتری من کل غبی و   إلتارکه إمّی

***

ششد  شلظم شخیط إلشات ولمات

إلسعاده  إتکون  سرها  إبألم ولمات

أحس حبل   إلمودّه  إلتحم   ولمات

إلوعی واضح  یشع شمس إلضحیّه

***

إتعرّب  یا   گلب و  إشتل  ورد لک

إبصمت و إتشاجر  إبمهدک ورد لک

یجر   بیّه   إلکسر  ضلعی  ورد لک

إمن أردلک  شهم  ما  أهاب  إلمنیّه

***

کلامی   إویاک   أجربنّه   وعربیه

إلشهم من  یعرف إلطاغی وعربیه

درب   إلعزّه   بیه   ذلّه    وعربیه

إلیحب    ولفه    یتبعه    للمنیّه

***

جاسم ثعلبی ألحسّانی 25/10/1401

أبوذیّات شوق و حنان

إنرسم حبّک  وصط  گلبی  و مربای

أسیر  أصبحت  طایع  لک   و مربای

تغیب إو  تعطش  إمفارج   و مربای

ضکنی  إو خلخل  إعضامی  و  إدیّه

***

گمر تزهی إبسماء إحبابک ودارک

حنین   إو  جیت   أزورنّک  ودارک

جمالک  ضاوی  من  نارک   ودارک

إلیگربک    تشتعل    بیه    إلمنیّه

***

إلکره یخلق معاصی  من ظلمته

بطی موته إو شهدته  من ظلمته

إلیگول إشعیر یضرط  من ظلمته

مثل  مضروب   للیحقد     بخیّه

***

أخیّط و ألف بجروحی  ولا دای

مع إلظلمونی ما أطخّن  ولادای

إبضیجی  إتناور أحفادی  ولادای

إلعمام   إلساگوا    إلجلّاد   إلیّه

***

گطع   بینه   إلمحب   ما  یوم شدنه

إبعذاب إو ضیم لفنه إو عجد شدنه

إبحزن   داوی   أحسّن    بیه   شدنه

إمن   أگرّب  لیه   یذب   ناره  علیّه

***

خذلنی   إلما    نصح    ویّای   بألحای

و أنا   لجله   سهرت    إللیل   بألحای

طلع شیب أبیض إمن  إلضیم بألحای

نظرنی   إو   گام    یتشمّت     علیّه

***

حبیبی   إلچنت   أباریله  وفیله

إبحر  و  إبگیض   أهفّیله  وفیله

أزیل  إهموم   أفرّج   له  وفیله

نسه طیبی إبنفاهه إو خان بیّه

***

مکان   إلیزهی  مثمر    شجر  صلفه

و إلبیه غیره  إو حمیّه إو شهم صلفه

بعض هل ناس  عدهه  إگلوب صلفه

إبشقاوه  إو   تعمل   أفعال   إلردیّه

***

بعد ما بیّه  أجر  ونتی  وناحای

و أصب إدموعی للغابوا وناحای

بعد ما  أراهن  ألگاهم  وناحای

إلیونی  ما  بعد  و   إیرد  علیّه

***

کسر   ضلعی  إلدهر  محرب علی مان

إنفصم ظهری إو شلت عوزی علی مان

إعلی  لگمت  خبز    عیّرنی   علی مان

إلخبز    ترکیته  و   أاکل   لحم    إدیّه

***

أحس ملّیت أدک بإلصبر و ألهم

إلیاحد و أنا حامل  فکر  و ألهم

إلما وگفوا  معای   إبستر  و ألهم

عساهم  لا   لفوا   یوم    إلمنیّه

***

یحن گلبی علی إلشالوا وردهم

أتمنّی  إیعود  موکبهم    وردهم

عطور أشجارهم  غطّت وردهم

نسونی إبعدوا ما  منهم  وصیّه

***

إلما بیه  وفه  إترک وصله وداره

إشیداریک  إعمل  إبحدّه وداره

إذا  شفته  ذهب   صافی  وداره

إحسبه   إسناد   یوم    إلموزمیّه

***

جاسم ثعلبی ألحسّانی 24/10/1401

دارمی محاورة بین ألحبیب و حبیبته

أنا إلچنت    لک   روج   و   أنا   إلچنت   مای

أشبگک و أشبعک بوس من تگعد إحذای

***

أحاه یا جمال إلبیچ طیر أحلی من طیر

و إلقسمه تلعب دور  یا  ربّی  و إتصیر

***

گلبی إلک مو  للغیر  لو  عافک  إیموت

ألبسمه إبکفن منعوت و أرسمله تابوت

***

إبذکرچ  أنام  إللیل  و  إصورّچ إویای

و إسمچ عطر و إیفوح متواجد إحذای

***

صوتک یریع إلروح لو عطشت إتهیم

و أحتسر حسرت موت خنگ إلبلاعیم

***

إینسّم  هواچ  إویای  لو  عطره   إیفوح

إیخبّلنی شوگچ حیل و إبحضنه مطروح

***

أنت  ألهوا  و  إلمای  و  أنت   ألشرائین

إبگلبی و ألولی إعلیک خل تغفه إلعین

***

أنتِ إلنفس و إلروح و أنتِ إلهویّه

و أتمنّی  أعیش  إویاچ  حد   إلمنیّه

***

إسم أللّه أسمّی إعلیک تسلم حبیبی

لو  أنت  لو   مارید   غیرک   نصیبی

***

أحبّچ إو عینی إتروح فدوه إلدمعتچ

إصبری إلصبر  مبروک  بیه  إو وعدّتچ

***

إچّندوب أداوی إجروح و إتهدّم إلحیل

إلمنعونی منّک  ریت  یسحگهم  إلریل

***

کل حب و إله عدوان تکتب تفاصیل

و إلّی حسدنه  إرکاد  ما  یسوا  تنکیل

***

یا ریت  أشوفک  یوم  ویّه  إلیخطبون

و أهدی للمبشرین وحده إمن إلعیون

***

لا گلبی لا تفدین  عین إبسلامه

ما حصّل إلمنکوب  بس  إلندامه

***

إلعین إو گلب مهداة فدوه إلضحکتک

أهدیت إلنفس و إلروح  یوم  إلعرفتک

***

مشکوره و أفدی إلروح دلالی و إلعین

إبگبرچ و أموت  إویاچ  لو  لن تقبلین

***

زامطته گلبی إزماط لو لحظه ینساک

صخره إبمکانه إتصیر إلما یرضی یهواک

***

عفیه  إو  ألف  مبروک  بیچ    إو   أهنّیچ

إگلاده إبذهب مسکوک و إبسدری أخلّیچ

***

خلّینی أعیش  إویاک  و أشبع سوالف

عایفنی ذاهب لیک أحس گلبی حالف

***

أتحلّم  إبطرواچ  چن   جالسه   إویای

إو کل لیله أفکّر بیچ چن نایمه إحذای

***

أنت إبحلم و إبطیف شایفنی و إتنوح

و أنا إو خیالی  إویاک  لتعذّب  إلروح

***

ما خنت ما زلّیت و أنتِ إعلی بالی

صادق  أکون إویاه  گلب   إلهوالی

***

أفتخر و أنت  ألیوم  فارس  للأحلام

أنتظرک تجی خطّاب لو تبطی مانام

***

ما أبطی  لتهمّین  حافی  إو   أجی  لچ

و أفدی إلحلال إو مال و أوفی إبحنینچ

***

جاسم ثعلبی ألحسّانی 20/10/1401

اُغنیّة گلبی یهواک و أبوذیّات حسب إلطلبات

صدیقی     إبّیتی    ضیّفته    و خنلی

حسبته إمن أهلی و إعیالی وخنلی

إختبرته إبعوزی  یحضر لی وخنلی

أکل زادی إو گطف  جدری  علیّه

***

یبوی إو  شِل  سبب  ساکت بلاحس

کبرت  إو   ما   تهم    بیّه    بلاحس

إمن أشم ذوق إلعسل مغرم بلاحس

أخبرک  لو   تضل  سر   هل   قضیّه

***

إکحیله إو ما رکبنی  إلختل منجاس

نجیبه إو ما یمسنی  إلغدر منجاس

إلخذه گلبی  إنتهاته  إلمیم منجاس

شهی إو حالی إو گفل نومی علیّه

***

یبوی إلحد من  أشبع قهر و ألهم

صبرت إو ما شفانی إلصبر  وألهم

إللذی شبگونی من إلمحب وألهم

إترکهم و إصتبیلی  إو فکلی إدیّه

***

جرحی  ما  نشف  خزّن   وحس بیه

إو گلب عندی مثل گلبک وحس بیه

یبویه إلحب دخل  عگلی وحس بیه

أصیح  أنشهر  أسکت   صعبه   إلیّه

***

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

حقوق  إلبشر  ما  تجرونه   إلیّه

إمن إجو خطابه إلی درتوا علیّه

مرتبطه  إنتی   ویّاه

حچیکم مگدر أنساه

تهمتونی  بطل   و   إمکدّره   إحذاک

یا   بویه   أنا    بنتک    گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

نجیبه أنا إو مسلمه إو عندی حوبه

بنت   إجواد   ما   أذل    إبصعوبه

إعلی راسی تاجک إعگال

ثیابی   إبزودک    إطوال

ما   أخونک  أبد  یل   گلبی    یفداک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

یا بویه حچی إلوادم هظمنی

من  أحباب   دلّالی   حرمنی

إرضه أللّه إلیسلمک

بیه  خاطر و أعلمک

أحبّه  حب  عجیب  إمتحنه  لو  شاک

یا   بویه   أنا    بنتک    گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

أنا عمری إنتهه إبغربه إو نسونی

هلی  و   أعزاز   گلبی    تارکونی

حنینه إو حاضنه إلدار

و أغنّی إبطور إلاحرار

تدری  إلفرگه  صعبه  إو  عایز أنخاک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

یبویه أخوانی وین إهوای صلفین

کلو من  ثمرتی  إو  ماوفّوا  إلدّین

ولا نشدوا  علیّه

ولا منهم وصیّه

منعوا  قسمتی  إبحبّی  إلوکت   ذاک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

یبویه إلعاشرتهم کلهم   أمجاد

رکوبت خیلهم  ما  تنعد أعداد

إمن   أگولن   آه  یبچون

إو علی إلضرنی یهجمون

رفعت  راس  إلی  من  یجی  طرواک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

وصل وکت إلحصاد إگرب یحاصود

محصولک یبس  لا  یاخذه  إلدود

لم     إلبیهم     إلزود

إبعزمک دگ إلحدود

لا  تبطی  تذل  من   هذا   إو    ذاک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

سل سیفک إو لم ربعک عمامک

إو خل بإلنایبه  تضرب سهامک

أرید إولیفی  أریده

إمواعدنی  إبوعیده

وصل صیت إلعزم  یا دهری و أنهاک

یا   بویه   أنا    بنتک   گلبی   یهواک

إستمع لی زین  عندی  إحچایه ویّاک

هم عندی وفه إو هم عندی إحساس

هم عندی  گلب  هم عندی  وهواس

خلّینی إعلی بالک

لیغشّک   حلالک

باچر   من    تموت    ألامی    تبلاک

***

جاسم ثعلبی ألحسّانی 14/10/1401

یا إخوی

إلدهر   کل  وکته  محرب  یذم  ماهد

ولا  نفذة  فرح   و  إنطرح   ماهد

إخوی  إبیوم   داروا  علی   ماهد

بعد  یا  نایبه  إیسل  رمحه  إلیّه

***

إخوک إلما   رفع  حملک وشاله

إبضیجه  إو سوگ  دفّاره  وشاله

اعترف بیه نقطه مرتبکه  وشاله

إلساس  إلغذف   بإلموگد  ردیّه

***

إخوک إلمر علیک إبضیج وخله

ترک بصمة رذاله  إحذاک وخله

ما  تبگاله  خلفه  إسناد  وخله

أسیر   إیصیر   لمریته   إلردیّه

***

إخوک إلعافک  إبضیجک وخنلک

ندبته إو من نکر  ذاته  وخنلک

إلأصیل إیصیر جیدومه  وخنلک

إلردی رگّه إبمکانه إتسد له فیّه

***

إخوک  إلحالف  أعدائک و عافک

إعلی لجّک  یعزم إلحافک وعافک

إبمرضک  ما  نشد  حالک  وعافک

تشوفه إلخلگ  و إتذم  بیه سویّه

إبحیاته  إو  تاکله  إضباع  إلردیّه

***

یألما  فدتنی إبضیجتی

 إبعد علیّه إو  عوفنی

سدّیت بابک لا  تجی

لا  تعتذر و إتشوفنی

إغتنعیت ما عندک وفه

لا غیره بیک إو عاطفه

من صحت دهورنی إلوکت

مثل   إلغریب   إتطوفنی

***

روح إو بعد ماکو عتب

ما    أریدک   إتبارینی

إو بإلگعده لو بیهه زلم

ما     أودّن  إتحاچینی

أنت إلعفت و إتکتّرت

أباخر عمرنه   إتغیّرت

إلواجب إذا جرحی وسع

تسهر    علیّه    إتروفنی

یألما فدتنی إبضیجتی

 إبعد علیّه إو  عوفنی

سدّیت بابک لا  تجی

لا  تعتذر و إتشوفنی

إغتنعیت ما عندک وفه

لا غیره بیک إو عاطفه

من صحت دهورنی إلوکت

مثل   إلغریب   إتطوفنی

***

أیّست منّک بل صدگ

یا إخوی منّی  إتبرّیت

و إبناری و أنا إلملتهب

ما  خمّدتهه  إتعدّیت

شنهی إلسبب ما حشّمت

و إبحلم  ریت   إتحلّمت

ما  فکّرت و إتندّمت

لابد   إبثار  إتحوفنی

یألما فدتنی  إبضیجتی

 إبعد علیّه إو  عوفنی

سدّیت بابک لا  تجی

لا  تعتذر و إتشوفنی

إغتنعیت ما عندک وفه

لا غیره بیک  إو عاطفه

من صحت دهورنی إلوکت

مثل   إلغریب   إتطوفنی

***

صدقان إلی ما قصّروا

إسباع إو شفتهم ویّای

وگفولی وگفه من صدگ

ما   غیّروا   منّی   إلرأی

أفتخر  بیهم  کل  وکت

کضّوا مکانک من غبت

ما تستحی أنکرت إلوفاء

إبحقدک حسبت إتلوفنی

یألما فدتنی إبضیجتی

 إبعد علیّه إو  عوفنی

سدّیت بابک لا  تجی

لا  تعتذر و إتشوفنی

إغتنعیت ما عندک وفه

لا غیره بیک إو عاطفه

من صحت دهورنی إلوکت

مثل   إلغریب   إتطوفنی

***

جاسم ثعلبی ألحسّانی 12/10/1401