سفیر الحب

مدونة الشاعرجاسم ثعلبی (الحسّانی) فی اللغه العربیه و الفارسیه

ابوذیات صید النهار

ابوذیات صید النهار

خذت گلبی یخاطف شاک ویاک

ضمیرک عذباک ابلاک ویاک

الیضدنی قشمراک اوراک ویاک

یریدک کون بس تزعل علیه

***

اشترکت ابهمک او ضیمک ولفراح

او طحنت الگلب بفراگک ولفراح

احلمت بالطیف شد ضعنه ولفراح

او لگیت ابگعدتی ادموعی سریه

***

نسوا تعبی او سهر لیلی بنایای

او جفونی او هدمت قصری بنایای

سمعت الطارش ایحشم بنایای

یعود الصکر ما یترک خویه

***

یریت الیوم اود الگاک و شفاک

انجرح گلبی ابوصالک حاک وشفاک

یریت ابخدک اجعل ماک و شفاک

واضل مطلوب الک و احسب علیه

***

ولچ روحی الگصه ابحبی ولچ مات

الشفت لوعاته بگلیبی ولچپ مات

گطع حبل الوصل هیدی ولچ مات

ترکنی او شلت تابوته بدیه

***

طبیب الحب او دایه صیدلیه

او یصید اطیور حره صیده الیه

اطلبت منه عذابی صیدلیه

یگلی اعتاد بی تالیتک اتراب

***

کلام المحب وکت الزعل یوجار

هموم اهوای وسط الگلب یوجار

السیاسه ما تفید الگفل لو جار

الزمان الدرسه او ذبه علیه

***

ما خاب العگل من ثگل من شار

الحلیم المنتصر بالصبر من شار

یجر وایهد غضب مندفع من شر

السلامه اتلوگ اله او ذاته الابیه

***

ما فسّر حیاته ابخطر من هاد

ایتبلل بالکراهه او قهر من هاد

گطع من الثقافه الفکر من هاد

او یضل کل عمره مندوم الخویه

***

من مثلی تحمّل الم من شاف

او علی الطیبات ازیدن حلم من شاف

انتظرت احبابی قبل البصر من شاف

راسی انصبغ و انا انتظر جیه

***

یرف الجفن گلبی ابحذر من جای

او دریت المحب من کل الم من جای

لگیت افلان اجانی او دخل من جای

اجه اینجینی ناجیته ابحمیه

***

طبول الغضب تحرگ شعب من خان

او تلم اخیار کل العرب من خان

عساه یلبس عبایه او ذهب من خان

الیطشر الخوه محراث البلیه

***

عبر شط الغرام القصد من گاش

او کسب عزة الواجف حصد من گاش

الزمن ضمانی جمره ابعجد من گاش

یریح الغیر و آنا النار بیه

***

یحوفه الوکت وکت العسر من حاف

او یزلزل بالرجوله الهتر من حاف

تروح اهل المراجل غدر من حاف

او تضل ادیارهم وحشه او خلیه

***

کسب لذّت حیاته الانس من عاف

او رسوم البیهه ترقه البشر من عاف

جبت عمری اخیّط و اشد من عاف

یجی البطران و ایشگ القضیه

***

شفت دمعی علیک انبهل من سال

او شفت گلبی ابعذابک ذبل من سال

غرگت ابروج حاط الوفگ من سال

اشیل ایدی او تغطسنی ابردیه

***

صدیج الما یقدرک دوم مره

عسل وکله ابمرورک و اخذ مره

تحذر لو باموره ایشیر مره

تفرده امن الاهل حتی المنیه

***

جاسم ثعلبی (الحسانی) 08/05/1394

30/07/2015

 

 

:: بازدید از این مطلب : 2231
| امتیاز مطلب : 8| تعداد امتیازدهندگان : 3
نویسنده : jasemsalabi تاریخ : پنج‌شنبه 08 مرداد 1394 دیدگاه‌ها (0)

غزل صندوگ الگلب

غزل صندوگ الگلب

انا ابگلبی سوالف تجرح السچین

و اتشیب الطفل و اتعلی طلباته

اخاف الطوف یسمع صیحت البگال

و ابسوگ العرب یحرج ابچلماته

اخاف النجمه تسمع طیف الیفسرون

و اخاف الگمر یسجن غمزة ارداته

و اخاف ابگلبی ینسم من کثر ما ناح

و اخاف الورد ینغث تبلی رایاته

سوالف مو سوالف مو عشگ لا موت

ابطن صندوگ الاسود تلگه محناته

لو تسقط جمرتی او بیه شبت نار

ابد ما یحترگ و امبطن ابذاته

تلگونه یشع و امبطّن الچفین

و ابزود اهل العطف متکفیه رداته

شسولف لو متت ینطرنی ملک الموت

اخاف ابطن گبری ایراوی شداته

ما اخاف الملک خل یکتب اشما راد

ولا اخاف المذله اتجند اسباته

اخاف امی تجر حسره اعلی موت الدین

و اخافن گلب ابوی ایعلی دگاته

لا تعنینی دایخ و الهم المسمار

لان عمک امیر ابنوره محلاته

تعالوا نفتگ اوحیده او نخیط البال

من بین السوالف تشفی مداته

اخذ های الچبیره و اضغط الرز زین

ینادیک الولف مسلوبه ضحکاته

سلبوها الخرس بامر الملک طرّوش

او زفوها القصرهم وکت میغاته

او شفت ماعت البسمه او حزنت ال هالیوم

ما لبست هچع مکروهه دگاته

ترید العزه ما تقبل نفس بطران

ترید اکحیل فارس منوه گعداته

سجلی یا شمس شوفی الظلم مکشوف

محبوب الحبیبه ایراوی فلگاته

یجد قاضی العداله او منصبه ابدنیاه

بس للغاوی طبعه ایبین املاته

الفقیر المثلی لا قاضی و لامندوب

اذا طاح ابمصیبه اتزود طبراته

اللهی انت ربی لو ربات الجور

ما اشوفن تحاسب کل من ابذاته

اشو ذاکه یزید الشرب دم احسین

او شد المعرکه او معروفه هجماته

او نفس هذا السلوب اتکرر او موجود

الفقیر افراشه بردی او تخفی چیلاته

العنده افلوس عایش ملک جاه او مال

والماعنده تذبل بیده ورداته

لیش الناس متسلحه ابحروف الدین

تتظاهر مضیف او عالی گصباته

تغصب مال و املاک او تجرد انفوس

ملیان الفقر بالحومه منباته

ارید الله او رسوله او حیدر الکرار

یفرج اهموم اهلنه ابحلمه و آیاته

کتلنه المستحی و الذله و الحرمان

او قصر البیه رده ما نوگف ابخاته

و الحافوا امعرسه او عدهه ست اخوان

او گلصوها اببحر و انتخه ابمداته

او جبروها تسلم محبس المحبوب

یتمایل دمعها ابگلبی صدعاته

ما غمض جفن ما هود الدلال

مکتوب الغدر و احگوگه ردعاته

فرشینه الصبر و اتکحلینه ابعار

شهم سیف الهجر معروفه ضرباته

او تعلمنه الوفاء من زینب او عباس

و اذا مسنه العسر ما تکفی بوساته

نرجع الصاع بالصاع او الف صاعات

یسر یصبح جثث بالحومه خشباته

تحذر یالخنتنه او لا تنام اللیل

اکل واشرب ابدمنه او تلگه ندماته

خادم اهل البیت:

جاسم ثعلبی (الحسانی) 07/05/1394

29/07/2015

 

 

 

 

:: بازدید از این مطلب : 2213
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : چهارشنبه 07 مرداد 1394 دیدگاه‌ها (0)

موال و ابو ذیات معطرات

موال و ابو ذیات معطرات

من هو الی وسط البحر صاغ الخطر مایله

او من هو الی زاد العسل من الحشر مایله

او من هو الی جفف فصم من المطر مایله

او من هو الیغنی ابنغم ناطور الصله سامعه

کل من یصدگ الکذب بهلول او فشل سامعه

و الضاگ عسر الوکت صیحاته انصفت سامعه

و الی یخون الوعد لو یحثر ابد مایله

***

الدهر خلخل نیاب الحب و شلهه

ادموع اسیاد من درها و شلهه

استمع و اکتم حرگ ذمها و شلهه

مگابر رکدت ابعین الخفیه

***

انجلب گلبی ابدلالک حار و انهار

او عبر لجلک معاصی ابنار و انهار

اللیالی ما شکت لک جار و انهار

تحس بدموعی تتشمت علیه؟

***

عزیز او بالگلب دارک و نحباک

ابهواک اشتم عطر هجرک و نحباک

غرگت ابلوم عدوانک و نحباک

اکلنی الهم بغی بس چف ادیه

***

تدگ تلطم تخل لونک و ناراک

سحر ساحرنی بعیونک و ناراک

اشتعلت ابلمعت اسنونک و ناراک

انتظر طیبک یرد روحی علیه

***

جاسم ثعلبی (الحسانی) 06/05/1394

28/07/2015

 

 

:: بازدید از این مطلب : 2630
| امتیاز مطلب : 17| تعداد امتیازدهندگان : 5
نویسنده : jasemsalabi تاریخ : سه‌شنبه 06 مرداد 1394 دیدگاه‌ها (0)

دبکه باسم علیک ابداعت امک لا تاذینی

دبکه باسم علیک ابداعت امک لا تاذینی

***

من یوم العرفتک بالگلب طبیت

طردت اهلی او عمامی او صرت راعی البیت

متملک صرت و ابقصرک اتهنیت

تدلل علی تزهی ابدمع عینی

علیک ابداعت امک لا تاذینی

***

علیک ابداعت امک ارحم ابحالی

یتیم ابروضة الحب و المحب غالی

حبک و العهد یحرگ ابدلالی

اذکرک  بالرسایل و انت ناسینی

علیک ابداعت امک لا تاذینی

***

علیک ابداعت امک هود اشویه

کتلنی الهم حبیبی او حیل ما بیه

عرفت الحب درسته ابکل معانیه

وحق رب التعبده ابدربه دلینی

علیک ابداعت امک لا تاذینی

***

ملیت او تعبت امن السهر ویاک

تقصیر الگلب یوم الذی حباک

کل عید الیجی اول نفر هناک

الحواجب هدفت و ابرمشه ترمینی

علیک ابداعت امک لا تاذینی

***

ترسل لی ابشعر و اتغیر الوانی

او تتعیل علی و اتهیج الحانی

و ابدار القوافی چنی زندانی

انذرک نار کبری لا تبارینی

علیک ابداعت امک لا تاذینی

***

علیک ابداعت امک لا تطیر ابعید

ثبت لی ابکلامک لا تشد الاید

لا تکذب علی یابه الکذب میفید

زلال او مای بارد لا تبدینی

علیک ابداعت امک لا تاذینی

***

دلینی اعلی بیتک خلنی اشوفنک

و ابدار الضیافه او حیل ابوسنک

و ابموج السدر بهدای اشمنک

امن اهمومی او عذابی یابه سلینی

علیک ابداعت امک لا تاذینی

***

ابوک استضعفانی او هل عزل دیتی

شاف السیف یمی او یمی چفیتی

یخزرنی ابکراهه او نگّص ابصیتی

دعیت الله او رسوله منه یحمینی

علیک ابداعت امک لا تاذینی

***

من الشاعر الشعبی :

جاسم ثعلبی (الحسانی) 04/05/1394

 

26/07/2015

:: بازدید از این مطلب : 2260
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : یکشنبه 04 مرداد 1394 دیدگاه‌ها (0)

اغنیه و ابو ذیات یحن گلبی

اغنیه و ابو ذیات یحن گلبی

ابصراحه احچی غدرنی العشگ و دیت

ابجناح الطیر صوبک عتب ودیت

انجرح گلبی ابغیابک یخل ودیت

یطیبنی امن اشوفک تمر بیه

***

شفت حبک ابسدری انچمد و الهم

جرعت الصبر صار ادوای و الهم

یگلبی ال ترکوک او جفوا والهم

تتابعهم عبث تلگه الاذیه

***

زمانی اشگد علیه احباب ودر

وزنهم صاعد اعلی الذهب ودر

یریت الی اودهه ابستر ودر

او تسلی الروح و اتنور الثنیه

***

یحن گلبی ارد اشوفک مو بدیه

ولک مجروح گلبی انشد علیه

خیطته ابصبر و اتحملت آه

تالیت العشگ ضیم او اذیه

***

اودی اطروش الک خاطر تجینی

ما هود علی نوحی او ونینی

الناس امساهره و امرحبه الاحباب

و انه ابفرگاک ضل یکثر سحینی

***

انجرح گلبی علی الغیاب ما طاب

والله اتهدمت من فرگه الاحباب

ولا غایب و اگولن یمکن ایعود

اعاتبمن یگلبی تحت الاتراب

***

یحن گلبی علیک اسهر و اعانی

نظرتک بالدرب و امشی و اتانی

عندی اویاک چلمه ابطاری الاجناب

حبک عم علیه او مرضانی

***

ولک رحت او عفتنی او گلبی بیدک

شلعته امن السدر دامی او یریدک

عطشان او طلب بس شربت المای

نگط له او دمع عینی یزیدک

***

ولک غار الغزل بعیونی اهوای

ولک لجلک گطعت الزاد و المای

اخبرک ما تجی واتسلی الروح

ولک مجروح گلبی او جیتک ادوای

***

اشمالک ما تحن عینک جویه

تخلف بالوعد و اتعم علیه

ردت بس لحظه اشوفک و اختم العید

تدوی ابنار گلبی انه اشبدیه

***

اگلک خلنی اشوفک تشرد ابعید

لا فادگ مرض لا جیت العید

مطروح او عفتنی اتکترت لیش

بعد موتی تزور الگبری ما ارید

***

جاسم ثعلبی (الحسانی) 03/05/1394

25/07/2015

 

 

 

:: بازدید از این مطلب : 2369
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : جمعه 02 مرداد 1394 دیدگاه‌ها (0)

غزل ای بی وفا

غزل ای بی وفا

گفته بودم عاشقت هستم و لیکن بی صدا

گفته بودم بی تو می میرم نشو از من جدا

دوست دارم همدمت باشم و رمز خندهات

تا که دلبندت شدم از خویشتن راندی مرا

دل فروشی می کنی دلال بی نام و نشان

با غرورم می خرم طناز بی چون و چرا

قصد رفتن داری و محتاج طوق و ریسمان

بی گمان بگذشت جان سخت است از مرداب ما

دل پریشانم از این دلدادگی آوارگی

سخت بیزارم ز کوچ بلبلان از خود رها

آنچه در بازار گرمت می خری نامش دل است

نزد اربابان مرجان زرنگاران آشنا

سنگ بی تابی مزن بر فرغ سر مهرش گران

معضل دردم شدی مرگم شدی ای بی وفا

جاسم ثعلبی (حسانی) 02/05/1394

 

24/07/2015

:: بازدید از این مطلب : 2020
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : جمعه 02 مرداد 1394 دیدگاه‌ها (0)

غزل نار کبری

غزل نار کبری

روح او لا ترد خلینی ارید انساک

تعبت اویاک عمری او ما شفت طیبک

تتحسد علی و الچتلی قاصد لیش

مثل الشمس بالجو و اکشف ابعیبک

ولک رب الخلقنی ما یجوز اویای

تزامطنی او تغثنی من کثر شیبک

حملتک ورده بیدی و اشتم ابطرواک

و اغرد بالهوا و اسمع التغریدک

صرت حیه ابحیاتی او تکتم الدغات

عگرب چنت تلسع بیه متفیدک

تحل واتشد مشاکل تصنع الصدمات

حفرت البیر جدامی او هدم بیتک

تتمرحب چذب و اعیونک اتدث نار

ما اخاف الغدر میهمنی تهدیدک

ربیت اویاک من طبعک عرفت الغیض

لا تکذب بعد و اتظاهر ابعیدک

تفتل بالفتن و اتراوی روحک حید

ولک یا حید بید النسوه تمجیدک

اعلمک و اعتقد تتعلم الطیبات

اشو ما فاد تعلومی او سقط صیتک

تفتل بالشوارب تلفظ ابایات

ولک یا آیه تصدق بیها تعریبک

راهنتک حبیب او تشفی الدلال

لگیتک نار کبری اتشگگ ابزیجک

هم تدری الشجر صیته فیای البیه

تشلع قصنه تعبث والطبر بیدک

عساها اببخت کلمن رهمانی اویاک

الگلب کش من طلقتک ما حمل صیدک

یرید العزه و العیشه او یضل تمثال

ابدوار الثقافه او یخشی تسلیبک

جاسم ثعلبی (الحسانی) 31/04/1394

 

22/07/2015

:: بازدید از این مطلب : 2246
| امتیاز مطلب : 274| تعداد امتیازدهندگان : 74
نویسنده : jasemsalabi تاریخ : سه‌شنبه 30 تیر 1394 دیدگاه‌ها (0)

ابوذیات طلقات تایهات

ابوذیات طلقات تایهات

اعلی گلبی اهموم اقسمه ابنظر یو رای

او علی الطیبین اوزعه او یفر یورای

ابعناده الی تقدم علی یورای

سبوس ابشلب ما عنده تچیه

***

الکبر ما ینوکل عاصی ثماراه

او ضوگ الشهم من طبعه ثماراه

التبع مرته بعزوبیته ثماراه

یضل طعمه بشع و ایغث خویه

***

بصمت ابدمی صلحی اویاک و نهار

الوصالک تعبتنی اللیال و نهار

 عبرت الطاعتک ابار و انهار

ترید اتجازی حبی ابطلقه بیه

***

جاسم ثعلبی (الحسانی) 30/04/1394

 

21/07/2015

:: بازدید از این مطلب : 2131
| امتیاز مطلب : 7| تعداد امتیازدهندگان : 2
نویسنده : jasemsalabi تاریخ : سه‌شنبه 30 تیر 1394 دیدگاه‌ها (0)

قصیده یوم شفتک

قصیده یوم شفتک

یوم شفتک

یوم ضفتک

حاتم الطایی عرفتک

و اعلی شانک فتّحت کل الدروب

اوگلبی بفراگک یذوب

اول وآخر حیاتی

چلمت اسمک

لبط بالسانی او ندبتک

الدنیا شرجی

او مای بارد

و العطش غثنی او شربتک

یا هواک النسم ابداری المحنه

من تفارگنه او سهرنه

بیتک ابگلبی مکانه

اشلون امنعک

چن ضحیه

ابحبل زلفک

شبگونی

اتچتفت بثنین ادیه

للضیوف

اویای کثره امن الضحایا

امعلگه ابحبک تحوف

لمعة اعیونک تکرهب

تذبح ابراسی و اروف

و الجدور اتفور یمک

بیهه الف جثه او تطوف

و انت متهنی ابغرفتک

یا حسافه الحب جلبنه

او یبس احلامه مطرنه

ما هربنه

او لا نهبنه

صرنه للیاکل سفوف

انشافی مرضی

او ما ترکتک

حتی صار افرور لحمی

او گلبی ینبض من سکتّک

یا محنتک

یا محنتک

من عرفتک

جاسم ثعلبی (الحسانی) 30/04/1394

 

21/07/2015

:: بازدید از این مطلب : 2253
| امتیاز مطلب : 0| تعداد امتیازدهندگان : 0
نویسنده : jasemsalabi تاریخ : دوشنبه 29 تیر 1394 دیدگاه‌ها (0)

غزل مجروح الگلب

غزل مجروح الگلب

مجروح الگلب دم ینزف الشریان

ضمّدنی الصبر بوهامه لفانی

ترکت الذکریات او رکزت بالدین

او طلبت الموهبه من ربی دلانی

داریتک هوا من السماء للگاع

لان اسمک حبیب اترید تنسانی

نشف شاطی بسمتک بالدموع ایعیل

وگفت اعلی اللیامه او صحت هذا آنی

ادگ بهمومی حنضل و الهم اچندوب

مرمرنی مرامک لو تحب ثانی

انتظرتک و الشفایف تهمس ابترحیب

متعمد عذابک و انت سجّانی

ما اطوف الرده حبک صبح چتال

یسحرنی ابسحوره ابصومه دلانی

الناس اتصوم تعبد بس شهر رمضان

و انا کل سنتی صایم ربی شافانی

مثل طیر المدلل لا یطیر ابعید

او لا ینکض بالاید ابجرحی لچمانی

ولک والله ابتلیت ابعشرت السلطان

تتمرحب چذب و امغیر الوانی

عطش گلبی اعلی شوفک و التهب نیران

امص بالگاع احسب بلچی تروانی

یا گلبی انچویت ابجمره تشوی النار

قسمتک من نصیب اشمالک اتعانی

تهز شجرة وصالک و انتظر رمان

طعم مس الشفایف خدر السانی

طعم رمان سدره ایکثر احزانی

جاسم ثعلبی (الحسانی) 29/04/1394

20/07/2015

 

 

 

:: بازدید از این مطلب : 2165
| امتیاز مطلب : 23| تعداد امتیازدهندگان : 7
نویسنده : jasemsalabi تاریخ : دوشنبه 29 تیر 1394 دیدگاه‌ها (0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید