سفیر الحب

غزل الانتظار

یا لیلو جمرز یا تمر گنــــــــــــطار

مل صبری او کتمتک دمعه بعیونی

انتظرتک لحظه لحظه و الگلب شب نار

دوت بضلوعی جمره او لا تلومونی

اصورک بالخیال اتفاسر انه اویاک

ابکتر ثوبک محنتی او لا تهیجونی

جمعت اهات سدری او جاورت طرواک

بیک الفکر غایر ما تشوفونی

ادگ طبل اللیامه و انحدر حدار

و افز من المشاکل دمی بسنونی

جمالک شع علی و ایعاتب الگناص

شمس یحرگ هواک او دمر امتونی

اشیلک کالطفل و اتناغی بالدلال

او من ثدی الغرام اتساگی بضنونی

طلبته و اندعیت او نذری واجب صار

اریده او گلبی عنده  او لا تمنعونی

جاسم ثعلبی (الحسانی) 13/04/1394

04/07/2015

غزل نصایح و لوایح

لا تفتگ جرح کحل الجرح بالعین

او لا تختل ختل خلهم یشوفونک

الحگ ابزومه عالی اوما تنطحه اجبال

طبیب امن الگمر دلهم یعرفونک

لتواعد وعد واتخونه بالحظات

تتفاخر ابسبهم لو یذمونک

لا تمشی ابدرب ما تعرف الماشاک

تحذر من کلامک لا یغدرونک

لتجالس امیر او مملی گلبه احزان

مو صعبه العماله ابطلقه یرمونک

لتجالس جمال او لا فگر شبعان

تری بتراب رجلیهم یدفنونک

لا تکذب ابگعده او تچی للوجدان

ما یغفر لک الرب من یحلفونک

لا تمشی ابامرهن لا تطخ الراس

اخو الشیطان من عدهن یحسبونک

لتعوف الاخوا باریله وکت الضیج

تفاجی بیهه صدقان الیکرهونک

اتامن بالامانه او خلهه مرود عین

کحّل بیهه گلبک و الیحبونک

اذا تتسلف احگوگ الخلگ یا شیر

حافظ عالامانه لا یضرونک

لا تنکر وصیه او بیهه ناس اشهود

خاف اولادک و اهلک ینکرونک

طیع الرب یصاحب و اقراء بالقران

التعامل من صدگ بافعاله یردونک

لان بیت الگبر ما یاسع الغفران

ولا ثوب الچفن باجیوبه مخزونک

تعوف الاهل و الدار و حلال او خیر

فقیر اتسافر انته او منخطف لونک

و الحد الگبر ربعک یتبعونک

باعماللک حبیبی شو یترکونک

بقلم الشاعر: جاسم ثعلبی (الحسانی) 12/04/1394

03/07/2015

ابوذیات عید میلاد

مبارک عید میلادک و حیّاک

عید ابعید ضافن لک و حیّاک

هدیه الگلب شلعیته و حیّاک

اشتله ابجیب صدرک شمعه الیه

***

نبارک لک الف صاحب و الف عام

او عمر اادم علیه زاید و الف عام

امهنه ابفرح مختص لک و الف عام

امدلل و الاهل  تدی التحیه

***

الف مبروک یا صاحب و الف ضیف

اکرمتنه ابیوم میلادک و الف ضیف

علی الخمسین من عمرک و الف ضیف

عمر نوح اندعیلک فوگه میه

***

فرحت ابیوم میلادک و جاراک

و اقص کعکه ابجفن عینک و جاراک

شهد لی القمر و انجومه و جاراک

الشمس انت الشمس لتعم علیه

***

ما تسوا الزم احزامک ولک لش

ابمسدس و افنی اشرارک ولک لش

تهد گومک علی ترعد ولک لش

دبسک لا تشمت اعدای بیه

***

هزمته التارک الخوان تف راح

او برد فکری ابزلال الهجر تفراح

تهنه یا گلب و احتفل تفراح

الورد بیدک او یمک مزهریه

***

جاسم ثعلبی (الحسانی) 10/04/1394

01/07/2015

غزل بیت الحب

نرجع للعشگ لو عیب صرنه اکبار

یا وسفه العمر خلص ینادینه

محتار امن اعوفه خاف اضل ایتیم

غیر الحب ابد محد یبارینه

جربنه المطر ینزل غضب بالصیف

اذا یعطش زرعنه ابدمعه یسگینه

سماه بیه الکواکب ترشد البحار

الثقافه ابلیه حب ما تنوصف بینه

العشگ نور او کرامه او بیرق الیمشون

قصر دار المحنه ابزیه یشفینه

شوصفک یا عشگ و انت النبض و الروح

نص امن الگلب حاجز معانینه

الکباره ابلا عشگ مثل الچلچ بالمای

تایه منحدر بهمومه یروینه

حسافه اهل العلم ملتهیه بالثوراة

بس بیت العشگ دایم یعازینه

جاسم ثعلبی (الحسانی) 09/04/1394

30/06/2015

ابوذیات ذهبیات

ابیا لحظه ذنب سویت واخطیت

اشما تامرنی بیدک صرت و اخطیت

علی شانک مصایب ضگت و اخطیت

و انت اجفیت ما تنشد علیه

***

ما شفت الگلب ضراک و اندم

ظروفک ما تطابق عشگ و اندم

اعوفک و ابغی وحدک تون وندم

بعد میفید تتحسف علیه

***

حزین او ما فرحت ابغیر بسماک

زفر حبک عدانی اببحر بسماک

ابمنامی اتحلمت من صحت بسماک

یجاوبنی الغدر طاح اباذیه

***

سبانی الولف باع الوطن شرهن

او علی طاحن جبال العسر شرهن

علی نصری المحن ما فاد شرهن

مثل یوسف صرت بیری المنیه

***

علی شانک لشگ الثوب و اردای

او لبس جلدی الهضم و الخجل وردای

ذبل گلبی او دلیلی او ورگ وردای

انتظر معروفکم حتی المنیه

***

ششل شالضم شخیط الجرح لو مد

اشتضن تگدر توگف البحر لو مد

ما الوم الترک خوته لومد

لان عدوان عبثوا بالثنیه

***

منعنی المادره ابعلتّی و اسجن

یهددنی ابمصیر الدفن و اسجن

یخط اسمی او یتیه الامل و اسجن

شسوی بالظلم هیمن علیه

***

الک یشگر شعر دون امر ودیت

ابگلب صافی انحدر من ثمر ودیت

علی حبک جرحنی القدر وادیت

اعوف اشلون و انت المای الیه

***

ابغیابک دگلی حنضل محب و الهم

خایف ما تحس بالمحن و الهم

وصل خنیابه ضر السدر و الهم

اذا تنسانی تلفاک المنیه

***

حلم والگه النحبهم یوم یرعون

او علی اعناد النضدهم حیل یرعون

اجناب الما رعونا ابفکر یرعون

ابلحم جلدتهم الطاحت رمیه

***

جاسم ثعلبی (الحسانی) 07/04/1394

28/06/2015

صوره الشاعر جاسم ثعلبی الحسانی

غزل مجبورین

مجبورین نذکر من ذکرنا ابخیر

الحسبونا صله الهم عاتبونه

اهدونا ابصبرهم اجمل الاحساس

او سکنونا ابگلبهم ما نسونه

ارید احچی ابصلافه او گلبی دم ملچوم

السبب شنهی یعینی او فارگونه

ارید ایطیب جرحی و اتبع المنهوب

ادوی اشموع گلبی من یجونه

ملیت او ترست الوادی دمعی ایسیل

ابسراب اعذارهم شو عذبونه

شچیت امن الدهر کاتلنی صوته اینوح

احبابی ابعشرة الذل محنونه

بنینه ابیوت لمتهم صفت للغاگ

ابحلم مرات بالهم هدمونه

ارجع یا ولف صافی العگل ویاک

هلک گبل الحساده تیهونه

جاسم ثعلبی (الحسانی) 06/04/1394

27/06/2015

غزل برق رخت

کی هستی نادان بی وفا ، با نرمی ناز نازی نکن

خیلی خطرناکِ دلم ، با اشک آن بازی نکن

دشمن سر سخت قدر ، گوینده ی باز خبر

در تهمت و داد لبت ، هر بیطرف قاضی نکن

نه عطر تو نه روح تو ، نه گلنواز روی غش

می گرده چرخ روزگار، قلبت زخود راضی نکن

دنیا و سیر قصه ها ، داروغه ها گل خانه ها

میان دشت و بوته ها ، دردت آوازی نکن

می خندم از لطف دلت ، ظهر است و رعد بی بهاء

تو خلوت برق رخت ، مردانگی تازی نکن

می بارد از جبین تو ، کفر و دمار روزگار

غرقی تو دریای گنه ، دل نبر طنازی نکن

جاسم ثعلبی (حسانی) 04/04/1394

25/06/2015

مهرجان الشعر الشعبی

دله او مضیف او رسیف او موجوده الاجواد

هل نشف شط کارون من طگ الزناد ؟

***

اجیتک ما یردنی القیل و القال

اکرمک ما یهمنی الفتن و القال

تستاهل کثیرانذعن و القال

نصیر اثنین و انحارب سویه

***

السوالف حگ المخالف و حقکم

باسمهن سلّبوا حقی و حقکم

تریدون اسمع الباطل و حقکم

یکفرنه الوکت باذن الخفیه

***

مشتاق الوصالک وین یفلان

المصایب من ذکر طرواک یفلان

اعیونک ما یخیطن جرح یفلان

من یا بلد متحمل علیه

***

ابوسک بالصور کل یوم ساکت ما تحاچینی

من گلبک ردت عنوان ما تقبل تدلینی

کلامک ترمی بیه اطواب مجروح او یدمینی

دعیتک لابد اچندوب ادور وانت یم عینی

***

سولف لا تظم خلینی برجاک

اشیل اهموم منک و اندعیلک

تگرب لی یغالی  جالس احذاک

الدرب معسور حبی خلنی اشیلک

لا تهتم اجیتک حامل اعلام

او رجیف العین یشرب من همیلک

هذا انا ضربت الباب وانساب

تحب لو ما تحب باشر دلیلک

اصیرن زلزله و الهم لک اهموم

و اغسل گلبک او ما ظن اسی لک

اخذ رقم الضیافه او باشر الضیف

او علی سدرة غرامک و انتچی لک

تعال اجدم یخی تانیتک اهوای

کحیل العین اظن میرن صهیلک

الشاعر الشعبی :

جاسم ثعلبی (الحسانی) 03/04/1394

24/06/2015

غزل لمع المضارب

شد احزام ظهرک و الزم السیف

خل نسمع صهیل او دبکت الخیل

استمع دگ الحوافر یشلع الگاع

او لو مرن عزمهن یشبه السیل

رایات النصر عطشانه لحسین

او من لمع المضارب یبرج الحیل

لا تبرد تضن منشوله الگلوب

و لا تعسرعبالک عطسه و اتشیل

جبل عزمک ثگل ما هزه الریح

الجرح خنیب قهر ما صادق الویل

مشتوله الرماح ابدار الاجباب

و القاضی بخل ما وزن الکیل

المضایف عرست بخلت بالافراح

المهر دمجوه قصب بالگهوه و الهیل

حسافه اسباع نامت تنطر انجوم

او حیرنی الوکت من عبروا التیل

الشمس ما نامت او ضحّت بالافکار

التعب بزنود اهلنه امسهر اللیل

جاسم ثعلبی (الحسانی) 01/04/1394

23/06/2015