سفیر الحب

ابوذّیات ذیول الشمّات

یشامت جوز منّی او فوت بهلاک

ابعذاب الی وگعته اویای بهلاک

عساک ابمرض ضاع ادواک بهلاک

تمرحب بیه او ضوگ المر هدیّه

***

من وزّک یشامت علی واهداک

ادکّنّک و ادفنه اویاک و اهداک

رمح قاتل شتلته احذاک و اهداک

او طبگ گلبک علی امتونک سویّه

***

ابکلامه البشر مضمونه و یهله

غبی المایحترم نسله ویهله

تشخله الخلگ من فعله ویهله

ابفضیحه او یفتضح ماله خطیّه

***

انتهیت اتحاصرت هاجت وحوشک

غنیمه صارت اموالک و حوشک

بگیت انته یجی یومک و احوشک

واعصرک مثل ما ظلمیت بیّه

***

ادگ و الظم گصاید ذهب واحجار

معای الگلب ساب او هرب و احجار

اختبرت الخوه و الصدقان و احجار

طلع جاری الاخو و الخوه اذیّه

***

یذیب الغادر احفادی سمالک

حزین او خلعوا اثیابک سمالک

الخذیته امن ایدی ابمکرک سمالک

ابو الحصنی اطلعت و اتبوگ بیّه

***

الشاعر الشعبی: جاسم ثعلبی (الحسّانی) 06/11/1398

ابوذیّات مرهم الجروح

یشامت زید بزماطک وجورک

بعد لتهدد ابکذبک و جورک

القبلک تابعوا شورک و جورک

علی اکفیهم ضرب حتّی المنیّه

***

الدهر ما ارحم احبابی و مرهم

ابسجن ضاگوا حلات العز و مرهم

یریت الیوم ازورنهم و مرهم

و اشوف السبب لیش اگطعوا بیّه

***

گطعت اویای ظالمنی وهم بیک

تبعتک من صغر سنِی و هم بیک

ابکلامک دوم تجرحنی وهم بیک

غبی او ما تستحی او ذاتک ردیّه

***

ابرذاله الدهر حاربنی وعدنی

الظهر بجیوشه یسحگنی وعدنی

گلتله اخذ ابثاری و عدنی

جبل صامد اذا تهجم علیّه

***

یزامطنی الدهر بالحان و انسان

ابزلازل یحرگ الدیران و انسان

نسانی سیف بالشدّات و انسان

واگص عیب الیخون الوعد بیّه

***

خابص مدمن اشورطک و اهلاک

تحفر لک گبر برضاک واهلاک

ترید اعلن حرب ویّاک و اهلاک

و ارایک الظهر نجم الثریّه

***

للشاعر الشعبی : جاسم ثعلبی الحسّانی) 01/11/1398

ابابوذیّات للخائن و الخائنات

ابعجاج اهل اللیامه او غرگ بالمای

الیضدنی ما گدرنی او شرگ بالمای

ابّطن بحر الخیانه احترگ بالمای

او بگه تذکار للمابیه حمیّه

***

اسولف و المن امن المحن بالوای

ابنار اعدای گلبی انسجن بالوای

ابعدت و تکترّت بالعلن بالوای

تبعنی الخائن او دگ رمحه بیّه

***

الگلب ضایج شسولف شون شلهم

اعلی سدری حمل حایر و اون شلهم

اعلوج الدهورونی ابحزن شلهم

یرب ابضیم و افراگ او اذیّه

***

یلیث اسمع خبر صادج و امرهم

اصحابک دوم غربلهم و امرهم

اختبرهم ضوگ لذّتهم و امرهم

اترکه المر لان ذاته ردیّه

***

الحرگ ناسه ابعناده لا محاله

اجنبی او جندی الرذاله لا محاله

المع اللّه ابضیجه ینجح لا محاله

سقط بیهه الحفر بیر الخویّه

***

اضیفک لا تگول الکار من کار

سلوتی ابیوم اکض الثار من کار

عذابک بالگبر من شار من کار

ازیدک حطب و المشعل بدیّه

***

للشاعر الشعبی : جاسم ثعلبی (الحسّانی) 02/11/1398

ابوذیات مترجمات دوبیتی ترجمه شده

اکحیله الغیره عندک و انت اخیهه

اذیاب استوحدتهه و انت اخیهه

نختّک گوم اجتهه و انت اخیهه

العذر مرفوض للحامی الحمیّه

***

تو اسبِ جنگی و غیرت پسندی

به دادِ طعمه ی گرگان نخندی

اگر خواهر اسیر نیش و دندان

بتاز و عذر خواهی ننگ و گندی

***

الزمان او شتل غصن الامل عنبای

حسب نفسه صدیق المحن عنبای

سلب سلة حیاتی او اکل عنبای

یشر و ایبیع و انا اصفگ بدیّه

***

زمانه آرزوهایم نما کرد

به نامِ دوستی گویا وفا کرد

تصرّف کرد باغ انگورهایم

ترو خشکش فروخت و دل صفا کرد

***

جاسم ثعلبی (حسّانی) 07/12/1398

ما غزر ملح

تشب باب المضیف ابنار شنهی السبب و انت اهطار

یجی یوم او تحن ریتک تشمنه او ما نطب بیهه

عشت ویاک عمر الفات دون اثبات ما غزر ملح بالزاد

مو طاسة غدر تمتاز یا همّاز تشربهه او تبدیهه

ما عندک وفه او لا دین لا صوم او صلاه مسکین

الزجاجه اتحطّمت هیهات تکسرها او تشافیهه

دخانک عمه اعیونی انخطف لونی و اهلی ما یصدگونی

عروس ابذمت العریس و انت ابلیس باسهامک تدمیهه

ملانه العتب و انهار سددت الدروب ابسکته تاخذ ثار

عایفهه ابصهیل الغیم وکت الدیم تکذب منته والیهه

احس دیرة هلی عدهه الریاح اشگوص دون الصوص

تشرب مای بارد وکت حر الصیف خرفان ابصوانیهه

الشارب ما زعل ما رف او صار اکحیل یوم السیل

غرگنه ابلیله ظلمه او نازل الطوفان نار ابنار ما اریدک تطفیهه

اجعلوها فریسه ابحلگ بیت اضباع او حگهه الضاع

ما عدهه ولی الیاخذ الثار ابثار غریبه الدار اسمیهه

جاسم ثعلبی (الحسّانی) 04/03/1399

غریب الدار

تضحک تبتسم تتخطّف اشبیک

بعد ما ارید اشوفک گلبی ترکاک

اشلفاک اتزید بطروشک تغث لیش

طریقک عسر مظلم مانی ویاک

اذا تچسی الشمس بید او گمر بید

غریب الدار اشوفک گلبی ینساک

تنام اعلی المهد و اتفز بالهموم

شفت منک مصایب عزمی کرهاک

گبل چنت افتخر من یمر طاریک

 ابعذاب المر علی باهمومه شافاک

تمر لو ما تمر لو تنده المات

طمرتک و الگبر ظل ینعه ویاک

انچلت رمحک علی وسّدته بالعین

او نزف دمعی او یه دم متحمّل ارباک

تتشمّت تهوّس تگطع ارگاب

الحبل ممدود الک و ابدربی الگاک

جاسم ثعلبی (الحسّانی) 02/03/1399

انا ساری او دمی حار

افتخر بالّی نغذ ربعه و ساری

او دفن سر المجد ذاته و ساری

الثقافه اتلوگ للساری و ساری

اسباع اتجول اهل غیره او حمیّه

الشعب واحد نذم الطائفیّه

***

کض حدک تناغی اغراب فوگ الغاب

السواری الگمر یزهی بالسماء الوانه

تمسهم بالکلام او تشتهی انذم بیک

اعتذر باسرع و کت لا تورط اویانه

احنه الادّبینه الباشا و الخاتون

و اعلنّه الحرب ویه ابن مرجانه

او رفعینه البیارق هوسینه ابللیل

او رکّسنه الیضدنه او غرنه جیرانه

نصر وی ناهی و اعواجه بیادر خیر

متّحده المشایخ من هو یدنانه

لزمنه احدودنه او طلّابت الحگ دوم

او حرّمنه البطل لا یگعد احذانه

تفززنه یطاغی ابلا ثقافه اتگول

ثلثین الثقافه امطرّزه احذانه

علّام او مشایخ عدنه بالدیوان

صنّاع المعاجز زدنه بالوانه

عشیرتنه عریقه و اقراء بالتاریخ

هم شایف سجین او یحب سجّانه

لا تتهم عشیره او تلقی بیهه اللوم

العالم مرتبک و اکرونا هلکانه

ملایین البشر ضاعت دفنهه الموت

اکرونا اویاک اجه مو گاعد اویانه

لچّانه الدهر و انجاهد اعلی العیش

او نسّانه المرض بالعیشه نسّانه

اذا شخصک کریم او تشفی المنکوب

فک السجن للمسجونه ولیلنه

تهایم باطله تترکّب اعلی الحید

و العنده عرف یتبراء بارکانه

الماعنده عرف بیته یضل مهجور

یضل منکوب یگضی عمره بحزانه

بس خلیهه سکته او تفش بالغیض

السبب انت السبب و احمل خطایانه

جاسم ثعلبی (الحسّانی) 06/03/1399

ابوذیّات کلاب البر

اذا لحظه تحس ناسی وهم بیک

اعلی دربک و انتظر جیتک و اهم بیک

جریب او جالس اگبالی وهم بیک

ولو تبعد یزید الحب علیّه

***

الدنیا اجزعت من همهه و سمهه

شربت الکدر من ذمهه و سمهه

بعد ما ارید ضحکتهه و سمهه

جمر تگطف علی صبح او مسیّه

***

الدنیا ما اخالطهه و اشرها

صبی و اتجرعت مرهه و شرها

الف تن غسّلت عرها و شرها

بگه من الفرح کیلو بدیّه

***

اگولن سام لا لا حام بالثام

غریب الدار لا مو تام بالثام

غزانی الفرهدانی العام بالثام

چتفنی او گعد یتطمّش علیّه

***

یون گلبی اشعلامه ما لمیته

علی المال ابندامه ما لمیته

الیزکّی ابجاه لامه مالمیته

الیغش بالناس یحرگ شیب ابیّه

***

طلبت امن اللّه طلبت شاه موتاه

سعید التوصل الرحمات موتاه

الزعل ویه التحبّه الروح مو تاه

یضل فشلان من ایطر ثنیّه

***

تثقف و اکرم الطیبین من جاه

الیفک بابه یفرح التاه من جاه

و الگاطع رحم لاوین منجاه

یموت ابغیضه دنیا او اخریّه

***

اسربن یا اکلاب البر و هیمن

علی البیهم رده زحفن وهیمن

الجازونه ابقدر فرسن و هیمن

الکلب ما اکل لحم الخان اخیّه

***

جاسم ثعلبی (الحسّانی) 12/02/1399

ارد اسافر

ارد اسافر والبس اثیاب الجدیده ، وامشی لدیار المزهیه الچانت النه البیهه صیت

و انزف ادموعی اعلی اهلهه ، و اکشف الهه الذکریات اتزید بالدمعه النهیت

الچنّه بیهه احباب نلتم ، و الفرح معرس علینه ابکل حچینه ، والهنی ایسر المبیت

احساب غربه احنه ابتلینه ، مو بدینه ، اخلافهه الدنیا مظلمه نشرب الذله ابنحیت

و الکرم زاد الضیافه ، الشر ثقافه ، والمضیف انتج خلافه ، والشرف اصبح بخیت

والصدگ ثبت ظلامه ، و الکذب غندب علی البیهم حمایه ، او صایة العاقل نهار

والفلس قصر الاماره ، تاج راس الکل اسیر الشاد خشمه ، او طوعة الزایر مزار

و الشرف نام ابمنامه ، بین گلب البیه بخت و البیه ندامه ، چلمه محبوسه ابشعار

والفقیر الضاع ماله وی حلاله ، امدهور ابحکم العداله ، ابهجمة الشاعر یعار

والهزیل الماله بیهه او لا علیهه ، امشدد ازنوده الفلیهه ، صار للخاتل مطار

الیدری یدری الما دره خله ابنهیته ، علی شخص الغیر دیته ، مثل درب الداوی نار

والضمیر ایدگ مسامیره اعلی گلبی ، الحگ کلاه الثور اس لا تشتکیله ابکل دمار

انا حزنان اویه ذاتی ، والستر لابس عباتی ، حد مماتی ، ابذکریاتی ، او مستمر بالانتظار

افیه محتر مانی بردان ابمطر ینزل بلاوی ، و انا خاوی امن المشاکل عگلی طار

جبل من هم العلیه ، امحمّل او اعثر و اعانی ، کله منک یا زمانی ، امرکّب اهمومی ابقطار

جاسم ثعلبی(الحسّانی) 28/02/1399

قطار الحب

احذرک یا گلب لا تحچی بالمکشوف

بس کافی العتب بس و ارحم ابحالک

اکل و اشرب صبر و الهم عذاب الوان

او عوف البیه رده المایوصل ابشانک

عندک رب کریم امتابع الهانوک

و ایجازی الئیم الدمّر ارجالک

ما الومک عبرت ابحار صعبه او روج

شد اشراع مجدک و الزم احبالک

کواسی بالبحر عطشانه للبیه زود

ما عدهه بخت و اتفردش اعمالک

قطار الحب یسیر ابدرب مای او طین

اویاک اسباع صلفه ابروجه تبرالک

اشتضن الفرح لاجی ینزل امن الغیث

تضوگ المر عمر من بعده یحلالک

شد احزام ظهرک و انا اعرفک عود

مضیفک ما حزن من سرقوا ادلالک

ویاک امسافر و المات ابیومه

جاسم ثعلبی (الحسّانی) 13/02/1399