أُغنیّة إلیوم إجه إلمحبوب
نزل مثل إلغزاله إو زرگ شفته
حمره إو تشبه إلرمّان شفته
علی حبنه إشحچه و إشگال شفته
یحب لو بس یرید إیعیل بیّه
...
إلیوم إجه إلمحبوب و أگبل علیّه
بیده إلورد فرحان قدّم هدیّه
زعلان و إیرید إنتراضه
إو بإلشوگ داعینی إبفراضه
یا مرحبا بإلضیف بأجمل تحیّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
لابس إلنظاره و إلساعه بإلید
و إلزلف عل صوبین نازل علی ألخد
و إلعطر ما أوصفنّه إشلون
و إلراس مصبوغ إبألف لون
و إبحبّه داوی إبنار حگّی إلأذیّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
یمشی هچع بإلسوگ من مر علی إلباب
شاتل إلتیله فوگ و إعیونه دولاب
شال إلعبایه إو کشف زیجه
سکران ما یندل طریجه
إتگرّب لی أظن جای حامل له وصیّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
طر إلدرب مجنون و إیخل بإلمتون
إبعینه یرامی إسهام و إیطگ بإلعیون
إتلاگیت عین إبعین ویّاه
یدرینی أحبّه و أنا أهواه
بیده إلرقم بسکوت خلّاه بدیّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
أشّرلی لفتت راس ودّعنی یومی
أحس گلبی راح إویاه إو خلانی أحومی
خلّانی أون إو تاه بالی
ضیّعت کل صبری إو دلالی
کل یوم أمر أتنطّره صبح إو مسیّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
إشما أتّصل له إو کررت شو ما یحاچینی
یگطع وصاله إبسکتته نار إو یدوینی
کل إلعمر یا ریته ویّای
یترک أحبابه إو یگعد إحذای
تاج إعلی راسی إیصیر و إسمه إلهویّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
سکّرنی عطره من أشمّه إو دمّرانی
و إبگلبی ضمّیته عزیز إو دولبانی
من یغضب إیغثنی إبشراره
إیعاند إو میبدّل قراره
إیطالبنی بعیونه من نگعد سویّه
إلیوم إجه إلمحبوب و أگبل علیّه
بیده إلورد فرحان قدّم هدیّه
...
جاسم ثعلبی ألحسّانی 01/03/1401
:: بازدید از این مطلب : 1333
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
