غزل لا تحزن علی
ما انساک ابد قاسم قسم للموت
و اوصی الروح من بعدی تعازیکم
ما اقبل عذر منهه او تعوفک یوم
بعد موتی او عذابی اتضل تباریک
لان اول حبیب اتعارفت ویاک
او عفت کل شی اعلی مودک و التهت بیکم
صرت مجنون اسولف ویه عزرائیل
او لعبت ابکل فلم بس کون ادش لیکم
اخذ طبعی او چلمتی ما تصیر اثنین
عهد ویاک اضل ساکن محاریکم
اذا جسمی تفلّش روحی تلعب دور
ابحلم تلفی اعلی گلبک و الیعادیکم
تواعدنی احبک و ابغی دوم اویاک
تهمانی الزمان او انتم ابریکم
ما اگلک انسانی بس اگلک فوت
لا تحزن علی الی ما یوافیکم
اهل القیل و القال التهت بالثار
هاجرت ابوکت بچفوفی احنیکم
الک جنه بنیت او گلبی التعبان
انتظر فد یوم نتطابگ و اهنیکم
ضیعت الدرب و الدیره و العنوان
اشما احاول اجربک غیری تلهیکم
مو ملیون احبک جرب الملیار
ابطن لحدی واحب اتراب رجلیکم
اعللگ رایه ابگبری او تزوره الناس
مزار ایصیر زواری التدلیکم
جاسم ثعلبی (الحسانی) 19/04/1394
10/07/2015
:: بازدید از این مطلب : 2001
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
