سفیر الحب

طور الحب

ارید ارسل ختم لهوای اریده ایحس احبّنه

ارید اطلب طلب محضور ارید الیوم ابوسنّه

ما اسمّی الیحب بد ذات وایّامه المضن صعبات

مثل طیر الحمام الشت بعد منّی او اجربنّه

شفته ایهومش او سکران اضن من التعب کسلان

و ابطور العشگ بردان مر مایه او اشربنّه

احمده او ینتدم تالی الومه ایغندب اگبالی

ابحیاتی انمرد دلالی او ما اگدر اترکنّه

شلت حمله او طلبت ادواه ترید الصدگ ما انساه

ابفرد شوفه الگلب راداه ابکل اطباعه اریدنّه

ذهب صافی لگیته احذای هوه طلبتی او منوای

هوه الهوی او هوه المای او من یزعل اشبگنّه

تمنّانی او تمنّیته ابطن الگلب حطیته

خلّیت السدر بیته او کل ساعه او اشمنّه

ما اگدر اذمنّه طویل السان اشوفنّه

ما یتحمّل المنّه دمعاته الیجربنّه

گمر ضاوی ابهوای اینور مزار اوضل علیّه ایدور

من ابعد تفگ و ایثور احس بیه ضامن الجنّه

فرد طلبه ردت و احتار ردت بس صورته تذکار

ما یقبل یخون الدار یغثنی امن ارد اطلبنّه

عزیز او بالگلب غالی او دهورنی او شده بالی

ما یقبل سگم حالی او حایر وین ازورنّه

لا عم یقبل او لا خال طلباته علیّه اثگال

وانا جاعد او بطّال امصوفر بیش ازفّنّه

شسوی اتورطت محتار ما اگدر امس النار

یرید الدنیا و الدینار ولفی اشلون افهمنّه

عذبنی الزمان اشکال بین المطرگه او سندال

شبّگنی ابشنط باحبال ابموتی او خلّه یتهنّه

جاسم ثعلبی (الحسّانی) 07/07/1399

کلیدِ عشق

آشفته نشو ای یار همپایِ تو می گردم

در محنت و در شادی خود جوش نه دلسردم

امروز شدی خوشبین دل خسته نشو مسکین

آرامش و خوشبختی دیبایِ تو آوردم

جان . مهرِ شرف زیباست گسترده که چون دریاست

خود فاش نکن این راز .درهایِ تو می بندم

وقتی که تنت لرزید وقتی که لبت خشکید

بر چشمِ ادب بارید شاداب نه دلدردم

صبر است کلیدِ عشق دیوانه نشو غمگین

خنجر چو رسد بر تن ناکرده نگو کردم

چون ماه تو پیدایی در غربت و تنهایی

جانانه صفایی هست از هنگِ تو می خندم

من را چه گناهی هست بیمار نشد بیدار

محتاجِ شفایِ تو می نوش لبت هر دم

در راهِ نجاتِ خلق این دل به هدف چسبید

در محضرِ شاگردی زیوار شدم همدم

جاسم ثعلبی (حسّانی) 06/07/1399

دوبیتی شعاعِ برق

خدایا یارِ من ماه است نه آن ماهت مهِ دیگر

خدایا نوری تابیده نه آفتابت رخِ دلبر

مرا در طیف خو چرخید فغانش در دلم لرزید

شعاعِ برقِ شب دیده نه رعد و برق گلِ گلسر

...

چرا اینگونه پی بردم دلم می نالد از دوری

جهنم شد شب و روزم همش از دردِ دلشوری

جهان نادیده پیرم کرد غم هایِ سر افکنده

نه عشقی خاطرم مانده پناهم شد سرِ گوری

...

شکیبایی دلم را در به در کرد

هوایِ دلبری در من اثر کرد

شب وروزم شده دریا و ساحل

هجومِ موجها را شانه سر کرد

...

دو خصلت دارم ای یارم طمع سوزم و دلنازم

بدون پرس و جو هر گز به هر کس دل نمی بازم

زعطرِ پر بهایِ تو وجودت در تنم پیداست

اگر سنگی به ره رفتی کنارت من نگین سازم

...

تو هچون گل و پروانه کنارِ من نمی گردی

در این گرمایِ تابستان تو می لرزی مگر سردی

بیا در کلبه ام بنشین ببین آغوشِ گرمم را

به عشقِ سوزِ نایابی تو غم رفتی نه دل دردی

...

می دونم قلبِ تو زخمِ می دونم خیلی دلگیری

زعشقِ تو دلت تنگِ بگو هر لحظه  می میری

درونِ غارِ تنهایی نمی دانی خدایی هست

توکّل بر خدا  سهل است رها گرد هدف تیری

...

جاسم ثعلبی (الحسّانی) 05/07/1399

غزل غرگت ابشوگ

حبیبی الیوم وینک گلبی راداک

السبب شنهی غبت متمر علیّه

بغیابک بگیت اوساده للموت

الحگنی ابساع حاطتنی المنیّه

ولک انت العمر و الزاد و المای

اعیش اشلون و انت الروح الیّه

تعال او شوفنی ابیا حال تعبان

غرگت ابشوگ طیر الخان بیّه

بعد ما ضل صبر صبّرته بالنوح

انوح اعلیک و اصورّک بدیّه

اشم بثیابک او اشتم هوی الجاک

لا منّک خبر لا جت وصیّه

ما عندک حنان ابدمّک ایفور

عدمن اشتکی او عینک جویّه

عساها ابّخت کلمن ذبنی بالبیر

مثل یوسف صفیت ابهالبلیّه

مر بیّه ارد اشوفک گبل لا اموت

عساک ابخیر و اصبحت الضحیّه

جاسم ثعلبی (الحسّانی) 04/07/1399

غزل خسران اصبحت

ما اریدک تمر بالباب جیتک ممتحن بیهه

خلیهه اعلی بالک زین چلمه اولا تبدیهه

ما عندک رحم و احساس سامحتک گلت لاباس

ابحسراتی او دموع العین النار الیوم اطفّیهه

حطیتک گمر بالعین او سهرت اللیل لعیونک

تعبان او مطر بردان روحک بیش ادفیهه

الفرگه والجرح مفتوگ تحس گلبی ابغدر مفلوگ

مثل طیر او تگر سکران ابدلالک و انت هاویهه

بعد ما بیه اجر حسرات الگلب یشهد لک الصعبات

هم تذّکّر الّی فات اجروحک من یداویهه

احب الغربه للتالی و احب اتبعّد اشوالی

تشد و اتحزّم اکذوبات اعذارک من یبریهه

اریدک سالم او غالی او خلینی ابسگم حالی

فدیتک روحی و امالی تموت او لا تسلّیهه

احبّک بس ردت انساک افلان اسمعنی انا اویاک

عساها ابّخت من دلّاک عیله اشلون اغطّیهه

شبح ما اشوفک امن ابعید تظهر لی ابوکت تهدید

تهز بیدک علی شترید تحب ازعل والاویهه

بس ما بیه اطگ ویاک اخافن انتحر وابلاک

اذا ما افیدک او انساک روحی هم تجازیهه

خسران اصبحت خسران ابوسط گلبی متت بردان

والعشره انتجت طرشان رابطهه او تچویهه

ملیتک بعد ما اعود ارید البس ملابس سود

ودّعت المحب مگرود الدم بیده او یحنیهه

جاسم ثعلبی (الحسّانی) 03/07/1399

غزل ابتلیت اویاک

اصیح ابصوت وینک یا ضوه العین

اخلافک روحی تعبانه شفتهه

افز مرعوب احن واتغازل اویاک

اعاتب صورتک من گلّبتهه

یا وردة حیاتی او امل دنیای

صعب فرگاک روحی شیّبتهه

وینک یا گلب خلینی امر بیک

اسل بجفاک عینی عذّبتهه

اشما اذکرک تجر دمعاتی بهدای

السعاده اویاک بس شفتک خنتهه

ترید اتروح روح او خلنی مرتاح

انتظارک صعب روحی خبلتهه

ما تخبرنی لیش او گاطع اویای

ابرساله اتدزهه سهله او صعّبتهه

ما ادری ابسفر رایح و اهم بیک

بفکاری اجروحک شددّتهه

تهم بیه مثل ما انا اهم بیک

هم نشدیت عنّی او جرّبتهه

ابتلیت اویاک عمری او مگدر انساک

تری ابحبّک حیاتی دمّرتهه

اذا عندک ولف غیری او تحس بیه

اعلنهه اویای عشره او خربتهه

واگولن خل یسمعونی الیفرحون

حیاتی اویاک مرّه او ما ردتهه

جاسم ثعلبی (الحسّانی) 01/07/1399

ابوذیّات ریح الطائفیّات

اذکرک یالگصیت ابهلک وانجار

والیاحد نعت بالجهل وانجار

فهمه المایتبعک عار وانجار

تذم بالدار نار الطائفیّه

...

حبل شنطک اربطه ابفکر و المات

و اجعله اسناد ینبت ثمر والمات

بیدک والدفنته ابخطر والمات

اخوک ایصیر یوم الموزمیّه

...

یگلبی اشبع قهر من عبر بالهام

او مثل صاروخ طگ و انفجر بالهام

احباب الی تفوج البحر بالهام

حسن مامات کاتبهه ابوصیّه

الله یرحمک یا یا شاعرنا الدیب حسن الحیدری

...

التذمّه الناس مو منّه و شر بیه

الکتل والسلب ماعونه و شربیه

الیضدنه کشخل اسنونه و شربیه

یبث مرسومه باسم الطائفیّه

...

المسلم سلّم الربّه و قربیه

التعدّه العیله بالغربه وقربیه

باب الحگ سمح دربه وقربیه

الستر مثل البدر یضوی الثنیّه

...

الرب یعلم تفاصیلک وجرباک

یلزمک لو گرب موتک وجرباک

السبب فگره الهدم حیلک وجرباک

ایتحمّل ذنب بالیته الدنیّه

...

خسر کلمن یداعی ابحذر وایهین

او یهان الکان باطل شعر وایهین

التسامح مو شغل کل بشر وایهین

الکتم غیضه یضل تاج البریه

...

یدهری اویاک اون و امتحن وهلاک

شفت تنزل علی بالفتن وهلاک

تذم باهلی و انا المنسحن وهلاک

تبریهم و اصیر انا الفدیّه

...

بعد شیفید احذرک واهم من هان

اشوف الحگ گمر لا تذم منهان

السبب دولاب صاب الزلم منهان

یفرن عگل ابو اطباع الردیّه

...

جاسم ثعلبی (الحسّانی)02/07/1399

الشعب واعی

لسان الشعر ینطق و الشعب مسئول

هم یکسب فخر شیخ الحرامیّه؟

ابو الغیره الوگف بالشده وکت الضیج

شیفید السبع لو لمله واویّه؟

الیگود اهله او عمامه ایکون طیر الباز

من اصل او نسب لابس الخاچیّه

مو کلمن یجی او گال انا تاجر حید

یذم بعگاله و ایخل ابمعانیّه

مو منفوخ یفتر یچرخ المچروخ

او ملتف ابعباته او بیده شمسیّه

اخو اخیته الخدم خوّانه وکت الضیج

و ابدیوان اخوته اتدّر سوانیّه

علم عنده او ثقافه او مرجله او تقدیر

امعدّل بالحچی او کل ذاته تربیّه

یسد باب الکباره او یرخی للمطیور

یخاف اللّه او رسوله او ذاته شعبیّه

ملینه او حچینه اهوای  للملثوگ

یهد بالسانه طافش بیده بوریه

یفتن ما یعرف اللیره و الدینار

یدوس العدله بیده او عینه لوگیّه

نعوف الطائفیّه او عرب کلنه اخوان

کفانا اشیوخ تکثر بالعبودیّه

مو کافی ظلم مو کافی الترهیب

سوانا الیضدنه الکل قچقچیّه

نبینه ما جمع دین او حکم بشیوخ

وحّد امّته ابعلمه او تهانیّه

العشیره ترضخ الرب الاله الکون

رب واحد خلقنه ابطینه مخفیّه

او ثبت بعگولنه او دمنه الحسن و احسین

بالاسلام الفخر نتمنّه یومیّه

قدوه النه البطل حیدر علی الکرار

الادب بارسومنه ایقدّم مبانیّه

ابحماء التاریخ اوس او خزرج ایشهدون

متّحده العشایر ثوره سلمیّه

الیکبر کون دارس مرقد التاریخ

یحکم بالعداله ابغیره ثوریّه

عوف العفرته یالتشعل النیران

الشعب واعی ابنخوته ابکل معانیّه

والشبعان خله ایباری للجوعان

یزیل اهمومه ها والرازق اربیّه

والناگص عگل نرخیله قبل الموت

باسناد او عزم نرفع بلاویّه

والراید یشتنه انغربله امن ابعید

نعت سباحته او نگطع مجاریّه

والراید یذمنه ایذمنه کلنه اخوان

نزیل المستحی او نشرم تراچیّه

للشاعر الشعبی:

جاسم ثعلبی (الحسّانی) 30/06/1399

ابوذیّات معدن الحیاة

انشتل گلبی اعلی دربک ورد وزهه

او سمع همسات حلگک یرن وزهه

النّاس اتغیّرت و الحسد وزهه

تشب نیران تفتن بالبریّه

...

احبّک حب عفیف ابالم وارباک

ما اخونک و احس ابندم و ارباک

مل منّی ابصریره القلم وارباک

اشمجیب اسمک یضل یزعل علیّه

...

هواک القدّسیته ابفکر و الهام

ابطن گلبی شعل نیران و الهام

الیردونا نضل اجناب والهام

الما وفّونه یوم الموزمیّه

...

تشت تفتن تهین او تعد و اتعید

اشلفاک ابضیم گلبی تسر و اتعید

اذا اشرگ تضل تفتخر واتعید

الشرگ بالمای مذنب بالوطیّه؟

...

اجر گلبی علی المحبوب و ایعود

یضل یحسب علی نچبات و ایعود

النّاس اشکال یفرق عود وایعود

حدید او ذهب فضّه او بلطجیّه

...

ازدهر گلبی علی المحبوب بسعاد

مثل روج البحر مگلوب بسعاد

احسّب دوم اظن مطلوب بسعاد

اوفّی او ترجع اتحشّم علیّه

...

جاسم ثعلبی (الحسّانی) 30/06/1399

اول عشگ

گمر تزهی ابضلام اللیل عمت عین الیضدّونک

اشحلاتک مثل ورده ابمای لعنه اعلی الیکرهونک

انت اول عشگ شفته او سمّیتک حبیب الروح

اضل للتالی انا اهواک انتهیت ابرمشة اعیونک

من گلّک احب وانساک اومن گلّک عفت طرواک

انت الهوی و انت المای ابشر الما یحبّونک

خلیتک رمش بالعین رجل نشمی و اعرفک زین

اختفیت ابگلبی المسکین من ناس الیضرّونک

ما اگدر اگول انساک لان گلبی خذیته اویاک

اعتقد و امّن صعب فرگاک لو عنّی یبعدونک

ما الوم الذّی ایزورک مثل یوسف یشع نورک

یضل کل عمره ناطورک الدرب یزهی او یجربونک

هیعونه الذّی ایضیفک ابکل لیله او یمر طیفک

اسیر ایخوتل ابریفک حرام الّی یعذبونک

وازانی الفکر باحساس دریتک انت تاج الراس

ازیده ابقسم بالعبّاس علی اعناد الیسبّونک

لیلی ما انامه او بس افکّر بیک حاضنّی و اجرّب بیک

و اشتم عطر فضلک و الغدر ناسیک وین الّی یتهمونک

خلهم بالدرب یمشون حط عینک علی الّی نجّس الماعون

خاف ایدمّر احبابه او یضل ملعون اشحدهم ما یبرونّک

ارید اشتم هوی او تعبان دریتک تلهث او خلصان

فک باب الصدر خلینی اضل نیشان خلهم ما یصدگونک

ما بیّه اجر حسرات احن بالذات الجراب الیوم افتگنّه

ما عندی حساده لا طمع لا لوم ما تقبل یلوثونک

ربّک خالق الکونین شتلانی ابارض محکومه بالصوبین

او علمنی ابصفاته او درسّانی اسنین یگلبی خل یزهدونک

هله بیک او هله ابطرواک یالگایل حبیب الروح

انت آخر عشگ مختوم بعیونی او یحسدونک

شفت الدمعه بعیونک

و اذا تبعد یحرگونک

للشاعر الشعبی:

جاسم ثعلبی (الحسّانی) 29/06/1399